ಅ.25 ಪಾಪಾಂಕುಶ ಏಕಾದಶಿ : ಅಂದು ತಪ್ಪಿಯೂ ಈ ಕೆಲಸಗಳನ್ನು ಮಾಡಬೇಡಿ

Published: Monday, October 23, 2023, 17:19 [IST]

ಏಕಾದಶಿಯು ಹಿಂದೂಗಳ ಆಚರಣೆಯಲ್ಲಿ ಅತ್ಯಂತ ಮಹತ್ವವನ್ನು ಹೊಂದಿದೆ. ಈ ದಿನವನ್ನು ಮಂಗಳಕರ ದಿನವೆಂದು ಪರಿಗಣಿಸಲಾಗುತ್ತದೆ. ಈ ದಿನವು ಭಗವಂತ ಶ್ರೀ ವಿಷ್ಣುವನ್ನು ಪೂಜಿಸಲು ಮೀಸಲಾಗಿದೆ. ಜೊತೆಗೆ ಉಪವಾಸ ಮಾಡಿ ದೇವಿಗೆ ಸಹ ಪ್ರಾರ್ಥನೆ ಸಲ್ಲಿಸಲಾಗುತ್ತದೆ. ಅಶ್ವಿನಾ ಮಾಸದ ಶುಕ್ಲ ಪಕ್ಷದ ಏಕಾದಶಿ ತಿಥಿಯಂದು ಪಾಪಾಂಕುಶ ಏಕಾದಶಿಯನ್ನು ಆಚರಿಸಲಾಗುವುದು. ಈ ಬಾರಿ ಅಕ್ಟೋಬರ್ 25 ಅಂದರೆ ಬುಧವಾರ ಪಾಪಾಂಕುಶ ಏಕಾದಶಿ ಪೂಜೆ ಮಾಡಲಾಗುತ್ತದೆ.

ಪಾಪಾಂಕುಶ ಏಕಾದಶಿ 2023: ದಿನಾಂಕ ಮತ್ತು ಸಮಯ

ಏಕಾದಶಿ ಆರಂಭ - ಅಕ್ಟೋಬರ್ 24, 2023 - 03:14 ಮಧ್ಯಾಹ್ನ

ಏಕಾದಶಿ ತಿಥಿ ಮುಕ್ತಾಯ - ಅಕ್ಟೋಬರ್ 25, 2023 - 12:32 ಮಧ್ಯಾಹ್ನ

Papankusha Ekadashi 2023: Date, Parana Time, Puja Rituals

ಪಾಪಾಂಕುಶ ಏಕಾದಶಿಯ ಮಹತ್ವ

ಪಾಪಾಂಕುಶ ಏಕಾದಶಿ ಹಿಂದೂ ಧರ್ಮದಲ್ಲಿ ಹೆಚ್ಚಿನ ಧಾರ್ಮಿಕ ಮತ್ತು ಆಧ್ಯಾತ್ಮಿಕ ಪ್ರಾಮುಖ್ಯತೆಯನ್ನು ಹೊಂದಿದೆ. ಪಾಪಾಂಕುಶ ಏಕಾದಶಿಯು ಭಗವಂತನ ವಿಷ್ಣುವಿನ ಅವತಾರವಾದ ಪದ್ಮನಾಭನಿಗೆ ಸಮರ್ಪಿತವಾಗಿದೆ. ಏಕಾದಶಿಯ ದಿನದಂದು ಭಕ್ತರು ಪದ್ಮನಾಭ ದೇವರನ್ನು ಶುದ್ಧ ಸಮರ್ಪಣೆ ಮತ್ತು ಭಕ್ತಿಯಿಂದ ಪೂಜಿಸುತ್ತಾರೆ. ಪಾಪಾಂಕುಶ ಏಕಾದಶಿ ವ್ರತವನ್ನು ಆಚರಿಸುವ ಮೂಲಕ, ಭಕ್ತರು ಶ್ರೀ ಪದ್ಮನಾಭನ ಆಶೀರ್ವಾದವನ್ನು ಪಡೆಯುತ್ತಾರೆ. ಇದರಿಂದ ಜೀವನದ ಸಂಕಷ್ಟಗಳು ದೂರಾಗಿ ನೆಮ್ಮದಿ ನೆಲಸುತ್ತದೆ ಎಂದು ನಂಬಿಕೆ ಇದೆ.

ಪಾಪಾಂಕುಶ ಏಕಾದಶಿ ವ್ರತವನ್ನು ಆಚರಿಸುವುದರಿಂದ ಭಕ್ತರು ತಮ್ಮ ಹಿಂದಿನ ಜನ್ಮದಲ್ಲಿ ಮಾಡಿದ ಪಾಪಗಳಿಂದ ಮತ್ತು ಅವರ ದುಷ್ಟ ಕ್ರಿಯೆಗಳಿಂದ ಮುಕ್ತರಾಗುತ್ತಾರೆ ಎಂದು ನಂಬಲಾಗಿದೆ. ಈ ದಿನ ಕೆಲವರು ಉಪವಾಸ ಮಾಡುತ್ತಾರೆ. ಇದು ಸಾವಿರ ಅಶ್ವಮೇಧ ಯಾಗಗಳಿಗೆ ಸಮಾನವಾಗಿದೆ. ಜೀವನದಲ್ಲಿನ ದುಃಖ ಪಾಪಾಂಕುಶ ಏಕಾದಶಿಯ ಈ ಪವಿತ್ರ ದಿನದಂದು ಉಪವಾಸ ಮಾಡಬೇಕು ಎಂದು ಭಕ್ತರಲ್ಲಿ ನಂಬಿಕೆ ಇದೆ.