• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ನವೆಂಬರ್‌ ತಿಂಗಳೊಳಗೆ ವಾಜಪೇಯಿ ಪಾಕ್‌ ಪ್ರವಾಸ?

By Staff
|

ನವದೆಹಲಿ : ಬರುವ ನವೆಂಬರ್‌ ತಿಂಗಳೊಳಗಾಗಿ ಭಾರತದ ಪ್ರಧಾನಿ ಅಟಲ್‌ ಬಿಹಾರಿ ವಾಜಪೇಯಿ ಪಾಕಿಸ್ತಾನಕ್ಕೆ ಭೇಟಿ ಕೊಡಲಿದ್ದಾರೆ ಎಂದು ಸಮಾಜ ವಿಜ್ಞಾನಗಳ ಅಧ್ಯಯನ ಸಮಿತಿ (ಐಸಿಎಸ್‌ಎಸ್‌ಆರ್‌) ಯ ಅಧ್ಯಕ್ಷ ಎಂ.ಎಲ್‌.ಸೋಂಧಿ ಬುಧವಾರ ತಿಳಿಸಿದ್ದಾರೆ.

ಭಾರತೀಯ ಮತ್ತು ಪಾಕಿಸ್ತಾನಿ ವಿಜ್ಞಾನಿಗಳು ಆಗ್ರಾ ಶೃಂಗಸಭೆಗೆ ಮುನ್ನ ಐಸಿಎಸ್‌ಎಸ್‌ಆರ್‌ ಆಯೋಜಿಸಿದ್ದ ಸಭೆಯಾಂದರಲ್ಲಿ ಪಾಲ್ಗೊಂಡಿದ್ದರು. ಆ ಸಭೆಯ ಶಿಫಾರಸ್ಸುಗಳನ್ನು ನೀಡಲು ಆಗ್ರಾದಲ್ಲಿ ಪ್ರಧಾನಿ ವಾಜಪೇಯಿ ಅವರನ್ನು ತಾವು ಭೇಟಿಯಾಗಿದ್ದಾಗ, ವಾಜಪೇಯಿ ಈ ವಿಷಯ ತಿಳಿಸಿದ್ದರು ಎಂದು ಸೋಂಧಿ ಹೇಳಿದ್ದಾರೆ.

ನವೆಂಬರ್‌ ಒಳಗಾಗಿ ವಾಜಪೇಯಿ ಇಸ್ಲಾಮಾಬಾದ್‌ಗೆ ಹೋಗಬಹುದು ಎಂದು ರಾಷ್ಟ್ರೀಯ ಭದ್ರತಾ ಸಲಹೆಗಾರ ಬ್ರಜೇಶ್‌ ಮಿಶ್ರ ಅನೌಪಚಾರಿಕ ಮಾತುಕತೆಯಲ್ಲಿ ನನಗೆ ಹೇಳಿದರು ಎಂದು ಸೋಂಧಿ ತಿಳಿಸಿದ್ದಾರೆ.

ವಾಜಪೇಯಿ ಹಾಗೂ ಮುಷರ್ರಫ್‌ ಪರಸ್ಪರ ತಾಳಮೇಳ ಕಂಡುಕೊಂಡಿದ್ದಾರೆ. ಇಬ್ಬರೂ ಒಬ್ಬರನ್ನೊಬ್ಬರು ಮೆಚ್ಚಿಕೊಂಡಿದ್ದಾರೆ. ನಾನು ಆಗ್ರಾದಲ್ಲಿ ಇಬ್ಬರನ್ನೂ ಒಟ್ಟಾಗಿ ಭೇಟಿಯಾಗಿದ್ದೆ. ಭಾರತ- ಪಾಕ್‌ ನಡುವೆ ಬಾಂಧವ್ಯ ಬೆಸೆಯಬಲ್ಲ ವಾಸ್ತವ ಪ್ರಸ್ತಾವನೆಗಳನ್ನು ಐಸಿಎಸ್‌ಎಸ್‌ಆರ್‌ ನೀಡಿದೆ ಎಂದು ಮುಷರ್ರಫ್‌ ಹೇಳಿದರು ಎಂದು ಸೋಂಧಿ ವಿವರಿಸಿದ್ದಾರೆ.

ವಾಜಪೇಯಿ ಪಾಕ್‌ ಪ್ರವಾಸದ ದಿನಾಂಕ ಇನ್ನೂ ಗೊತ್ತುಪಡಿಸಿಲ್ಲ ಎಂದು ಮಂಗಳವಾರ ವಿದೇಶೀ ವ್ಯವಹಾರಗಳ ಸಚಿವ ಜಸ್ವಂತ್‌ ಸಿಂಗ್‌ ತಿಳಿಸಿದ್ದರು. ಪ್ರಧಾನಿ ವಾಜಪೇಯಿ ಪಾಕ್‌ಗೆ ಹೋಗುವ ಮುನ್ನ ಎರಡು ಬಾರಿ ಮುಷರ್ರಫ್‌ ಅವರನ್ನು ಭೇಟಿಯಾಗುವ ನಿರೀಕ್ಷೆಯಿದೆ - ಸೆಪ್ಟೆಂಬರ್‌ನಲ್ಲಿ ನಡೆಯಲಿರುವ ವಿಶ್ವಸಂಸ್ಥೆಯ ಮಹಾಸಭೆಯಲ್ಲೊಮ್ಮೆ ಹಾಗೂ ಕಠ್ಮಂಡುವಿನಲ್ಲಿ ನಡೆಯಲಿರುವ ಸಾರ್ಕ್‌ ಸಮ್ಮೇಳನದಲ್ಲಿ.

(ಐಎಎನ್‌ಎಸ್‌)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more