Rahu Transit 2023 Effects : ಮೀನ ರಾಶಿಯಲ್ಲಿ ರಾಹು ಸಂಕ್ರಮಣ- ಯಾರ ಮೇಲಿದೆ ರಾಹುವಿನ ಕೃಪೆ?
2023ರಲ್ಲಿ ಸಂಭವಿಸುವ ರಾಹು ಸಂಕ್ರಮಣ ಜ್ಯೋತಿಷ್ಯಶಾಸ್ತ್ರದಲ್ಲಿ ತುಂಬಾ ಮಹತ್ವದ್ದಾಗಿದೆ. ಮೀನ ರಾಶಿಯಲ್ಲಿ ರಾಹು ಸಂಕ್ರಮಣ ದ್ವಾದಶಿ ರಾಶಿಗಳ ಮೇಲೆ ನೇರ ಪರಿಣಾಮ ಬೀರಲಿದೆ. ಯಾವ ರಾಶಿಯವರ ಜಾತಕದಲ್ಲಿ ರಾಹು ಬಲವಾಗಿರುತ್ತದೆಯೋ ಅಂತವರು ರಾಹುವಿನ ಆಶೀರ್ವಾದ ಪಡೆಯುತ್ತಾರೆ. ಒಂದು ವೇಳೆ ಈ ಸಮಯದಲ್ಲಿ ಜಾತಕದಲ್ಲಿ ರಾಹು ದುರ್ಬಲವಾಗಿದ್ದರೆ ಅಂಥವರು ಹಲವಾರು ತೊಂದರೆಗಳನ್ನು ಎದುರಿಸುತ್ತಾರೆ. ಹಾಗಾದರೆ ರಾಹು ಗೋಚರದ ವೇಳೆ ಯಾವ ರಾಶಿಯವರಿಗೆ ತೊಂದರೆಯಾಗಲಿದೆ? ಯಾವ ರಾಶಿವರು ರಾಹುವಿನ ಆಶೀರ್ವಾದ ಪಡೆಯುತ್ತಾರೆ? ತೊಂದರೆಯಲ್ಲಿರುವವರಿಗೆ ಪರಿಹಾರಗಳೇನು? ಎನ್ನುವುದನ್ನು ತಿಳಿಯೋಣ.
ರಾಹು ತಕ್ಷಣವೇ ಯಾರನ್ನಾದರೂ ಶ್ರೀಮಂತರನ್ನಾಗಿ ಮಾಡಬಹುದು. ಬಡವರನ್ನಾಗಿಯೂ ಮಾಡಬಹುದು. ರಾಹುವಿನ ಅನುಗ್ರಹವನ್ನು ಹೊಂದಿರುವವರು ರಾಜಕೀಯ ಮತ್ತು ರಾಜತಾಂತ್ರಿಕ ಕ್ಷೇತ್ರಗಳಲ್ಲಿ ಪರಿಣಿತರಾಗುತ್ತಾರೆ. ಒಂದು ವೇಳೆ ಜಾತಕದಲ್ಲಿ ದುರ್ಬಲವಾಗಿಲ್ಲದಿದ್ದರೆ ಜೀವನದಲ್ಲಿ ಎಲ್ಲಾ ಯಶಸ್ಸನ್ನು ತರಬಹುದು. ನಿಮ್ಮ ಜಾತಕದಲ್ಲಿ ರಾಹು ಎಲ್ಲಿ ಲಾಭದಾಯಕ ಗ್ರಹವಾಗಿ ಪರಿವರ್ತನೆ ಹೊಂದಿದ್ದಾನೆ ಎಂಬುದರ ಮೇಲೆ ಎಲ್ಲವೂ ಅವಲಂಬಿತವಾಗಿದೆ. ರಾಹುವನ್ನು ಸಾಮಾನ್ಯವಾಗಿ ಮೂರನೇ ಮನೆ, ಆರನೇ ಮನೆ, ಹತ್ತನೇ ಮನೆ ಮತ್ತು ಹನ್ನೊಂದನೇ ಮನೆಯಲ್ಲಿ ಉತ್ತಮ ಅದೃಷ್ಟ ಹೊಂದಿರುವ ಗ್ರಹ ಎಂದು ಪರಿಗಣಿಸಲಾಗುತ್ತದೆ. ಇಲ್ಲಿ ಇರುವ ರಾಹು ವ್ಯಕ್ತಿಯನ್ನು ಗೌರವಿಸುತ್ತಾನೆ. ಇದು ನಿಮ್ಮನ್ನು ಹಣ ಸಂಪಾದಿಸುವಂತೆ ಮಾಡುತ್ತದೆ. ಶಕ್ತಿಯನ್ನು ನೀಡುತ್ತದೆ ಮತ್ತು ಎದುರಾಳಿಗಳ ವಿರುದ್ಧ ವಿಜಯ ಸಾಧಿಸಲು ಶಕ್ತಿ ನೀಡುತ್ತದೆ.
ರಾಹು ಸಂಕ್ರಮಣ 2023 ದಿನಾಂಕ
ವೈದಿಕ ಜ್ಯೋತಿಷ್ಯದ ಪ್ರಕಾರ ಅಕ್ಟೋಬರ್ 30 ರಂದು, ಮಧ್ಯಾಹ್ನ 2:13 ಕ್ಕೆ ರಾಹು ಮೀನ ರಾಶಿಯಲ್ಲಿ ಸಂಚರಿಸಲಿದೆ. 2023 ರಲ್ಲಿ ನಿಮ್ಮ ರಾಶಿಚಕ್ರದ ಚಿಹ್ನೆಯು ರಾಹುವಿನ ಸಂಚಾರದಿಂದ ಹೇಗೆ ಪ್ರಭಾವಿತವಾಗಿರುತ್ತವೆ ಎಂಬುದನ್ನು ತಿಳಿಯಿರಿ.
