ಕುಂಬ್ಳೆ ಸರ್ಜರಿ ಯಶಸ್ವಿ ; ಹತ್ತು ದಿನಗಳಲ್ಲಿ ಕ್ರಿಕೆಟ್ಟೂ ಆಡುತಾರೆ

ಬೆಂಗಳೂರು : ಭಾರತದ ಅಗ್ರಮಾನ್ಯ ಸ್ಪಿನ್ನರ್‌ ಅನಿಲ್‌ ಕುಂಬ್ಳೆ ಅವರ ಕೆಳ ದವಡೆ ಶಸ್ತ್ರ ಚಿಕಿತ್ಸೆಯನ್ನು ಯಶಸ್ವಿಯಾಗಿ ಪೂರೈಸಿರುವ ನಗರದ ದಂತ ವೈದ್ಯರ ತಂಡ, ಮುಂದಿನ ವಾರವೇ ಕುಂಬ್ಳೆ ಮೈದಾನಕ್ಕಿಳಿಯುವ ಸಾಮರ್ಥ್ಯ ಹೊಂದುವರು ಎಂದು ಪ್ರಕಟಿಸಿದ್ದಾರೆ.

ಡಾ. ಕಿಶೋರ್‌ ನಾಯಕ್‌ ಹಾಗೂ ಡಾ.ಸಂಜೀವ್‌ ನಾಯರ್‌ ಅವರು ಗುರುವಾರ ಬೆಳಗ್ಗೆ ಸುಮಾರು 45 ನಿಮಿಷಗಳ ಕಾಲ ಕುಂಬ್ಳೆ ಅವರಿಗೆ ಯಶಸ್ವಿ ಶಸ್ತ್ರ ಚಿಕಿತ್ಸೆ ನಡೆಸಿದರು. ಶಸ್ತ್ರ ಚಿಕಿತ್ಸೆ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಡಾ.ಕಿಶೋರ್‌ ನಾಯಕ್‌- ಅನಿಲ್‌ ಈಗ ಚೆನ್ನಾಗಿದ್ದಾರೆ. 8 ರಿಂದ 10 ದಿನಗಳಲ್ಲಿ ಮೈದಾನಕ್ಕಿಳಿಯಲಿದ್ದಾರೆ ಎಂದರು.

ಶುಕ್ರವಾರ ಬೆಳಗ್ಗೆ ಕುಂಬ್ಳೆ ಅವರನ್ನು ಆಸ್ಪತ್ರೆಯಿಂದ ಮನೆಗೆ ಕಳುಹಿಸಲಾಗುವುದು. ಅವರಿಗೆ ಯಾವುದೇ ತೊಂದರೆಯಿಲ್ಲ . ಶುಕ್ರವಾರದಿಂದ ಅರೆ ಗಟ್ಟಿ ಆಹಾರವನ್ನು ಕುಂಬ್ಳೆ ಸೇವಿಸಬಹುದು ಎಂದು ನಾಯಕ್‌ ಹೇಳಿದರು.

ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...