10 ರಾಜ್ಯಗಳಲ್ಲಿ ಲೋಕಸಭೆ, ವಿಧಾನಸಭೆ ಉಪಚುನಾವಣೆ ಫಲಿತಾಂಶ 2018 LIVE
ನವದೆಹಲಿ, ಮೇ 31 : ಕರ್ನಾಟಕದ ರಾಜರಾಜೇಶ್ವರಿ ನಗರ ವಿಧಾನಸಭಾ ಕ್ಷೇತ್ರದಲ್ಲಿ ನಡೆದ ಚುನಾವಣೆ ಮತ್ತು ದೇಶದ ಇತರ ರಾಜ್ಯಗಳಲ್ಲಿ 4 ಲೋಕಸಭೆ ಮತ್ತು 9 ವಿಧಾನಸಭೆ ಕ್ಷೇತ್ರಗಳಿಗೆ ನಡೆದ ಉಪಚುನಾವಣೆಯ ಫಲಿತಾಂಶ ಹೊರಬಿದ್ದಿದೆ.
ರಾಜರಾಜೇಶ್ವರಿ ನಗರದಲ್ಲಿ ಮೈತ್ರಿಕೂಟದ ಅಂಗಪಕ್ಷಗಳಾದರೂ ಕಾಂಗ್ರೆಸ್ ಮತ್ತು ಜೆಡಿಎಸ್ ಅಭ್ಯರ್ಥಿಗಳು ತಮ್ಮ ಪ್ರತಿಷ್ಠೆಯನ್ನು ಪಣಕ್ಕಿಟ್ಟುಕೊಂಡು ಜಿದ್ದಾಜಿದ್ದಿ ಕಣಕ್ಕಿಳಿದಿದ್ದರು. ಕರ್ನಾಟಕದ ದೃಷ್ಟಿಯಿಂದ ಈ ಚುನಾವಣೆ ಅತ್ಯಂತ ಪ್ರಮುಖವಾಗಿದೆ. ಇಬ್ಬರಲ್ಲೊಬ್ಬರು ಗೆದ್ದರೂ ಅಷ್ಟೇ ಸೋತರೂ ಅಷ್ಟೆ, ಗೆಲುವು-ಸೋಲು ಮೈತ್ರಿಕೂಟಕ್ಕೇ.
ಈ ಎಲ್ಲ ಕ್ಷೇತ್ರಗಳಿಗೆ ಮೇ 28ರಂದು ಸೋಮವಾರ ಮತದಾನ ನಡೆದಿತ್ತು. ಲೋಕಸಭೆ ಚುನಾವಣೆಯಲ್ಲಿ ಮತ್ತು ಇತ್ತೀಚೆಗೆ ಹಲವಾರು ರಾಜ್ಯಗಳಲ್ಲಿ ನಡೆದ ವಿಧಾನಸಭೆ ಚುನಾವಣೆಯಲ್ಲಿ ಉತ್ತಮ ಸಾಧನೆ ತೋರಿದ್ದ ಭಾರತೀಯ ಜನತಾ ಪಕ್ಷ ಉಪಚುನಾವಣೆಗಳಲ್ಲಿ ಮುಗ್ಗರಿಸಿ ಬಿದ್ದಿದೆ.
ನಡೆದ 4 ಲೋಕಸಭೆ, 9 ವಿಧಾನಸಭೆ ಉಪಚುನಾವಣೆ ಮತ್ತು ಕರ್ನಾಟಕದಲ್ಲಿ ನಡೆದ ಒಂದು ವಿಧಾನಸಭೆ ಚುನಾವಣೆಗಳಲ್ಲಿ, ಕೇವಲ 1 ಲೋಕಸಭೆ ಮತ್ತು 1 ವಿಧಾನಸಭೆ ಚುನಾವಣೆಗಳಲ್ಲಿ ಮಾತ್ರ ಭಾರತೀಯ ಜನತಾ ಪಕ್ಷ ಗೆದ್ದಿದ್ದು, ಉಳಿದರಲ್ಲಿ ಸೋತು ಸುಣ್ಣವಾಗಿದೆ. ಮೈತ್ರಿಕೂಟಗಳು ಬಿಜೆಪಿಯನ್ನು ಸದೆಬಡಿದಿವೆ.
ಇವಿಎಂ ಮತಎಣಿಕೆಯ ಬಗ್ಗೆ ಶಿವಸೇನೆಯ ನಾಯಕ ಉದ್ಧವ್ ಠಾಕ್ರೆ ತಕರಾರು ತೆಗೆದಿದ್ದಾರೆ. ಈ ಸಮಸ್ಯೆ ಬಗೆಹರಿಯುವವರೆಗೆ ಫಲಿತಾಂಶ ಪ್ರಕಟಿಸಬಾರದು. ಅವಶ್ಯಕತೆ ಬಿದ್ದರೆ ಕೋರ್ಟಿಗೂ ಹೋಗಲು ರೆಡಿ ಅಂದಿದ್ದಾರೆ.
ಉತ್ತರ ಪ್ರದೇಶದ ಕೈರಾನಾ ಲೋಕಸಭೆ ಉಪಚುನಾವಣೆಯಲ್ಲಿ ಬಿಜೆಪಿಯ ಅಭ್ಯರ್ಥಿಯನ್ನು ಆರ್ಎಲ್ಡಿ-ಎಸ್ಪಿ ಅಭ್ಯರ್ಥಿ ತಬಸುಮ್ ಹಸನ್ ಸೋಲಿಸಿದ್ದಾರೆ.
ಪಾಲಘರ್ ಲೋಕಸಭೆ ಕ್ಷೇತ್ರದಲ್ಲಿ ಬಿಜೆಪಿಯ ರಾಜೇಂದ್ರ ಗಾವಿತ್ ಅವರು ಶಿವಸೇನಾದ ಶ್ರೀನಿವಾಸ್ ವಾನಗಾ ಅವರನ್ನು ಸೋಲಿಸಿದ್ದಾರೆ.
ಪಂಜಾಬ್ನ ಶಹಕೋಟ್ ವಿಧಾನಸಭೆ ಕ್ಷೇತ್ರದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಹರದೇವ್ ಸಿಂಗ್ ಲಾದಿ ಅವರು 38,802 ಮತಗಳಿಂದ ಗೆಲುವು ಸಾಧಿಸಿದ್ದಾರೆ.
ಪಶ್ಚಿಮ ಬಂಗಾಳದ ಮಹೇಶ್ತಲ ವಿಧಾನಸಭೆ ಕ್ಷೇತ್ರದಲ್ಲಿ ಬಿಜೆಪಿಯ ಸುಜಿತ್ ಘೋಶ್ ಅವರನ್ನು ತೃಣಮೂಲ ಕಾಂಗ್ರೆಸ್ನ ದುಲಾಲ್ ಚಂದ್ರ ದಾಸ್ ಮಣಿಸಿದ್ದಾರೆ.
ಉತ್ತರಾಖಂಡದ ಥರಾಲಿ ಉಪ ಚುನಾವಣೆಯಲ್ಲಿ ಬಿಜೆಪಿ ಗೆಲುವು ಸಾಧಿಸಿದೆ. ಥರಾಲಿ ಕ್ಷೇತ್ರದ ಬಿಜೆಪಿ ಶಾಸಕರಾಗಿದ್ದ ಮಗನ್ ಲಾಲ್ ಶಾ ಅವರು ಫೆಬ್ರುವರಿಯಲ್ಲಿ ನಿಧನರಾಗಿದ್ದರು.
ಆರ್ಆರ್ ನಗರ ಚುನಾವಣೆಯಲ್ಲಿ ಕಾಂಗ್ರೆಸ್ನ ಮುನಿರತ್ನ 1,08,064 ಮತ, ಬಿಜೆಪಿಯ ತುಳಸಿ ಮುನಿರಾಜು 85,572 ಮತ್ತು ಜೆಡಿಎಸ್ನ ರಾಮಚಂದ್ರ 60,360 ಮತ ಪಡೆದುಕೊಂಡಿದ್ದಾರೆ.
