ಅಕ್ಷಯ ತದಿಗೆ: ಚಿನ್ನದ ನಾಣ್ಯ ಖರೀದಿಗೂ ಮುನ್ನ ಈ 5 ವಿಷಯ ತಿಳಿಯಿರಿ
ನವದೆಹಲಿ, ಮೇ 2: ಈ ವರ್ಷ ಅಕ್ಷಯ ತದಿಗೆ ಅಥವಾ ಅಕ್ಷಯ ತೃತೀಯವನ್ನು ಮೇ 3ರಂದು ಆಚರಣೆ ಮಾಡಲಾಗುತ್ತಿದೆ. ಈ ನಿಟ್ಟಿನಲ್ಲಿ ಜನರು ಈಗಾಗಲೇ ಎಲ್ಲಾ ತಯಾರಿಯನ್ನು ಮಾಡಿಕೊಂಡಿದ್ದಾರೆ. ಈ ಹಬ್ಬವನ್ನು ಮಂಗಳಕರ ಎಂದು ಪರಿಗಣಿಸಲಾಗಿದೆ. ಈ ದಿನ ಚಿನ್ನ, ಬೆಳ್ಳಿಯನ್ನು ಖರೀದಿ ಮಾಡಿದರೆ ಮನೆಯಲ್ಲಿ ಸಮೃದ್ಧಿ ಹೆಚ್ಚಲಿದೆ ಎಂಬ ನಂಬಿಕೆ ಇದೆ.
ಸಾಮಾನ್ಯವಾಗಿ ಭಾರತದಲ್ಲಿ ಹಿಂದೂಗಳು ದೀಪಾವಳಿ, ದಸರಾ ಹಾಗೂ ಅಕ್ಷಯ ತೃತೀಯದಂತಹ ಸಂದರ್ಭಗಳಲ್ಲಿ ಚಿನ್ನವನ್ನು ಖರೀದಿ ಮಾಡುತ್ತಾರೆ. ಈ ವರ್ಷ ಅಕ್ಷಯ ತೃತೀಯದಂದು ಚಿನ್ನವನ್ನು ಖರೀದಿ ಮಾಡಬೇಕು ಎಂದು ಅಂದುಕೊಂಡವರಿಗೆ ಈ ಸಮಯ ಉತ್ತಮವಾಗಿದೆ. ಯಾಕೆಂದರೆ ದಿನದಿಂದ ದಿನಕ್ಕೆ ಚಿನ್ನದ ಬೆಲೆಯು ಕುಸಿತ ಕಾಣುತ್ತಿದೆ.
ಅಕ್ಷಯ ತದಿಗೆ: ಗೂಗಲ್ ಪೇ ಮೂಲಕ ಚಿನ್ನ ಖರೀದಿ, ಮಾರಾಟ ಹೇಗೆ?
ಸ್ವಲ್ಪ ಸಮಯದಿಂದ ಚಿನ್ನದ ಬೆಲೆಗಳು ರೂ 50,000 ಕ್ಕಿಂತ ಹೆಚ್ಚಿವೆ ಮತ್ತು ಈ ವಲಯದಲ್ಲಿ ಹೂಡಿಕೆ ಮಾಡಲು ಇದು ಉತ್ತಮ ಸಮಯವಾಗಿದೆ. ಈ ವರ್ಷದ ಅಕ್ಷಯ ತೃತೀಯದಲ್ಲಿ ನೀವು ಚಿನ್ನದ ನಾಣ್ಯಗಳನ್ನು ಖರೀದಿಸಲು ಯೋಜಿಸುತ್ತಿದ್ದರೆ, ನೀವು ಕೆಲವು ವಿಷಯಗಳನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕಾಗಿದೆ. ಈ ವೇಳೆ ಆಭರಣ ಮಳಿಗೆಗಳು ಚಿನ್ನದ ಮೇಲೆ ರಿಯಾಯಿತಿ ನೀಡುತ್ತಾರೆ. ಆದರೆ ನೀವು ಪ್ರಮುಖ ಐದು ಅಂಶಗಳನ್ನು ಗಮನಿಸಬೇಕು. ಅವು ಯಾವುದು ಎಂದು ತಿಳಿಯಲು ಮುಂದೆ ಓದಿ...