ಮೇಷ: ಅಂತರಾಷ್ಟ್ರೀಯ ಪ್ರಯಾಣ
ರಾಹು ಮೇಷ ರಾಶಿಯ ಮೊದಲ ಮನೆಯಲ್ಲಿ ಸಂಕ್ರಮಿಸುತ್ತಾನೆ. ಇದರಿಂದ ಮೇಷ ರಾಶಿಯವರಿಗೆ ಮಿಶ್ರ ಫಲ ದೊರೆಯಲಿದೆ. ನೀವು ಮಾಡುವ ಯಾವುದೇ ಕೆಲಸದಲ್ಲಿ ಆತುರಪಡುತ್ತೀರಿ. ಇದು ನಿಮ್ಮ ಕೆಲವು ಕೆಲಸಗಳಲ್ಲಿ ತಪ್ಪುಗಳಿಗೆ ಕಾರಣವಾಗಬಹುದು. ನಂತರ ನೀವು ವಿಷಾದಿಸಬೇಕಾಗುತ್ತದೆ. ಹೀಗಾಗಿ ಆತುರದ ನಿರ್ಧಾರಗಳನ್ನು ತೆಗೆದುಕೊಳ್ಳುವುದನ್ನು ತಪ್ಪಿಸಿ. ನಿಮ್ಮ ಆಪ್ತ ಸ್ನೇಹಿತರನ್ನು ಲಘುವಾಗಿ ಪರಿಗಣಿಸುವುದು ಬೇಡ. ಈ ಸಮಯದಲ್ಲಿ ಯಾರೊಂದಿಗಾದರೂ ಜಗಳವಾಡುವ ಸಾಧ್ಯತೆ ಇದೆ. ಆದ್ದರಿಂದ ಬುದ್ಧಿವಂತಿಕೆಯಿಂದ ನಡೆದುಕೊಳ್ಳಿ.
ಮೇಷ ರಾಶಿಯ ವಿದ್ಯಾರ್ಥಿಗಳು ಜಯಿಸಬೇಕಾದ ವಿಷಯಗಳ ಬಗ್ಗೆ ಗಮನ ಹರಿಸಬೇಕು. ಶೈಕ್ಷಣಿಕ ಸವಾಲುಗಳು ಅವರಿಗೆ ಎದುರಾಗಬಹುದು. ಆರೋಗ್ಯದ ವಿಚಾರದಲ್ಲಿ ಎಚ್ಚರಿಕೆಯಿಂದ ವ್ಯಾಯಾಮ ಮಾಡುವುದು ಬಹಳ ಮುಖ್ಯ. ಈ ಸಮಯದಲ್ಲಿ ನಿಮ್ಮ ಆರೋಗ್ಯ, ಸ್ಪಷ್ಟವಾಗಿ ಯೋಚಿಸುವ ಸಾಮರ್ಥ್ಯ, ಮದುವೆ ಮತ್ತು ನಿಮ್ಮ ವ್ಯವಹಾರ ದುರ್ಬಲಗೊಳ್ಳಬಹುದು. ಆದ್ದರಿಂದ ನೀವು ಮೇ ಮತ್ತು ಆಗಸ್ಟ್ ನಡುವೆ ಜಾಗರೂಕರಾಗಿರಬೇಕು.
ಅಕ್ಟೋಬರ್ 30 ರಂದು, ರಾಹು ನಿಮ್ಮ ಹನ್ನೆರಡನೇ ಮನೆಗೆ ಪ್ರವೇಶಿಸುತ್ತದೆ ಮತ್ತು ರಾಹು ಸಂಕ್ರಮಣ 2023 ರ ಪ್ರಕಾರ ಅಂತರಾಷ್ಟ್ರೀಯ ಪ್ರಯಾಣದ ಸಾಧ್ಯತೆಯನ್ನು ಹೆಚ್ಚಿರುತ್ತದೆ. ನೀವು ಧಾರ್ಮಿಕ ಚಟುವಟಿಕೆಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಳ್ಳುತ್ತೀರಿ. ನಿಮ್ಮ ಖರ್ಚುಗಳು ಗಣನೀಯವಾಗಿ ಹೆಚ್ಚಾಗಬಹುದು. ಈ ಅವಧಿಯು ನಿಮಗೆ ಕೆಲವು ಮಹತ್ವದ ಯಶಸ್ಸನ್ನು ತರಬಹುದು.
ವೃಷಭ: ಆರ್ಥಿಕ ಲಾಭಗಳಿಗೆ ಅವಕಾಶ
ರಾಹು ವೃಷಭ ರಾಶಿಯ ಹನ್ನೆರಡನೇ ಮನೆಯಲ್ಲಿ ಸ್ಥಾನ ಪಡೆಯುತ್ತಾನೆ. ಅಲ್ಲಿ ಅದು ನಿಮ್ಮ ಖರ್ಚುಗಳನ್ನು ಹೆಚ್ಚಿಸಬಹುದು. ಆದರೂ ರಾಹು ನಿಮ್ಮನ್ನು ಅಜಾಗರೂಕತೆಯಿಂದ ಖರ್ಚು ಮಾಡುವವರನ್ನಾಗಿ ಮಾಡುತ್ತದೆ. ಮಾನಸಿಕ ಆರೋಗ್ಯ ಸಮಸ್ಯೆಗಳು ಉಂಟಾಗಬಹುದು. ಇದರಿಂದ ಆದಷ್ಟು ತಾಳ್ಮೆಯಿಂದ ವರ್ತಿಸಿ. ವ್ಯವಹಾರದಲ್ಲಿ ನೀವು ಸರಿಯಾದ ದಿಕ್ಕಿನಲ್ಲಿ ನಿರ್ಧಾರಗಳನ್ನು ತೆಗೆದುಕೊಳ್ಳದೇ ಇದ್ದರೆ ಕಾನೂನು ಪರಿಣಾಮಗಳನ್ನು ಎದುರಿಸಬೇಕಾಗುತ್ತದೆ. ಈ ಅವಧಿಯಲ್ಲಿ ದೈಹಿಕ ಸಮಸ್ಯೆಗಳು ಉಂಟಾಗಬಹುದು. ನೀವು ಆಗಾಗ್ಗೆ ಆಸ್ಪತ್ರೆಗೆ ಭೇಟಿ ನೀಡುವಂತಾಗಬಹುದು. ನಿಮ್ಮ ಜಾತಕದಲ್ಲಿ ರಾಹು ಅನುಕೂಲಕರ ಸ್ಥಾನದಲ್ಲಿದ್ದರೆ, ಅದು ನಿಮ್ಮನ್ನು ವಿದೇಶ ಪ್ರವಾಸಕ್ಕೆ ಪ್ರೇರೇಪಿಸುತ್ತದೆ.
