• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಬೇಲಿ ತೊಲಗಿದರೂ ಸರಿಯದ ಬುರ್ಖಾ: ಇದು ಮುಸ್ಲಿಂ ಮಹಿಳೆಯ ಮನಸ್ಸು !

By Staff
|

*ಇನ್ಫೋ ಇನ್‌ಸೈಟ್‌

Afghan Women doesnt want to come out of Burkha!‘ಅಮೆರಿಕನ್‌ ಆಡಳಿತದ ಬಗ್ಗೆ ನಮ್ಮ ಆರೋಪ ಏನೇ ಇರಲಿ, ಮುಖದ ಮುಸುಕನ್ನು ತೆಗೆದೊಗೆದು ಓಡಾಡುವ ಆಫ್ಘನ್‌ ಮುಸ್ಲಿಮ್‌ ಮಹಿಳೆಯರನ್ನು ನೋಡಿದಾಗ ನಾವು ಸಂತೋಷ ಪಡುವುದಿಲ್ಲವೇ?’

ಕಳೆದ ತಿಂಗಳಷ್ಟೇ ತುಮಕೂರಿನಲ್ಲಿ ನಡೆದ 69ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ತಮ್ಮ ಅಧ್ಯಕ್ಷ ಭಾಷಣದಲ್ಲಿ ಡಾ.ಯು.ಆರ್‌.ಅನಂತಮೂರ್ತಿ ಹೆಮ್ಮೆಯಿಂದ ಹೇಳಿದ ಮಾತಿದು. ಆದರೀಗ ಆಫ್ಘನ್ನನ್ನು ಒಂದು ಸುತ್ತು ಸುತ್ತಿ ಬಂದರೆ, ಬುರ್ಖಾ ತೊಡದ ಹೆಂಗಸರಿಗೆ ಟಾರ್ಚು ಹಾಕಿ ಹುಡುಕಬೇಕು! ಲೇಖಕಿ ಅರುಂಧತಿ ರಾಯ್‌ ಜೈಲಿಗೆ ಹೋಗುವುದನ್ನು ಆಫ್ಘನ್‌ ಮಹಿಳೆ ನೋಡಿದ್ದು ಬುರ್ಖಾ ಪರದೆಯ ಒಳಗಿಂದಲೇ. ತಾಲಿಬಾನಿ ಸರ್ಕಾರದಿಂದ ಅಧಿಕಾರ ಕಸಿದುಕೊಂಡು, ವಿಶ್ವಸಂಸ್ಥೆಯ ಬ್ಯಾಕ್‌ಅಪ್‌ನ ಹೊಸ ಮಧ್ಯಂತರ ಸರ್ಕಾರವೇನೋ ಜಾರಿಗೆ ಬಂತು. ಇದರ ನೇತಾರ ಹಮೀರ್‌ ಖರ್ಝಾಯ್‌, ಸೀಮಾ ಸಮರ್‌ ಎಂಬ ಹೆಂಗಸಿಗೇ ಮಹಿಳಾ ಸಚಿವೆ ಗಾದಿಯನ್ನೂ ಕೊಟ್ಟಾಯ್ತು. ಆದರೆ ಈ ಖಾತೆಯ ಬೊಕ್ಕಸ ಭಣಭಣ!

ಒಂದು ಸಂಸ್ಕೃತಿಗೆ ಒಗ್ಗಿಹೋಗಿರುವ ಮನಸ್ಸುಗಳ ಬೇಲಿ ಕಳಚುವುದು ಸುಲಭವಲ್ಲ. ಎರಡು ದಶಕಗಳಿಗೂ ಹೆಚ್ಚು ಕಾಲ ಯುದ್ಧದ ಮಳೆ ಹನಿಗಳ ನಡುವೆಯೇ ನೆಮ್ಮದಿಯ ಹುಡುಕಾಟ ನಡೆಸಿದ್ದ, ನಗುವುದನ್ನೇ ಮರೆತುಹೋಗಿದ್ದ ಆಫ್ಘನ್‌ ಹೆಂಗಸರಿಗೆ ದಿಢೀರನೆ ಸಿಕ್ಕಿರುವ ಸ್ವಾತಂತ್ರ್ಯ ಜೀರ್ಣಿಸಿಕೊಳ್ಳಲು ಇನ್ನೂ ಸಾಧ್ಯವಾಗುತ್ತಿಲ್ಲ. ಮನೆಗಳಿಂದ ಬಣ್ಣಬಣ್ಣವಾಗಿ ಹೊರಬರಲು ಭಾರೀ ಹಿಂದೇಟು. ಸಿನಿಮಾ ಮಂದಿರಗಳ ಮುಂದಿನ ಕ್ಯೂನಲ್ಲಿ ಬುರ್ಖಾ ತೊಟ್ಟ ಹೆಂಗಸೂ ಕಾಣುವುದಿಲ್ಲ. ವಿಶ್ವವಿದ್ಯಾಲಯಗಳಿಗೆ ಹೋಗುವ ಹೆಣ್ಣು ಮಕ್ಕಳಿಗೇನೋ ಖುಷಿಯೋ ಖುಷಿ. ಆದರೆ, ಬುರ್ಖಾ ತೆಗೆವುದು ಕಾಲೇಜಿಗೆ ಹೋದ ಮೇಲೇನೆ. ಮನೆಗೆ ವಾಪಸ್ಸಾಗುವುದು ಬುರ್ಖಾ ಒಳಗೆ ಸೇರಿಕೊಂಡೇ.

