ದೀಪಾವಳಿ 2022: ಪಟಾಕಿಯಿಂದ ಸಾಕುಪ್ರಾಣಿಗಳನ್ನು ರಕ್ಷಿಸುವುದು ಹೇಗೆ?

Published: Friday, October 21, 2022, 14:02 [IST]

ದೀಪಾವಳಿ ಬೆಳಕಿನ ಹಬ್ಬ. ನಾವು ನಮ್ಮ ಪ್ರೀತಿಪಾತ್ರರ ಜೊತೆ ಆಚರಿಸುವ ಸಂಭ್ರಮ ಸಡಗರದ ಹಬ್ಬ. ದೀಪಾವಳಿಯು ಭಾರತದ ಪ್ರಸಿದ್ಧ ಹಬ್ಬಗಳಲ್ಲಿ ಒಂದಾಗಿದೆ. ಎಲ್ಲೆಡೆ ಹಬ್ಬದ ಸಿದ್ಧತೆಗಳು ತುಂಬಾನೆ ಭರದಿಂದ ಆರಂಭವಾಗಿವೆ. ದೀಪಗಳ ಹಬ್ಬ ದೀಪಾವಳಿಯನ್ನು ಹೊಸ ಬಟ್ಟೆ ತೊಟ್ಟು, ದೀಪ ಬೆಳಗಿ ನಂತರ ಸಿಹಿಯನ್ನು ಸವಿಯುವುದಷ್ಟೇ ಅಲ್ಲ. ಈಗಿನ ಯುವ ಪೀಳಿಗೆ ಮತ್ತು ಶಾಲಾ ಮಕ್ಕಳು ಹಾಗೂ ಹಬ್ಬದ ಸಡಗರದಲ್ಲಿರುವ ಎಲ್ಲರಿಗೂ ಹಬ್ಬದಲ್ಲಿ ಕೆಲ ಪ್ರಾಣಿಗಳ ಬಗ್ಗೆ ಕಾಳಜಿ ಇರುವುದು ಮುಖ್ಯ. ಹೀಗಾಗಿ ಹಬ್ಬದ ಸಮಯದಲ್ಲಿ ನಿಮ್ಮ ಸಾಕುಪ್ರಾಣಿಗಳು ಸುರಕ್ಷಿತವಾಗಿ ನೋಡಿಕೊಳ್ಳುವ ಬಗ್ಗೆ ಕೆಲ ಸಲಹೆಗಳನ್ನು ನಾವು ನಿಮಗೆ ನೀಡಲಿದ್ದೇವೆ.

ದೀಪಾವಳಿ ನಮ್ಮ ಜೀವನವನ್ನು ಬೆಳಗಿಸುತ್ತದೆ. ಈ ಸಮಯದಲ್ಲಿ ನಮ್ಮ ಸಾಕುಪ್ರಾಣಿಗಳ ಕಡೆಗೆ ಹೆಚ್ಚಿನ ಗಮನವೂ ಇರುತ್ತದೆ. ನಾವು ವರ್ಷಕ್ಕೆ ಒಂದು ಬಾರಿ ಪಟಾಕಿ ಸಿಡಿಸಿ ಅತ್ಯಂತ ಸಂತೋಷದಾಯಕ ಸಂದರ್ಭಗಳಿಗೆ ತಯಾರಾಗುವಲ್ಲಿ ನಿರತರಾಗಿರುತ್ತೇವೆ. ಆದರೆ, ನಮ್ಮ ಸಾಕುಪ್ರಾಣಿಗಳು ದೊಡ್ಡ ಶಬ್ದಗಳಿಂದ ಹೆದರುತ್ತವೆ. ಆದ್ದರಿಂದ ದೀಪಾವಳಿ ಸಮಯದಲ್ಲಿ ಸಾಕುಪ್ರಾಣಿಗಳ ಮಾಲೀಕರು ಅವುಗಳನ್ನು ಎಚ್ಚರಿಕೆಯಿಂದ ನೋಡಿಕೊಳ್ಳಬೇಕು. ಅವುಗಳ ಸುರಕ್ಷತೆಯನ್ನು ಖಾತ್ರಿಪಡಿಸಿಕೊಳ್ಳುವ ಮೂಲಕ ಹಬ್ಬವನ್ನು ನೀವು ಇನ್ನಷ್ಟು ಆನಂದಿಸಬಹುದು.

