ಕರ್ನಾಟಕ ಮುಕ್ತ ವಿವಿಯಿಂದ 24 ಹೊಸ ಅಧ್ಯಯನ ಕೇಂದ್ರಗಳು

ಮೈಸೂರು : ಕರ್ನಾಟಕ ರಾಜ್ಯ ಮುಕ್ತ ವಿಶ್ವ ವಿದ್ಯಾಲಯ ಈ ವರ್ಷ ರಾಜ್ಯದಲ್ಲಿ 24 ಹೊಸ ಅಧ್ಯಯನ ಕೇಂದ್ರಗಳನ್ನು ತೆರೆಯಲಿದೆ ಎಂದು ಅಧ್ಯಯನ ಕೇಂದ್ರದ ಡೀನ್‌ ಡಾ. ಟಿ.ಕೆ. ಶಿವಣ್ಣ ಹೇಳಿದ್ದಾರೆ.

ಮಳವಳ್ಳಿ, ಕನಕಪುರ, ತಿಪಟೂರು, ಮಧುಗಿರಿ, ಚೆನ್ನರಾಯಪಟ್ಟಣ, ಅರಸೀಕೆರೆ, ತರೀಕೆರೆ, ತೀರ್ಥಹಳ್ಳಿ, ಸಾಗರ, ಶಿರಸಿ, ಖಾನಾಪುರ, ನವಲಗುಂದ, ರಾಣಿಬೆನ್ನೂರು, ಗದಗ, ಯಾದಗೀರ್‌, ಬಸವ ಕಲ್ಯಾಣ, ಮುದ್ದೇಬಿಹಾಳ, ಜೇವರ್ಗಿ, ಸೇಡಂ, ಬಿಜಾಪುರ, ಸಿಂದಗಿ, ರಾಯಚೂರು, ಲಿಂಗಸಗೂರು ಮತ್ತು ಕನಕಕಾಲೇಜು, ಬೆಂಗಳೂರಿನಲ್ಲಿ ಹೊಸ ಅಧ್ಯಯನ ಕೇಂದ್ರಗಳು ಆರಂಭವಾಗಲಿವೆ.

ಮುಕ್ತ ವಿವಿಗೆ ಸಂಬಂಧಿಸಿದಂತೆ ಪ್ರವೇಶಾತಿ ಮತ್ತಿತರ ವಿಷಯಗಳ ಬಗ್ಗೆ ವಿದ್ಯಾರ್ಥಿಗಳು ಎಲ್ಲ ಮಾಹಿತಿಗಳನ್ನು ಈ ಕೇಂದ್ರಗಳಲ್ಲಿ ಪಡೆಯಬಹುದು. ಬೋಧನಾ ತರಗತಿಗಳನ್ನೂ ಈ ಕೇಂದ್ರಗಳಲ್ಲಿ ಆರಂಭಿಸಲಾಗುವುದು.

(ಮೈಸೂರು ಪ್ರತಿನಿಧಿಯಿಂದ)