ಅಕ್ಟೋಬರ್ 30 ರಂದು, ರಾಹು ನಿಮ್ಮ ರಾಶಿಚಕ್ರದ ಹನ್ನೊಂದನೇ ಮನೆಯ ಮೂಲಕ ಸಂಚಾರ ಮಾಡುತ್ತಾನೆ. ಅದು ನಿಮಗೆ ತುಂಬಾ ಅನುಕೂಲಕರ ಪರಿಣಾಮಗಳನ್ನು ಬೀರುತ್ತದೆ. ನಿಮ್ಮ ಆಕಾಂಕ್ಷೆಗಳು ಈಡೇರುತ್ತವೆ. ಈ ರಾಹು ನಿಮ್ಮ ಜಾತಕದಲ್ಲಿ ಅನುಕೂಲಕರ ಸ್ಥಳದಲ್ಲಿ ಬಿದ್ದರೆ ಅಂತರಾಷ್ಟ್ರೀಯ ಪ್ರಯಾಣಕ್ಕೆ ಹೋಗುವ ಸಾಧ್ಯತೆಗಳು ಇವೆ. ಈ ಸಮಯದಲ್ಲಿ ಉತ್ತಮ ಆರ್ಥಿಕ ಲಾಭಗಳಿಗೆ ಅವಕಾಶಗಳಿವೆ. ನೀವು ಹೊಂದಿದ್ದ ಗುರಿಗಳನ್ನು ಸಾಧಿಸಲು ಇದು ಪರಿಪೂರ್ಣ ಕ್ಷಣವಾಗಿದೆ. ವೃಷಭ ರಾಶಿಯ ರಾಜಕಾರಣಿಗಳು ಸಹ ಈ ಸಮಯದಲ್ಲಿ ಯಶಸ್ವಿಯಾಗುತ್ತಾರೆ.
ಮಿಥುನ: ಕೆಲಸಕ್ಕೆ ಪ್ರಶಂಸೆ, ಪ್ರಗತಿ
ಈ ವರ್ಷದ ಆರಂಭದಲ್ಲಿ ರಾಹು ಮಿಥುನ ರಾಶಿಯವರ ಹನ್ನೊಂದನೇ ಮನೆಯಲ್ಲಿ ಸಂಚರಿಸುತ್ತದೆ. ಇದು ನಿಮ್ಮ ಅನೇಕ ಆಸೆಗಳನ್ನು ಈಡೇರಿಸುತ್ತದೆ. ನೀವು ಸಮಾಜದಲ್ಲಿ ಗೌರವಾನ್ವಿತ ಸ್ಥಾನವನ್ನು ಹೊಂದಿರುತ್ತೀರಿ. ನಿಮ್ಮ ಸಾಮಾಜಿಕ ವಲಯವನ್ನು ವಿಸ್ತರಿಸಲು ಉತ್ತಮ ಅವಕಾಶವಿದೆ. ಹನ್ನೊಂದನೇ ಮನೆಯಲ್ಲಿ ರಾಹುವಿನ ಸಂಚಾರದ ಬಳಿಕ ನೀವು ಸಾಕಷ್ಟು ಸಾಮಾಜಿಕವಾಗಿ ತೊಡಗಿಸಿಕೊಳ್ಳುವಿರಿ. ವ್ಯವಹಾರಿಕವಾಗಿ ಯೋಜನೆಗಳಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳುವಿರಿ. ಸಮಾಜದ ಯೋಜನೆಗಳಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳುವಿರಿ. ರಾಜಕೀಯ ಅಥವಾ ಸಾಮಾಜಿಕ ಕ್ಷೇತ್ರಗಳಲ್ಲಿ ನಿಮ್ಮ ಹೆಸರು ಪ್ರಚಾರಗೊಳ್ಳಲಿದೆ. ಈ ಸಮಯದಲ್ಲಿ ನೀವು ಉತ್ತಮ ಪ್ರಗತಿಯನ್ನು ಸಾಧಿಸುವಿರಿ. ಈ ಅವಧಿಯಲ್ಲಿ ಆರ್ಥಿಕ ಪರಿಸ್ಥಿತಿ ಸುಧಾರಿಸುತ್ತದೆ.
ನಿಮ್ಮ ಕೆಲಸದ ಸ್ಥಳದಲ್ಲಿ ಕೆಲವು ಬದಲಾವಣೆಗಳಿಗೆ ಒಳಗಾಗುವ ಅವಕಾಶವಿದೆ. ಆದರೆ ನಿಮ್ಮ ಶ್ರದ್ಧೆಯ ಆಧಾರದ ಮೇಲೆ ನೀವು ಬಲವಾದ ಸ್ಥಾನವನ್ನು ನಿರ್ಮಿಸಲು ಸಾಧ್ಯವಾಗುತ್ತದೆ. ನಿಮ್ಮ ಕೆಲಸಕ್ಕೆ ಪ್ರಶಂಸೆಯನ್ನು ಪಡೆಯಬಹುದು. ಇತರರಿಗೆ ಸವಾಲಾಗುವ ಕೆಲಸವನ್ನು ನೀವು ಸುಲಭವಾಗಿ ಪೂರ್ಣಗೊಳಿಸುವಿರಿ. ನೀವು ನಿಮ್ಮ ವೃತ್ತಿಯಲ್ಲಿ ಹೆಚ್ಚು ನಿರತರಾಗಿರುವುದರಿಂದ ನಿಮ್ಮ ಕುಟುಂಬವನ್ನು ಕಡೆಗಣಿಸುವ ಅಪಾಯವಿದೆ. ನಿಮ್ಮ ಮನೆಯ ಜೀವನದಲ್ಲಿ ನೀವು ಕೆಲವು ತೊಂದರೆಗಳನ್ನು ಎದುರಿಸಬೇಕಾಗುತ್ತದೆ. ಯಾವುದೇ ಸಂಕಷ್ಟಗಳು ಎದುರಾದರೂ ನೀವು ಪ್ರಗತಿಯನ್ನು ಸಾಧಿಸುವಿರಿ.