ರಾಜರಾಜೇಶ್ವರಿ ನಗರ ಚುನಾವಣೆಯಲ್ಲಿ ಕಾಂಗ್ರೆಸ್ನ ಮುನಿರತ್ನ 25,492 ಮತಗಳಿಂದ ಗೆಲುವು ಸಾಧಿಸಿದ್ದಾರೆ.
ಆರ್ ಜೆಡಿಯ ಗೆಲುವಿನ ಅಂತರಕ್ಕಿಂತ (ಆಡಳಿತಾರೂಢ) ಜೆಡಿಯು ಕಡಿಮೆ ಮತ ಪಡೆದಿದೆ. ನಿತಿಶ್ ಕುಮಾರ್ ಯುಟರ್ನ್ ತೆಗೆದುಕೊಂಡಿದ್ದಕ್ಕೆ ಬಿಹಾರದ ಜನತೆ ಸೇಡು ತೀರಿಸಿಕೊಳ್ಳುತ್ತಿದ್ದಾರೆ - ಜೋಕಿಹಾಟ್ ಗೆಲುವಿನ ನಂತರ ತೇಜಸ್ವಿ ಯಾದವ್ ಪ್ರತಿಕ್ರಿಯೆ.
ರಾಜರಾಜೇಶ್ವರಿ ನಗರದಲ್ಲಿ 16ನೇ ಸುತ್ತಿನ ನಂತರ ಮುನಿರತ್ನ 1,03,195, ಮುನಿರಾಜು ಗೌಡ 69,769, ಜಿಎಚ್ ರಾಮಚಂದ್ರ 54,289 ಮತ ಗಳಿಸಿದ್ದಾರೆ. ಇನ್ನೇನು ಮುನಿರತ್ನ ಜಯ ಘೋಷಣೆ ಮಾಡುವುದು ಬಾಕಿಯಿದೆ.
ಉತ್ತರ ಪ್ರದೇಶದ ನೂಪುರ ವಿಧಾನಸಭೆ ಕ್ಷೇತ್ರವನ್ನು ಸಮಾಜವಾದಿ ಪಕ್ಷದ ನಯೀಮ್ ಉಲ್ ಹಸನ್ ಅವರು ಬಿಜೆಪಿಯ ಪ್ರತಿಸ್ಪರ್ಧಿ ಅವಿನಾಶ್ ಸಿಂಗ್ ಅವರನ್ನು 6,211 ಮತಗಳಿಂದ ಸೋಲಿಸಿ ಜಯಭೇರಿ ಬಾರಿಸಿದ್ದಾರೆ.
ಕೇರಳದ ಚೆಂಗನ್ನೂರು ವಿಧಾನಸಭೆ ಚುನಾವಣೆಯನ್ನು ಸಿಪಿಐ(ಎಂ)ನ ಸಜಿ ಚೆರಿಯನ್ ಅವರು ಗೆದ್ದುಕೊಂಡಿದ್ದಾರೆ. ಸಿಪಿಐ(ಎಂ)ನ ಶಾಸಕ ಕೆಕೆ ರಾಮಚಂದ್ರನ್ ನಾಯರ್ ಅವರು ಅಸುನೀಗಿದ್ದರಿಂದ ಉಪಚುನಾವಣೆ ನಡೆಸಲಾಗಿತ್ತು.
