• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

‘ಇ- ಪಾರ್ಲಿಮೆಂಟ್‌’: ಸಿಲಿಕಾನ್‌ ವ್ಯಾಲಿಯಲ್ಲಿ ಜಾಗತಿಕ ಸಂಸತ್ತು

By Staff
|

ಬೆಂಗಳೂರು: ಭಾರತದ ಸಿಲಿಕಾನ್‌ ವ್ಯಾಲಿ ನಮ್ಮ ನಿಮ್ಮ ಬೆಂಗಳೂರು ಮತ್ತೊಂದು ಅಗ್ಗಳಿಕೆಯತ್ತ ಮುಂದಡಿಯಿಡುತ್ತಿದೆ. ವಿಶ್ವದ ಎಲ್ಲ ನಾಗರಿಕರು ಹಾಗೂ ಸಂಸದರು ಏಕ ಛತ್ರಿಯಡಿ ಸೇರಲು ಅನುಕೂಲವಾಗುವ ‘ನೈಜ ಸಂಸತ್ತು ’ ಅಥವಾ ‘ಇ-ಪಾರ್ಲಿಮೆಂಟ್‌’ ಸಿಲಿಕಾನ್‌ ವ್ಯಾಲಿಯಲ್ಲಿ ರೂಪುಗೊಳ್ಳುತ್ತಿದೆ.

ಜಾಗತಿಕ ಸಮಸ್ಯೆಗಳನ್ನು ಚರ್ಚಿಸಲು ಹಾಗೂ ಪರಿಹಾರ ಕಂಡುಕೊಳ್ಳಲು ಇ- ಪಾರ್ಲಿಮೆಂಟ್‌ ಅನುಕೂಲಕರವೆಂದು ಭಾವಿಸಲಾಗಿದೆ. ಇಂಥ ಅಪರೂಪದ ಸಂಸತ್ತಿನ ಹಿಂದಿನ ರೂವಾರಿಗಳು ಮೂವರು. ಆ ತ್ರಿಮೂರ್ತಿಗಳೆಂದರೆ- ಬ್ರಿಟನ್‌ ಮೂಲದ ‘ಅರ್ಥ್‌ ಆಕ್ಷನ್‌’ ಸ್ವಯಂ ಸೇವಾಸಂಸ್ಥೆಯ ಕಾರ್ಯ ನಿರ್ವಾಹಕ ನಿರ್ದೇಶಕ ನಿಕೊಲಸ್‌ ಡನ್‌ಲಪ್‌, ಬ್ರಿಟನ್‌ನ ಸಂಸದ ಬರ್ಟ್‌ ಕೊಯಿಂಡರ್ಸ್‌ ಹಾಗೂ ಕಾಂಗ್ರೆಸ್‌ ಸಂಸದ ಮಣಿಶಂಕರ್‌ ಅಯ್ಯರ್‌.

ಇ- ಪಾರ್ಲಿಮೆಂಟ್‌ನ ಕನಸು ಕಾಣುತ್ತಿರುವ ತ್ರಿಮೂರ್ತಿಗಳು ಜುಲೈ 16 ರಂದು , ತಮ್ಮ ಮಹತ್ತರ ಯೋಜನೆಯ ಕುರಿತು ಸಿಲಿಕಾನ್‌ ಕಣಿವೆಯ ರೂವಾರಿ ಮುಖ್ಯಮಂತ್ರಿ ಎಸ್‌.ಎಂ.ಕೃಷ್ಣ ಅವರೊಂದಿಗೆ ಚರ್ಚೆ ನಡೆಸಿದ್ದಾರೆ. ರಾಜ್ಯ ಐಟಿ ಹಾಗೂ ಬಿಟಿ ಕಾರ್ಯದರ್ಶಿ ವಿವೇಕ್‌ ಕುಲಕರ್ಣಿ ಅವರು ಈ ಪ್ರಯತ್ನಗಳ ಸಂಯೋಜಕರಾಗುವ ಸಾಧ್ಯತೆಗಳಿವೆ.