ಈ ದೀಪಾವಳಿಯಲ್ಲಿ ನಿಮ್ಮ ಸಾಕುಪ್ರಾಣಿಗಳನ್ನು ಹೇಗೆ ಸುರಕ್ಷಿತವಾಗಿರಿಸುವುದು ಎಂಬುದರ ಕುರಿತು ಕೆಲವು ಸಲಹೆಗಳು ಇಲ್ಲಿದೆ:

ಕಡಿಮೆ ಶಬ್ದ/ಧ್ವನಿ ನಿರೋಧಕ ಕೊಠಡಿಯನ್ನು ವ್ಯವಸ್ಥೆ ಮಾಡಿ:

ಜೋರಾಗಿ ಶಬ್ದಗಳು ಸಾಕುಪ್ರಾಣಿಗಳಲ್ಲಿ ಆತಂಕವನ್ನು ಉಂಟುಮಾಡಬಹುದು. ಅವುಗಳ ಉತ್ತಮ ಶ್ರವಣಶಕ್ತಿಯಿಂದಾಗಿ ಸಾಕುಪ್ರಾಣಿಗಳು ವಿಶೇಷವಾಗಿ ನಾಯಿಗಳು, ದೊಡ್ಡ ಶಬ್ದವಾದಾಗ ಶಾಂತವಾಗಿ ಇರಲು ಕಷ್ಟಪಡುತ್ತವೆ. ಆದ್ದರಿಂದ, ಅವರು ಆರಾಮವಾಗಿರಲು ಸಹಾಯ ಮಾಡಲು ಅವುಗಳ ವಾಸ್ತವ್ಯವನ್ನು ಕಡಿಮೆ ಶಬ್ದದ ಕೋಣೆಗೆ ಬದಲಾಯಿಸಿ.

ಸಾಕುಪ್ರಾಣಿಗಳಿಂದ ಸಿಹಿತಿಂಡಿಗಳನ್ನು ದೂರವಿಡಿ:

ಹಬ್ಬಗಳು ವಿಶೇಷವಾಗಿ ಭಾರತೀಯರ ಮನೆಗಳಲ್ಲಿ ಸಿಹಿತಿಂಡಿಗಳಿಗೆ ಕರೆ ನೀಡುತ್ತವೆ. ಆದಾಗ್ಯೂ, ಸಿಹಿತಿಂಡಿಗಳು ನಮ್ಮ ಸಾಕುಪ್ರಾಣಿಗಳ ಆರೋಗ್ಯಕ್ಕೆ ಹಾನಿಕಾರಕವಾಗಿದೆ. ಆದ್ದರಿಂದ, ನಾವು ನಮ್ಮ ಸಾಕುಪ್ರಾಣಿಗಳಿಂದ ಸಿಹಿತಿಂಡಿಗಳನ್ನು ದೂರವಿಡಬೇಕು. ಅದು ಸಾಕುಪ್ರಾಣಿಗಳ ಜೀರ್ಣಕಾರಿ ಸಮಸ್ಯೆಗಳಿಗೆ ಕಾರಣವಾಗಬಹುದು. ಸಿಹಿತಿಂಡಿಗಳ ಸುವಾಸನೆಯಿಂದ ತಿನ್ನಲು ನಾಯಿಗಳು ಹಾತೊರೆಯಬಹುದು. ಇದರಿಂದ ನಾಯಿಗಳನ್ನು ಸಿಹಿತಿಂಡಿಗಳಿಂದ ದೂರವಿಡಿ.

ದೀಪಗಳು, ವಿದ್ಯುತ್ ಸಂಪರ್ಕಗಳಿಂದ ಸಾಕುಪ್ರಾಣಿಗಳನ್ನು ದೂರವಿಡಿ:

ದೀಪಾವಳಿಯು ಪಟಾಕಿಗಳಿಂದ ಪರಿಸರವನ್ನು ಒಣಗಿಸುತ್ತದೆ. ಇದರ ಪರಿಣಾಮವಾಗಿ ನಮ್ಮ ಸಾಕುಪ್ರಾಣಿಗಳು ಬಾಯಾರಿಕೆಯನ್ನು ಅನುಭವಿಸುತ್ತವೆ. ಹೀಗಾಗಿ ಸಾಕುಪ್ರಾಣಿಗಳಿಗೆ ನೀರು ಮತ್ತು ಆಹಾರವನ್ನು ಇಡಿ.

