ಭಾರತದಿಂದ ಮೈಕ್ರೋ ಪ್ರೊಸೆಸರ್‌ ನಿಯಂತ್ರಿತ ರೈಲು ಇಂಜಿನ್‌

ಭಾರತದಿಂದ ಮೈಕ್ರೋ ಪ್ರೊಸೆಸರ್‌ ನಿಯಂತ್ರಿತ ರೈಲು ಇಂಜಿನ್‌
ಅಮೇರಿಕಾದ ನಂತರ ಭಾರತದಿಂದ 4,000 ಅಶ್ವ ಶಕ್ತಿ ಸಾಮರ್ಥ್ಯ ಇಂಜಿನ್‌ ಅಭಿವೃದ್ಧಿ

4,000 ಅಶ್ವ ಶಕ್ತಿ ಸಾಮರ್ಥ್ಯವುಳ್ಳ ಹೊಸ ತಲೆಮಾರಿನ ಮೈಕ್ರೊಪ್ರೊಸೆಸರ್‌ ನಿಯಂತ್ರಿತ ಡೀಸೆಲ್‌ ಚಾಲಿತ ರೈಲ್ವೆ ಇಂಜಿನ್‌ ಯಂತ್ರವನ್ನು ಭಾರತ ತಯಾರಿಸಿದೆ.

ಸುಮಾರು 58 ಬೋಗಿಗಳನ್ನು ಕೊಂಡೊಯ್ಯುವ ಸಾಮರ್ಥ್ಯವನ್ನು ಈ ಯಂತ್ರ ಹೊಂದಿದೆ. ಈ ಯಂತ್ರದ ಅಭಿವೃದ್ಧಿಯಿಂದಾಗಿ ಅಮೇರಿಕಾದ ನಂತರ ಇಂಥದೊಂದು ತಂತ್ರಜ್ಞಾನ ತಯಾರಿಸಿದ ಕೀರ್ತಿಗೆ ಭಾರತ ಭಾಜನವಾಗಿದೆ. ‘ಡೀಸೆಲ್‌ ಲೋಕೊಮೊಟಿವ್‌ ವರ್ಕ್ಸ್‌, ವಾರಣಾಸಿ’ ಈ ಯಂತ್ರವನ್ನು ತಯಾರು ಮಾಡಿದೆ. ಇದು ಭಾರತೀಯ ರೈಲ್ವೇ ವಿಭಾಗದಲ್ಲಿ 58 ಬೋಗಿ ಸರಕು ಸಾಗಾಟ ಸಾಮರ್ಥ್ಯದ ಏಕೈಕ ರೈಲ್ವೇ ಇಂಜಿನ್‌.

ಅಮೇರಿಕಾದ ‘ಜನರಲ್‌ ಮೊಟಾರ್ಸ್‌ ಫ್ಯಾಕ್ಟರಿ’ಯ ಹೊರತಾಗಿ ಬೇರ್ಯಾರೂ ಇಂಥಹ ತಂತ್ರಜ್ಞಾನವನ್ನು ಈವರೆಗೂ ಹೊಂದಿರಲಿಲ್ಲ. ಈ ಹಿಂದೆ 150 ಕಿ.ಮಿ. ವೇಗ ಸಾಮರ್ಥ್ಯದ ಪ್ರಯಾಣಿಕರ ರೈಲನ್ನು ಭಾರತೀಯ ರೈಲ್ವೆ ತಯಾರಿಸಿ, ಕೊಂಕಣ ರೈಲ್ವೇಯಲ್ಲಿ ಪರೀಕ್ಷಿಸಿ ಯಶಸ್ವಿಯಾಗಿತ್ತು. ಅಂತರ್‌ನಗರ ಸಂಚಾರಕ್ಕಾಗಿ ಕಡಿಮೆ ದೂರ ಪ್ರಯಾಣದ ರೈಲೊಂದನ್ನು ಸಹ ತಯಾರಿಸಿತ್ತು.

(ಪಿಟಿಐ)

ಮುಖಪುಟ / ವಾರ್ತೆಗಳು