• search

ನಡಿನಡಿತಾ ನಲೀನಲೀ ಏನೇ ಆಗಲೀ

Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    Walking styles and personality strides
    ನಡೆ ಮುಂದೆ ನಡೆ ಮುಂದೆ ನುಗ್ಗಿ ನಡೆ ಮುಂದೆ.., ಜಿಂಕೆ ಮರಿ ಓಡ್ತಾ ಐತೆ ನೋಡ್ಲ ಮಗ..! ಹೀಗೆ ನಡೆಯುವ, ಓಡುವ ಬಗ್ಗೆ ಅನೇಕ ಸಾವಿರ ಹಾಡುಗಳಿವೆ. ಹಾಡ್ತಾ ಹಾಡ್ತಾ ರಾಗ...! ಆದ್ರೆ ಹಾಡೋಕೆ ಶುರು ಮಾಡಿದಾಗಂತೂ.. ಕೇಳುವವರಿಗೆ ರೋಗ ಹೆಚ್ಚಾಗುತ್ತೆ. ಈಗ ಆ ವಿಷಯದ ಚರ್ಚೆ ಮಾಡುವಷ್ಟು ಸಮಯ ಇಲ್ಲ ಬಿಡಿ. ಮತ್ತೆ ಯಾವತ್ತಾದ್ರೂ ನೋಡೋಣಂತೆ. ನಡೆಯುವ ಸ್ಟೈಲ್ ವಿಷಯಕ್ಕೆ ಬಂದ್ರೆ..

    * ಧವಳ

    ಡಾಗು..ಕ್ಯಾಟು. ಟರ್ಟಾಯ್ಸು...! ಎಲ್ಲ ರೀತಿಯದ್ದು ಇರುತ್ತದೆ. ಅವ್ಯಾವುದು ಗೊತ್ತಿಲ್ಲದೆ ನಡೆಯುವ ನಮ್ಮ ನಿಮ್ಮಂತಹವರೆ ಈ ಪರಪಂಚದಾಗೆ ಹೆಚ್ಚಾಗಿರೋದು. ಇವೆಲ್ಲ ಸ್ಟೈಲು ನಿನ್ನೆ ಮೊನ್ನೆ ತಾನೇ ನಮಗೆ ಗೊತ್ತಾಗಿದ್ದು! ಆದ್ರೆ ಜನ್ಮಕ್ಕೆ ಅಂಟಿದ ನಡುಗೆ ಶೈಲಿ ಬಗ್ಗೆ ಹೇಳೋಕೆ ಹೊರಟರೆ ಸಿಕ್ಕಾಪಟ್ಟೆ ಹೊಸ ಹೊಸ ಸಂಗತಿಗಳು ನಮ್ಮಲ್ಲಿ ಆಶ್ಚರ್ಯ ಹುಟ್ಟಿಸುತ್ತೆ.

    ನಾವು ಹಾಗೆ ಕಣ್ರೀ ಕಾಮನ್ ಪೀಪಲ್ ಎಲ್ಲದಕ್ಕೂ ನಮಗೆ ಸಿಕ್ಕಾಪಟ್ಟೆ ಆಶ್ಚರ್ಯ! ವಾಕಿಂಗ್ ಸ್ಟೈಲ್ ಕಡೆಗೆ ಸ್ವಲ್ಪ ದೃಷ್ಟಿ ಹಾಯಿಸೋಕೆ ಹೋದ್ರೆ ಅಮ್ಮೋ... ಇವೆಲ್ಲ ನಾನು ಒಪ್ಪಲ್ಲ ನಡಿ ನಡಿ.. ಅಂತ ನೀವ್ ಹೇಳಬಹುದು. ಆದರೆ ಇರುವುದು ಇದ್ದಂಗೆ ಹೇಳಿದ್ರೆ ನೀವ್ಯಾಕೆ ಎದ್ದು ನಡೆದುಕೊಂಡು ಬಂದು!