ಕಟಕ: ಉದ್ಯೋಗದಲ್ಲಿ ಏರಿಳಿತ ನಿವಾರಣೆ
ಅಕ್ಟೋಬರ್ 2023 ರ ಅಂತ್ಯದ ವೇಳೆಗೆ ರಾಹು ಕರ್ಕ ರಾಶಿಯಿಂದ ಒಂಬತ್ತನೇ ಮನೆಗೆ ಹೋಗುತ್ತಾನೆ. ನಿಮ್ಮ ವ್ಯವಹಾರದಲ್ಲಿ ಯಶಸ್ವಿಯಾಗುತ್ತೀರಿ. ನೀವು ತೆರೆಮರೆಯಲ್ಲಿ ಕೆಲಸ ಮಾಡುವುದಕ್ಕಿಂತ ಹೆಚ್ಚಾಗಿ ಕ್ಯಾಮರಾದ ಮುಂದೆ ಕೆಲಸ ಮಾಡಲು ಬಯಸುತ್ತೀರಿ. ನೀವು ಹೂಡುವ ಬಂಡವಾಳಕ್ಕಿಂತ ಹೆಚ್ಚಿನ ಲಾಭ ಗಳಿಸುವ ಸಾಧ್ಯತೆ ಇದೆ. ಈ ಅವಧಿಯಲ್ಲಿ ನೀವು ಇನ್ನೂ ಹೆಚ್ಚಿನ ಗೌರವವನ್ನು ಪಡೆಯುತ್ತೀರಿ.
ನಿಮ್ಮ ಪ್ರಯತ್ನ ಯಶಸ್ವಿಯಾಗುವ ಸಾಧ್ಯತೆಗಳಿವೆ ಮತ್ತು ನೀವು ನಾಯಕರಾಗಿ ನಿಮ್ಮ ಸ್ಥಾನವನ್ನು ಉಳಿಸಿಕೊಳ್ಳುತ್ತೀರಿ. ಏಪ್ರಿಲ್ 22 ಮತ್ತು ಆಗಸ್ಟ್ 28 ರ ನಡುವೆ ಉದ್ಯೋಗದಲ್ಲಿ ಏರಿಳಿತಗಳು ಸಾಧ್ಯವಿದೆ. ಕ್ರಮೇಣ ಸಮಸ್ಯೆಗಳು ದೂರವಾಗುತ್ತವೆ. ವಿವಾದಕ್ಕೆ ಕಾರಣವಾಗುವ ವಿಷಯಗಳನ್ನು ತಪ್ಪಿಸಬೇಕು. ರಾಹು ನಿಮ್ಮ ಅದೃಷ್ಟದ ಮೇಲೆ ಪ್ರಭಾವ ಬೀರಬಹುದು. ದೂರದ ಪ್ರಯಾಣ ಸಾಧ್ಯವಾಗುತ್ತದೆ. ವಿದೇಶಕ್ಕೆ ಪ್ರಯಾಣಿಸುವ ಸಾಧ್ಯತೆ ಹೆಚ್ಚಾಗಿದೆ. ನೀವು ವ್ಯವಹಾರದಲ್ಲಿ ಯಶಸ್ವಿಯಾಗುತ್ತೀರಿ. ನಿಮ್ಮ ತಂದೆಯೊಂದಿಗಿನ ನಿಮ್ಮ ಸಂಬಂಧ ಹಾನಿಗೊಳಗಾಗಬಹುದು. ಕುಟುಂಬದಲ್ಲಿ ಹಿರಿಯರ ಆರೋಗ್ಯ ಹದಗೆಡಬಹುದು. ಹೀಗಾಗಿ ಈ ವಿಷಯಗಳನ್ನು ನಿಭಾಸುವ ಶಕ್ತಿ ನಿಮ್ಮಲ್ಲಿರುತ್ತದೆ.
ಸಿಂಹ: ಪ್ರಯಾಣದ ವೇಳೆ ಇರಲಿ ಎಚ್ಚರ
ಸಿಂಹ ರಾಶಿಯವರಿಗೆ ರಾಹು ಸಂಚಾರ ಮಿಶ್ರ ಪರಿಣಾಮವನ್ನು ಬೀರುತ್ತದೆ. ಮನೆಯಲ್ಲಿ ಮನಸ್ತಾಪಗಳು ದೂರವಾಗುತ್ತವೆ. ಸ್ನೇತಿರ ಸಂಖ್ಯೆ ಹೆಚ್ಚಾಗಬಹುದು. ಆಪ್ತರ ಸಲಹೆಗಳು ನಿಮ್ಮನ್ನು ಅಭಿವೃದ್ಧಿಯತ್ತ ಕೊಂಡೊಯ್ಯುತ್ತವೆ. ಹಿರಿಯರ ಆಶೀರ್ವಾದ ನಿಮ್ಮ ಪ್ರತಿ ಸಾಧನೆಯ ಮೇಲೆ ಪರಿಣಾಮಕಾರಿಯಾಗಿದೆ. ಹೀಗಾಗಿ ಕುಟುಂಬದವರೊಂದಿಗೆ ತಾಳ್ಮೆಯಿಂದ ವರ್ತಿಸುವುದು ಉತ್ತಮ. ಸ್ವಲ್ಪ ತಾಳ್ಮೆಯನ್ನು ಕಾಪಾಡಿಕೊಳ್ಳುವುದು ಉತ್ತಮ. ಕಷ್ಟದಲ್ಲಿ ಸಹಾಯ ಮಾಡುವ ನಿಮ್ಮ ಗುಣ ಮೆಚ್ಚುಗೆ ಪಡೆದುಕೊಳ್ಳಲಿದೆ. ಈ ಸಮಯದಲ್ಲಿ ಸಾಲ ಪಡೆಯುವುದು ಮತ್ತು ಹೂಡಿಕೆಯನ್ನು ತಪ್ಪಿಸಿ. ಇದರಿಂದ ನೀವು ನಿಮ್ಮ ಆರ್ಥಿಕ ಸ್ಥಿತಿಯಲ್ಲಿ ಸಮತೋಲನವನ್ನು ಕಾಯ್ದುಕೊಳ್ಳಬಹುದು. ಜೊತೆಗೆ ಯಾರಿಗೂ ಹಣವನ್ನು ಸಾಲವಾಗಿ ನೀಡದಿರುವುದು ಉತ್ತಮ.
