ಪುತ್ತೂರಿನ ನೆಲ್ಯಾಡಿ ಬಳಿ ರಸ್ತೆ ಅಪಘಾತ : 3 ಸಾವು

ಮಂಗಳೂರು : ಪುತ್ತೂರಿನ ನೆಲ್ಯಾಡಿ ಸಮೀಪದ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಭಾನುವಾರ ಸಂಜೆ ಸಂಭವಿಸಿದ ಟ್ಯಾಂಕರ್‌- ಕಾರು ಡಿಕ್ಕಿಯಿಂದಾಗಿ 3 ಮಂದಿ ಸ್ಥಳದಲ್ಲೇ ಮೃತರಾಗಿದ್ದು, ಐವರು ಗಂಭೀರವಾಗಿ ಗಾಯಗೊಂಡಿದ್ದಾರೆ.

ಉದನೆಯಲ್ಲಿ ಸಂಭವಿಸಿರುವ ಈ ರಸ್ತೆ ಅಪಘಾತದಲ್ಲಿ ಮಡಿದವರು ಹುಬ್ಬಳ್ಳಿಯವರು ಎನ್ನಲಾಗಿದ್ದು, ನಿಂಗಪ್ಪ (ಚಾಲಕ), ಸುಭಾಷ್‌ ಪವಾರ್‌ ಮತ್ತು ರಾಜೇಶ್‌ ಭಾಂಡಗೆ- ಇವರೇ ಮೃತಪಟ್ಟವರು ಎಂದು ಪೊಲೀಸರು ತಿಳಿಸಿದ್ದಾರೆ. ಈ ನತದೃಷ್ಟರೆಲ್ಲಾ ಕಾರಿನಲ್ಲಿದ್ದರು. ಧರ್ಮಸ್ಥಳ, ಸುಬ್ರಹ್ಮಣ್ಯಕ್ಕೆ ಪ್ರವಾಸಕ್ಕೆ ಬಂದಿದ್ದ ಇವರು ವಾಪಸ್ಸಾಗುವಾಗ ಈ ದುರಂತ ಸಂಭವಿಸಿದೆ. ಕಾರಿನಲ್ಲಿದ್ದ ಉಳಿದ ಐವರಿಗೆ ಗಂಭೀರ ಸ್ವರೂಪದ ಗಾಯಗಳಾಗಿದ್ದು, ಮಂಗಳೂರಿನ ಯುನಿಟಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

(ಇನ್ಫೋ ವಾರ್ತೆ)