• search

ಸಕ್ಕರೆ ಕಾರ್ಮಿಕರ ಕಹಿ ಬದುಕು: ಕಣ್ತೆರೆದು ನೋಡಯ್ಯ ಎಸ್ಸೆಂ.ಕೃಷ್ಣ !

By Staff
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಸಕ್ಕರೆ ಕಾರ್ಮಿಕರ ಕಹಿ ಬದುಕು: ಕಣ್ತೆರೆದು ನೋಡಯ್ಯ ಎಸ್ಸೆಂ.ಕೃಷ್ಣ !
    ಪಾಂಡವಪುರ ಸಕ್ಕರೆ ಕಾರ್ಖಾನೆಯ ಕಾರ್ಮಿಕರು ಹಾಗೂ ಅವರ ಕುಟುಂಬಗಳಿಂದ ಚುನಾವಣೆಗೆ ಬಹಿಷ್ಕಾರ

    ಮೈಸೂರು : ನಾಗಮಂಗಲದಲ್ಲಿ ನಡೆದ ನಂಗಾನಾಚ್‌ನಿಂದಾಗಿ ಕಾಂಗ್ರೆಸ್‌ ಪಕ್ಷ ಮುಜುಗರ ಅನುಭವಿಸುತ್ತಿದ್ದರೆ, ಇನ್ನೊಂದೆಡೆ ಮುಖ್ಯಮಂತ್ರಿ ಎಸ್ಸೆಂ.ಕೃಷ್ಣ ತವರಿನಲ್ಲೇ ಅನೇಕ ಸಮಸ್ಯೆ ಎದುರಿಸುತ್ತಿದ್ದಾರೆ. ಅವುಗಳಲ್ಲೊಂದು- ಪಾಂಡವಪುರ ಸಕ್ಕರೆ ಕಾರ್ಖಾನೆಯ ಕಾರ್ಮಿಕರದು.

    ಪಾಂಡವಪುರ ಸಹಕಾರಿ ಸಕ್ಕರೆ ಕಾರ್ಖಾನೆಯ 400ಕ್ಕೂ ಹೆಚ್ಚು ಕಾರ್ಮಿಕರು ಹಾಗೂ ಅವರ ಕುಟುಂಬಗಳು ಮುಂಬರುವ ವಿಧಾನಸಭೆ ಚುನಾವಣೆಗಳಿಗೆ ಸಾಮೂಹಿಕ ಬಹಿಷ್ಕಾರ ಹಾಕಿದ್ದಾರೆ. ಅಷ್ಟೇ ಅಲ್ಲ - ರಾಜ್ಯದಲ್ಲಿನ ಎಲ್ಲ ಸಕ್ಕರೆ ಕಾರ್ಖಾನೆಗಳ ಕಾರ್ಮಿಕರೂ ಚುನಾವಣೆ ಬಹಿಷ್ಕರಿಸುವಂತೆ ಪ್ರಯತ್ನಗಳನ್ನು ನಡೆಸಲು ಪಾಂಡವಪುರದ ಕಾರ್ಮಿಕರು ನಿರ್ಧರಿಸಿದ್ದಾರೆ.

    ಸಕ್ಕರೆ ಕಾರ್ಖಾನೆಯ ಕಾರ್ಮಿಕರು ಚುನಾವಣೆಗಳನ್ನು ಬಹಿಷ್ಕರಿಸಿರುವ ಕಾರಣ ಇಷ್ಟೆ : ಕಳೆದ ಎರಡು ಅವಧಿಗಳಿಂದ ಪಾಂಡವಪುರ ಸಕ್ಕರೆ ಕಾರ್ಖಾನೆ ಕಬ್ಬು ಅರೆಯುವುದನ್ನೇ ನಿಲ್ಲಿಸಿದೆ. ಗಾಣ ತಿರುಗದಿದ್ದ ಮೇಲೆ ಸಂಬಳದ ಮಾತೆಲ್ಲಿಂದ ಬಂತು ? ಕಳೆದ 10 ತಿಂಗಳಿಂದ ಕಾರ್ಮಿಕರು ಸಂಬಳದ ಮುಖವನ್ನೇ ಕಂಡಿಲ್ಲ . ಹೀಗಿರುವಾಗ ಕಾರ್ಮಿಕರ ಕುಟುಂಬದ ಸದಸ್ಯರ ಮುಖಗಳಲ್ಲಿ ನಗು ಎಲ್ಲಿಂದ ಬರಬೇಕು ?

