ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ರಾಷ್ಟ್ರಪತಿ ಅಬ್ದುಲ್ ಕಲಾಂ ಅಂದ್ರೆ ಸುಮ್ನೆ ಅಲ್ಲ.. ಗೊತ್ತಾ?
ನವದೆಹಲಿ : ನಾಲ್ಕು ದಿನಗಳ ಫ್ರಾನ್ಸ್ ಮತ್ತು ಗ್ರೀಸ್ ಪ್ರವಾಸಕ್ಕಾಗಿ ರಾಷ್ಟ್ರಪತಿ ಅಬ್ದುಲ್ ಕಲಾಂ ಮಂಗಳವಾರ ಪ್ರಯಾಣ ಬೆಳೆಸಿದ್ದಾರೆ.
ಕಲಾಂ ಇಲ್ಲಿಂದ ನೇರವಾಗಿ ಸ್ಟ್ರಾಸ್ಬರ್ಗ್ಗೆ ತೆರಳಲಿದ್ದಾರೆ. ಅವರು ಏಪ್ರಿಲ್ 25ರಂದು ಯೂರೋಪಿಯನ್ ಸಂಸತ್ತು ಉದ್ದೇಶಿಸಿ ಮಾತನಾಡಲಿದ್ದಾರೆ. ಆ ಮೂಲಕ ಈ ಗೌರವ ಪಡೆದ ಮೊಟ್ಟಮೊದಲ ಭಾರತೀಯ ಅಧ್ಯಕ್ಷ ಎಂಬ ಕೀರ್ತಿಗೂ ಪಾತ್ರರಾಗಲಿದ್ದಾರೆ. ‘ಡೈನಮಿಕ್ಸ್ ಆಫ್ ಯೂನಿಟಿ ಆಫ್ ನೇಷನ್ಸ್’ ಎಂಬ ವಿಚಾರವಾಗಿ ಅವರು ಭಾಷಣ ಮಾಡಲಿದ್ದಾರೆ.
ಏಪ್ರಿಲ್ 26ರಂದು ಗ್ರೀಸ್ನ ರಾಜಧಾನಿ ಅಥೆನ್ಸ್ಗೆ ಅವರು ಪ್ರಯಾಣಿಸಲಿದ್ದಾರೆ. ಈ ಸಂದರ್ಭದಲ್ಲಿ ದ್ವಿಪಕ್ಷೀಯ ಹೂಡಿಕೆ, ವಿಜ್ಞಾನ-ತಂತ್ರಜ್ಞಾನ ಸೇರಿದಂತೆ ಭಾರತ ಮತ್ತು ಗ್ರೀಸ್ ನಡುವೆ ಮೂರು ಮಹತ್ವದ ಒಪ್ಪಂದಗಳು ಏರ್ಪಡುವ ನಿರೀಕ್ಷೆಯಿದೆ. ಏಪ್ರಿಲ್ 28ರಂದು ಅವರು ಭಾರತಕ್ಕೆ ವಾಪಸಾಗಲಿದ್ದಾರೆ.
(ಯುಎನ್ಐ)
Story first published: Tuesday, April 24, 2007, 5:30 [IST]