ಹಳಿಗಳ ಮೂಲಕ ಗ್ರಾಮಗಳಿಗೆ ನೀರು; ಲಾಲೂ ಹೊಸ ರೈಲು!

ಮುಂಬಯಿ, ಸೆ.28 : ಕೇಂದ್ರ ರೈಲ್ವೆ ಸಚಿವ ಲಾಲೂ ಪ್ರಸಾದ್ ಯಾದವ್ ನೀರಿನ ಸಮಸ್ಯೆಗೆ ಹೊಸ ಪರಿಹಾರ ಸೂಚಿಸಿದ್ದಾರೆ. ಅವರ ಈ ಯೋಜನೆ ಕಾರ್ಯಗತವಾದರೆ ಭಾರತದ ಸಾಕಷ್ಟು ಗ್ರಾಮಗಳಿಗೆ ನೀರು ಸಿಗುವುದರಲ್ಲಿ ಅನುಮಾನವಿಲ್ಲ.

ರೈಲ್ವೆ ಹಳಿಗಳ ಅಕ್ಕಪಕ್ಕ ಪೈಪ್ ಹಾಕಿ ಅಗತ್ಯವಿರುವ ಕಡೆಗೆ ಕುಡಿಯುವುದಕ್ಕೆ ಮತ್ತು ಕೃಷಿಗೆ ಈ ನೀರನ್ನು ಒದಗಿಸುವುದು ಲಾಲೂರವರ ಹೊಸ ಯೋಜನೆ.

ಲಾತೂರ್‌ನಲ್ಲಿ ಲಾತೂರು-ಉಸ್ಮಾನಾಬಾದ್ ಹಾಗೂ ಲಾತೂರ್-ಮುಂಬೈ ರೈಲು ಸೇವೆಯನ್ನು ಪ್ರಾರಂಭಿಸಿದ ಬಳಿಕ ಮಾತನಾಡಿದ ಲಾಲೂ , ರೈಲ್ವೆ ಭೂಮಿ ಮತ್ತು ಹಳಿಗಳು ಸಾಗಿರುವ ಕಡೆ ಆಪ್ಟಿಕಲ್ ಫೈಬರ್ ಕೇಬಲ್‌ಗಳನ್ನು ಹಾಕಿ ದೇಶದಲ್ಲಿ ಹೊಸ ಸಂಪರ್ಕ ಕ್ರಾಂತಿಯನ್ನು ತರಬಹುದು. ಹೀಗೆ ಮಾಡಿ ಒಬ್ಬ ಖ್ಯಾತ ಉದ್ಯಮಿಗಿಂತಲೂ ಅಧಿಕ ಹಣವನ್ನು ರೈಲ್ವೆ ಇಲಾಖೆಗೆ ತರಬಹುದು ಎಂದು ಹೇಳಿದರು.

(ಏಜನ್ಸೀಸ್)