• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ದಸರಾ ಉದ್ಘಾಟನೆ : ಅವರ್ನ ಬಿಟ್ಟು, ಇವರ್ನ ಬಿಟ್ಟು ಅವರ್ಯಾರು ?

By Staff
|

ಮೈಸೂರು : ಶಾಂತಾದೇವಿ ಮಾಳವಾಡರು ಬಾಗಲಕೋಟೆಯ 68ನೇ ಕನ್ನಡ ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷರಾಗುತ್ತೇವೆಂದು ಎಣಿಸಿರಲಿಲ್ಲ. ಬಯಸದೇ ಬಂದ ಭಾಗ್ಯ ಅದು ಎಂದು ಅವರು ಹೇಳಿದ ನೆನಪು. ಈಗ ಮತ್ತೆ ಆವರಿಗೆ ವಿಶ್ವ ವಿಖ್ಯಾತ ದಸರೆಯನ್ನು ಉದ್ಘಾಟಿಸುವ ಯೋಗ ಬಂದಿದೆ.

ಮೈಸೂರು ದಸರೆಗೆ ಈ ಬಾರಿ ರಾಜ್‌ ಅಪಹರಣದ ಬಿಸಿ ತಟ್ಟಿದೆ. ವೀರಪ್ಪನ್‌ನ ಕಾರ್ಮೋಡ ಕವಿದಿದೆ. ರಾಜ್‌ಕುಮಾರ್‌ ಅಪಹರಣವಾದ ನಾಲ್ಕಾರು ದಿನದಲ್ಲೇ ಈ ಬಾರಿಯ ದಸರೆಯನ್ನು ರಾಜ್‌ಕುಮಾರ್‌ ಅವರಿಂದಲೇ ಉದ್ಘಾಟಿಸುವುದಾಗಿ ಮೈಸೂರು ಜಿಲ್ಲಾ ಉಸ್ತುವಾರಿ ಸಚಿವರೂ ರಾಜ್ಯ ಪ್ರಾಥಮಿಕ ಶಿಕ್ಷಣ ಸಚಿವರೂ ಆದ ವಿಶ್ವನಾಥ್‌ ಹೇಳಿದ್ದರು.

ನಾನಾ ಕಾರಣಗಳಿಂದ ರಾಜ್‌ಕುಮಾರ್‌ ಅವರ ಬಿಡುಗಡೆ ಅನಿರ್ದಿಷ್ಟ ಕಾಲ ಮುಂದಕ್ಕೆ ಹೋದಾಗ ಕನ್ನಡಿಗರ ಹೃದಯ ಗೆಲ್ಲ ಬಯಸಿದ ಚತುರ ಮತಿಗಳು ಅಪಹೃತ ರಾಜ್‌ ಅವರ ಧರ್ಮಪತ್ನಿ ಪಾರ್ವತಮ್ಮ ರಾಜ್‌ಕುಮಾರ್‌ ಅವರಿಂದಲೇ ದಸರೆಯನ್ನು ಉದ್ಘಾಟಿಸುವುದಾಗಿ ಹೇಳಿಕೆಗಳನ್ನು ನೀಡಿದರು. ತಮ್ಮ ಪತಿ ಕಾಡಿನಲ್ಲಿ ಅದೂ ನರಹಂತಕನ ವಶದಲ್ಲಿ , ಚಳಿ ಮಳೆ ಗಾಳಿಯಲ್ಲಿ ವೇದನೆ ಅನುಭವಿಸುತ್ತಿರುವಾಗ ಯಾವ ಪತ್ನಿ ತಾನೆ ಸಡಗರ, ಸಂಭ್ರಮದ ಉತ್ಸವ ಉದ್ಘಾಟಿಸಲು ಬಂದಾರು ಹೇಳಿ. ಆದರೂ ತಮ್ಮ ರಾಜಕೀಯ ವರ್ಚಸ್ಸು ಹೆಚ್ಚಿಸಿಕೊಳ್ಳುವ, ಕನ್ನಡ ಜನರ ಸಹಾನುಭೂತಿ ಗಳಿಸುವ ನಿಟ್ಟಿನಲ್ಲಿ ಇಂತಹ ನಿರ್ಧಾರಗಳನ್ನು ಕೈಗೊಳ್ಳಲಾಗಿತ್ತು ಎಂಬುದು ಜನರಾಡುವ ಮಾತು.

ಪಾರ್ವತಮ್ಮ ರಾಜ್‌ಕುಮಾರ್‌ ಈಗ ದಸರಾ ಉತ್ಸವ ಸಮಿತಿಯ ಆ ಆಹ್ವಾನವನ್ನು ನಮ್ರವಾಗಿಯೇ ನಿರಾಕರಿಸಿದ್ದಾರೆ. ಈ ಹಂತದಲ್ಲಿ ದಸರೆಗೆ ಉಳಿದಿರುವುದು ಕೇವಲ 7 ದಿನ ಮಾತ್ರ. ಹೀಗಾಗಿ ದಿಢೀರೆಂದು ಶಾಂತಾದೇವಿ ಮಾಳವಾಡರನ್ನೇ ಉದ್ಘಾಟನೆಗೆ ಆಹ್ವಾನಿಸುವ ನಿರ್ಧಾರ ಕೈಗೊಳ್ಳಲಾಗಿದೆಯಂತೆ.

ದಸರಾ ಮಹೋತ್ಸವ ರದ್ದಿಗೆ ಒತ್ತಾಯ : ಈ ಮಧ್ಯೆ ರಾಜ್‌ಕುಮಾರ್‌ ಅವರ ಅಪಹರಣದಿಂದ ಇಡೀ ರಾಜ್ಯದ ಜನತೆಯ ಉತ್ಸಾಹವೇ ಉಡುಗಿರುವ ಹಿನ್ನೆಲೆಯಲ್ಲಿ ಮೈಸೂರು ದಸರಾ ಉತ್ಸವವನ್ನು ರದ್ದು ಪಡಿಸುವಂತೆ ಕನ್ನಡ ಚಳವಳಿ ಕೇಂದ್ರ ಸಮಿತಿಯ ಅಧ್ಯಕ್ಷ ಹಾಗೂ ಮಾಜಿ ಶಾಸಕ ಜಿ. ನಾರಾಯಣ ಕುಮಾರ್‌ ಬೆಂಗಳೂರಿನಲ್ಲಿ ಬುಧವಾರ ಒತ್ತಾಯಿಸಿದ್ದಾರೆ.

ಮುಖಪುಟ / ಇವತ್ತು... ಈ ಹೊತ್ತು...

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more