ಕಳೆದು ಹೋಗಿದೆ ನನ್ನ ಬಾಲ್ಯವು

• ಚಂದ್ರಗೌಡ ಕುಲಕರ್ಣಿ
  [email protected]

ಕಳಚಿ ಕೊಂಡಿದೆ ಕರುಳ ಬಳ್ಳಿಯು!

ಕುದುರೆ ಕುಕ್ಕೋಟದಲ್ಲಿ
ಗಾಣದೆತ್ತಿನಾವರ್ತದಲ್ಲಿ‰‰‰ ಕಳೆದು...

ಪಠ್ಯಪುಸ್ತಕ ಭಾರದಲ್ಲಿ
ಪಾಠ- ಮನೆ ಪಾಠಗಳಲಿ
ಕಂಠಪಾಠ ಉರುಹೊಡೆಯುವಲ್ಲಿ
ಹೋಂವರ್ಕ ಜಂಜಾಟದಲ್ಲಿ‰‰ ‰ಕಳೆದು...

ತಂದೆ- ತಾಯ್‌ ಅತಿ ನಿರೀಕ್ಷೆಯಲ್ಲಿ
ಬಂಧು- ಬಾಂಧವರತಿರಕ್ಷೆಯಲ್ಲಿ
ಶಿಕ್ಷಕರ ಅತಿ ಶಿಸ್ತಿನಲ್ಲಿ
ರ್ಯಾಂಕು ಪುರಸ್ಕಾರಗಳಲಿ‰‰‰ ಕಳೆದು...

ಟಿ.ವಿ. ಪರದೆಯ ಚಿತ್ರಗಳಲಿ
ಜಾಹಿರಾತಿನ ಪ್ರೇತಗಳಲಿ
ಮಾರುಕಟ್ಟೆ ಬಿರುಗಾಳಿಯಲ್ಲಿ
ತಾರಾ ಸಂಸ್ಕೃತಿ ಭ್ರಮೆಗಳಲ್ಲಿ‰‰ ಕಳೆದು...

ಮಾಹಿತಿಗಳ ಮಾರ್ಜಾಲದಲ್ಲಿ
ಕುಶಲ ತಂತ್ರ- ಯಾಂತ್ರಿಕತೆಯಲಿ
ತರಾತುರಿಯ ತುರ್ತಿನಲ್ಲಿ
ಮರಳು ಅರೆವ ಅರೆ ಹುಚ್ಚಿನಲ್ಲಿ‰ ಕಳೆದು...

ಐ.ಟಿ.-ಬಿ.ಟಿ. ಅಬ್ಬರದ ಅಲೆಯಲಿ
ಮೇಲ್‌-ಮೊಬೈಲ್‌ ಐಲುಗಳಲಿ
ಜಾಲ- ಅಂತರ್‌ಜಾಲದಲ್ಲಿ
ರೂಪಿ- ತದ್ರೂಪಿಗಳಲಿ ‰‰‰ ಕಳೆದು...

ಕೊ ಕೊ ಕೋಲಾ ಪೆಪ್ಸಿಗಳಲಿ
ಬ್ರೆಡ್‌-ಕೇಕ್‌-ಬೋರ್ನ ವೀಟಗಳಲಿ
ಬಳಸಿ ಎಸೆವ ವಸ್ತುಗಳಲಿ
ಸರಕು ಸಂಸ್ಕೃತಿ ಬಿರುಕುಗಳಲ್ಲಿ ಕಳೆದು...

ಕುದುರೆ ಕುಕ್ಕೋಟದಲ್ಲಿ
ಗಾಣದೆತ್ತಿನಾವರ್ತದಲ್ಲಿ‰‰‰ ಕಳೆದು...

ಮುಖಪುಟ / ಸಾಹಿತ್ಯ-ಸಂಸ್ಕೃತಿ