*ಶಾಮ್‌

ಎರಡೂ ಕೈ ಸೇರಿದರೆ ಚಪ್ಪಾಳೆ, ಹೊಡೆಯೋಣ ಬನ್ನಿ

ಪರಸ್ಪರ ಓದಿಗೆ, ಮಾಹಿತಿಗೆ, ಮನರಂಜನೆಗೆ ಸಾಧ್ಯವಾದರೆ ತಿಳುವಳಿಕೆಗೆ ಪೂರಕವಾಗುವ ಬೆಳಕಿಂಡಿ ‘ ಚಪ್ಪಾಳೆ’ ಗೆ ನಿಮಗೆಲ್ಲ ಆದರದ ಸ್ವಾಗತ. ನೀವು ಓದಿ ಇಷ್ಟಪಟ್ಟದ್ದನ್ನು , ಇಷ್ಟಪಟ್ಟು ಓದಿದ್ದನ್ನು ಹಂಚಿ ಸವಿಯುವುದಕ್ಕೆ ದಟ್ಸ್‌ಕನ್ನಡ ರೂಪಿಸಿರುವ ಅಪೂರ್ವ ವೇದಿಕೆಯಿದು .

ನೀವು ಇತ್ತೀಚೆಗೆ ಓದಿದ ಅತ್ಯುತ್ತಮ ಬರಹ ಯಾವುದು ? ನಿಮ್ಮ ದೈನಂದಿನ ಜೀವನದ ಮೇಲೆ ಪರಿಣಾಮ-ಪ್ರಭಾವ ಬೀರುವ ಆ ವಿಚಾರವನ್ನು ನಾವೂ ಓದಬೇಕು, ನಮ್ಮ ಮಿತ್ರವೃಂದದವರೆಲ್ಲ ಓದಬೇಕು ಎನ್ನುವುದು ಉದ್ದೇಶ. ಅದು ಲೇಖನವಾಗಿರಬಹುದು, ಮಾನವೀಯ ಕಳಕಳಿಯ ಒಂದು ಸಂದೇಶವೂ ಆಗಿರಬಹುದು. ಕೆಲವೊಮ್ಮೆ ಎಲ್ಲರ ಕಣ್ತಪ್ಪಿಸಿ ಪರಾರಿಯಾಗುವ ಒಂದು ಪ್ರಮುಖ ಸುದ್ದಿಯ ತುಣುಕು ಆಗಿರಲೂಬಹುದು.

ಬರಹಗಳ ವಸ್ತು, ಶೈಲಿ, ವ್ಯಾಖ್ಯಾನ ಇಂತಿರ್ಪವೇ ಆಗಿರಬೇಕೆಂಬ ನಿಯಮವಿಲ್ಲ. ಮಾಹಿತಿ ಭರಿತವಾಗಿರಬೇಕು, ಅಥವಾ ಬದುಕನ್ನು ಪ್ರೀತಿಸಿ ಬರೆದ ಪತ್ರಗಳಾಗಿರಬಹುದು. ಆರೋಗ್ಯ, ಮಾನಸಿಕ ನೆಮ್ಮದಿ, ಮಕ್ಕಳ ಆರೈಕೆ, ವೃದ್ಧರ ಕಾಳಜಿ, ಕರ್ನಾಟಕ ಪ್ರಗತಿ, ಭಾರತದ ಆಗುಹೋಗುಗಳು, ಕನ್ನಡ ಪ್ರೀತಿ, ಬದಲಾಗುತ್ತಿರುವ ಜೀವನ ಶೈಲಿ..ಲೋಕೋ ಭಿನ್ನರುಚಿಃ. ನಾವು ಓದುವ ಸಾಮಗ್ರಿ ಕನ್ನಡ ಅಥವಾ ಇಂಗ್ಲಿಷ್‌ನಲ್ಲಿರಬೇಕು.

