ಸ್ಕೈಬಸ್‌ಎನ್ನುವ ತೂಗುರೈಲು ; ಸಾರಿಗೆ ರಂಗದಲ್ಲಿ ಅಪರೂಪದ ಸಾಧನೆ

ಸ್ಕೈಬಸ್‌ಎನ್ನುವ ತೂಗುರೈಲು ; ಸಾರಿಗೆ ರಂಗದಲ್ಲಿ ಅಪರೂಪದ ಸಾಧನೆ
ಕೊಂಕಣ ರೈಲ್ವೆಯ ಹೆಮ್ಮೆಯ ಕೊಡುಗೆ ದೇಶಕ್ಕೆ ಅ.15 ರಂದು ಸಮರ್ಪಣೆ

ಕೊಂಕಣ ರೈಲ್ವೆಯ ಮಹತ್ವಕಾಂಕ್ಷೆಯ ಯೋಜನೆಯಾದ ಸ್ಕೈಬಸ್‌ ನಿಲ್ದಾಣ, ಗೋವಾ ರಾಜ್ಯದ ಮಡಗಾಂವ್‌ ಬಳಿ ಪ್ರಯೋಗಿಕವಾಗಿ ಚಲಿಸುವುದರೊಂದಿಗೆ ಪ್ರಪಂಚದ ನಗರ ಸಾರಿಗೆ ವ್ಯವಸ್ಥೆಯಲ್ಲಿ ಕ್ರಾಂತಿಕಾರಿ ಬದಲಾವಣೆಗೆ ನಾಂದಿ ಹಾಡಿತು.

ಕೇಂದ್ರ ರೈಲ್ವೆ ಸಚಿವ ಲಾಲೂ ಪ್ರಸಾದ್‌ ಯಾದವ್‌ ಅಕ್ಟೋಬರ್‌ 15ರಂದು ವಿಶ್ವಕ್ಕೆ ಅಧಿಕ್ತುತವಾಗಿ ಈ ಹೊಸ ತಂತ್ರಜ್ಞಾನವನ್ನು ಸಮರ್ಪಣೆ ಮಾಡಲಿದ್ದಾರೆ. 1.6 ಕಿ.ಮೀ ವ್ಯಾಪ್ತಿಯ ಸ್ಕೈಬಸ್‌ ಮತ್ತು ವಿನೂತನ ಫ್ಲೈಓವರ್‌ ರೈಲ್ವೆ ಟ್ರ್ಯಾಕ್‌ ನಿರ್ಮಾಣಕ್ಕಾಗಿ ಕೇಂದ್ರವು 50 ಕೋಟಿ ರೂ.ಗಳನ್ನು ಮಂಜೂರು ಮಾಡಿತ್ತು.

ಮಂಡಗಾಂವ್‌ ರೈಲ್ವೆ ನಿಲ್ದಾಣದಲ್ಲಿ ಕೊಂಕಣ ರೈಲ್ವೆ ವ್ಯವಸ್ಥಾಪಕ ಬಿ.ರಾಜಾರಾಮ್‌, ಪ್ರಾಯೋಗಿಕವಾಗಿ ಚಾಲನೆ ನೀಡಿದರು. ಈ ಮೂಲಕ ಕೊಂಕಣ ರೈಲ್ವೆ ಜಾಗತಿಕ ಮಟ್ಟದಲ್ಲಿ ಗಮನ ಸೆಳೆಯಿತು. ಈ ಸ್ಕೈಬಸ್‌ ಭೂಮಿಯಿಂದ ಆರು ಮೀ. ಎತ್ತರದಲ್ಲಿ ಟ್ರ್ಯಾಕ್‌ಗೆ ಜೋತುಕೊಂಡು ಸಾಗುತ್ತದೆ. ಸ್ಕೈಬಸ್‌ ಚಾಲನೆ ಸಂಪೂರ್ಣ ಕಂಪ್ಯೂಟರೀಕೃತವಾಗಿದ್ದು , ಸ್ವಯಂ ಚಾಲಿತ ಯಂತ್ರಗಳನ್ನು ಅವಲಂಭಿಸಿದೆ.

ವೆಚ್ಚ, ಸುರಕ್ಷತೆ, ಉತ್ತಮ ಸೇವೆ ಇತ್ಯಾದಿ ಎಲ್ಲ ದೃಷ್ಟಿಯಿಂದ ಸ್ಕೈಬಸ್‌ ಅನುಕೂಲಕರ. ಸ್ಕೈಬಸ್‌ ತಂತ್ರಜ್ಞಾನವನ್ನು ಬೇರೆ ರಾಷ್ಟ್ರಗಳಿಗೆ ನೀಡುವ ಮೂಲಕ ಆದಾಯ ಗಳಿಸಲು ವ್ಯಾಪಕ ಅವಕಾಶಗಳಿವೆ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು