ಕಾಂಡೋಮ್‌ ಜಾಹಿರಾತು ಪ್ರಕಟಿಸಿದ‘ಔಟ್‌ಲುಕ್‌’ ಪ್ರತಿಗಳ ವಶ

ಕೊಚ್ಚಿ : ಔಟ್‌ಲುಕ್‌ ನಿಯತಕಾಲಿಕದ ತಾಜಾ ಸಂಚಿಕೆಯಲ್ಲಿ ಒಂದು ನಿರೋಧ್‌ ಜಾಹೀರಾತನ್ನು ಅಶ್ಲೀಲವಾಗಿ ತೋರಲಾಗಿದೆ ಎಂಬ ಕಾರಣಕ್ಕೆ ಪೊಲೀಸರು ಕೆಲವು ಪ್ರತಿಗಳನ್ನು ವಶಪಡಿಸಿಕೊಂಡಿದ್ದು, ಒಬ್ಬ ಅಂಗಡಿ ಮಾಲಿಕನನ್ನು ಬಂಧಿಸಿದ್ದಾರೆ. ಈಗ ಔಟ್‌ಲುಕ್‌ ನಗರದ ಅಂಗಡಿಗಳ ಶೆಲ್ಫ್‌ನಿಂದ ಎತ್ತಂಗಡಿಯಾಗಿದೆ.

ಬಂಧಿಸಲಾಗಿರುವ ಅಂಗಡಿಯವ ಗ್ರಾಹಕರನ್ನು ಆಕರ್ಷಿಸುವ ಸಲುವಾಗಿ ಪತ್ರಿಕೆಯ ಅಶ್ಲೀಲ ಜಾಹೀರಾತನ್ನೇ ಪ್ರದರ್ಶನಕ್ಕೆ ಇಟ್ಟಿದ್ದ. ಮಹಿಳಾ ಪ್ರಾತಿನಿಧ್ಯದ ಅಸಭ್ಯ ತೋರಿಕೆ ಕಾಯ್ದೆ (ಇಂಡೀಸೆಂಟ್‌ ರೆಪ್ರೆಸೆಂಟೇಷನ್‌ ಆಫ್‌ ವುಮೆನ್‌ ಆ್ಯಕ್ಟ್‌) ಪ್ರಕಾರ ಇಂಥಾ ನಿಯತಕಾಲಿಕಗಳನ್ನು ಮಾರುವವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬಹುದಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಔಟ್‌ಲುಕ್‌ನಂಥಾ ನಿಯತಕಾಲಿಕಕ್ಕೆ ಯಾವ ಗತಿಯಾಯ್ತು ನೋಡಿ.

(ಯುಎನ್‌ಐ)