ಪ್ರಭಾವಿ 21 ವಿಶ್ವ ನಾಯಕರ ಪಟ್ಟಿಯಲ್ಲಿ ಪ್ರಧಾನಿ ವಾಜಪೇಯಿ

ನವದೆಹಲಿ : 21 ಪ್ರಭಾವಿ ವಿಶ್ವ ನಾಯಕರಲ್ಲಿ ಒಬ್ಬರಾಗಿ ಪ್ರಧಾನಿ ವಾಜಪೇಯಿ ಆಯ್ಕೆಯಾಗಿದ್ದಾರೆ. ಹಾಂಗ್‌ಕಾಂಗ್‌ ಮೂಲದ ವೆಬ್‌ಸೈಟೊಂದು ಏರ್ಪಡಿಸಿದ್ದ ಸ್ಪರ್ಧೆಯಲ್ಲಿ ವಾಜಪೇಯಿ ಅವರಿಗೆ ಈ ಗೌರವ ಸಿಕ್ಕಿದೆ.

ವಿಶ್ವದ ಪ್ರಭಾವಿ ನಾಯಕರಲ್ಲಿ ಒಬ್ಬರಾಗಿ ವಾಜಪೇಯಿ ಆಯ್ಕೆಯಾಗಿರುವ ವಿಷಯವನ್ನು ಬಿಜೆಪಿಯ ಕೆ. ಸೋಮಯ್ಯ ಅವರು ಗುರುವಾರ ಲೋಕಸಭೆಯ ಗಮನಕ್ಕೆ ತಂದರು. 300 ನಾಯಕರನ್ನು ಸ್ಪರ್ಧೆಗೆ ಹೆಸರಿಸಲಾಗಿತ್ತು . ವಾಜಪೇಯಿ ಅವರನ್ನು ಭಾರತದ ಸಾರ್ವಕಾಲಿಕ ಶ್ರೇಷ್ಠ ರಾಜಕಾರಣಿಯಾಗಿ ಗುರ್ತಿಸಲಾಗಿದೆ ಎಂದು ಸೋಮಯ್ಯ ಹೇಳಿದರು. ಈ ವಿಷಯವನ್ನು ಬಿಜೆಪಿಯ ಸದಸ್ಯರು ಮೇಜುಕುಟ್ಟಿ ಸ್ವಾಗತಿಸಿದರು.

(ಯುಎನ್‌ಐ)