ಕಾಳ್ಗಿಚ್ಚು , ನಾಗರಹೊಳೆ ಉದ್ಯಾನಕ್ಕೆ ಸಾರ್ವಜನಿಕರ ಪ್ರವೇಶವಿಲ್ಲ

ಕಾಳ್ಗಿಚ್ಚು , ನಾಗರಹೊಳೆ ಉದ್ಯಾನಕ್ಕೆ ಸಾರ್ವಜನಿಕರ ಪ್ರವೇಶವಿಲ್ಲ
ಮಾರ್ಚ್‌ 1ರಿಂದಲೇ ನಿಷೇಧ ಜಾರಿ, ಬೆಂಕಿ ಹತೋಟಿಗೆ ಸಮರ ಸಿದ್ಧತೆ

ಕಾಳ್ಗಿಚ್ಚಿನ ಭೀತಿಯಿಂದಾಗಿ ನಾಗರಹೊಳೆ ರಾಜೀವ ಗಾಂಧಿ ರಾಷ್ಟ್ರೀಯ ಉದ್ಯಾನಕ್ಕೆ ಸಾರ್ವಜನಿಕರ ಪ್ರವೇಶವನ್ನು ಮುಂಜಾಗ್ರತಾ ಕ್ರಮವಾಗಿ ನಿಷೇಧಿಸಲಾಗಿದೆ.

ನಾಗರಹೊಳೆ ಉದ್ಯಾನಕ್ಕೆ ಸಾರ್ವನಿಕರ ಪ್ರವೇಶವನ್ನು ಮಾರ್ಚ 1ರಿಂದಲೇ ಜಾರಿಗೆ ಬರುವಂತೆ ನಿಷೇಧಿಸಲಾಗಿದೆ. ನಾಗರಹೊಳೆ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿನ ಕಾಳ್ಗಿಚ್ಚು ಹತೋಟಿಗೆ ಬರುವವರೆಗೂ, ಅನಿರ್ದಿಷ್ಟ ಕಾಲ ಈ ನಿಷೇಧ ಮುಂದುವರಿಯಲಿದೆ ಎಂದು ಪ್ರಾಜೆಕ್ಟ್‌ ಟೈಗರ್‌ನ ಕ್ಷೇತ್ರ ನಿರ್ದೇಶಕರು ತಿಳಿಸಿದ್ದಾರೆ.

ಅರಣ್ಯ ಸಿಬ್ಬಂದಿ ಹಾಗೂ ಲಭ್ಯವಿರುವ ಎಲ್ಲ ವಾಹನಗಳನ್ನೂ ಬೆಂಕಿ ಹತೋಟಿಗೆ ತರಲು ಬಳಸಿಕೊಳ್ಳಲಾಗುವುದು. ಈ ಹಿನ್ನೆಲೆಯಲ್ಲಿ ಸಫಾರಿ ಹಾಗೂ ವಸತಿಗೃಹಗಳಲ್ಲಿ ಸಾರ್ವಜನಿಕರು ಉಳಿದುಕೊಳ್ಳುವುದನ್ನು ನಿಷೇಧಿಸಲಾಗಿದೆ.

ಬೇಸಗೆಯಲ್ಲಿ ಕಾಳ್ಗಿಚ್ಚು ಸ್ವಾಭಾವಿಕವಾದರೂ, ಈ ಬಾರಿ ಕಾಳ್ಗಿಚ್ಚಿನ ಬೇಗೆ ತೀವ್ರತರವಾಗಿದೆ. ಕಾಳ್ಗಿಚ್ಚನ್ನು ಹತೋಟಿಗೆ ತರಲು ಅರಣ್ಯ ಸಿಬ್ಬಂದಿ ಯಮ ಸಾಹಸ ಪಡುತ್ತಿದ್ದಾರೆ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು