Bigg Boss Kannada 12: ನಾಳೆಯಿಂದ ಬಿಗ್ಬಾಸ್ ಆರಂಭ, ಲೀಕ್ ಆಯ್ತು ಟಾಪ್ ಸ್ಪರ್ಧಿಗಳ ಹೆಸರು
ಬಿಗ್ಬಾಸ್ ಕನ್ನಡ ಸೀಸನ್ 12 ಆರಂಭಕ್ಕೆ ಒಂದೇ ದಿನ ಬಾಕಿ ಇದೆ. ಸೆಪ್ಟೆಂಬರ್ 28ರಂದು ಭಾನುವಾರ ಸಂಜೆ ಬಿಗ್ಬಾಸ್ನ ಗ್ರ್ಯಾಂಡ್ ಓಪನಿಂಗ್ಗೆ ವೇದಿಕೆ ಸಜ್ಜಾಗಿದೆ. ಯಾರು ಈ ಸೀಸನ್ನ ಸ್ಪರ್ಧಿಗಳು ಎಂಬ ಕುತೂಹಲಕ್ಕೆ ಭಾನುವಾರವೇ ತೆರೆ ಬೀಳಲಿದೆ. ಬಿಗ್ಬಾಸ್ ಮನೆಯಲ್ಲಿ ಯಾರೆಲ್ಲ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಕಾತುರ ಪ್ರೇಕ್ಷಕರಲ್ಲಿ ಮನೆ ಮಾಡಿದೆ. ಸೋಷಿಯಲ್ ಮೀಡಿಯಾದಲ್ಲಿ ಈ ಸೀಸನ್ ಬಿಗ್ಬಾಸ್ ಸ್ಪರ್ಧಿಗಳ ಹೊಸ ಲಿಸ್ಟ್ ಲೀಕ್ ಆಗಿದ್ದು, ಇವರೇ ಕನ್ಫರ್ಮ್ ಸ್ಪರ್ಧಿಗಳು ಎಂದು ಹೇಳಲಾಗುತ್ತಿದೆ. ಟಾಪ್ ಹತ್ತು ಮಂದಿಯ ಹೆಸರು ಈ ಲಿಸ್ಟ್ನಲ್ಲಿದೆ.
ಮೌನ ಗುಡ್ಡೇಮನೆ: ಮೂಲತಃ ಮಂಗಳೂರಿನವರಾದ ಕನ್ನಡ ಕಿರುತೆರೆ ನಟಿ ಮೌನ ಗುಡ್ಡೇಮನೆ ಈ ಸೀಸನ್ನಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ. ಕುಲದಲ್ಲಿ ಕೀಳ್ಯಾವುದೋ ಸಿನಿಮಾ ಮೂಲಕ ನಟಿಯಾಗಿ ಎಂಟ್ರಿ ಕೊಟ್ಟಿದ್ದಾರೆ. ರಾಮಾಚಾರಿ ಸೀರಿಯಲ್ ಈಗಷ್ಟೇ ಮುಗಿದಿದ್ದು, ಬಿಗ್ಬಾಸ್ಗೆ ಹೋಗ್ತಾರೆ ಎನ್ನಲಾಗಿದೆ.
ಕಾಕ್ರೋಚ್ ಸುಧಿ: ಸಲಗ, ಟಗರು, ಭೀಮ ಸಿನಿಮಾ ಖ್ಯಾತಿಯ ಕಾಕ್ರೋಚ್ ಸುಧಿ ಕೂಡ ಈ ಸೀಸನ್ನಲ್ಲಿ ಕಾಣಿಸಿಕೊಳ್ತಾರಂತೆ. ಈಗಾಗಲೇ ಒಂದೆರಡು ಬಾರಿ ಆಫರ್ ಬಂದಿದ್ದು, ಕಾರಣಾಂತರಗಳಿಂದ ಹೋಗಿರಲಿಲ್ಲ. ಈ ಬಾರಿ ಕರೆದರೆ ಪಕ್ಕಾ ಹೋಗ್ತೀನಿ ಎಂದಿದ್ದರು ಸುಧಿ.
ನಟಿ ರಾಶಿಕಾ ಶೆಟ್ಟಿ: ಯೋಗರಾಜ್ ಭಟ್ ನಿರ್ದೇಶನದ ಮನದ ಕಡಲು ಸಿನಿಮಾ ಮೂಲಕ ನಾಯಕಿಯಾಗಿ ಸ್ಯಾಂಡಲ್ವುಡ್ ಪ್ರವೇಶಿಸಿರುವ ರಾಶಿಕಾ ಶೆಟ್ಟಿ ಹೆಸರು ಕೂಡ ಈ ಪಟ್ಟಿಯಲ್ಲಿದೆ. ಬಿಗ್ಬಾಸ್ ಮೂಲಕ ರಾಶಿಕಾ ಹೊಸ ಹೆಜ್ಜೆ ಇಡುತ್ತಿದ್ದಾರೆ ಎನ್ನಲಾಗಿದೆ.