ಇವತ್ತು ಆಫ್ಘಾನಿಸ್ತಾನದ ಮಹಿಳೆ ಎಷ್ಟರ ಮಟ್ಟಿಗೆ ಸಾಮಾಜಿಕ ಜೀವನದಲ್ಲಿ ಪುರುಷನೊಟ್ಟಿಗೆ ತೊಡಗಿದ್ದಾಳೆ? ನವೆಂಬರ್‌ನಿಂದ ತಾಲಿಬಾನಿಗಳ ತುಳಿತವೇನೋ ತಪ್ಪಿದೆ. ಈ ನಾಲ್ಕು ತಿಂಗಳಲ್ಲಿ ಹೆಂಗಸಿನ ಮನಸ್ಸು ಯಾವ ಪರಿವರ್ತನೆಗೆ ಒಳಗಾಗಿದೆ?ಈ ಪ್ರಶ್ನೆಗಳನ್ನು ಹೊತ್ತು ಕಾಬೂಲಿನ ಓಣಿಗಳಲ್ಲಿ ಓಡಾಡಿದಾಗ...

ಸೊಲ್ತಾನ ಮತ್ತೆ ಬುರ್ಖಾ ಸೇರಿದಳು : ಒಂದು ಶಾಲೆ. ಸೊಲ್ತಾನ ಇದರಲ್ಲಿ ಟೀಚರ್‌. ಈಕೆಯ ವಯಸ್ಸು 32 ವರ್ಷ. ತಾಲಿಬಾನ್‌ ಆಡಳಿತ ಇದ್ದಾಗಲೂ ಕದ್ದು ಪಾಠ ಹೇಳುತ್ತಿದ್ದರು. ಈಗ ಪಾಠ ಹೇಳಲು ಯಾವ ಅಂಜಿಕೆಯೂ ಇಲ್ಲ. ಆದರೆ, ಸೊಲ್ತಾನ ಬುರ್ಖಾ ತೆಗೆವುದು ಶಾಲೆಯ ಮಕ್ಕಳ ಮುಂದೆ ಮಾತ್ರ. ಮಿಕ್ಕಂತೆ ಈಕೆಯ ಮೋರೆ ನೋಡುವ ಭಾಗ್ಯವಿಲ್ಲ ! ಹೀಗೆ ಯಾಕೆ? ಸೊಲ್ತಾನ ಮಾತುಗಳಲ್ಲೇ ಕೇಳಿ...‘ಸ್ವಾತಂತ್ರ್ಯ ಬಂದ ಖುಷಿಯಲ್ಲಿ ನಾನು ಬುರ್ಖಾ ತೊಡದೆ, ಶಾಲೆಗೆ ನಡೆದೆ. 10 ವರ್ಷದ ನನ್ನ ಮಗಳು ವಿಚಿತ್ರವಾಗಿ ನೋಡಿದಳು. ಛೀ..ನಾಚಿಕೆ ಆಗೋದಿಲ್ವೆ, ಬುರ್ಖಾ ಹಾಕಿಕೊಳ್ಳದೆ ಬೀದೀಲಿ ಓಡಾಡೋಕೆ ಅಂದಳು! ನನ್ನ ಮಗಳೇ ಛೀ ಅನ್ನಬೇಕಾದರೆ, ಇನ್ನು ದೊಡ್ಡವರು? ಆ ಆತಂಕವೇ ಬುರ್ಖಾ ಒಳಗೆ ಸೇರಿಕೊಳ್ಳುವಂತೆ ಮಾಡಿತು.’