ಅವಿವಾಹಿತರಿಗೆ ಕಂಕಣ ಭಾಗ್ಯ ಕೂಡಿ ಬರಲಿದೆ. ಇತರರಿಗೆ ಸ್ಪಂದಿಸುವುದನ್ನು ರೂಢಿಸಿಕೊಳ್ಳಿ. ಇದು ನಿಮ್ಮ ಮೇಲಿನ ಗೌರವ ಹೆಚ್ಚಾಗಲು ಇದು ಸಹಕಾರಿಯಾಗಿದೆ. ಸಿಂಹ ರಾಶಿಯವರ ಕುಟುಂಬದಲ್ಲಿ ಸಂಬಂಧಗಳ ನಡುವೆ ಬಿರುಕು ಉಂಟಾಗುವ ಸಾಧ್ಯತೆಗಳು ಇವೆ. ಎಚ್ಚರಿಕೆಯಿಂದ ಚಾಲನೆ ಮಾಡಿ. ನಿಮ್ಮ ಕನಸು ನನಸಾಗಲು ಅನಾಥರಿಗೆ ಅನ್ನದಾನ ಮಾಡಿ.
ಕನ್ಯಾ: ಮದುವೆ ನಿರೀಕ್ಷೆಯಲ್ಲಿರುವವರಿಗೆ ಸಂಗಾತಿ ಭೇಟಿ
ಈ ವರ್ಷದ ಆರಂಭದಲ್ಲಿ ರಾಹು ನಿಮ್ಮ ಒಂಬತ್ತನೇ ಮನೆಯಲ್ಲಿ ಕುಳಿತುಕೊಳ್ಳುತ್ತಾನೆ. ಎಂಟನೇ ಮನೆಯಲ್ಲಿ ರಾಹುವಿನ ದೀರ್ಘಾವಧಿಯ ವಾಸ್ತವ್ಯವು ನಿಮ್ಮ ಜೀವನದಲ್ಲಿ ಮಹತ್ವದ ಬದಲಾವಣೆಯನ್ನು ಉಂಟುಮಾಡುತ್ತದೆ. ನೀವು ಕೆಲವು ಅನಿರೀಕ್ಷಿತವಾಗಿ ಉತ್ತಮ ಲಾಭ ಮತ್ತು ನಷ್ಟಗಳ ಅನುಭವ ನಿಮಗಾಗಬಹುದು. ಕನ್ಯಾ ರಾಶಿಯವರು ಅಭಿವೃದ್ಧಿ ಹೊಂದುತ್ತಾರೆ. ನಿಮ್ಮ ಸಂಗಾತಿಯೊಂದಿಗೆ ಸುಂದರವಾದ ಸಂಬಂಧವನ್ನು ಹೊಂದಿರುತ್ತೀರಿ. ಅವಿವಾಹಿತರು ಭವಿಷ್ಯದ ಸಂಗಾತಿಯನ್ನು ಭೇಟಿ ಮಾಡಬಹುದು. ಅವರೊಂದಿಗೆ ಮಾತನಾಡಲು ನಿಮಗೆ ಸಾಕಷ್ಟು ಅವಕಾಶಗಳು ಸಿಗಬಹುದು.
ಯಾವುದೇ ಹೂಡಿಕೆಗಳನ್ನು ಮಾಡುವ ಮೊದಲು, ನಿಮ್ಮ ಆಯ್ಕೆಗಳನ್ನು ಎಚ್ಚರಿಕೆಯಿಂದ ಪರಿಗಣಿಸಿ. ಏಕೆಂದರೆ ನೀವು ಹಣವನ್ನು ಕಳೆದುಕೊಳ್ಳಬಹುದು. ಏಪ್ರಿಲ್ ಮತ್ತು ಆಗಸ್ಟ್ ನಡುವೆ ಎಂಟನೇ ಮನೆಯಲ್ಲಿ ರಾಹು ದೋಷವು ರೂಪುಗೊಂಡಾಗ, ನಿಮ್ಮ ಆರೋಗ್ಯವು ಹದಗೆಡಬಹುದು ಮತ್ತು ಅನಾರೋಗ್ಯದಿಂದ ನಿಮ್ಮ ತೊಂದರೆಗಳು ಉಲ್ಬಣಗೊಳ್ಳಬಹುದು. ಈ ಸಮಯದಲ್ಲಿ ನೀವು ಜಾಗರೂಕರಾಗಿರದಿದ್ದರೆ, ಗಂಭೀರವಾದ ಅನಾರೋಗ್ಯಕ್ಕೆ ಒಳಗಾಗಬಹುದು. ಹೀಗಾಗಿ ಕೋಂಚ ಈ ಸಮಯದಲ್ಲಿ ಎಚ್ಚರ ವಹಿಸುವುದು ಉತ್ತಮ. ಅಕ್ಟೋಬರ್ 30 ರಂದು ರಾಹು ನಿಮ್ಮ ಏಳನೇ ಮನೆಗೆ ಪ್ರವೇಶಿಸುತ್ತಾನೆ. ಇದು ನಿಮ್ಮ ವೈವಾಹಿಕ ಜೀವನದ ಮೇಲೆ ಪರಿಣಾಮ ಬೀರುತ್ತದೆ. ನಿಮ್ಮ ಜೀವನ ಸಂಗಾತಿಯನ್ನು ಸ್ವಲ್ಪ ಉದ್ವೇಗಕ್ಕೂ ತಳ್ಳಬಹುದು. ನಿಮ್ಮ ಧಾರ್ಮಿಕ ನಂಬಿಕೆಗಳು ಭಿನ್ನವಾಗಿರುತ್ತವೆ.
