ನಮ್ಮ ನಡುವಿನ ನಿತ್ಯ ಸುಮಂಗಲಿಯರು!

ಮನಕೆ ಹತ್ತಿರವಾದ, ಜೀವನಕ್ಕೆ ಹತ್ತಿರವಾದ ಕವನಗಳಿಂದ ಕತ್ತಲ ಬದುಕಿನ ಮೇಲೆ ಬೆಳಕು ಚೆಲ್ಲಬೇಕೆಂಬ ನಮ್ಮ ಈ ಪ್ರಯತ್ನಕ್ಕೆ ಎಂದೂ ಕಾಣದ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಕತ್ತಲಿಲ್ಲದೆ ಬೆಳಕಿಲ್ಲ, ಬೆಳಕಿಲ್ಲದೆ ಕತ್ತಲೆಯಿಲ್ಲ. ಪಾಂಡಿಚೇರಿಯ ಪ್ರೇಮಶೇಖರ ಅವರು ಕತ್ತಲ ಲೋಕವನ್ನು ತಮ್ಮ ಕವನದಲ್ಲಿ ಹಿಡಿದಿಟ್ಟಿದ್ದಾರೆ. ಇತರರಿಗೂ ಸ್ವಾಗತ.

ಪದ್ಯ 4 : ಅಭಿಸಾರಿಕೆ

• ಪ್ರೇಮಶೇಖರ, ಪಾಂಡಿಚೆರಿ
  [email protected]

ಉರಿವ ಸೂರ್ಯ ಕರಗಿ

ನೀರಿಗಿಳಿದ ಮೇಲೆ...

ಮಿಣುಕು ಬತ್ತಿಯ

ಬದುಕು

ನಲುಗುತ್ತದೆ ನರಳುತ್ತದೆ

ನಸುಗಾಳಿಗೂ ಬೆದರಿ

ಬಾಗುತ್ತದೆ

ಉದ್ದೋ ಉದ್ದಕ್ಕೆ ಮಲಗಿಬಿಡುತ್ತದೆ

ನಿಸ್ಸಹಾಯಕವಾಗಿ...

ಹಿಂದೆಂದೋ ಕಂಡ ಕನಸುಗಳು
ಚದುರಿಹೋದ ಮುಗಿಲುಗಳು
ಒಡಲು ಬಟಾಬಯಲು
ಬಾಲಿವುಡ್‌ ತಾರೆ
ಬಾರ್‌ ಗರ್ಲ್‌ ಆಗಿ
ಬದುಕು ನಲುಗಿ
ಅದೂ ಅಲುಗಿ
ಅಂಧೇರಿಯ ಕತ್ತಲೆಯಲ್ಲಿ
ಮೂರು ಕಾಸಿನ...

ಓಹ್‌ ಬೇಡ ಬಿಡಿ

ಅಲ್ಲಿ ನೋಡಿ
ಕಣ್ಣು ಹೆಣ್ಣು
ಎಲ್ಲವೂ ಒದ್ದೆ ಒದ್ದೆ
ಸೂರ್ಯನೇ ನೀರಿಗಿಳಿದ

ಮೇಲೆ ಇನ್ನೇನು ಬಿಡಿ