ತುಲಾ ರಾಶಿ ಯುಗಾದಿ ವರ್ಷ ಭವಿಷ್ಯ; ದುಡ್ಡೇನೋ ಬರುತ್ತೆ, ಬಂದದ್ದು ಉಳಿಯುತ್ತಾ ಅನ್ನೋದೇ ಪ್ರಶ್ನೆ

ತುಲಾ ರಾಶಿಯವರದು ಎಲ್ಲವನ್ನೂ ಮತ್ತು ಎಲ್ಲರನ್ನೂ ತಕ್ಕಡಿಯಂತೆ ಅಳೆದು ತೂಗಿ ನೋಡುವ ಸ್ವಭಾವ. ಸೌಂದರ್ಯಪ್ರಜ್ಞೆ ಹೆಚ್ಚು. ಮತ್ತೆಮತ್ತೆ ನೋಡಬೇಕು ಎನಿಸುವ ರೂಪ, ಆಕರ್ಷಕ ಮಾತುಗಾರಿಕೆ ಜನರನ್ನು ಇವರತ್ತ ಸೆಳೆಯುವ ಗುಣಗಳು. ಚಿತ್ತಾ (3, 4ನೇ ಪಾದ), ಸ್ವಾತಿ (4 ಪಾದ) ಮತ್ತು ವಿಶಾಖ (1, 2, 3ನೇ ಪಾದ) ನಕ್ಷತ್ರಗಳಲ್ಲಿ ಜನಿಸಿದವರು ತುಲಾ ರಾಶಿಗೆ ಸೇರುತ್ತಾರೆ. ಅದೃಷ್ಟ ಸಂಖ್ಯೆ 6, ಇವರಿಗೆ ಗುಲಾಬಿ ಶುಭ ಬಣ್ಣ, ಪಶ್ಚಿಮ ಶುಭ ದಿಕ್ಕು. ಲಕ್ಷ್ಮೀದೇವಿಯ ಆರಾಧನೆ ತುಲಾ ರಾಶಿಯವರಿಗೆ ಶ್ರೇಯಸ್ಕರ.

ಪರಾಭವ ನಾಮ ಸಂವತ್ಸರದ ಯುಗಾದಿ ವರ್ಷ ಭವಿಷ್ಯ: ತುಲಾ ರಾಶಿ ರಾಶಿಯವರಿಗೆ ಈ ಸಂವತ್ಸವರ ಮಿಶ್ರಫಲಗಳನ್ನು ಹೊತ್ತು ತರಲಿದೆ. ಈ ಅವಧಿಯಲ್ಲಿ ಗ್ರಹಗಳ ಚಲನೆ, ಆದಾಯ-ವ್ಯಯ ಸ್ಥಿತಿ, ಆರೋಗ್ಯ, ಉದ್ಯೋಗ ಮತ್ತು ಕುಟುಂಬ ಜೀವನದ ಮೇಲೆ ವಿಶೇಷ ಪರಿಣಾಮಗಳನ್ನು ಕಾಣಬಹುದು. ಈ ಸಂವತ್ಸರದಲ್ಲಿ ಮೀನ ರಾಶಿಯವರ ಜೀವನದಲ್ಲಿ ಏನೆಲ್ಲ ಬದಲಾವಣೆಗಳು ಆಗಬಹುದು? ಯಾವ ವಿಷಯಗಳಲ್ಲಿ ಲಾಭ ಹಾಗೂ ಯಾವ ವಿಷಯಗಳಲ್ಲಿ ಎಚ್ಚರಿಕೆ ಅಗತ್ಯ ಎಂಬುದನ್ನು ಈ ಬರಹದಲ್ಲಿ ವಿವರಿಸಿದ್ದಾರೆ ಪಂಡಿತ್ ವಿಠ್ಠಲ್ ಭಟ್.

ತುಲಾ ರಾಶಿ - ಪರಾಭವ ನಾಮ ಸಂವತ್ಸರ (19.03.2026 - 06.04.2027)

