ಗುರ್ತಿನ ಚೀಟಿ ಇಲ್ಲವಾ? ಚಿಂತೆ ಬೇಡ, ವೋಟು ಚಲಾಯಿಸಬಹುದು

ಗುರ್ತಿನ ಚೀಟಿ ಇಲ್ಲವಾ? ಚಿಂತೆ ಬೇಡ, ವೋಟು ಚಲಾಯಿಸಬಹುದು
ನಿಮ್ಮ ವಿಳಾಸ ದೃಢೀಕರಿಸಲು ಯಾವುದಾದರೊಂದು ಅಧಿಕೃತ ದಾಖಲೆ ಹಾಜರುಪಡಿಸಿದರೆ ಸಾಕು.

ಮುಂಬರುವ ಚುನಾವಣೆಗಳಲ್ಲಿ ವೋಟು ಚಲಾಯಿಸಲು ಗುರುತಿನ ಪತ್ರ ಕಡ್ಡಾಯವಾ? ಗುರುತಿನ ಪತ್ರ ಇಲ್ಲದವರು ಏನು ಮಾಡಬೇಕು ? ಯೋಚನೆ ಬೇಡ, ಇಲ್ಲಿವೆ ಪರಿಹಾರ ಮಾರ್ಗಗಳು.

ಏಪ್ರಿಲ್‌ 20 ಮತ್ತು 26 ರಂದು ನಡೆಯಲಿರುವ ಎರಡು ಹಂತದ ವಿಧಾನಸಭೆ ಮತ್ತು ಲೋಕಸಭೆ ಚುನಾವಣೆಯಲ್ಲಿ ಮತ ಚಲಾವಣೆ ಮಾಡಲು ಗುರುತಿನ ಪತ್ರ ಕಡ್ಡಾಯವೇನಲ್ಲ . ಮತ ಚಲಾಯಿಸುವ ಅರ್ಹತೆ ಹೊಂದಿರುವ ಅಭ್ಯರ್ಥಿಗಳು ಮತಗಟ್ಟೆಯ ಅಧಿಕಾರಿಗೆ ಈ ಕೆಳಗಿನ ದಾಖಲೆಗಳಲ್ಲಿ ಯಾವುದಾದರೊಂದನ್ನು ತೋರಿಸಿ ಮತ ಚಲಾವಣೆ ಮಾಡಬಹುದು.

• ಪಾಸ್‌ಪೋರ್ಟ್‌
• ಡ್ರೈವಿಂಗ್‌ ಲೈಸೆನ್ಸ್‌
• ಪಾನ್‌(ಪಿ.ಎ.ಎನ್‌) ಕಾರ್ಡ್‌
• ರೇಷನ್‌ ಕಾರ್ಡು
• ರಾಜ್ಯ ಅಥವಾ ಕೇಂದ್ರ ಸರ್ಕಾರದ ಸೇವೆಯಲ್ಲಿರುವ ಗುರುತಿನ ಪತ್ರ
• ಬ್ಯಾಂಕ್‌ ಪಾಸ್‌ಬುಕ್‌/ಕಿಸಾನ್‌ ಪತ್ರ/ ಅಂಚೆ ಕಛೇರಿ ಪಾಸ್‌ಬುಕ್‌
• ವಿದ್ಯಾರ್ಥಿಗಳ ಕಾಲೇಜಿನ ಗುರುತಿನ ಚೀಟಿ (ಮಾರ್ಚ್‌ 31, 2004 ರೊಳಗೆ ನೀಡಿರತಕ್ಕದ್ದು)
• ಜಾತಿ ಪ್ರಮಾಣಪತ್ರ
• ಪಿಂಚಣಿ ದಾಖಲು ಪತ್ರಗಳು
• ರೈಲ್ವೆ ಸಿಬ್ಬಂದಿ ಐಡಿ
• ಸ್ವಾತಂತ್ರ್ಯ ಹೋರಾಟಗಾರರ ಐಡಿ
• ದೈಹಿಕ ಅಂಗವಿಕಲತಾ ಪತ್ರ.

ಮೇಲಿನವುಗಳಲ್ಲಿ ಯಾವುದಾದರೂ ಒಂದು ನಿಮ್ಮ ಬಳಿ ಇರಲೇಬೇಕಲ್ಲ ! ಆ ದಾಖಲೆಯನ್ನು ಈಗಲೇ ಹುಡುಕಿ ಎತ್ತಿಟ್ಟುಕೊಳ್ಳಿ ; ಚುನಾವಣೆ ಹೊಸ್ತಿಲಲ್ಲಿದೆ. ವೋಟು ಚಲಾಯಿಸುವುದು ನಿಮ್ಮ ಹಕ್ಕಷ್ಟೇ ಅಲ್ಲ , ಕರ್ತವ್ಯವೂ ಹೌದು.

(ಏಜನ್ಸೀಸ್‌)

ಮುಖಪುಟ / ಕುರುಕ್ಷೇತ್ರ-2004