ಉಡುಗೊರೆಯಲ್ಲಿ ಪ್ರೇಮಿನಾ ಅಳೆಯದಿರು ಪ್ರೀತಿಯೇ
ಒಲವಿನ ಲವ್ವಿಗೆ ಯಾವ ಗಿಫ್ಟ್ ಕೊಡುವುದೆಂದು ಕನ್ ಫ್ಯೂಸ್ ನಲ್ಲಿ ಪ್ರೇಮಿಗಳಿರಬಹುದು. ನಿಮ್ಮ ಮುದ್ದಿನ ನಲ್ಲೆಗೆ ವಜ್ರದ ಆಭರಣ ಕೊಟ್ಟರು ಕೂಡ ಕಮ್ಮಿಯೆ ಅಂತ ಅನಿಸುತ್ತದೆ. ಹಾಗಂತ ದುಬಾರಿ ಉಡುಗೊರೆ ಕೊಡಲು ಬಜೆಟ್ ಸಾಕಾಗುತ್ತಿಲ್ಲ ಅನ್ನುವ ಚಿಂತೆ ಬೇಡ. ಉಡುಗೊರೆ ಕುರಿತು ಇಲ್ಲೊಂದಿಷ್ಟು ಸಲಹೆಗಳಿವೆ.
ಬಜೆಟ್ ಗೆ ಹೊಂದುವ ಗಿಫ್ಟ್: ನಿಮ್ಮ ಬಜೆಟ್ ಗೆ ಸರಿಹೊಂದುವ ಪ್ರೀತಿಯ ಉಡುಗೊರೆ ಕೊಡಬಹುದು. ಈ ರೀತಿ ಕೊಡುವಾಗ ಮೊದಲು ಅವಳ ಇಷ್ಟವಾದ ವಸ್ತುಗಳು ಯಾವುದೆಂದು ತಿಳಿದುಕೊಂಡು ಅಂತಹ ವಸ್ತುಗಳನ್ನು ನೀಡಿ. ಆಗ ಅವರಿಗೆ ಇಷ್ಟವಾಗುತ್ತಾದಾ? ಎಂಬ ಸಂಶಯವಿರುವುದಿಲ್ಲ. ದುಡ್ಡಿಲ್ಲದಿದ್ದರೆ ಚಿಂತಿಸಬೇಡಿ. ಹೂಕುಂಡದಲ್ಲಿ ಬೆಳೆದ ಗುಲಾಬಿಯನ್ನೇ ಕೊಟ್ಟು ನೋಡಿ. ಅವಳ ಮುಖ ಅರಳದಿದ್ದರೆ ಹೇಳಿ..
ಪ್ರೀತಿಯ ಕಾಣಿಕೆ: ಪ್ರೀತಿಯಿಂದ ಕೊಟ್ಟ ಯಾವುದೇ ಉಡುಗೊರೆಗೆ ಬೆಲೆಕಟ್ಟಲಾಗದು. ಕೊಟ್ಟ ವಸ್ತುವಿನ ಬೆಲೆಗಿಂತ ಅಲ್ಲಿ ಪ್ರೀತಿಯ ಆಳ ನೋಡಿ.
ಹೋಲಿಸುವುದು ಬೇಡ: ನಿಮ್ಮ ಗೆಳತಿಯ ಹುಡುಗ ಅವಳಿಗೆ ಚಿನ್ನದ ಉಂಗುರ ಕೊಡಿಸಿದ, ನಿಮ್ಮ ಹುಡುಗ ಒಂದು ಡ್ರೆಸ್ ಮಾತ್ರ ಕೊಡಿಸಿದ ಎಂದೇಲ್ಲ ಹೋಲಿಸಿ ಕೊರಗದಿರಿ. ನಿಮ್ಮ ನಲ್ಲ/ನಲ್ಲೆ ಕೊಟ್ಟ ಉಡುಗೊರೆಯನ್ನು ಪ್ರೀತಿಸಿ. ಉಡುಗೊರೆಗಿಂತ ಕೊಡುವರ ಮನಸ್ಸು ಮುಖ್ಯ. ನೆನಪಿರಲಿ.
ಹೆಚ್ಚಿನ ಸಮಯ ಕಳೆಯಿರಿ: ಪ್ರೇಮಿಗಳ ದಿನದಂದು ಸಾಧ್ಯವಾದರೆ ನಿಮ್ಮ ಗೆಳಯ ಅಥವಾ ಗೆಳತಿ ಜೊತೆ ಸಾಕಷ್ಟು ಸಮಯ ಕಳೆಯಿರಿ. ಹೊರಗೆ ತಿನ್ನುವ ಬದಲು ನೀವೇ ಕೈಯಾರೆ ಅಡುಗೆ ಮಾಡಿ ತಿಂದರೆ ಮತ್ತಷ್ಟು ರುಚಿಕರವಾಗಿರುತ್ತದೆ. ಪ್ರೀತಿಯೆಂಬುದು ಅ ದಿನಕ್ಕಷ್ಟೆ ತೋರಿಸುವ ಆಡಂಬರವಾಗದೆ ಜೀವನದ ಸೆಲೆಯಾಗಲಿ.
ವಿ. ಸೂ: ಪ್ರೇಮಿಗಳ ದಿನ ಐ ಲವ್ಯೂ ಅನ್ನಲು ಮರೆಯದಿರಿ.
Click it and Unblock the Notifications
Sign in with Google