ಭಾರತೀಯ ಪಂಜಾಬ್ ವರ್ಸಸ್ ಪಾಕಿಸ್ತಾನ ಪಂಜಾಬ್ ಕ್ರಿಕೆಟ್!
ಭಾರತೀಯ
ಪಂಜಾಬ್
ವರ್ಸಸ್
ಪಾಕಿಸ್ತಾನ
ಪಂಜಾಬ್
ಕ್ರಿಕೆಟ್!
ಪಟಿಯಾಲ
ಸಾಂಸ್ಕೃತಿಕ
ಉತ್ಸವದ
ಅಂಗವಾಗಿ
ಪಂಜಾಬ್ಗಳ
ನಡುವೆ
ಕ್ರಿಕೆಟ್
ಪ್ರಸ್ತಾವನೆ
ಸದ್ಯಕ್ಕೆ ಪಂಜಾಬ್ ವರ್ಸಸ್ ಪಂಜಾಬ್ ನಡುವಿನ ಕ್ರಿಕೆಟ್ ಪಂದ್ಯದ ಪ್ರಸ್ತಾವನೆ ಕಾಗದದ ಮೇಲಿದೆ.
ಭಾರತ ಹಾಗೂ ಪಾಕಿಸ್ತಾನ್ ಎರಡೂ ರಾಷ್ಟ್ರಗಳಲ್ಲೂ ಪಂಜಾಬ್ ಹೆಸರಿನ ರಾಜ್ಯಗಳಿವೆ. ಈ ಎರಡೂ ರಾಜ್ಯಗಳ ತಂಡಗಳ ನಡುವೆ ಹಬ್ಬದ ಕ್ರಿಕೆಟ್ ಪಂದ್ಯ ಆಡಿಸುವ ಚಿಂತನೆ ಭಾರತದ ಪಂಜಾಬ್ನಲ್ಲಿ ಹುಟ್ಟಿಕೊಂಡಿದೆ. ಈ ಕುರಿತು ಪಂಜಾಬ್ ಮುಖ್ಯಮಂತ್ರಿ ಕ್ಯಾಪ್ಟನ್ ಅಮರಿಂದರ್ ಸಿಂಗ್ ಈಗಾಗಲೇ ಕಾರ್ಯ ತತ್ಪರರಾಗಿದ್ದಾರೆ.
ಕೇಂದ್ರದ ಕ್ರೀಡೆ ಮತ್ತು ಯುವಜನ ಖಾತೆ ಸಚಿವ ವಿಕ್ರಂ ವರ್ಮ ಅವರಿಗೆ ಪಂಜಾಬ್ಗಳ ನಡುವಿನ ಕ್ರಿಕೆಟ್ ಪಂದ್ಯದ ಕುರಿತು ಅಮರಿಂದರ್ ಸಿಂಗ್ ಪತ್ರ ಬರೆದಿದ್ದಾರೆ. ಪತ್ರ ಬರೆದಿರುವುದಷ್ಟೇ ಅಲ್ಲ , ಜ.22ರ ಗುರುವಾರ ಕೇಂದ್ರ ಸಚಿವರನ್ನು ಖುದ್ದು ಭೇಟಿ ಮಾಡಿದ ಅಮರಿಂದರ್ ಸಿಂಗ್ ಭೇಟಿ ಮಾಡಿದ್ದಾರೆ. ಸಚಿವ ವಿಕ್ರಂ ಸಿಂಗ್ ಪಂಜಾಬ್ ಕ್ರಿಕೆಟ್ಟಿಗೆ ಹಸಿರು ನಿಶಾನೆಯನ್ನು ತೋರಿಸಿದ್ದಾರೆ.
ಪಂಜಾಬ್ ಕ್ರಿಕೆಟ್ ಕೌನ್ಸಿಲ್ ಕೂಡ ಈ ಕ್ರಿಕೆಟ್ ಪಂದ್ಯದ ಕುರಿತು ಅತ್ಯಾಸಕ್ತಿ ಹೊಂದಿದ್ದು , ಪಾಕಿಸ್ತಾನದ ಪಂಜಾಬ್ ಕ್ರಿಕೆಟ್ ಕೌನ್ಸಿಲ್ ಜೊತೆ ಮಾತುಕತೆ ಆರಂಭಿಸಿದೆ. ಆದರೆ, ಈ ಮಾತುಕತೆಗೊಂದು ಸ್ಪಷ್ಟ ದಿಕ್ಕು ದೊರೆಯಲಿಕ್ಕೆ, ಕೇಂದ್ರ ಕ್ರೀಡಾ ಸಚಿವಾಲಯದ ಕ್ಲಿಯರೆನ್ಸ್ ಸರ್ಟಿಫಿಕೇಟ್ ಬೇಕು. ಅದಕ್ಕಾಗಿ ಕಾಯಲಾಗುತ್ತಿದೆ.
ಮುಂಬರುವ ಫೆಬ್ರವರಿ 21 ರಿಂದ 29ರವೆರೆಗೆ ಪಂಜಾಬ್ನಲ್ಲಿ ಪಟಿಯಾಲ ಸಾಂಸ್ಕೃತಿಕ ಉತ್ಸವ ನಡೆಯಲಿದೆ. ಈ ಸಂಭ್ರಮದ ಸಂದರ್ಭದಲ್ಲಿ ಪಂಜಾಬ್ಗಳ ಕ್ರಿಕೆಟ್ ಪಂದ್ಯವನ್ನು ಏರ್ಪಡಿಸುವುದು ಮುಖ್ಯಮಂತ್ರಿ ಅಮರಿಂದರ್ ಸಿಂಗ್ ಉದ್ದೇಶ. ಕ್ರಿಕೆಟ್ ಪಂದ್ಯದಿಂದ ಸಂಗ್ರಹವಾಗುವ ಹಣವನ್ನು, ಪಂಜಾಬ್ನಲ್ಲಿನ ಸ್ಮಾರಕಗಳ ಅಭಿವೃದ್ಧಿಗೆ ಬಳಸಲು ಅಮರಿಂದರ್ ಉದ್ದೇಶಿಸಿದ್ದಾರೆ.
ಕಾಗದದ ಮೇಲಿನ ಪ್ರಸ್ತಾವನೆ ಕಾರ್ಯರೂಪಕ್ಕೆ ಬಂದಿದ್ದೇ ಆದಲ್ಲಿ - ಭಾರತ ಹಾಗೂ ಪಾಕ್ ರಾಷ್ಟ್ರೀಯ ತಂಡಗಳ ನಡುವಿನ ಕ್ರಿಕೆಟ್ ಹಣಾಹಣಿಗೆ ಮುನ್ನವೇ ಪಂಜಾಬ್ ವರ್ಸಸ್ ಪಂಜಾಬ್ ಸೆಣಸಾಟ ನಡೆಯಲಿದೆ. ಕ್ರೀಡೆಗೆ ಜಯವಾಗಲಿ.
(ಪಿಟಿಐ)
ಮುಖಪುಟ / ವಾರ್ತೆಗಳು