ವಿಶ್ವಸಂಸ್ಥೆಯ ಪ್ರಧಾನ ಕಾರ್ಯದರ್ಶಿ ಕೋಫಿ ಅನ್ನಾನ್‌ ಕೂಡ ಎಚ್ಚರಿಕೆ ಕೊಟ್ಟಿದ್ದರು- ಸರ್ಕಾರ ಬದಲಾದ ತಕ್ಷಣ, ಆಫ್ಘನ್‌ ಮಹಿಳೆಯರ ಮೇಲೆ ದೌರ್ಜನ್ಯ ಹೆಚ್ಚುವ ಭಯವಿದೆ, ಹುಷಾರು!

ಮುಸ್ಲಿಂ ಮನಸ್ಸು ಬುರ್ಖಾ ಮೀರುವುದಾದರೂ ಹೇಗೆ?

ಈ ಮಾತು ಖಂಡಿತ ನಿಜ. ಆಫ್ಘನ್‌ ಮಹಿಳೆಯರಿಗೂ ಇದೇ ಭಯ. ಎರಡು ದಶಕಗಳಿಗೂ ಹೆಚ್ಚು ಕಾಲ ಅರಾಜಕತೆಯ ನಡುವೆ ವಿದ್ಯೆ ಕಲಿಯುವ ಕನಿಷ್ಠ ಸ್ವಾತಂತ್ರ್ಯದಿಂದಲೂ ವಂಚಿತರಾಗಿದ್ದ ಇಲ್ಲಿನ ಹೆಂಗಸರಲ್ಲಿ ಮೂಢನಂಬಿಕೆಗಳಿಗೇನೂ ಕೊರೆಯಿಲ್ಲ. ಅವುಗಳ ಬೇರು ಮನದಾಳದಲ್ಲಿ ಬಿಗುವು. ‘ಗಂಡಸರ ಸಮಕ್ಕೆ ನಾವು ನಿಲ್ಲಲಾದೀತೆ? ಅಲ್ಲಾಹ ಮೆಚ್ಚುವುದಿಲ್ಲ. ನಾವು ಸಾಯುತ್ತೇವೆ’ ಅನ್ನುವವರ ಸಂಖ್ಯೆ ದೊಡ್ಡದಿದೆ. ಇಲ್ಲಿನ ಪ್ರತಿಶತ 96ರಷ್ಟು ಮಹಿಳೆಯರು ಅನಕ್ಷರಸ್ಥರು.

ಹಾಗಂತ ಆಫ್ಘನ್‌ನಲ್ಲಿ ಮಹಿಳೆಯರ ದನಿ ಪೂರ್ಣ ಉಡುಗಿದೆ ಎಂದಲ್ಲ. ಹತ್ತು ವರ್ಷದ ಹಿಂದೆ ಮುಚ್ಚಿ ಹೋಗಿದ್ದ ಸೀರತ್‌ ಎಂಬ ಮಹಿಳಾ ಪತ್ರಿಕೆ ಮತ್ತೆ ಅಚ್ಚಾಗುತ್ತಿದೆ. ಇದೇ ರೀತಿಯ ಇನ್ನೊಂದು ನಿಯತಕಾಲಿಕ ‘ಮಲಾಲಾಯ್‌’ ಹುಟ್ಟಿದೆ. ಮಹಿಳಾ ವೈದ್ಯರು ಸ್ಟೆತಾಸ್ಕೋಪನ್ನು ಕತ್ತಿನ ಸುತ್ತ ಹಾಕಿಕೊಂಡು ನಿರಾಳವಾಗಿ ಓಡಾಡುತ್ತಾರೆ. ವಿದ್ಯಾರ್ಥಿನಿಯರು ಖುಲ್ಲಂ ಖುಲ್ಲಾ ಅಮೀರ್‌ ಖಾನ್‌ ಬಗ್ಗೆ ಮಾತಾಡುತ್ತಾರೆ. ಆದರೆ... ಬುರ್ಖಾದಿಂದ ಬೇಕೆನಿಸಿದಾಗ ಹೊರಬರಲು ಮನಸ್ಸು ಇನ್ನೂ ಸಿದ್ಧವಿಲ್ಲ. ಅಲ್ಲಾಹನ ಭಯವಿದೆ, ತಾಲಿಬಾನಿಗಳದ್ದಲ್ಲ !

Post your views on Womens day

ವಾರ್ತಾ ಸಂಚಯ

ಬುರುಖಾದಿಂದ ಹೊಮ್ಮಿದ ದನಿ

ಮುಖಪುಟ / ಲೋಕೋಭಿನ್ನರುಚಿ

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more