ರಾಜರಾಜೇಶ್ವರಿ ನಗರದಲ್ಲಿ 14ನೇ ಸುತ್ತಿನ ಮತಎಣಿಕೆಯ ನಂತರ ಬಂದಿರುವ ಮತಗಳು ಹೀಗಿವೆ : ಮುನಿರತ್ನ 97,440, ಮುನಿರಾಜು ಗೌಡ 56,278, ಜಿಎಚ್ ರಾಮಚಂದ್ರ 45,345
ಉತ್ತರ ಪ್ರದೇಶದ ಕೈರಾನಾ ಲೋಕಸಭೆ ಕ್ಷೇತ್ರದಲ್ಲಿ 13ನೇ ಸುತ್ತಿನ ಮತಎಣಿಕೆಯ ನಂತರ ಕಾಂಗ್ರೆಸ್ ನ ತಬಸ್ಸುಮ್ ಅವರು ಬಿಜೆಪಿಯ ಮೃಗಾಂಕಾ ಅವರಿಂತ 41,391 ಮತಗಳಿಂದ ಮುಂದಿದ್ದಾರೆ.
ರಾಜರಾಜೇಶ್ವರಿ ನಗರದಲ್ಲಿ ಕಾಂಗ್ರೆಸ್ ಕಾರ್ಯಕರ್ತರ ತಮ್ಮಟೆಯ ಸದ್ದು, ಶಿಳ್ಳೆಗಳು, ಆಬುಲಿ ಮುಡಿದು ಬಂದಿರುವ ಕಾರ್ಯಕರ್ತೆಯರ ನರ್ತನ, ಗುಲಾಲ್ ಎರಚಾಟ, ಅಭಿಮಾನಿಗಳ ಕಿರುಚಾಟ ನಿಲ್ಲುತ್ತಲೇ ಇಲ್ಲ.
#Karnataka: Congress workers celebrate in Bengaluru as Party leads from Rajarajeshwari Nagar assembly constituency pic.twitter.com/vmlBSkeToq
— ANI (@ANI) May 31, 2018
ರಾಜರಾಜೇಶ್ವರಿ ನಗರದಲ್ಲಿ 13ನೇ ಸುತ್ತಿನ ಮತಎಣಿಕೆಯ ನಂತರ ಮುನಿರತ್ನ 92,625, ಮುನಿರಾಜು ಗೌಡ 49,216, ಜಿಎಚ್ ರಾಮಚಂದ್ರ 40,469 ಮತ ಪಡೆದಿದ್ದಾರೆ. ಈಗಾಗಲೆ ಕಾಂಗ್ರೆಸ್ ಕಾರ್ಯಕರ್ತರು ವಿಜಯೋತ್ಸಾಹದಲ್ಲಿದ್ದಾರೆ.
ನಾಗಾಲ್ಯಾಂಡ್ ಲೋಕಸಭೆ ಕ್ಷೇತ್ರದಲ್ಲಿ ನಾಗಾ ಪೀಪಲ್ಸ್ ಫ್ರಂಟ್ ನ ಅಭ್ಯರ್ಥಿ ನ್ಯಾಷನಲಿಸ್ಟ್ ಡೆಮಾಕ್ರೆಟಿಕ್ ಪ್ರೊಗ್ರೆಸಿವ್ ಪಾರ್ಟಿಯ ಅಭ್ಯರ್ಥಿಗಿಂತ 11 ಸಾವಿರ ಮತಗಳ ಅಂತರದಿಂದ ಮುಂದಿದ್ದಾರೆ.
ಮಹಾರಾಷ್ಟ್ರದ ಪಾಲ್ಘರ್ ಲೋಕಸಭೆ ಕ್ಷೇತ್ರದ ಮತಎಣಿಕೆಯಲ್ಲಿ ಬಿಜೆಪಿಯ ಅಭ್ಯರ್ಥಿ ಗವಿತ್ ರಾಜೇಂದ್ರ ಧೇಡ್ಯಾ ಅವರು 17,417 ಮತಗಳಿಂದ ಮುಂದಿದ್ದಾರೆ.
ಜಾರ್ಖಂಡ್ ನ ಸಿಲ್ಲಿ ವಿಧಾನಸಭೆ ಕ್ಷೇತ್ರದ ಉಪಚುನಾವಣೆ ಫಲಿತಾಂಶ : ಜೆಎಂಎಂನ ಸೀಮಾ ದೇವಿ ಅವರು 6ನೇ ಸುತ್ತಿನ ಮತಎಣಿಕೆಯ ನಂತರ 296 ಮತಗಳ ಮುನ್ನಡೆ ಸಾಧಿಸಿದ್ದಾರೆ.
