ಮಂಗಳವಾರ ತೆಹಲ್ಕಾ ಸಂಪಾದಕ ತರುಣ್‌ ತೇಜಪಾಲ್‌ ವಿಚಾರಣೆ

ನವದೆಹಲಿ : ರಕ್ಷಣಾ ಹಗರಣ ಆರೋಪದ ತನಿಖೆ ವಹಿಸಿಕೊಂಡಿರುವ ಸೇನಾ ನ್ಯಾಯಾಲಯ ತೆಹಲ್ಕಾ ಡಾಟ್‌ ಕಾಂ ಮುಖ್ಯ ವ್ಯವಸ್ಥಾಪಕ ಅಧಿಕಾರಿ ಹಾಗೂ ಸಂಪಾದಕ ತರುಣ್‌ ತೇಜ್‌ಪಾಲ್‌ ಅವರಿಗೆ ವಿಚಾರಣೆಗೆ ಹಾಜರಾಗುವಂತೆ ಬುಲಾವು ನೀಡಿದೆ.

ಲೆಫ್ಟಿನೆಂಟ್‌ ಜನರಲ್‌ ಎಸ್‌.ಕೆ.ಜೈನ್‌ ನೇತೃತ್ವದ ತ್ರಿ ಸದಸ್ಯರ ಸೇನಾ ನ್ಯಾಯಾಲಯ ಸೋಮವಾರ ತನ್ನ ಔಪಚಾರಿಕ ತನಿಖಾ ಪ್ರಕ್ರಿಯೆಯನ್ನು ಪ್ರಾರಂಭಿಸಿತು. ರಕ್ಷಣಾ ಹಗರಣವನ್ನು ಮುದ್ರಿಸಿಕೊಂಡಿರುವ ಸುರುಳಿಗಳನ್ನು ಒದಗಿಸುವಂತೆ ತರುಣ್‌ ತೇಜ್‌ಪಾಲ್‌ ಅವರಲ್ಲಿ ನ್ಯಾಯಾಲಯ ಲಿಖಿತ ಮನವಿ ಮಾಡಿಕೊಂಡಿದೆ. ಮಂಗಳವಾರ ಸಂಜೆ ಹೊತ್ತಿಗೆ ತರುಣ್‌ ನ್ಯಾಯಾಲಯಕ್ಕೆ ಸುರುಳಿಗಳನ್ನು ಒಪ್ಪಿಸುವ ನಿರೀಕ್ಷೆಯಿದೆ.

ಸುರುಳಿಗಳ ಕೂಲಂಕಷ ಪರಿಶೀಲನೆಯ ನಂತರ ತನಿಖಾ ಪ್ರಕ್ರಿಯೆಗೆ ಚಾಲನೆ ದೊರೆಯಲಿದೆ. ಸೇನಾ ಕಾಯ್ದೆಯನ್ವಯ ತನಿಖೆ ನಡೆಯಲಿದ್ದು, ಸೇನಾ ನ್ಯಾಯಾಲಯದಲ್ಲಿ ನಾಗರಿಕರನ್ನು ವಿಚಾರಣೆಗೆ ಒಳಪಡಿಸುವಂತಿಲ್ಲ. ರಕ್ಷಣಾ ವಲಯದ ಉನ್ನತ ಮೂಲಗಳು ಈ ವಿಷಯ ತಿಳಿಸಿವೆ.

(ಪಿಟಿಐ)

ವಾರ್ತಾಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...