ತುಲಾ: ಅವಿವಾಹಿತರ ಮದುವೆಗೆ ಅಡೆತಡೆ
ಈ ವರ್ಷದ ಆರಂಭದಿಂದ ರಾಹು ನಿಮ್ಮ ಏಳನೇ ಮನೆಯಲ್ಲಿರುತ್ತಾನೆ. ಇದು ತುಲಾ ರಾಶಿಯವರಿಗೆ ವೈವಾಹಿಕ ಜೀವನ ಮತ್ತು ವಾಣಿಜ್ಯ ಪಾಲುದಾರಿಕೆಗಳ ಮೇಲೆ ಪರಿಣಾಮ ಬೀರುತ್ತದೆ. ರಾಹು ಅವಿವಾಹಿತರ ಮದುವೆಗೆ ಅಡೆತಡೆ ಉಂಟು ಮಾಡಬಹುದು. ಅದಾಗ್ಯೂ ಮನೆಯಲ್ಲಿ ಶುಭ ಕಾರ್ಯಗಳು, ಪೂಜೆಗಳು ಒಳಿತು ತರುತ್ತವೆ. ಭವಿಷ್ಯದಲ್ಲಿಯೂ ಸಹ ನೀವು ಅದೃಷ್ಟದ ಫಲವನ್ನು ಅನುಭವಿಸುವಿರಿ. ಥಟ್ಟನೆ ಸಂಭವಿಸಬಹುದಾದ ನಷ್ಟಗಳಲ್ಲಿಯೂ ಸಹ ಅದೃಷ್ಟ ನಿಮ್ಮ ಕೈ ಹಿಡಿಯುತ್ತದೆ. ಈ ಸಮಯದಲ್ಲಿ ನಿಮ್ಮ ಕಂಪನಿಗೆ ಲಾಭ ಉಂಟಾಗಬಹುದು.
ನಿಮ್ಮ ವ್ಯಾಪಾರ ಪಾಲುದಾರರೊಂದಿಗೆ ನೀವು ಎಚ್ಚರಿಕೆಯಿಂದ ಮುಂದುವರೆಯಬೇಕು. ಅವರು ಈ ಸಮಯದಲ್ಲಿ ಬಹಳಷ್ಟು ವಿಷಯಗಳ ಬಗ್ಗೆ ಯೋಚಿಸುತ್ತಿರುತ್ತಾರೆ. ಅವರೊಂದಿಗೆ ಸೌಹಾರ್ದಯುತವಾಗಿರುವುದು ನಿಮಗೆ ಸಹಾಯ ಮಾಡುತ್ತದೆ. ಏಕೆಂದರೆ ನಿಮ್ಮಿಬ್ಬರ ನಡುವೆ ಕೆಲವು ಅನ್ಯತೆಯು ಸಮಸ್ಯೆಗಳು ಉಂಟುಮಾಡಬಹುದು. ಇದರಿಂದ ಯಶಸ್ವಿಯಾಗಿ ನಿಮ್ಮ ವ್ಯವಹಾರವನ್ನು ಮುನ್ನಡೆಸಬಹುದು.
ಸಂಗಾತಿಯೊಂದಿಗೆ ಯಾವುದೇ ಚರ್ಚೆಗಳು ಅಥವಾ ವಾದಗಳನ್ನು ತಪ್ಪಿಸಬೇಕು. ಮನೆಯ ಹಿರಿಯರಿಂದ ಮಾರ್ಗದರ್ಶನ ಪಡೆಯಿರಿ ಅಥವಾ ಅವರ ಒಪ್ಪಿಗೆಯೊಂದಿಗೆ ಯಾವುದೇ ಕೆಲಸವನ್ನು ಕೈಗೊಳ್ಳಿ. ಸಂಗಾತಿಯು ಆರೋಗ್ಯ ಸಮಸ್ಯೆಗಳನ್ನು ಸಹ ಅನುಭವಿಸಬಹುದು. ಈ ಅವಧಿಯಲ್ಲಿ ವ್ಯಾಪಾರವು ಏರಿಳಿತಗಳನ್ನು ಅನುಭವಿಸುತ್ತದೆ ಎಂಬುದನ್ನು ನೆನಪಿಡಿ. ನೀವು ತಾಳ್ಮೆಯಿಂದ ವರ್ತಿಸಬೇಕು. ಅಕ್ಟೋಬರ್ 30 ರ ನಂತರ ರಾಹು ನಿಮ್ಮ ಆರನೇ ಮನೆಗೆ ಸಾಗುತ್ತದೆ. ನೀವು ಇಲ್ಲಿಂದ ಉತ್ತಮ ಆರಂಭವನ್ನು ಪಡೆಯುತ್ತೀರಿ. ನೀವು ಪ್ರಯತ್ನಪಟ್ಟರೆ ಯಾವುದೇ ಕೆಲಸದಲ್ಲಿ ಯಶಸ್ಸನ್ನು ಸಾಧಿಸುವಿರಿ. ನ್ಯಾಯಾಲಯವನ್ನು ಒಳಗೊಂಡಿರುವ ವಿಷಯಗಳಲ್ಲಿ ನೀವು ಯಶಸ್ವಿಯಾಗುತ್ತೀರಿ.
ವೃಶ್ಚಿಕ: ಮನೆಯಲ್ಲಿ ಪ್ರೇಮದ ವಿಚಾರ ಪ್ರಸ್ತಾಪ
ಈ ವರ್ಷದ ಆರಂಭದಲ್ಲಿ ಆರನೇ ಮನೆಯಲ್ಲಿ ರಾಹು ಸ್ಥಾನವು ವೃಶ್ಚಿಕ ರಾಶಿಯವರನ್ನು ತೊಂದರೆಗಳಿಂದ ರಕ್ಷಿಸುತ್ತದೆ. ನೀವು ಅನಾರೋಗ್ಯ, ಸಾಲದ ಸಮಸ್ಯೆಗಳು ಅಥವಾ ಶತ್ರುಗಳನ್ನು ಎದುರಿಸುವಿರಿ. ರಾಹು ನೀವು ಎಲ್ಲವನ್ನೂ ಜಯಿಸಲು ಮತ್ತು ಮುಂದುವರಿಯಲು ಸಹಾಯ ಮಾಡುತ್ತದೆ. ನೀವು ಯಾವುದಕ್ಕೂ ಹೆದರುವುದಿಲ್ಲ. ನಿಮ್ಮ ವ್ಯಕ್ತಿತ್ವ ಬೆಳೆಯುತ್ತದೆ.