ರಾಜರಾಜೇಶ್ವರಿ ನಗರದಲ್ಲಿ 10ನೇ ಸುತ್ತಿನ ಮತಎಣಿಕೆಯ ನಂತರ ಮುನಿರತ್ನ 80,282 ಮುನಿರಾಜು ಗೌಡ 34,064 ಜಿಎಚ್ ರಾಮಚಂದ್ರ 23,526 ಮತಗಳನ್ನು ಪಡೆದಿದ್ದಾರೆ.
ಭಂಡಾರ-ಗೋಂಡಿಯಾ ಲೋಕಸಭೆ ಕ್ಷೇತ್ರದಲ್ಲಿ ಎನ್ಸಿಪಿ, ಪಶ್ಚಿಮ ಬಂಗಾಳದ ಮಹೇಶ್ತಲದಲ್ಲಿ ಟಿಎಂಸಿ, ಮೇಘಾಲಯದ ಅಂಪಾಟಿಯಲ್ಲಿ ಕಾಂಗ್ರೆಸ್, ಉತ್ತರ ಪ್ರದೇಶದ ನೂರಪುರದಲ್ಲಿ ಸಮಾಜವಾದಿ ಪಕ್ಷ, ಕೇರಳದ ಚೆಂಗನ್ನೂರುನಲ್ಲಿ ಸಿಪಿಐ(ಎಂ) ಮುನ್ನಡೆ ಸಾಧಿಸಿವೆ.
ಜಾರ್ಖಂಡ್ ನ ಗೋಮಿಯಾ ವಿಧಾನಸಭೆ ಕ್ಷೇತ್ರದಲ್ಲಿ ಬಿಜೆಪಿಯ ಅಭ್ಯರ್ಥಿ ಮಾಧವ ಲಾಲ್ ಸಿಂಗ್ 7,174 ಮತಗಳ ಅಂತರದಿಂದ ಮುಂದಿದ್ದಾರೆ.
ರಾಜರಾಜೇಶ್ವರಿ ನಗರದಲ್ಲಿ 8ನೇ ಸುತ್ತಿನ ಮತಎಣಿಕೆಯ ನಂತರ - ಮುನಿರತ್ನ 70,224 (ಕಾಂಗ್ರೆಸ್), ಮುನಿರಾಜು ಗೌಡ 27,946 (ಬಿಜೆಪಿ), ಜಿಎಚ್ ರಾಮಚಂದ್ರ 15,450 (ಜೆಡಿಎಸ್)
ಪಂಜಾಬ್ ನ ಶಾಹ್ ಕೋಟ್ ನಲ್ಲಿ 6ನೇ ಸುತ್ತಿ ಮತಎಣಿಕೆಯ ನಂತರ ಕಾಂಗ್ರೆಸ್ ಅಭ್ಯರ್ಥಿ ಲಡ್ಡಿ ಶೇರೋವಾಲಿಯಾ ಅವರು 12 ಸಾವಿರ ಮತಗಳ ಅಂತರದಿಂದ ಮುಂದಿದ್ದಾರೆ.