    * ಕೆಲವರು ನಡಿತಾ ಇರತಾರೆ...ಅವರ ತಲೆ ಭೂಮಿತಾಯಿಗೆ ಅಂಟಿಕೊಂಡು ಬಿಟ್ಟಿರುತ್ತದೆ. ಡಿಟೆಕ್ಟೀವ್ ರೀತಿಯಲ್ಲಿ ಅವರ ಕಣ್ಣು ನೆಲದಲ್ಲಿ ಅದೇನನ್ನೋ ಕಳೆದು ಹೋದ ನಿಶ್ಚಿತಾರ್ಥದ ಉಂಗುರ ಇರಬಹುದು, ಸದಾ ಹುಡುಕಾಡ್ತಾ ಇರುತ್ತೆ ಅಂತಹವರು ಹೆದುಪುಕ್ಲ-ಪುಕ್ಲಿಗಳು, ಜೊತೆಗೆ ಒಂಟಿತನ ಅಂದ್ರೆ ಇವರಿಗೆ ಪಂಚಪ್ರಾಣ, ಹೊಸಬರನ್ನು ಕಂಡ್ರೆ ಮುಟ್ಟಿದರೆ ಮುನಿಯಂತೆ ಬಚ್ಚಿಟ್ಟುಕೊಳ್ಳುವ ಟೈಪ್ ಇವರದು. ಮನೆ ಬಿಟ್ಟಾಗ ಬಗ್ಗಿಸಿದೊರು ತಲೆ ಉಹುಂ ಎತ್ತೋಕೆ ಹೋಗಲ್ಲ ಎನ್ನುವಂತಹ ಹೆಮ್ಮೆ ನಿಮಗೆ ಇದ್ರೆ ನೀವು!

    * ಕೆಲವರು ತಲೆ ಬಾಗಿಸಿರುತ್ತಾರೆ ಕಾಮನಬಿಲ್ಲಿನ ಟೈಪ್, ಅದರ ಜೊತೆ ಭುಜವು ಸಹ ಜಾರಿ ಇಳಿಬಿದ್ದಿರುತ್ತದೆ. ಈ ರೀತಿಯ ಗುಣ ಉಳ್ಳವರಲ್ಲಿ ಆತ್ಮ ವಿಶ್ವಾಸ ಕಡಿಮೆ! ಹೀಗೆ ತಲೆ ಬಾಗಿಸಿ, ಬೆಚ್ಚಿಬೆದರಿದ ಜಿಂಕೆ ಮರಿಯಂತೆ ಓಡಾಡುವ ಹೆಣ್ಣುಮಕ್ಕಳ ಮೇಲೆ ಗಂಡ್ ಕಣ್ಣುಗಳಿಗೆ ಗಮನ ಬಿ ಕೇರ್ ಫುಲ್. ಈ ರೀತಿಯ ಗುಣ ಇರುವ ಹುಡುಗರು ಸ್ವಭಾವತಃ ಮಖೇಡಿಗಳು.. ಅಂತಹವರು ಆ ಗುಣ ಕಿತ್ತು ಬಿಸಾಡಿ ಮುನ್ನುಗ್ಗಿ ನಡೆಯಿರಿ!

    * ನಡೀತಾ ಇರ್ತಾರೆ, ಕೈಯಲ್ಲಿ ಏನೂ ಇರಲ್ಲ, ಆದರೆ ಸ್ಟೈಲ್ ನೋಡಿದ್ರೆ ನೂರು ಕೆಜಿ ಭಾರ ಹೊತ್ತಂಗೆ ಇರುತ್ತೆ. ಅಷ್ಟು ಕಷ್ಟಪಟ್ಟು ಜೋತಾಡಿಸಿಕೊಂಡು ನಡೆಯುತ್ತಾರೆ. ಅವರಿಗೆ ತಮ್ಮ ಕೈಗಳನ್ನು ಏನು ಮಾಡಬೇಕೋ ಎಂದು ತಿಳಿಯದ ಸಂದಿಗ್ಧತೆ. ನಿಸೂರಾಗಿ ಪ್ಯಾಂಟ್ ಜೇಬಿನಲ್ಲಿ ಕೈ ಇಟ್ಟುಕೊಂಡು ನಡೀತಾರೆ, ಇಂತಹವರು ಸ್ವಲ್ಪ ಜಾಸ್ತೀನೆ ಕೋಪಿಷ್ಟರು. ಇದೆ ರೀತಿ ಗುಣ ಹೆಣ್ಣು ಮಕ್ಕಳಲ್ಲೂ ಇರುತ್ತದೆ, ಅಂತಹವರು ಒಂದು ಕೈಲಿ ಬ್ಯಾಗು ಇಲ್ಲವೇ ಪುಸ್ತಕ ಅವಚಿ ಹಿಡಿದಿರುತ್ತಾರೆ, ಮತ್ತೊಂದು ಕೈ ನೇರವಾಗಿ ಅಲುಗಾಡದೆ, ಡೀಸೆಂಟಾಗಿ ಇರುತ್ತದೆ. ಈ ಟೈಪ್ ಹೆಣ್ಣು ಮಕ್ಕಳು ಹೆಚ್ಚು ಕೋಪಿಷ್ಟರಾಗಿರ್ತಾರೆ ಇಲ್ಲವೇ ಹೆದರುಪುಕ್ಲಿಗಳು.

    * ತೆಂಗಿನಗರಿಯಂತೆ ತೇಲು ನಡಿಗೆ ಕೆಲವರ ಸಂಪತ್ತು. ಇಂತವರು ವೆರಿ ಆಕ್ಟೀವ್ ಪರ್ಸನಾಲಿಟಿ ಹೊಂದಿರುತ್ತಾರೆ, ನಗು ಅವರ ನಗ ನಾಣ್ಯ... ಜೋವಿಯಲ್ ಸ್ವಭಾವ... ಅವರಿದ್ದ ಕಡೆ ನಗುವಿಗೇನು ಬರವಿರಲ್ಲ.

    * ನಡಿತಾನೇ ಇರ್ತಾರೆ ಆದ್ರೆ ಈ ಮನುಷ್ಯ ಎಲ್ಲಿ ಯಾವಾಗ ಬಿದ್ ಹೋಗ್ತಾನೋ ಅನ್ನುವ ಭಾವನೆ ಆತನನ್ನು ಕಂಡಾಗ ಅನಿಸದೆ ಇರದು. ಸ್ವಲ್ಪ ಬೆನ್ನುಬಾಗಿಸಿ ಇರ್ತಾರೆ, ಬ್ಯುಸಿಯಾಗಿರುವ ಗುಣ ಇವರದು, ನಡುಗೆಯು ಸಹ ವಕ್ರವಕ್ರ!

    * ಒಂದು ಪಾದ ಮೃದುವಾಗಿ ಮತ್ತೊಂದು ವಕ್ರವಾಗಿ ಇಟ್ಟುಕೊಂಡು ನಡೆಯುವವರಲ್ಲಿ ಧೈರ್ಯ ಕಡಿಮೆ, ಎಲ್ಲವು ಗೊಂದಲಮ ಕಿರಿಕಿರಿ, ಕಷ್ಟಪಡುವ ಬದುಕು ಇವರಿಗೆ ಬೇಕಾಗಿಲ್ಲ. ತೊಂದ್ರೆ ಬಂದ್ರೆ ಓಟ ಕೀಳ್ತಾರೆ.

    ಎಂತಹ ಗುಣ ಇದ್ರೇನು ನಾವು ನಡೆಯೋ ಹಂಗೆ ನಡೆಯೋದು, ನಮ್ ಗುರೀನೇ ಬೇರೇರೀ ಅಂತೀರಾ.... ಗುಡ್ ನಿಮ್ಮಂಗೆ ನೀವಿರಿ! ನನ್ನಂಗೆ ನಾನಿರ್ತೀನ್.

    * ಔಚ್ : ಎರಡು ಜಿರಲೆಗಳು ಆಸ್ಪತ್ರೆಗೆ ಸೇರಿದ್ವು. ತೀವ್ರ ನಿಗಾ ಘಟಕಕ್ಕೆ ಅಡ್ಮಿಟ್ ಮಾಡಲಾಗಿತ್ತು. ಪಕ್ಕ ಪಕ್ಕ ಬೆಡ್. ಸ್ವಲ್ಪ ಚೇತರಿಕೆ ಬಂದಾಗ ಒಂದು ಜಿರಲೆ ಇನ್ನೊಂದು ಜಿರಲೆಗೆ ಕೇಳ್ತು : ಏನ್..ಬೇಗಾನ್?

    ಇನ್ನೊಂದು ಜಿರಲೆ : ಇಲ್ಲಪ್ಪಾ, ಪ್ಯಾರಗಾನ್!

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more