ನರಸಿಂಹಯ್ಯ ಸೇರಿದಂತೆ ಐವರಿಗೆ ರಾಜ್ಯ ಅಕಾಡೆಮಿ ಗರಿ

ಬೆಂಗಳೂರು : 550 ಪತ್ತೇದಾರಿ ಕಾದಂಬರಿಗಳ ಜನಕ ಎನ್‌.ನರಸಿಂಹಯ್ಯ ಸೇರಿದಂತೆ ಐದು ಮಂದಿ ಅಕ್ಷರ ನಿಪುಣರು, 2006ನೇ ಸಾಲಿನ ಕರ್ನಾಟಕ ಸಾಹಿತ್ಯ ಅಕಾಡೆಮಿ ಗೌರವ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ.

ಅಕಾಡೆಮಿ ಅಧ್ಯಕ್ಷೆ ಗೀತಾ ನಾಗಭೂಷಣ್‌ ಈ ಕುರಿತು ಸುದ್ದಿಗೋಷ್ಠಿಯಲ್ಲಿ ವಿವರ ನೀಡಿದ್ದಾರೆ. ನರಸಿಂಹಯ್ಯ ಅವರೊಂದಿಗೆ ಸಂಶೋಧಕ ಪ್ರೊ.ಸುಧಾಕರ್‌, ಸಂಶೋಧಕ-ವಿಮರ್ಶಕ ಮಲ್ಲೇಪುರಂ ಜಿ. ವೆಂಕಟೇಶ್‌, ಕವಯತ್ರಿ ಎಚ್‌.ಎಸ್‌.ಮುಕ್ತಾಯಕ್ಕ, ಲೇಖಕಿ ಎ.ಪಿ.ಮಾಲತಿ ಸಾಹಿತ್ಯ ಅಕಾಡೆಮಿ ಗೌರವ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ.

ಪ್ರಶಸ್ತಿ 10ಸಾವಿರ ರೂ. ನಗದು ಹೊಂದಿದ್ದು, ಬೆಳಗಾವಿಯಲ್ಲಿ ನಡೆಯಲಿರುವ ವಿಶ್ವ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಗುತ್ತದೆ.

(ದಟ್ಸ್‌ ಕನ್ನಡ ವಾರ್ತೆ)