ಸೂರಜ್: ಕಾಮಿಡಿ ಕಿಲಾಡಿಗಳು ಖ್ಯಾತಿಯ ಸೂರಜ್ ಬಿಗ್ಬಾಸ್ ಮನೆಗೆ ಹೋಗುವುದು ಪಕ್ಕಾ ಎಂದು ಹೇಳಲಾಗುತ್ತಿದೆ. ಪ್ರತಿ ಬಾರಿಯೂ ಒಬ್ಬ ಹಾಸ್ಯ ನಟರು ಬಿಗ್ಬಾಸ್ನಲ್ಲಿರುತ್ತಾರೆ. ಈ ಬಾರಿ ಸೂರಜ್ಗೆ ಆ ಅದೃಷ್ಟ ಒಲಿದಿದೆಯಂತೆ.
ಸ್ಪಂದನಾ ಸೋಮಣ್ಣ: "ಕರಿಮಣಿ" ಸೀರಿಯಲ್ ನಟಿ ಸ್ಪಂದನಾ ಸೋಮಣ್ಣ ಈ ಬಾರಿಯ ಬಿಗ್ಬಾಸ್ ಸ್ಪರ್ಧಿಗಳ ಲಿಸ್ಟ್ನಲ್ಲಿದ್ದಾರೆ. ಸೀರಿಯಲ್ ಮೂಲಕ ಕರ್ನಾಟಕದ ಮನೆಮಾತಾಗಿರುವ ಸ್ಪಂದನಾ ದೊಡ್ಮನೆಯಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ.
ಅಭಿಷೇಕ್ ಶ್ರೀಕಾಂತ್: "ವಧು" ಸೀರಿಯಲ್ ನಟ ಅಭಿಷೇಕ್ ಶ್ರೀಕಾಂತ್ ಹೆಸರು ಕಳೆದ ಸೀಸನ್ ವೇಳೆಯೇ ಹರಿದಾಡಿತ್ತು. ಈ ಬಾರಿ ಅಭಿಷೇಕ್ ಬಿಗ್ಬಾಸ್ ಸ್ಪರ್ಧಿಯಾಗಿರುವುದು ಪಕ್ಕಾ ಎಂದು ಹೇಳಲಾಗುತ್ತಿದೆ.
ಧನುಷ್ ಗೌಡ: "ಗೀತಾ" ಸೀರಿಯಲ್ ನಟ ಧನುಷ್ ಗೌಡ ಕೂಡ ಸಖತ್ ಫೇಮಸ್. ಚಾಕೊಲೇಟ್ ಬಾಯ್ ಆಗಿ ಗುರುತಿಸಿಕೊಂಡಿರುವ ಧನುಷ್ ಬಿಗ್ಬಾಸ್ ಕಾರ್ಯಕ್ರಮಕ್ಕೆ ಹೋಗ್ತಾರಂತೆ. ಹಲವು ತಿಂಗಳಿಂದ ಧನುಷ್ ಹೆಸರು ಕೇಳಿಬರುತ್ತಲೇ ಇದೆ.
ನಟಿ ಮೇಘಾ ಶೆಟ್ಟಿ: ಜೊತೆ ಜೊತೆಯಲಿ ಸೀರಿಯಲ್ ನಟಿ ಮೇಘಾ ಶೆಟ್ಟಿ, ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಬಿಗ್ಬಾಸ್ಗೆ ನಾನು ಹೋಗ್ತಿಲ್ಲ ಎಂದು ಕೆಲ ದಿನಗಳ ಹಿಂದೆ ಸ್ಟೇಟಸ್ ಕೂಡ ಹಾಕಿದ್ರು. ಆದರೆ ಕೊನೆ ಹಂತದಲ್ಲಿ ಮೇಘಾ ಬಿಗ್ಬಾಸ್ ಮನೆ ಪ್ರವೇಶಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ.
ಆಂಕರ್ ಜಾಹ್ನವಿ: ಕನ್ನಡ ನ್ಯೂಸ್ ಆಂಕರ್ ಆಗಿ ಗಮನ ಸೆಳೆದಿದ್ದ ಜಾಹ್ನವಿ ಗಿಚ್ಚಿಗಿಲಿಗಿಲಿ ಶೋ ಮೂಲಕ ಮಿಂಚಿದ್ದರು. ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಆಕ್ಟಿವ್ ಆಗಿರುವ ಜಾಹ್ನವಿ ಬಿಗ್ಬಾಸ್ ಮನೆಗೆ ಕಾಲಿಡುತ್ತಿದ್ದಾರಂತೆ.
Click it and Unblock the Notifications
Sign in with Google