ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಅಮೆರಿಕಾದ ಬಾಂಬು ನುಂಗಿದ್ದು ಹೇರತ್ ಮಸೀದಿಯ 15 ಜೀವಗಳನ್ನು
ಕಾಬೂಲ್ : ಎಡೆಬಿಡದೆ ಬಾಂಬ್ ಮಳೆಗರೆಯುತ್ತಿರುವ ಅಮೆರಿಕಾದ ಸೋಮವಾರದ ಕಂತಿನ ದಾಳಿ ಹೇರತ್ ಮಸೀದಿಯಲ್ಲಿ ಪ್ರಾರ್ಥನೆ ಮಾಡುತ್ತಿದ್ದ 15 ಜೀವಗಳನ್ನು ಇಲ್ಲವಾಗಿಸಿದ್ದು, 25 ಮಂದಿಯನ್ನು ಗಾಯಾಳುಗಳನ್ನಾಗಿ ಮಾಡಿದೆ. ತಾಲಿಬಾನ್ನ ಬಖ್ತರ್ ವಾರ್ತಾ ಸಂಸ್ಥೆಯ ಮುಖ್ಯಸ್ಥ ಅಬ್ದುಲ್ ಹನನ್ ಹೇಮತ್ ಮಂಗಳವಾರ ಈ ವಿಷಯ ತಿಳಿಸಿದ್ದಾರೆ.
ಹೇರತ್ನ ಕ್ವಲೇ ಶೇಯರ್ ಜಿಲ್ಲೆಯಲ್ಲಿರುವ ಮಸೀದಿ ಮೇಲೆ ಹಠಾತ್ತನೆ ಬಿದ್ದ ಬಾಂಬ್ ಸಾಕಷ್ಟು ಹಾನಿ ಮಾಡಿದ್ದು, ಇನ್ನೂ ಎಷ್ಟು ಜನರು ಸಾವಿನ ಮನೆಗೆ ಹೋಗುವರೋ ಗೊತ್ತಿಲ್ಲ. ಹೇರತ್ಗೆ 15 ಕಿಲೋಮೀಟರ್ ದೂರದಲ್ಲಿರುವ ದಮನ್ನಲ್ಲಿ ಸಿಡಿದ ಬಾಂಬ್ ದಾಳಿಯಲ್ಲಿ ನಾಲ್ವರು ಸತ್ತಿದ್ದಾರೆ ಎಂದು ಹೇಮತ್ ಹೇಳಿದ್ದಾರೆ.
English summary
America bomb hits Herat mosque : 15 killed and 25 injured