ಬೆಂಗಳೂರಲ್ಲಿ ಅಮೆರಿಕನ್‌ ವೀಸಾ ಅಪ್‌ಡೇಶನ್‌ ಬಗ್ಗೆ ವಿಚಾರ ಸಂಕಿರಣ

ಬೆಂಗಳೂರು : ಇಂಡೋ-ಅಮೆರಿಕನ್‌ ವಾಣಿಜ್ಯ ಸಂಸ್ಥೆಯ ರಾಜ್ಯ ಶಾಖೆಯು ಅಮೆರಿಕನ್‌ ವೀಸಾ ಅಪ್‌ಡೇಶನ್‌ ಬಗ್ಗೆ ವಿಚಾರ ಸಂಕಿರಣ ಮತ್ತು ಚರ್ಚೆಯನ್ನು ಮೇ 28ರಂದು ಆಯೋಜಿಸಿದೆ.

ಅಮೆರಿಕ ರಾಯಭಾರಿ ಕಚೇರಿಯ ಅಧಿಕಾರಿಗಳು ಈ ಚರ್ಚೆಯಲ್ಲಿ ಭಾಗವಹಿಸಲಿದ್ದು , ವೀಸಾ ಪಡೆಯುವ ಅಥವಾ ನವೀಕರಿಸುವ ಬಗ್ಗೆ ಆಸಕ್ತರು ತಮ್ಮ ಸಂಶಯವನ್ನು ನಿವಾರಿಸಿಕೊಳ್ಳಬಹುದು ಎಂದು ಆಯೋಜಕರ ಪ್ರಕಟಣೆ ತಿಳಿಸಿದೆ.

ಇತ್ತೀಚೆಗೆ ಪಾಸ್‌ಪೋರ್ಟ್‌ ಮತ್ತು ವೀಸಾಕ್ಕೆ ಸಂಬಂಧಿಸಿದಂತೆ ಬದಲಾಗಿರುವ ನೀತಿ ನಿಯಮಗಳ ಬಗ್ಗೆಯೂ ವಿಚಾರ ಸಂಕಿರಣದಲ್ಲಿ ಮಾಹಿತಿ ನೀಡಲಾಗುವುದು. ವಿದ್ಯಾರ್ಥಿಗಳು ಮತ್ತು ವಾಣಿಜ್ಯ ಕ್ಷೇತ್ರದಲ್ಲಿ ಕಾರ್ಯನಿರ್ವಹಿಸುವ ಅನೇಕ ಮಂದಿ ವೀಸಾಕ್ಕೆ ಸಂಬಂಧಿಸಿದಂತೆ ಅನೇಕ ಗೊಂದಲಗಳನ್ನು ಎದುರಿಸುತ್ತಿರುವುದು ತಿಳಿದುಬಂದಿರುವ ಹಿನ್ನೆಲೆಯಲ್ಲಿ ಈ ವಿಚಾರ ಸಂಕಿರಣ ಏರ್ಪಡಿಸಲು ನಿರ್ಧರಿಸಲಾಗಿದೆ.

ಹೆಚ್ಚಿನ ಮಾಹಿತಿಗಾಗಿ :2203366/2255188. email:[email protected]

( ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...