ರಾಜರಾಜೇಶ್ವರಿ ನಗರದಲ್ಲಿ 6ನೇ ಸುತ್ತಿನ ನಂತರ - ಮುನಿರತ್ನ 52,285 (ಕಾಂಗ್ರೆಸ್), ಮುನಿರಾಜು ಗೌಡ 20,858 (ಬಿಜೆಪಿ), ಜಿಎಚ್ ರಾಮಚಂದ್ರ 10,123 (ಜೆಡಿಎಸ್)
ಕೈರಾನಾ ಉಪಚುನಾವಣೆ :
ಬಿಜೆಪಿಯ ಮೃಗಾಂಕಾ ಸಿಂಗ್ - 45,368 ಮತಗಳು;
ಆರ್ ಎಲ್ ಡಿ - ತಬಸ್ಸುಮ್ ಹಸನ್ - 55,082 ಮತಗಳು
ಮಹಾರಾಷ್ಟ್ರದ ಭಂಡಾರ-ಗೋಂಡಿಯಾ ಕ್ಷೇತ್ರದಲ್ಲಿ ಎನ್ಸಿಪಿಯ ಅಭ್ಯರ್ಥಿ 3,100 ಮತಗಳಿಂದ ಮುಂದಿದ್ದು, ಬಿಜೆಪಿ ಅಭ್ಯರ್ಥಿ ಹಿಂದಿದ್ದಾರೆ.
ರಾಜರಾಜೇಶ್ವರಿ ನಗರದಲ್ಲಿ ಕಾಂಗ್ರೆಸ್ ನ ಮುನಿರತ್ನ 41,625, ಬಿಜೆಪಿಯ ಮುನಿರಾಜು ಗೌಡ 17,948, ಜೆಡಿಎಸ್ ನ ಜಿಎಚ್ ರಾಮಚಂದ್ರ 8,470 ಮತ ಗಳಿಸಿದ್ದು, ಕಾಂಗ್ರೆಸ್ ಗೆಲುವು ಖಚಿತವಾಗಿದೆ.
ಮಹಾರಾಷ್ಟ್ರದ ಪಾಲ್ಘರ್ ಲೋಕಸಭೆ ಉಪಚುನಾವಣೆಯಲ್ಲಿ ಬಿಜೆಪಿಯ ಗವಿತ್ ರಾಜೇಂದ್ರ ಘೇಡ್ಯಾ ಅವರು 6 ಸಾವಿರ ಮತಗಳಿಂದ ಮುನ್ನಡೆ ಸಾಧಿಸಿದ್ದಾರೆ.
ಉತ್ತರ ಪ್ರದೇಶದ ಕೈರಾನಾದಲ್ಲಿ ಮೊದಲ ಸುತ್ತಿನ ನಂತರ ಆರ್ಎಲ್ಡಿ ಅಭ್ಯರ್ಥಿ ತಬಸ್ಸುಮ್ ಹಸನ್ 3,700 ಮತಗಳು ಮತ್ತು ಬಿಜೆಪಿಯ ಮೃಗಾಂಕಾ ಸಿಂಗ್ 3,746 ಮತ ಗಳಿಸಿದ್ದಾರೆ. ಬಿಜೆಪಿ ಸೋತರೆ ಮತ್ತು ಮುಖಭಂಗ ಅನುಭವಿಸಿದಂತಾಗುತ್ತದೆ.
First round of counting is completed, tabulation is underway, RLD candidate Tabassum Hasan has received 3700 votes and BJP's Mriganka Singh has received 3746 votes: Indra Vijay Singh, Collector, Shamli on #KairanaByPolls pic.twitter.com/c4yoDcCQKU
— ANI UP (@ANINewsUP) May 31, 2018
READ MORE
More From
-
ಭಾರತೀಯ ಸೇನೆಯನ್ನ ಅಪಹಾಸ್ಯ ಮಾಡಿದ್ದ ಪಾಕ್ ಆಟಗಾರನಿಗೆ 2.34 ಕೋಟಿ ಆಫರ್; ಕಾವ್ಯಾ ಮಾರನ್ ವಿರುದ್ಧ ಭುಗಿಲೆದ್ದ ಆಕ್ರೋಶ -