ಒಟ್ಟಿನಲ್ಲಿ ಅಂತರ್‌ಜಾಲದಲ್ಲಿ ನಿಮಗೆ-ನಮಗೆ ದೊರೆತ ನಿಧಿ ಎನಿಸಬೇಕು ! ಸಂವೇದನಾಶೀಲ ಭಾರತೀಯರ ಬಳಗ ಮಿಸ್‌ಮಾಡಿಕೊಳ್ಳಬಾರದು, ನಿಮ್ಮ ಗಮನ ಸೆಳೆದ ಆ ಬರಹವನ್ನು ಕನ್ನಡ ಮಿತ್ರರೊಂದಿಗೆ ಹಂಚಿಕೊಳ್ಳಿ, ಬನ್ನಿ.

*

ಈ ಅಂಕಣದಲ್ಲಿ ಬರಹಗಳಿರುವುದಿಲ್ಲ. ನಾವೂ ಬರೆಯುವುದಿಲ್ಲ, ನೀವೂ ಬರೆಯಬೇಕಾದ ಅಗತ್ಯವಿಲ್ಲ. ನಿಮ್ಮ ಕಣ್ಣಿಗೆ ಬಿದ್ದ story Link (URL) ಅನ್ನು ಕಾಪಿಮಾಡಿ ನಮಗೆ ಕಳಿಸಿಕೊಟ್ಟರೆ ಸಾಕು. ನಮ್ಮ ಕಣ್ಣಿಗೆ ಬಿದ್ದ ಒಳ್ಳೆಯ ಓದಿನ ಸಾಮಗ್ರಿಯನ್ನು ನಾವು ಕೊಡುತ್ತೇವೆ.

ಸೂಚನೆ : ನೀವು ಕಳಿಸಿಕೊಡುವ ಲಿಂಕ್‌ನೊಳಗೆ ಇರುವ ಬರಹದ ವಸ್ತು, ಧಾಟಿ, ಧೋರಣೆ ಬಗ್ಗೆ ಎರಡು ಶಬ್ದ ಬರೆಯಿರಿ. ಆ ಲಿಂಕ್‌ ಯಾವ ವೆಬ್‌ ಸೈಟಿನಿಂದ ಕಾಪಿಮಾಡಿದ್ದು ಎನ್ನುವುದನ್ನು ಸೂಚಿಸುವುದು ಕಡ್ಡಾಯ. ಲಿಂಕ್‌ನೊಳಗಿರುವ ಬರಹ/ಚಿತ್ರ ಇತ್ಯಾದಿಗಳನ್ನು ಪೂರ್ಣವಾಗಿ ಓದಿ ನಿರ್ಧಾರಕ್ಕೆ ಬರಲು ನಮಗೆ ನೆರವಾಗುತ್ತದೆ.

ವಿಶೇಷ ಸೂಚನೆ : ಲಿಂಕ್‌ ಕಳಿಸುವವರು ತಮ್ಮ ಹೆಸರು, ನಗರ, ದೇಶ ಬರೆದರೆ ಸಾಕು, ಬರೆಯಲು ಮರೆಯಬಾರದು. ಕಳಿಸಿಕೊಟ್ಟವರ ಹೆಸರನ್ನು ಲಿಂಕ್‌ ಜೊತೆ ಈ ಅಂಕಣದಲ್ಲಿ ಪ್ರಕಟಿಸಲಾಗುವುದು.

ಎರಡೂ ಕೈ ಸೇರಿದರೆ ಚಪ್ಪಾಳೆ ! ಬನ್ನಿ ಚಪ್ಪಾಳೆ ಹೊಡೆಯೋಣ !

ಕೆಳಕಂಡ ಇ-ಮೇಲ್‌ ವಿಳಾಸಕ್ಕೆ ಲಿಂಕ್‌ ಕಳಿಸಿಕೊಡಬೇಕಾಗಿ ವಿನಂತಿ.[email protected]

ಇವತ್ತಿನ ಓದಿಗೆ ಸಂಪಾದಕರ ಆಯ್ಕೆ :
Phone Number Change News !
Now Dial Eight Digit Number 2 Call
From BSNL Portal

Thank you for choosing Thatskannada.com [email protected]