ದೆಹಲಿ ಕನ್ನಡಿಗರಿಂದ ಹಾ.ಮಾ. ನಾಯಕ್‌ಗೆ ಶ್ರದ್ಧಾಂಜಲಿ

ನವದೆಹಲಿ : ಇತ್ತೀಚೆಗೆ ಅಗಲಿದ ಡಾ. ಹಾ.ಮಾ.ನಾಯಕ್‌ ಅವರಿಗೆ ದೆಹಲಿಯ ಕನ್ನಡಿಗರು ಶ್ರದ್ಧಾಂಜಲಿ ಅರ್ಪಿಸಿದ್ದಾರೆ. ಮುಂದಿನ ವರ್ಷದಿಂದ ಕನ್ನಡದ ಅಂಕಣಕಾರರೊಬ್ಬರಿಗೆ ಹಾ.ಮಾ.ನಾ. ಅವರ ಹೆಸರಿನಲ್ಲಿ ಪ್ರಶಸ್ತಿಯನ್ನು ನೀಡಲೂ ದೆಹಲಿ ಕನ್ನಡಿಗರು ನಿರ್ಧರಿಸಿದ್ದಾರೆ.

ಮುಂದಿನ ವರ್ಷ ನಡೆಯುವ 18ನೇ ರಾಷ್ಟ್ರೀಯ ಕನ್ನಡ ಸಾಹಿತ್ಯ ಸಮ್ಮೇಳನದ ವೇದಿಕೆಗೆ ಹಾ.ಮಾ.ನಾ ಅವರ ಹೆಸರಿಡಲೂ ತೀರ್ಮಾನಿಸಲಾಗಿದೆ. ಇತ್ತೀಚೆಗೆ ನಡೆದ ಶ್ರದ್ಧಾಂಜಲಿ ಸಭೆಯಲ್ಲಿ ಈ ನಿರ್ಧಾರ ಪ್ರಕಟಿಸಲಾಗಿದೆ. ಡಾ. ಹಾಮಾನಾ ಅವರಿಗೆ ಮರಣೋತ್ತರವಾಗಿ ಪದ್ಮಭೂಷಣ ಪ್ರಶಸ್ತಿ ನೀಡುವಂತೆ ಸಹ ಶ್ರದ್ಧಾಂಜಲಿ ಸಭೆಯಲ್ಲಿ ಮನವಿ ಮಾಡಲಾಗಿದೆ.

ರಾಜ್ಯ ಸರಕಾರ ದೆಹಲಿಯಲ್ಲಿ ಹಾ.ಮಾ.ನಾ ಅವರ ಹೆಸರಿನಲ್ಲಿ ಕರ್ನಾಟಕ ಸಂಸ್ಕೃತಿ ಸಂಗ್ರಹಾಲಯವೊಂದನ್ನು ಸ್ಥಾಪಿಸುವಂತೆ ಸಹ ಆಗ್ರಹಿಸಲಾಗಿದೆ. ಈ ಸಂದರ್ಭದಲ್ಲಿ ಎಂ.ವಿ. ಸಿಂಗ್‌, ಬಾ. ಸಾಮಗಾ, ಡಾ. ರಮೇಶ್‌ ರಾವ್‌ ಮೊದಲಾದವರು ಹಾ.ಮಾ.ನಾ ವ್ಯಕ್ತಿತ್ವ ಹಾಗೂ ಸಾಹಿತ್ಯ ಸಾಧನೆಯ ಬಗ್ಗೆ ಮಾತನಾಡಿದರು. ರಾಜ್ಯಸಭಾ ಸದಸ್ಯ ಆಸ್ಕರ್‌ ಫರ್ನಾಂಡಿಸ್‌, ಕೇಂದ್ರ ಸಾಹಿತ್ಯ ಅಕಾಡಮಿ ಗ್ರಂಥಪಾಲಕಿ ಆರ್‌. ಎಸ್‌. ಲಲಿತಾ, ಕಾರ್ಪೊರೇಷನ್‌ ಬ್ಯಾಂಕ್‌ ಆಡಳಿತಾಧಿಕಾರಿ ಎಂ.ವಿ. ನಾಯರ್‌ ಮೊದಲಾದವರು ಪಾಲ್ಗೊಂಡಿದ್ದರು.

ಮುಖಪುಟ / ಮನೆ ಆಚೆಯ ಮನೋನಂದನ