Bengaluru: ಬೆಂಗಳೂರಿನ ಹೋಟೆಲ್ಗಳಲ್ಲಿ ಗ್ರಾಹಕರಿಗೆ ಶಾಕ್: ಸಾಂಬಾರ್ ಬದಲು ಬೇರೆ ಆಯ್ಕೆ - ಪೋಸ್ಟ್ ವೈರಲ್, ಡಿಸಿ ಹೇಳಿದ್ದೇನು -
Sulekere: ಮಂಡ್ಯದಲ್ಲಿ ಸೂಳೇಕೆರೆ ಮರುನಾಮಕರಣ ಚರ್ಚೆ: ಇತಿಹಾಸಕ್ಕೆ ಮಸಿ ಬಳಿಯಬೇಡಿ ಎಂದ ಜಗದೀಶ್ ಕೊಪ್ಪ -
B Khata: ಬಿ ಖಾತಾದಿಂದ ಎ ಖಾತಾ ಪರಿವರ್ತನೆ ಸವಾಲುಗಳು: ವೆಚ್ಚ, ಪ್ರಕ್ರಿಯೆ ಸ್ವಂತ ವಿವರ ಹಂಚಿಕೊಂಡ ಆಸ್ತಿದಾರ ಶ್ರೀನಿವಾಸ ಮಠ -
Weekly Horoscope March 16-22: ಈ ಯುಗಾದಿಗೆ ಯಾವ ರಾಶಿಯವರಿಗೆ ಅದೃಷ್ಟದ ಬಾಗಿಲು ತೆರೆಯಲಿದೆ? ಇಲ್ಲಿದೆ ಈ ವಾರದ ನಿಮ್ಮ ರಾಶಿ ಫಲ -
New Airport: 3 ಜಿಲ್ಲೆ ಜನರ ಅನುಕೂಲಕ್ಕಾಗಿ ಸರ್ಕಾರದ ಮಾಸ್ಟರ್ ಪ್ಲ್ಯಾನ್: ಬಳ್ಳಾರಿ ಬಳಿ ಹೊಸ ಏರ್ಪೋರ್ಟ್ -
PUC ವಿದ್ಯಾರ್ಥಿಗಳ ಗಮನಕ್ಕೆ: ದ್ವಿತೀಯ ಪಿಯುಸಿ ಫಲಿತಾಂಶ ಸುಧಾರಣೆಗೆ ಇನ್ಮುಂದೆ 2 ವರ್ಷ ಮಾತ್ರ ಅವಕಾಶ -
National Highway: ಕರ್ನಾಟಕದ ನಾಲ್ಕು ಪ್ರಮುಖ ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿ ಬಗ್ಗೆ ಮಹತ್ವದ ಮಾಹಿತಿ ಹಂಚಿಕೊಂಡ ನಿತಿನ್ ಗಡ್ಕರಿ -
Gold Rate: ಬೆಂಗಳೂರಿನಲ್ಲಿ ಇಳಿಕೆಯಾಯ್ತು ಚಿನ್ನ-ಬೆಳ್ಳಿ ಬೆಲೆ; ಇಲ್ಲಿದೆ ದರ ಪಟ್ಟಿ -
Rain in Karnataka: ಬಿರು ಬಿಸಿಲಿನ ನಡುವೆ ಬೆಂಗಳೂರು ಸೇರಿ ಕರ್ನಾಟಕದ ಈ ಜಿಲ್ಲೆಗಳಲ್ಲಿ ನಾಲ್ಕು ದಿನ ಮಳೆ: ಐಎಂಡಿ ರಿಪೋರ್ಟ್ -
Horoscope March 14: ಈ ರಾಶಿಯವರ ಆರ್ಥಿಕ ಸ್ಥಿತಿ ಸುಧಾರಣೆ, ದಾಂಪತ್ಯ ಜೀವನದಲ್ಲಿ ಸಂತಸ, ದಿನ ಭವಿಷ್ಯ -
BCCI: ಕರ್ನಾಟಕದ ಕ್ರಿಕೆಟ್ ದಿಗ್ಗಜರಾದ ರಾಹುಲ್ ದ್ರಾವಿಡ್, ರೋಜರ್ ಬಿನ್ನಿಗೆ ಬಿಸಿಸಿಐ ಅತ್ಯುನ್ನತ ಪ್ರಶಸ್ತಿ
Click it and Unblock the Notifications
Sign in with Google