ಭಾರತೀಯ ಮೂಲದ ಶ್ರೀ ಸೈನಿ 2021ರ ವಿಶ್ವ ಸುಂದರಿ ಸ್ಪರ್ಧೆಯ ಮೊದಲ ರನ್ನರ್ ಅಪ್
ನವದೆಹಲಿ, ಮಾರ್ಚ್ 17: ಇಂದು (ಮಾರ್ಚ್ 17) ಪೋರ್ಟೊ ರಿಕೊದ ಸ್ಯಾನ್ಜುವಾನ್ನಲ್ಲಿ ನಡೆದ ವಿಶ್ವ ಸುಂದರಿ 2021ರ ಸೌಂದರ್ಯ ಸ್ಪರ್ಧೆಯಲ್ಲಿ ಭಾರತೀಯ-ಅಮೆರಿಕನ್ ಶ್ರೀ ಸೈನಿ ಮೊದಲ ರನ್ನರ್ ಅಪ್ ಕಿರೀಟವನ್ನು ಪಡೆದರು. ಅವರು ಸೌಂದರ್ಯ ಸ್ಪರ್ಧೆಯಲ್ಲಿ ಯುನೈಟೆಡ್ ಸ್ಟೇಟ್ಸ್ (ಅಮೆರಿಕ) ಅನ್ನು ಪ್ರತಿನಿಧಿಸಿದರು.
ಮುಖದ ಸುಟ್ಟಗಾಯಗಳಿಂದ ಬದುಕುಳಿದವರಾದ ಶ್ರೀ ಸೈನಿ, ತಮ್ಮ Instagram ಬಯೋದಲ್ಲಿ ವಿವರಿಸಿದಂತೆ, ಮಿಸ್ ವರ್ಲ್ಡ್ ಬ್ಯೂಟಿ ವಿತ್ ಎ ಪರ್ಪಸ್ (BWAP) ರಾಯಭಾರಿಯಾಗಿದ್ದಾರೆ.
ವಿಶ್ವ ಸುಂದರಿ 2021ರ ಕಾರ್ಯಕ್ರಮಕ್ಕೆ ಮುಂಚಿತವಾಗಿ, ಅವರು Instagramನಲ್ಲಿ ತಮ್ಮ ಬಾಲ್ಯದ ಫೋಟೋವನ್ನು ಹಂಚಿಕೊಂಡಿದ್ದು, ಆಕೆಯ ತಲೆಯ ಮೇಲೆ ಕಿರೀಟವನ್ನು ಹೊಂದಿದ್ದ ಫೋಟೋದಲ್ಲಿ ಶ್ರೀ ಸೈನಿ ವಿಶ್ವ ಸುಂದರಿಯಂತೆ ಕಂಗೊಳಿಸುತ್ತಿದ್ದಳು.
ನಾನು ಕೇವಲ 6 ವರ್ಷದವಳಿದ್ದಾಗ, ಮಿಸ್ ವರ್ಲ್ಡ್ ಕನಸು ಪ್ರಾರಂಭವಾಯಿತು! ನಾನು ವಿಶ್ವ ಸುಂದರಿ ವೇಷ ಧರಿಸಿದ್ದೆ, ಏಕೆಂದರೆ ನಾನು ವಿಶ್ವ ಸುಂದರಿಯನ್ನು ಸೂಪರ್ಹೀರೋ ಆಗಿ ನೋಡಿದ್ದು, ತನ್ನ ಪ್ರೀತಿಯ ಹೃದಯದಿಂದ ಸೇವೆ ಸಲ್ಲಿಸುವ ಮಹಿಳೆ," ಎಂದು ಅವರು ಶೀರ್ಷಿಕೆಯಲ್ಲಿ ಬರೆದಿದ್ದಾರೆ.
ಯಾರು ಈ ಶ್ರೀ ಸೈನಿ?
ಶ್ರೀ ಸೈನಿ ಪಂಜಾಬ್ನ ಲುಧಿಯಾನ ಮೂಲದವರು. ಆಕೆ ಕೇವಲ 5 ವರ್ಷದವಳಿದ್ದಾಗ ಆಕೆಯ ಕುಟುಂಬವು ವಾಷಿಂಗ್ಟನ್ ಡಿಸಿಗೆ ಸ್ಥಳಾಂತರಗೊಂಡಿತು. ಆಕೆಯ ಜೀವನವು ಗುಲಾಬಿಗಳ ಹಾಸಿಗೆಯಾಗಿರಲಿಲ್ಲ, ಏಕೆಂದರೆ ಅವರು ಆರೋಗ್ಯ ವಿಚಾರವಾಗಿ ಸಾಕಷ್ಟು ಬಳಲುತ್ತಿದ್ದರು.
