ಮಹಾಬಲೇಶ್ವರ ಸಹಕಾರಿ ಬ್ಯಾಂಕ್‌ಗೆ 16 ಲಕ್ಷ ರು. ಲಾಭ

ಕಾರವಾರ : ಗೋಕರ್ಣದ ಮಹಾಬಲೇಶ್ವರ ಸಹಕಾರಿ ಬ್ಯಾಂಕ್‌ ಕಳೆದ ವರ್ಷಾಂತ್ಯದಲ್ಲಿ 15ಲಕ್ಷ 81 ಸಾವಿರ ರುಪಾಯಿ ಲಾಭಗಳಿಸಿದೆ. ಈ ಲಾಭದಲ್ಲಿ ಬ್ಯಾಂಕಿನ ಮಾದನಗೇರಿ ಶಾಖೆಯ 1.10ಲಕ್ಷ ರು. ನಿವ್ವಳ ಲಾಭವೂ ಸೇರಿದೆ ಎಂದು ಬ್ಯಾಂಕಿನ ಅಧ್ಯಕ್ಷ ನಾರಾಯಣ ಸಿದ್ದೇಶ್ವರ ತಿಳಿಸಿದ್ದಾರೆ.

ಗೋಕರ್ಣದ ಭದ್ರಕಾಳಿ ಪದವಿ ಪೂರ್ವ ಕಾಲೇಜಿನಲ್ಲಿ ನಡೆದ ಬ್ಯಾಂಕಿನ ಸರ್ವ ಸದಸ್ಯರ ಸಭೆಯಲ್ಲಿ ಅಧ್ಯಕ್ಷತೆ ವಹಿಸಿ ಮಾತನಾಡುತ್ತಿದ್ದ ಅವರು, ಬ್ಯಾಂಕಿನ ಠೇವಣಿ 10 ಕೋಟಿ ದಾಟಿದೆ. ಪ್ರಸಕ್ತ ನಾಲ್ಕೂವರೆ ಕೋಟಿ ರುಪಾಯಿ ಸಾಲ ನೀಡಲಾಗಿದೆ ಎಂದು ತಿಳಿಸಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಬ್ಯಾಂಕ್‌ನ ಪ್ರಬಂಧಕ ಜಿ.ಎಲ್‌. ಶೇಟ್‌ ಅವರು, ಬ್ಯಾಂಕ್‌ 16 ಲಕ್ಷ ರುಪಾಯಿ ಲಾಭ ಗಳಿಸಿರುವ ಹಿನ್ನೆಲೆಯಲ್ಲಿ ಸಿಬ್ಬಂದಿಗೆ ಶೇ.30 ಬೋನಸ್‌ ಹಾಗೂ ಸದಸ್ಯರಿಗೆ ಶೇ. 18 ಲಾಭಾಂಶ ನೀಡಲು ಬ್ಯಾಂಕ್‌ ಉದ್ದೇಶಿಸಿದೆ ಎಂದು ತಿಳಿಸಿದರು.