ತುಟ್ಟಿಭತ್ಯೆ ಹೆಚ್ಚಳ : ಕೇಂದ್ರ ನೌಕರರಿಗೆ ಯುಗಾದಿ ಗಿಫ್ಟ್‌ !

ನವದೆಹಲಿ : ಕೇಂದ್ರ ಸರ್ಕಾರಿ ನೌಕರರಿಗೆ ಯುಗಾದಿಗೆ ಭರ್ಜರಿ ಕೊಡುಗೆ ಸಿಕ್ಕಿದೆ! ಸರ್ಕಾರ ನೌಕರರ ತುಟ್ಟಿಭತ್ಯೆಯನ್ನು ಶೇ.6ರಷ್ಟು ಹೆಚ್ಚಿಸಿದೆ. ಪಿಂಚಣಿದಾರರಿಗೂ ಇದು ಅನ್ವಯವಾಗಲಿದೆ.

ಕೇಂದ್ರ ಸಚಿವ ಸಂಪುಟ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದ್ದು, ಈ ವರ್ಷದ ಜನವರಿಯಿಂದ ಹೆಚ್ಚುವರಿ ತುಟ್ಟಿಭತ್ಯೆ ಅನ್ವಯವಾಗಲಿದೆ. ಪ್ರತಿಯಾಬ್ಬ ಕೇಂದ್ರ ಸರ್ಕಾರಿ ನೌಕರನಿಗೆ ಮೂಲವೇತನದ ಶೇ. 3.5ರಷ್ಟು ತುಟ್ಟಿ ಭತ್ಯೆ ದೊರೆಯಲಿದೆ.ನೌಕರರು ಹೆಚ್ಚುವರಿ ವೇತನವನ್ನು ಮಾರ್ಚ್‌ ತಿಂಗಳ ವೇತನದೊಂದಿಗೆ ಪಡೆಯಲಿದ್ದು, 2 ತಿಂಗಳ ಬಾಕಿಯನ್ನೂ ವಿತರಿಸಲಾಗುತ್ತದೆ.

ಈ ನಿರ್ಣಯದಿಂದ ಕೇಂದ್ರ ಸರ್ಕಾರಕ್ಕೆ ಈ ಹಣಕಾಸು ವರ್ಷದಲ್ಲಿ 3,900 ಕೋಟಿ ರೂ. ಹೆಚ್ಚುವರಿ ಹೊರೆ ಬೀಳಲಿದೆ. ನಿವೃತ್ತರಿಗೂ ತುಟ್ಟಿಭತ್ಯೆ ಪರಿಹಾರವನ್ನು ಪ್ರಕಟಿಸಲಾಗಿದ್ದು, ಇದರ ಮೊತ್ತ ವರ್ಷಕ್ಕೆ 1,079 ಕೋಟಿ ರೂ.ಗಳಾಗಲಿದೆ.

ಮಿತಿ ಹೆಚ್ಚಳ : ಕೇಂದ್ರ ಅನುದಾನಿತ ಶಿಕ್ಷಣ ಸಂಸ್ಥೆಗಳಲ್ಲಿ ಕೆಲಸ ಮಾಡುತ್ತಿರುವ ಶಿಕ್ಷಕ ಶಿಕ್ಷಕಿಯರ ನಿವೃತ್ತಿ ವಯೋಮಿತಿಯನ್ನು ಕೇಂದ್ರ ಸರ್ಕಾರ ಹೆಚ್ಚಿಸಿದ್ದು, 62 ವರ್ಷಗಳಿಗೆ ಬದಲಾಗಿ, ಇನ್ನು ಮುಂದೆ 65 ವರ್ಷಕ್ಕೆ ನಿವೃತ್ತರಾಗಬಹುದು ಎಂದು ಕೇಂದ್ರ ವಾರ್ತಾ ಸಚಿವ ಪಿ.ಆರ್‌. ದಾಸ್‌ಮುನ್ಷಿ ಹೇಳಿದ್ದಾರೆ.

(ಏಜನ್ಸೀಸ್‌)