ಶ್ರೀ ಸೈನಿ 12ನೇ ವಯಸ್ಸಿನಿಂದ ಶಾಶ್ವತ ಪೇಸ್ಮೇಕರ್ ಅನ್ನು ಹೊಂದಿದ್ದಳು ಮತ್ತು ಅಪರೂಪದ ಹೃದಯ ಕಾಯಿಲೆಯಿಂದ ಬಳಲುತ್ತಿದ್ದಳು. ಈ ಕಾರಣದಿಂದ ಆಕೆಗೆ ತೆರೆದ ಹೃದಯ ಶಸ್ತ್ರಚಿಕಿತ್ಸೆ ಮಾಡಲಾಗಿದ್ದು, ಪೇಸ್ ಮೇಕರ್ ಅಳವಡಿಸಲಾಗಿದೆ ಎಂದು ಬೆಟರ್ ಇಂಡಿಯಾ ಪ್ರಕಟಿಸಿದ ವರದಿಯಲ್ಲಿ ತಿಳಿಸಲಾಗಿದೆ.
ನಂತರ ಶ್ರೀ ಸೈನಿ ಮಾರಣಾಂತಿಕ ಅಪಘಾತವನ್ನು ಎದುರಿಸಿದಳು, ಅದು ಅವಳ ಮುಖದ ಮೇಲೆ ಸುಟ್ಟಗಾಯಗಳಾಗಿತ್ತು. ಆದರೆ ಅವಳು ಯಾವುದಕ್ಕೂ ಎದೆಗುಂದಲಿಲ್ಲ ಮತ್ತು ಬಲಶಾಲಿಯಾಗಿ ಹೊರಹೊಮ್ಮಿದಳು.
ಹಲವಾರು ಸವಾಲುಗಳನ್ನು ಎದುರಿಸಿದ ಶ್ರೀ ಸೈನಿ, ತನ್ನ ಜೀವನದ ಗುರಿಯನ್ನು ಪಡೆದುಕೊಂಡಳು. ಸಂದರ್ಶನವೊಂದರಲ್ಲಿ, ಮಿಸ್ ವರ್ಲ್ಡ್ ಆಗುವುದು ತನ್ನ ಬಾಲ್ಯದ ಕನಸಾಗಿತ್ತು ಮತ್ತು ಇತರರನ್ನು ಪ್ರೇರೇಪಿಸಲು ಬಯಸಿದೆ ಎಂದು ಒಮ್ಮೆ ಹೇಳಿದ್ದರು.
"ಮುಖದ ಸುಟ್ಟಗಾಯಗಳು ಮತ್ತು ಹೃದಯ ದೋಷವನ್ನು ನಿವಾರಿಸುವ ನನ್ನ ಕಥೆಯು ತಮ್ಮ ದೈನಂದಿನ ಸವಾಲುಗಳನ್ನು ಜಯಿಸಲು ಜನರನ್ನು ಪ್ರೋತ್ಸಾಹಿಸುತ್ತದೆ ಎಂದು ನಾನು ಭಾವಿಸುತ್ತೇನೆ,'' ಎಂದು ಶ್ರೀ ಸೈನಿ ಮಿಸ್ ವರ್ಲ್ಡ್ ಈವೆಂಟ್ಗೆ ಮುಂಚಿತವಾಗಿ Instagram ಪೋಸ್ಟ್ನಲ್ಲಿ ಬರೆದಿದ್ದಾರೆ.
ಶ್ರೀ ಸೈನಿ ಇನ್ಸ್ಟಾಗ್ರಾಂನಲ್ಲಿ 137k ಅನುಯಾಯಿಗಳನ್ನು ಹೊಂದಿದ್ದಾರೆ ಮತ್ತು ಆಗಾಗ್ಗೆ ಅವರ ವಿವಿಧ ಫೋಟೋಶೂಟ್ಗಳ ಚಿತ್ರಗಳನ್ನು ಹಂಚಿಕೊಳ್ಳುತ್ತಾರೆ.
Click it and Unblock the Notifications
Sign in with Google