ಕಂಪನಿಯಲ್ಲಿ ಬಲವಾದ ಸ್ಥಾನವನ್ನು ಹೊಂದಿರುತ್ತೀರಿ. ನಿಮ್ಮ ತಾಯಿಯ ಕಡೆಯಲ್ಲಿರುವ ಜನರು ನಿಮಗೆ ಆದಾಯದ ಮೂಲವಾಗಿರಬಹುದು. ಇದು ಅಂತರರಾಷ್ಟ್ರೀಯ ಪ್ರಯಾಣಕ್ಕೆ ಅವಕಾಶಗಳನ್ನು ಒದಗಿಸಬಹುದು. ಏಪ್ರಿಲ್ ಅಂತ್ಯದಿಂದ ಆಗಸ್ಟ್ ಅಂತ್ಯದವರೆಗೆ ಆರೋಗ್ಯ ದುರ್ಬಲವಾಗಿರುತ್ತದೆ. ಈ ಅವಧಿಯಲ್ಲಿ ಕೆಲವು ರೀತಿಯ ಆರೋಗ್ಯ ಸಮಸ್ಯೆಯು ನಿಮ್ಮನ್ನು ಕಾಡಬಹುದು. ಯಾವುದೇ ರೋಗಲಕ್ಷಣಗಳನ್ನು ಅನುಭವಿಸಿದರೆ ನೀವು ತಕ್ಷಣ ವೈದ್ಯಕೀಯ ಸಹಾಯವನ್ನು ಪಡೆಯಬೇಕು.
ನಿಮ್ಮ ಮೇಲೆ ರಾಹುವಿನ ಸಂಪೂರ್ಣ ಪ್ರಭಾವದಿಂದಾಗಿ ನೀವು ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತೀರಿ. ನಿಮ್ಮ ನಿರ್ಧಾರ ತೆಗೆದುಕೊಳ್ಳುವ ಕೌಶಲ್ಯವು ತೀಕ್ಷ್ಣವಾಗಿರುತ್ತದೆ. ಇದು ನಿಮ್ಮ ಮಕ್ಕಳಿಗೆ ಗಮನ ಕೊಡುವ ಸಮಯವಾಗಿರುತ್ತದೆ. ಏಕೆಂದರೆ ಅವರು ಕೆಟ್ಟ ಸಹವಾಸಕ್ಕೆ ಜಾರಬಹುದು. ಪರಿಣಾಮವಾಗಿ ಅನುಚಿತವಾಗಿ ವರ್ತಿಸಬಹುದು. ಆದ್ದರಿಂದ ಅವರ ಬಗ್ಗೆ ಎಚ್ಚರದಿಂದಿರಿ. ಈ ಸಮಯದಲ್ಲಿ ಪ್ರೇಮ ಸಂಬಂಧಗಳು ಉತ್ತಮವಾಗಿ ನಡೆಯುತ್ತವೆ. ಮನೆಯಲ್ಲಿ ಪ್ರೇಮದ ವಿಚಾರ ಪ್ರಸ್ತಾಪ ಮಾಡಬಹುದು. ವಿದ್ಯಾರ್ಥಿಗಳು ಜೀವನದಲ್ಲಿ ಕೆಲವು ತೊಂದರೆಗಳು ಮತ್ತು ಸಮಸ್ಯೆಗಳನ್ನು ಎದುರಿಸಬಹುದು.
ಧನು: ಪ್ರೀತಿಸುವವರನ್ನೇ ಮದುವೆಯಾಗುವ ಅವಕಾಶ
ಈಗಾಗಲೇ ಐದನೇ ಮನೆಯಲ್ಲಿ ಕುಳಿತಿರುವ ರಾಹು ಈ ವರ್ಷದ ಆರಂಭದಲ್ಲಿ ಧನು ರಾಶಿಯವರ ಮೇಲೆ ಪ್ರಭಾವ ಬೀರುವುದನ್ನು ಗಮನಿಸಬಹುದು. ಇದು ಬುದ್ಧಿವಂತಿಕೆ ಮತ್ತು ಚಿಂತನೆಯ ಮನೆಯಾಗಿದೆ. ಅದರ ಮೇಲೆ ರಾಹುವಿನ ಪ್ರಭಾವ ಯಾರೂ ಊಹಿಸದಂತೆ ಬೀರಬಹುದು. ಅವುಗಳನ್ನು ಕಾರ್ಯರೂಪಕ್ಕೆ ತರುವುದು ಸವಾಲಿನದ್ದಾಗಿದ್ದರೂ ಅವುಗಳನ್ನು ಸಾಧಿಸಲು ನೀವು ಎಲ್ಲ ಪ್ರಯತ್ನಗಳನ್ನು ಮಾಡುವುದನ್ನು ಕಾಣಬಹುದು.
ಕೆಲಸವನ್ನು ಹಾಳು ಮಾಡುವುದನ್ನು ತಡೆಯಲು ಯೋಚಿಸಿ. ಈ ಹಂತದಲ್ಲಿ ಮಕ್ಕಳಿಗೆ ಸರಿಯಾದ ಗಮನವನ್ನು ನೀಡುವುದು ಮುಖ್ಯವಾಗಿರುತ್ತದೆ. ಇಲ್ಲದಿದ್ದರೆ ವಿಷಯಗಳು ನಿಯಂತ್ರಣದಿಂದ ಹೊರಬರಬಹುದು. ಈ ಸಮಯದಲ್ಲಿ ಸಂಗಾತಿಯಲ್ಲಿನ ಪ್ರೇಮ ಹೆಚ್ಚಾಗುತ್ತದೆ. ನಿಮ್ಮ ಮನಸ್ಸಿನಲ್ಲಿರುವ ಎಲ್ಲವನ್ನೂ ನಿಮ್ಮ ಪ್ರೀತಿಪಾತ್ರರಿಗೆ ವ್ಯಕ್ತಪಡಿಸಲು ನಿಮಗೆ ಅವಕಾಶವಿದೆ. ನೀವು ಎಲ್ಲವನ್ನೂ ಜೋರಾಗಿ ಮಾತನಾಡುತ್ತೀರಿ. ಆದರೆ ಶತ್ರುಗಳಿಗೆ ನಿಮ್ಮ ಗುಟ್ಟು ಬಿಟ್ಟುಕೊಡಬೇಡಿ. ಇದರಿಂದ ತೊಂದರೆಗಳಾಗುವ ಸಾಧ್ಯತೆಗಳು ಹೆಚ್ಚಾಗಿವೆ. ಅಚಲವಾದ ಬೆಂಬಲವನ್ನು ನೀವು ಪಡೆಯುತ್ತೀರಿ.