ಸಾಕುಪ್ರಾಣಿಗಳು ತಿಳಿಯದೆ ದೀಪಗಳು ಮತ್ತು ವಿದ್ಯುತ್ ಸ್ಪರ್ಶದಿಂದ ಹಾನಿಯಾಗಬಹುದು. ಸಾಕುಪ್ರಾಣಿಗಳು ಅವುಗಳನ್ನು ಸ್ಪರ್ಶಿಸಲು ಸಾಧ್ಯವಿಲ್ಲ ಎಂದು ಖಚಿತಪಡಿಸಿಕೊಳ್ಳಿ. ನಿಮ್ಮ ಈ ಮುಂದಾಲೋಚನೆ ಸಾಕುಪ್ರಾಣಿಗಳನ್ನು ವಿದ್ಯುದಾಘಾತದಿಂದ ಅಥವಾ ಸುಟ್ಟಗಾಯಗಳಿಂದ ರಕ್ಷಿಸುತ್ತದೆ.

ಶುಚಿತ್ವವನ್ನು ಕಾಪಾಡಿಕೊಳ್ಳಿ ಮತ್ತು ಸುಟ್ಟ ಪಟಾಕಿಗಳನ್ನು ತೆಗೆದುಹಾಕಿ:

ಸಾಕುಪ್ರಾಣಿಗಳು ಪಟಾಕಿಯಂತಹ ಮದ್ದುಗಳ ವಿಚಾರದಲ್ಲಿ ತುಂಬಾ ಸೂಕ್ಷ್ಮವಾಗಿರುತ್ತವೆ. ಕ್ರ್ಯಾಕರ್‌ಗಳು, ಬಣ್ಣಗಳು ಅಥವಾ ಇತರ ವಿಷಕಾರಿ ವಸ್ತುಗಳಿಂದ ಬಿಡುಗಡೆಯಾದ ಯಾವುದೇ ರಾಸಾಯನಿಕಗಳೊಂದಿಗೆ ಸಂಪರ್ಕದಿಂದ ಸಾಕುಪ್ರಾಣಿಗಳು ದದ್ದುಗಳು ಅಥವಾ ಅಲರ್ಜಿಗಳಿಂದ ಬಳಲುವುದಕ್ಕೆ ಕಾರಣವಾಗಬಹುದು. ಸುಟ್ಟ ಪಟಾಕಿಗಳು ಮತ್ತು ಬಣ್ಣಗಳಂತಹ ಪದಾರ್ಥಗಳನ್ನು ಆಕಸ್ಮಿಕವಾಗಿ ಸೇವಿಸುವುದರಿಂದ ಹೊಟ್ಟೆ ನೋವು, ಸುಟ್ಟಗಾಯಗಳು, ವಿಷಪೂರಿತತೆ ಇತ್ಯಾದಿಗಳಿಗೆ ಕಾರಣವಾಗಬಹುದು. ಆದ್ದರಿಂದ ಆಚರಣೆಗಳು ಮುಗಿದ ತಕ್ಷಣ ಅದನ್ನು ಸ್ವಚ್ಛಗೊಳಿಸಿ.

ಸಾಕುಪ್ರಾಣಿಗಳು ನಮ್ಮ ಕುಟುಂಬದ ಅವಿಭಾಜ್ಯ ಅಂಗ. ಈ ಸ್ನೇಹಿತರನ್ನು ಗಮನಿಸದೆ ಇರಲಾಗುವುದಿಲ್ಲ. ಹೆಚ್ಚುವರಿ ರಕ್ಷಣೆಯಾಗಿ, ಸಾಕುಪ್ರಾಣಿ ಮಾಲೀಕರು ತಮ್ಮ ಸಾಕುಪ್ರಾಣಿಗಳಿಗೆ ಏರ್ಬಡ್ ಮತ್ತು ರಕ್ಷಣಾತ್ಮಕ ಬೂಟುಗಳನ್ನು ಖರೀದಿಸಬಹುದು ಮತ್ತು ಸುರಕ್ಷಿತ ದೀಪಾವಳಿಯನ್ನು ನಿರ್ಮಿಸಬಹುದು. ಈ ದೀಪಾವಳಿಯಲ್ಲಿ ಬೀದಿ ನಾಯಿಗಳು ಮತ್ತು ಬೆಕ್ಕುಗಳ ಬಗ್ಗೆಯೂ ಕಾಳಜಿ ಇರಲಿ. ಅವುಗಳನ್ನು ರಕ್ಷಿಸಲು ನಾವೆಲ್ಲರೂ ಒಂದು ಹೆಜ್ಜೆ ಮುಂದಿಡಬೇಕು.