ಚಿನ್ನದ ಶುದ್ಧತೆಯನ್ನು ಪರಿಶೀಲಿಸಿ
ಚಿನ್ನದ ಶುದ್ಧತೆಯು ನಾಣ್ಯ ಎಷ್ಟು ಉತ್ತಮವಾಗಿದೆ ಎಂಬುದನ್ನು ನಿರ್ಧರಿಸುವಲ್ಲಿ ಪ್ರಮುಖ ಅಂಶವಾಗಿದೆ. ಚಿನ್ನದ ಶುದ್ಧತೆಯನ್ನು ನಿರ್ಣಯಿಸಲು, ಕ್ಯಾರೆಟ್ ಎಂಬ ಚಿನ್ನದ ಶುದ್ಧತೆಯ ಮಾಪನವನ್ನು ಮಾಡಲು ಎರಡು ವಿಧಾನಗಳನ್ನು ಬಳಕೆ ಮಾಡಲಾಗುತ್ತಿದೆ. ನಿಮ್ಮ ಚಿನ್ನದ ನಾಣ್ಯವು 24 ಕ್ಯಾರೆಟ್ ಆಗಿದ್ದರೆ, ನಾಣ್ಯದ ಸಂಯೋಜನೆಯ 24 ಭಾಗಗಳಲ್ಲಿ 24 ಭಾಗಗಳು ಚಿನ್ನದಿಂದ ಮಾಡಲ್ಪಟ್ಟಿದೆ ಎಂದರ್ಥ. 22 ಕ್ಯಾರಟ್ ಚಿನ್ನದ ನಾಣ್ಯಗಳಲ್ಲಿ, 24 ಭಾಗಗಳಲ್ಲಿ 22 ಭಾಗಗಳು ಚಿನ್ನದಿಂದ ಮಾಡಲ್ಪಟ್ಟಿದೆ, ಉಳಿದ ಎರಡು ಭಾಗಗಳು ಇತರ ಕೆಲವು ಲೋಹಗಳಾಗಿವೆ ಎಂದರ್ಥ. 24 ಕ್ಯಾರಟ್ ಚಿನ್ನದ ಶುದ್ಧತೆಯನ್ನು ನಿರ್ಧರಿಸುವಾಗ ಫಿಟ್ನೆಸ್ ಕಾರ್ಯರೂಪಕ್ಕೆ ಬರುವ ಅಂಶವಾಗಿದೆ.
ಚಿನ್ನದ ನಾಣ್ಯಗಳ ಮೇಲೆ ಹಾಲ್ಮಾರ್ಕ್ ನೋಡಿ
ಭಾರತೀಯ ಮಾನದಂಡಗಳ ಪ್ರಕಾರ ಚಿನ್ನದ ನಾಣ್ಯದ ಮೇಲೆ ಹಾಲ್ಮಾರ್ಕ್ ಚಿನ್ನದ ನಾಣ್ಯದ ಶುದ್ಧತೆಯನ್ನು ಖಚಿತಪಡಿಸುತ್ತದೆ. ಚಿನ್ನದ ವಸ್ತುಗಳನ್ನು ಬಿಐಎಸ್ (ಬ್ಯೂರೋ ಆಫ್ ಇಂಡಿಯನ್ ಸ್ಟ್ಯಾಂಡರ್ಡ್) ಹಾಲ್ಮಾರ್ಕಿಂಗ್ ಕೇಂದ್ರದಲ್ಲಿ ಪರೀಕ್ಷಿಸಲಾಗುತ್ತದೆ ಮತ್ತು ಪ್ರಮಾಣೀಕರಿಸಲಾಗುತ್ತದೆ. ಇದರಿಂದ ಅವುಗಳ ಶುದ್ಧತೆಯನ್ನು ನಿರ್ಧರಿಸಲಾಗುತ್ತದೆ. ಚಿನ್ನದ ನಾಣ್ಯಗಳನ್ನು ಖರೀದಿಸುವ ಮೊದಲು ನೀವು ಹಾಲ್ಮಾರ್ಕಿಂಗ್ ಚಿಹ್ನೆಗಳನ್ನು ಪರಿಶೀಲಿಸುವುದು ಉತ್ತಮವಾಗಿದೆ.
ಸತತ 2ನೇ ದಿನ ಚಿನ್ನದ ಬೆಲೆ ಇಳಿಕೆ: ದೇಶದ ಪ್ರಮುಖ ನಗರಗಳಲ್ಲಿ ಮೇ 1ರ ದರ ಎಷ್ಟಿದೆ?
