ಕನ್ನಡೇತರರಿಗೆ ಕನ್ನಡ ಕಲಿಸಲು ಈ ಅವಕಾಶ ಬಳಸಿಕೊಳ್ಳಿ!

ಬೆಂಗಳೂರು : ಕನ್ನಡಿಗರು ಕನ್ನಡ ಬಳಸಿದರೆ ಸಾಲದು. ಕನ್ನಡೇತರರು ಕನ್ನಡ ಮಾತನಾಡಬೇಕು. ಕನ್ನಡೇತರರಿಗೆ ಕನ್ನಡ ಕಲಿಯುವ ಆಸೆ ಇದ್ದರೂ, ಕಲಿಯುವ ಅವಕಾಶಗಳು ಬಹು ಕಡಿಮೆ! ಈ ನಿಟ್ಟಿನಲ್ಲಿ ಒಂದು ಪ್ರಯತ್ನ ಆರಂಭವಾಗುತ್ತಿದೆ.

ನಗರದ ಜನ ಹಿತ ರಕ್ಷಣಾ ಸಮಿತಿ, ಕನ್ನಡೇತರರಿಗೆ ಕನ್ನಡ ಕಲಿಸಲು ಮುಂದಾಗಿದೆ. ಮೂರು ತಿಂಗಳ ಈ ಉಚಿತ ಕೋರ್ಸ್‌ನಿಂದ ಕನ್ನಡ ಮಾತನಾಡುವುದು ಮತ್ತು ಬರೆಯುವುದು ಸಾಧ್ಯವಾಗುತ್ತದೆ. ಮಲ್ಲೇಶ್ವರಂನಲ್ಲಿ ತರಗತಿಗಳು ನಡೆಯಲಿವೆ. ಆಸಕ್ತರು ಹೆಚ್ಚಿನ ವಿವರಗಳಿಗೆ ಸಂಪರ್ಕಿಸಬೇಕಾದ ದೂರವಾಣಿ ಸಂಖ್ಯೆ -32950196.

ಐಟಿ ಮತ್ತಿತರ ಕ್ಷೇತ್ರಗಳಲ್ಲಿ ಕಾರ್ಯನಿರ್ವಹಿಸುವ ಕನ್ನಡೇತರರ ಮನವೊಲಿಸಿ, ಕನ್ನಡ ಕಲಿಸುವ ಪ್ರಯತ್ನ ಮಾಡಬೇಕು. ಇಂತಹ ತರಗತಿಗಳ ಬಗ್ಗೆ ಆಸಕ್ತಿ ಮೂಡುವಂತೆ ಮಾಡುವುದು ಕನ್ನಡಿಗರ ಜವಾಬ್ದಾರಿ.

(ದಟ್ಸ್‌ ಕನ್ನಡ ವಾರ್ತೆ)