ಇ-ಪಾರ್ಲಿಮೆಂಟ್‌ ಕೇಂದ್ರವನ್ನಾಗಿ ಬೆಂಗಳೂರನ್ನೇ ಆರಿಸಿಕೊಂಡಿರುವುದೇಕೆ?
ಈ ಗೌರವಕ್ಕೆ ಇಲ್ಲಿನ ಅಪರೂಪದ ಸಾಫ್ಟ್‌ವೇರ್‌ ಪ್ರತಿಭೆ ಹಾಗೂ ಸಂಪನ್ಮೂಲಗಳೇ ಕಾರಣ ಎನ್ನುತ್ತಾರೆ ನಿಕೊಲಸ್‌ ಡನ್‌ಲಪ್‌. ಉದ್ದೇಶಿತ ಇ-ಪಾರ್ಲಿಮೆಂಟ್‌ 130 ರಾಷ್ಟ್ರಗಳ 25 ಸಾವಿರ ಚುನಾಯಿತ ಸಂಸದರನ್ನು ಒಳಗೊಳ್ಳುವ ನಿರೀಕ್ಷೆಯಿದೆ. ಪ್ರಮುಖ ಕೈಗಾರಿಕೋದ್ಯಮಿಗಳು ಹಾಗೂ ಸಂಸದರ ತಂಡದ ಮೂಲಕ ಇ-ಪಾರ್ಲಿಮೆಂಟ್‌ಗೆ ಬೇಕಾಗುವ ನಿಧಿಯನ್ನು ಒಟ್ಟು ಮಾಡುವ ವಿಶ್ವಾಸವನ್ನು ಅದರ ಸಂಘಟಕರು ವ್ಯಕ್ತಪಡಿಸುತ್ತಾರೆ.

ಇ- ಪಾರ್ಲಿಮೆಂಟ್‌ ಮೂರು ಹಂತಗಳಲ್ಲಿ ಕಾರ್ಯಗಳನ್ನು ನಿರ್ವಹಿಸುತ್ತದೆ-

  • ವಿಶ್ವದ ಎಲ್ಲ ಸಂಸದರ ಅಭಿಪ್ರಾಯವನ್ನು ಪಡೆಯುವ ಮೂಲಕ ಇ- ಪಾರ್ಲಿಮೆಂಟ್‌ನ ಗುರಿಯನ್ನು ಗೊತ್ತು ಪಡಿಸಲಾಗುವುದು.
  • ಗೊತ್ತು ಪಡಿಸಿದ ಗುರಿಯನ್ನು ಸಾಧಿಸಲು ಅನುಕೂಲವಾಗುವ ಪ್ರಸ್ತಾವನೆಗಳನ್ನು ತಜ್ಞರ ಗುಂಪು ಅಭಿವೃದ್ಧಿಪಡಿಸುವುದು. ಈ ಸಂಬಂಧ ಪ್ರಮುಖ ನಾಗರಿಕರು, ಸ್ವಯಂ ಸೇವಾ ಸಂಘಟನೆಗಳು, ಶಾಸಕರು ಹಾಗೂ ಅಂತರರಾಷ್ಟ್ರೀಯ ಅಧಿಕಾರಿಗಳ ನಡುವೆ ಚರ್ಚೆ ಏರ್ಪಡಿಸಲಾಗುವುದು ಹಾಗೂ ಆನ್‌ಲೈನ್‌ ಮತ್ತು ಆಫ್‌ಲೈನ್‌ ಮೂಲಕ ಸಂವಹನ ಸಾಧಿಸಲಾಗುವುದು.
  • ಇ-ಪಾರ್ಲಿಮೆಂಟ್‌ನ ಒಪ್ಪಿಗೆ ಪಡೆಯುವ ಮಸೂದೆಗಳನ್ನು ರಾಷ್ಟ್ರಗಳಿಗೆ ಪರಿಚಯಿಸಲಾಗುವುದು.
(ಇನ್ಫೋ ವಾರ್ತೆ)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more