ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಅಬ್ದುಲ್ ಕಲಾಂ ಜೊತೆ ಮಾತುಕತೆಗೆ ಹೊಸ ವೆಬ್ ಸೈಟ್
ಚೆನ್ನೈ, ಜುಲೈ 27 : ಮಾಜಿ ರಾಷ್ಟ್ರಪತಿ ಎ.ಪಿ.ಜೆ.ಅಬ್ದುಲ್ ಕಲಾಂ ಅವರ ಹೊಸ ವೆಬ್ ಸೈಟ್ ಗುರುವಾರ ರಾತ್ರಿ ಆರಂಭಗೊಂಡಿದೆ.
ಹೊಸ ವೆಬ್ ಸೈಟ್ www.abdulkalam.comನಲ್ಲಿ ಕಲಾಂಗೆ ಸಂಬಂಧಿಸಿದ ಎಲ್ಲಾ ವಿವರಗಳು ಲಭ್ಯ. ಹಿಂದಿನ ರಾಷ್ಟ್ರಪತಿ ವೆಬ್ ಸೈಟ್ ನಲ್ಲಿದ್ದ ಕಲಾಂ ವಿಚಾರಗಳನ್ನು ಈ ವೆಬ್ ಸೈಟ್ ಗೆ ಸೇರಿಸಲಾಗಿದೆ. ಅಣ್ಣಾ ವಿಶ್ವವಿದ್ಯಾಲಯದಲ್ಲಿ ನಡೆದ ಸರಳ ಸಮಾರಂಭದಲ್ಲಿ ವೆಬ್ ಸೈಟ್ ಗೆ ಕಲಾಂ ಚಾಲನೆ ನೀಡಿದರು.
ವಿದ್ಯಾರ್ಥಿಗಳು ಮತ್ತು ಸಾರ್ವಜನಿಕರು, ನನ್ನೊಂದಿಗೆ ಇ-ಮೇಲ್ ಮುಖಾಂತರ ಸಂವಹನ ನಡೆಸಬಹುದು. ನಿಮ್ಮ ಪ್ರಶ್ನೆಗಳಿಗೆ ಉತ್ತರ ನೀಡಲು ನಾನು ಪ್ರಯತ್ನಿಸುತ್ತೇನೆ ಎಂದು ಕಲಾಂ ಹೇಳಿದರು.
ಮೊದಲ ದಿನವೇ ಈ ಅಂತರ್ಜಾಲ ತಾಣಕ್ಕೆ 13,828 ಮಂದಿ ಭೇಟಿ ನೀಡಿದ್ದಾರೆ.ಅಭಿಮಾನಿಗಳು ಮತ್ತು ವಿದ್ಯಾರ್ಥಿಗಳ ಜೊತೆ ಸಂವಾದ ನಡೆಸಲು ಕಲಾಂ ಅವರಿಗೆ, ಈ ವೆಬ್ ಸೈಟ್ ಸಹಾಯಕವಾಗಲಿದೆ.
(ದಟ್ಸ್ ಕನ್ನಡ ವಾರ್ತೆ)
Comments
Story first published: Friday, July 27, 2007, 5:30 [IST]