• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಶಾಂತಿ ಕಾಪಾಡಲು ‘ರಜನಿ ರಸಿಗರ್‌ ಮಂದ್ರ’ ಗಸ್ತು

By Staff
|

ದಿಂಬಂ : ಚಾಮರಾಜನಗರ ಮತ್ತು ಸತ್ಯಮಂಗಲಂನ ಹಳ್ಳಿಗಳಲ್ಲಿ ಶಾಂತಿ ಹಾಗೂ ಸುವ್ಯವಸ್ಥೆ ಕಾಪಾಡಲು ರಜನಿಕಾಂತ್‌ ಅಭಿಮಾನಿಗಳು ಕಾರ್ಯ ಪ್ರವೃತ್ತರಾಗಿದ್ದಾರೆ.

‘ರಜನಿ ರಸಿಗರ್‌ ಮಂದ್ರಂ’ ಎಂಬ ರಜನಿ ಅಭಿಮಾನಿಗಳ ಸಂಘದ ಸದಸ್ಯರು ತಂಡ ತಂಡಗಳಾಗಿ ಹಳ್ಳಿಗಳಲ್ಲಿ ಸುತ್ತುತ್ತಿದ್ದು, ಜನ ಭಾವೋದ್ವೇಗಕ್ಕೆ ಒಳಗಾಗದಂತೆ ನೋಡಿಕೊಳ್ಳುತ್ತಿದ್ದಾರೆ. ಗೋಪಾಲ್‌ ಮೂಲಕ ರಾಜ್‌ ಅವರಿಗೆ ರಜನಿಕಾಂತ್‌ ಕ್ಯಾಸೆಟ್ಟನ್ನು ಕಳುಹಿಸಿಕೊಟ್ಟ ಮೇಲಂತೂ ಸದಸ್ಯರು ಮತ್ತಷ್ಟು ಚಟುವಟಿಕೆಯಿಂದಿದ್ದಾರೆ. ಮನೆಯ ಚಿಂತೆ ಬಿಟ್ಟು ನಾಡಿನ ಶಾಂತಿ ಕಾಪಾಡುವ ಕಾಯಕದಲ್ಲಿ ಮುಳುಗಿದ್ದಾರೆ.

ಸತ್ಯಮಂಗಲಂ ತಾಲೂಕಿನ 3 ಹೋಬಳಿಗಳಲ್ಲಿ ರಜನಿ ಅಭಿಮಾನಿಗಳ ಸಂಖ್ಯೆ 10 ಸಾವಿರದಷ್ಟಿದೆ. ಸತ್ಯಮಂಗಲಂ ಪಟ್ಟಣದಲ್ಲೇ 250ಕ್ಕೂ ಹೆಚ್ಚು ಅಭಿಮಾನಿಗಳಿದ್ದಾರೆ. ತಮಿಳುನಾಡಿನ ಹಳ್ಳಿಗಳಲ್ಲಿರುವ ಕನ್ನಡಿಗರ ಹಾಗೂ ತಮಿಳರ ನಡುವೆ ಸೌಹಾರ್ದತೆ ಬಿತ್ತಿ, ಯಾವುದೇ ಭಿನ್ನಾಭಿಪ್ರಾಯಗಳೂ ಮೂಡದಂತೆ ಈ ಅಭಿಮಾನಿಗಳು ನಿಗಾ ವಹಿಸಿದ್ದಾರೆ. ಮಂದ್ರಂ ಅಧ್ಯಕ್ಷ ಎಸ್‌.ಎಂ. ದಯಾಳನ್‌ ಹೀಗೆನ್ನುತ್ತಾರೆ- ‘ಇಲ್ಲಿರುವ ಕನ್ನಡಿಗರು ಹಾಗೂ ತಮಿಳರ ನಡುವೆ ದ್ವೇಷ ಹುಟ್ಟದಂತೆ ನೋಡಿಕೊಳ್ಳಲು ನಾವು ನಿರ್ಧರಿಸಿದ್ದೇವೆ. ಯಾವುದೇ ಅಹಿತಕರ ಘಟನೆ ನಡೆಯುವುದಿಲ್ಲ ಎಂಬ ಭರವಸೆ ನಮಗಿದೆ. ಈ ಕಾರಣಕ್ಕಾಗೇ ನಾವು ಶಾಂತಿಗೆ ಭಂಗ ತರುವ ಯಾವುದೇ ಘಟನೆ ನಡೆಯದಂತೆ ತೀವ್ರ ನಿಗಾ ವಹಿಸಿದ್ದೇವೆ’.

‘ಕರ್ನಾಟಕದಲ್ಲಿನ ಕೆಲವು ರಾಜ್‌ ಅಭಿಮಾನಿಗಳು ಅವರನ್ನು ಬಿಡಿಸಿಕೊಂಡು ಬರಲು ಕಾಡಿಗೆ ಹೋಗಲು ಸಿದ್ಧರಾದಂತೆ ನಾವೂ ಕಾಡಿಗೆ ನುಗ್ಗಲು ಸಿದ್ಧ. ಆದರೆ ಅದಕ್ಕೆ ರಜನಿಕಾಂತ್‌ ಅಪ್ಪಣೆ ಇತ್ತಿಲ್ಲವಾದ್ದರಿಂದ, ಅವರ ಇಮೇಜಿಗೆ ಚ್ಯುತಿ ತರಬಾರದೆಂದು ಸುಮ್ಮನಿದ್ದೇವೆ’ ಎನ್ನುತ್ತಾರೆ ದಯಾಳನ್‌.

(ಇನ್ಫೋ ವಾರ್ತೆ)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more