ಆದಾಯ: 13
ವ್ಯಯ: 12
ರಾಜಮರ್ಯಾದೆ: 7
ಅವಮಾನ: 3

ಪರಾಭವ ನಾಮ ಸಂವತ್ಸರವು ತುಲಾ ರಾಶಿಯವರಿಗೆ ಸಮತೋಲನದ ಮಧ್ಯೆ ಸಾಧನೆಗಳ ವರ್ಷವಾಗಿರುತ್ತದೆ. ಆದಾಯದಲ್ಲಿ ಏರಿಕೆ ಕಂಡುಬರುತ್ತದೆ. ಹೊಸ ವ್ಯವಹಾರ, ಪಾಲುದಾರಿಕೆ ಅಥವಾ ಹೆಚ್ಚುವರಿ ಕೆಲಸಗಳಿಂದ ಹಣಕಾಸು ಬಲವಾಗುತ್ತದೆ. ಆದರೆ ಖರ್ಚುಗಳೂ ಹೆಚ್ಚಾಗುವ ಸೂಚನೆ ಇದೆ, ವಿಶೇಷವಾಗಿ ಮನೆ ಸುಧಾರಣೆ, ವಾಹನ ಅಥವಾ ಕುಟುಂಬದ ಶುಭಕಾರ್ಯಗಳಿಗೆ ವೆಚ್ಚ ಸಾಧ್ಯ. ಸರಿಯಾದ ಹಣಕಾಸು ಯೋಜನೆ ಯಶಸ್ಸಿಗೆ ಮುಖ್ಯ.

ಉದ್ಯೋಗ ಕ್ಷೇತ್ರದಲ್ಲಿ ಹೊಸ ಹೊಣೆಗಾರಿಕೆಗಳು ಬರಬಹುದು. ನಿಮ್ಮ ನಿರ್ಧಾರ ಸಾಮರ್ಥ್ಯ ಮತ್ತು ಸಮತೋಲನದ ಸ್ವಭಾವ ಮೇಲಧಿಕಾರಿಗಳ ಮೆಚ್ಚುಗೆಗೆ ಪಾತ್ರವಾಗುತ್ತದೆ. ಪದೋನ್ನತಿ ಅಥವಾ ವರ್ಗಾವಣೆ ಸಾಧ್ಯ. ವ್ಯಾಪಾರಸ್ಥರಿಗೆ ಹೊಸ ಗ್ರಾಹಕರು, ವಿಸ್ತರಣೆ ಮತ್ತು ಉತ್ತಮ ಲಾಭದ ಸೂಚನೆ ಇದೆ. ಕಾನೂನು ಅಥವಾ ಒಪ್ಪಂದ ಸಂಬಂಧಿತ ವಿಷಯಗಳಲ್ಲಿ ಜಾಗ್ರತೆ ಅಗತ್ಯ.

ಕುಟುಂಬ ಜೀವನದಲ್ಲಿ ಸಂತೋಷಕರ ಘಟನೆಗಳು ನಡೆಯುವ ಸಾಧ್ಯತೆ ಇದೆ. ದಾಂಪತ್ಯದಲ್ಲಿ ಹೊಂದಾಣಿಕೆ ಮತ್ತು ಪ್ರೀತಿ ಹೆಚ್ಚಾಗುತ್ತದೆ. ಅವಿವಾಹಿತರಿಗೆ ವಿವಾಹ ಯೋಗ ಕಂಡುಬರುತ್ತದೆ. ವಿದ್ಯಾರ್ಥಿಗಳಿಗೆ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಯಶಸ್ಸು ಹಾಗೂ ಉನ್ನತ ಶಿಕ್ಷಣದ ಅವಕಾಶ ಸಿಗುತ್ತದೆ.

ಆರೋಗ್ಯ ಸಾಮಾನ್ಯವಾಗಿ ಉತ್ತಮವಾಗಿರುತ್ತದೆ, ಆದರೆ ಕಿಡ್ನಿ, ಬೆನ್ನು ಅಥವಾ ಸಕ್ಕರೆ ಸಂಬಂಧಿತ ಸಮಸ್ಯೆಗಳಿಗೆ ಗಮನ ಹರಿಸಬೇಕು. ನಿಯಮಿತ ವ್ಯಾಯಾಮ ಮತ್ತು ಯೋಗ ಉಪಕಾರಿ.

ಧಾರ್ಮಿಕ ಯಾತ್ರೆ, ದೇವಾಲಯ ದರ್ಶನ ಅಥವಾ ಶನಿವಾರ ಶನಿ ಆರಾಧನೆ ಶುಭಕರ. ಶತ್ರುಗಳಿಂದ ದೂರವಿದ್ದು ವಿವಾದಗಳನ್ನು ತಪ್ಪಿಸುವುದು ಒಳಿತು. ಒಟ್ಟಾರೆ ಈ ವರ್ಷ ತುಲಾ ರಾಶಿಯವರಿಗೆ ಗೌರವ, ಆರ್ಥಿಕ ಬೆಳವಣಿಗೆ ಮತ್ತು ಕುಟುಂಬ ಸಂತೋಷ ನೀಡುವ ಸಾಧನೆಯ ಸಂವತ್ಸರವಾಗಿರುತ್ತದೆ.

English summary

Ugadi 2026 Tula Rashi Horoscope: Ugadi 2026 Tula rashi bhavishya – career growth, love life, finance and health predictions. Hindu New Year 2026 complete Tula horoscope details.