    ರಾಮಣ್ಣ ಎನ್ನುವ ಕಾರ್ಮಿಕನ ಕಥೆಯನ್ನೇ ಕೇಳಿ. ಈತ ಪಾಂಡವಪುರ ಸಕ್ಕರೆ ಕಾರ್ಖಾನೆಯಲ್ಲಿ ಕಂಪ್ಯೂಟರ್‌ ಆಪರೇಟರ್‌. ಕಳೆದ 14 ತಿಂಗಳಿಂದ ರಾಮಣ್ಣನಿಗೆ ಸಂಬಳ ಬಂದಿಲ್ಲ . ದೊಡ್ಡ ಸಂಸಾರವಿದೆ. ಹಸಿದ ಹೊಟ್ಟೆಗಳಿಗೆ. ದುಡಿಯಲು ಆಸಕ್ತಿಯೂ ಇದೆ. ಸಂಬಳ ಮಾತ್ರ ಇಲ್ಲ !

    ನಮಗೆಲ್ಲಾ ಸಂಸಾರಗಳಿವೆ. ಮಕ್ಕಳಿವೆ. ಮಕ್ಕಳನ್ನು ಸ್ಕೂಲಿಗೆ ಕಳಿಸಬೇಕು. ಸಂಬಳ ಕೊಡದಿದ್ದರೆ ಹೇಗೆ ? ಹಬ್ಬಕ್ಕಾಗಿ 500 ರುಪಾಯಿ ಮುಂಗಡ ಕೊಡಿ ಎಂದರೂ ಕಾರ್ಖಾನೆ ಆಡಳಿತ ಮಂಡಳಿ ನಿರಾಕರಿಸಿದೆ ಎಂದು ಕಾರ್ಮಿಕರು ಅಳಲು ತೋಡಿಕೊಳ್ಳುತ್ತಾರೆ. ಈ ಪರಿಸ್ಥಿತಿಯಿಂದಾಗಿಯೇ ಚುನಾವಣೆಗೆ ಬಹಿಷ್ಕಾರ ಹಾಕಲು ನಿರ್ಧರಿಸಿದ್ದಾರೆ.

    ಇಲ್ಲಿ ಉದ್ಯೋಗ ಭದ್ರತೆಯೂ ಇಲ್ಲ . 25 ವರ್ಷಗಳಿಂದ ಸೇವೆ ಸಲ್ಲಿಸಿರುವ 173 ತಾತ್ಕಾಲಿಕ ಉದ್ಯೋಗಿಗಳು, ಮೊನ್ನೆಯಷ್ಟೇ ಕೆಲಸ ಕಳಕೊಂಡು, ಸಂಬಳವಿಲ್ಲದೆ ಮನೆಗೆ ಹೋಗಿದ್ದಾರೆ. ಕಳೆದ ಕೆಲವು ತಿಂಗಳಲ್ಲಿ 8 ಮಂದಿ ಕಾರ್ಮಿಕರು ಸಾವನ್ನಪ್ಪಿದ್ದಾರೆ. ಈ ಸಾವುಗಳಿಗೆ ಕಾರಣ ಸೂಕ್ತ ಚಿಕಿತ್ಸೆ ಪಡೆಯಲು ಸಾಧ್ಯವಾಗದೆ ಇರುವುದು ಎಂದು ಪಿ.ರಾಮಚಂದ್ರ ಎನ್ನುವ ನೌಕರ ದೂರುತ್ತಾರೆ.

    ಟೀವಿಗಳಲ್ಲಿ ನೊಂದವರ ಕಣ್ಣೊರೆಸುವ, ವಿಧಾನಸಭೆಯಲ್ಲಿ ಚೈತನ್ಯಶೀಲ ಕರ್ನಾಟಕದ ಮಾತನಾಡುವ ಮುಖ್ಯಮಂತ್ರಿ ಎಸ್ಸೆಂ.ಕೃಷ್ಣ ಪಾಂಡವಪುರದ ಕಾರ್ಮಿಕರತ್ತ ಕಣ್ಣೆತ್ತಿ ನೋಡಬಾರದೆ ?

    (ಇನ್ಫೋ ವಾರ್ತೆ)

    Post your views


    ಮುಖಪುಟ / ಕೃಷ್ಣಗಾರುಡಿ

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more