ಮುಖಬೆಲೆ ಅಥವಾ ತೂಕ ಗಮನಿಸಿ
ಚಿನ್ನದ ನಾಣ್ಯಗಳನ್ನು ಖರೀದಿಸುವ ಮೊದಲು ಪ್ರಮುಖ ಅಂಶವೆಂದರೆ ವಸ್ತುವಿನ ತೂಕ ಅಥವಾ ಮುಖಬೆಲೆ. 1 ಗ್ರಾಂ, 5 ಗ್ರಾಂ ಮತ್ತು 10 ಗ್ರಾಂಗಳಲ್ಲಿ ಸಾಮಾನ್ಯವಾದವುಗಳೊಂದಿಗೆ ಲಭ್ಯವಿರುವ ಆಯ್ಕೆಗಳ ಶ್ರೇಣಿಯ ನಡುವೆ ನೀವು ಆಯ್ಕೆ ಮಾಡಬಹುದು. ಚಿನ್ನದ ನಾಣ್ಯಗಳು 0.5 ಗ್ರಾಂನಿಂದ 50 ಗ್ರಾಂಗಳವರೆಗೆ ಬರುತ್ತವೆ.
ಚಿನ್ನದ ನಾಣ್ಯಗಳ ಮೇಲಿನ ಮೇಕಿಂಗ್ ಚಾರ್ಜ್
ಆಭರಣಗಳನ್ನು ಖರೀದಿಸುವುದಕ್ಕಿಂತ ಚಿನ್ನದ ನಾಣ್ಯಗಳನ್ನು ಖರೀದಿಸುವುದು ತುಲನಾತ್ಮಕವಾಗಿ ಸುಲಭವಾಗಿದೆ ಎಂಬುದನ್ನು ನೀವು ಗಮನಿಸಬೇಕು. ನೀವು ಚಿನ್ನದ ಆಭರಣ ಖರೀದಿ ಮಾಡಿದಾಗ ಅಧಿಕ ಮೇಕಿಂಗ್ ಚಾರ್ಜ್ ನೀಡಬೇಕಾಗುತ್ತದೆ. ಆದರೆ ಚಿನ್ನದ ನಾಣ್ಯವನ್ನು ಖರೀದಿ ಮಾಡಿದರೆ ಕಡಿಮೆ ಮೇಕಿಂಗ್ ಚಾರ್ಜ್ ಇರುತ್ತದೆ. ನೀವು ಕಡಿಮೆ ತಯಾರಿಕೆಯ ಶುಲ್ಕದೊಂದಿಗೆ ಕನಿಷ್ಠ 0.5 ಗ್ರಾಂ ಚಿನ್ನವನ್ನು ಖರೀದಿಸಬಹುದು. ಚಿನ್ನದ ನಾಣ್ಯಗಳನ್ನು ತಯಾರಿಸಲು ಕಡಿಮೆ ವೆಚ್ಚ ತಗುಲುವ ಕಾರಣ ಮೇಕಿಂಗ್ ಚಾರ್ಜ್ ಕಡಿಮೆಯಾಗಿರುತ್ತದೆ.
ಚಿನ್ನದ ನಾಣ್ಯಗಳ ಮರುಮಾರಾಟ
ಆರ್ಬಿಐ ಆದೇಶದ ಪ್ರಕಾರ, ಒಬ್ಬ ವ್ಯಕ್ತಿಯು ಬ್ಯಾಂಕ್ನಿಂದ ಚಿನ್ನದ ನಾಣ್ಯಗಳನ್ನು ಖರೀದಿಸಿದರೆ, ಅವನು ಅಥವಾ ಅವಳು ಅದನ್ನು ಬ್ಯಾಂಕ್ಗೆ ಮಾರಾಟ ಮಾಡಲು ಸಾಧ್ಯವಾಗುವುದಿಲ್ಲ. ತಮ್ಮ ಚಿನ್ನದ ನಾಣ್ಯಗಳನ್ನು ಮಾರಾಟ ಮಾಡಲು ಬಯಸುವ ವ್ಯಕ್ತಿಗಳು ಆನ್ಲೈನ್ ಪ್ಲಾಟ್ಫಾರ್ಮ್ಗಳನ್ನು ಅಥವಾ ಹಾಗೆ ಖರೀದಿ ಮಾಡಲು ಮಾನ್ಯತೆ ಪಡೆದ ಆಭರಣ ಮಳಿಗೆಗಳಲ್ಲಿ ಮಾರಾಟ ಮಾಡಬೇಕು.