ನೀವು ಪ್ರೀತಿಸುವವರನ್ನು ಮದುವೆಯಾಗಲು ಇದು ಅದ್ಭುತ ಸಮಯ. ನಿಮ್ಮ ಪ್ರೀತಿಯ ಸಂಬಂಧವು ಪ್ರಬುದ್ಧವಾಗುತ್ತದೆ. ನಿಮ್ಮ ಸಂಬಂಧಗಳು ಗಟ್ಟಿಯಾಗಿರುತ್ತವೆ. ವಿದ್ಯಾರ್ಥಿಗಳು ಶಿಕ್ಷಣದ ಮೇಲೆ ಕೇಂದ್ರೀಕರಿಸಲು ತುಂಬಾ ಕಷ್ಟಪಟ್ಟು ಕೆಲಸ ಮಾಡಬೇಕಾಗುತ್ತದೆ. ಹೊಟ್ಟೆಗೆ ಸಂಬಂಧಿಸಿದ ಯಾವುದೇ ಕಾಯಿಲೆಯು ಈ ಸಮಯದಲ್ಲಿ ನಿಮ್ಮ ತೊಂದರೆಗಳನ್ನು ಇನ್ನಷ್ಟು ಹದಗೆಡಿಸಬಹುದು. ಈ ಸಮಯದಲ್ಲಿ ನಿಮ್ಮ ಆರೋಗ್ಯ ಕುಸಿಯುವ ಸಾಧ್ಯತೆಯಿದೆ. ನೀವು ಕೆಲವು ಕೌಟುಂಬಿಕ ಕಲಹಗಳನ್ನು ಅನುಭವಿಸಬಹುದು. ನೀವು ಇತರ ಸಂತೋಷಗಳನ್ನು ಅನುಭವಿಸುವಿರಿ.
ಮಕರ: ಅನಗತ್ಯ ವಾದಗಳನ್ನು ತಪ್ಪಿಸುವುದು ಉತ್ತಮ
ಮಕರ ರಾಶಿಯವರಿಗೆ ಈ ಸಮಯದಲ್ಲಿ ರಾಹು ಪ್ರಭಾವವನ್ನು ಬೀರಬಹುದು. ಇದರಿಂದ ನೀವು ಎಚ್ಚರಿಕೆಯನ್ನು ವಹಿಸಬೇಕಾಗುತ್ತದೆ. ನಿಮ್ಮ ಜೀವನ ಏರಿಳಿತಗಳನ್ನು ಹೊಂದಿರಬಹುದು. ಕುಟುಂಬ ಸಂಬಂಧಗಳು ಹದಗೆಡಲು ಪ್ರಾರಂಭಿಸುತ್ತವೆ. ನಿಮ್ಮ ಕುಟುಂಬ ಜೀವನದಲ್ಲಿ ಶಾಂತಿಯನ್ನು ತರಲು ನಿಮ್ಮ ಕಡೆಯಿಂದ ಬಹಳಷ್ಟು ಕೆಲಸ ಬೇಕಾಗುತ್ತದೆ. ಆದಷ್ಟು ಶಾಂತಿಯಿಂದ ವರ್ತಿಸಿ. ಶಾಂತವಾಗಿರಿ ತಾಳ್ಮೆಯಿಂದ ಕೆಲಸ ಮಾಡಿ. ಅತ್ಯಂತ ಗಂಭೀರವಾಗಿರಿ. ಯಾರನ್ನೂ ಅನುಮಾನಿಸಬೇಡಿ. ಮನಸ್ಸನ್ನು ಶಾಂತವಾಗಿಟ್ಟುಕೊಳ್ಳುವುದರಿಂದ ಎಲ್ಲಾ ಸಮಸ್ಯೆಗಳು ದೂರವಾಗುತ್ತದೆ. ಅನಗತ್ಯ ವಾದಗಳನ್ನು ತಪ್ಪಿಸಿ. ಪ್ರತ್ಯೇಕತೆಯ ಸಂದರ್ಭಗಳು ಸಹ ಸಂಭವಿಸಬಹುದು.
ಕುಟುಂಬಸ್ಥರ ಆರೋಗ್ಯ ಉತ್ತಮವಾಗಿರುತ್ತದೆ. ಸಣ್ಣ ಪುಟ್ಟ ಸಮಸ್ಯೆಗಳಿದ್ದರೂ ಕ್ರಮೇಣ ದೂರವಾಗುತ್ತವೆ. ನೀವು ಮನೆಯನ್ನು ಖರೀದಿಸುವಲ್ಲಿ ಯಶಸ್ವಿಯಾಗಬಹುದು. ಏಪ್ರಿಲ್ ಅಂತ್ಯದಿಂದ ಆಗಸ್ಟ್ ಆರಂಭದವರೆಗೆ ಮನೆಯಲ್ಲಿನ ಪ್ರತಿಯೊಂದು ಚಟುವಟಿಕೆಯನ್ನು ಸೂಕ್ಷ್ಮವಾಗಿ ಗಮನಿಸಿ. ಏಕೆಂದರೆ ಈ ಸಮಯದಲ್ಲಿ ಕುಟುಂಬ ಜೀವನದಲ್ಲಿ ಗಮನಾರ್ಹ ಏರಿಕೆ ಕಂಡುಬರಬಹುದು. ಅಕ್ಟೋಬರ್ 30 ರ ನಂತರ ರಾಹು ನಿಮ್ಮ ಮೂರನೇ ಮನೆಗೆ ಚಲಿಸುತ್ತಾನೆ. ರಾಹು ಇಲ್ಲಿ ನಿಮಗೆ ಬಲವನ್ನು ನೀಡುತ್ತಾನೆ. ನೀವು ವ್ಯಾಪಾರದಲ್ಲಿ ಅವಕಾಶಗಳನ್ನು ಪಡೆದುಕೊಳ್ಳುತ್ತೀರಿ ಮತ್ತು ಮುಂದೆ ಸಾಗುತ್ತೀರಿ. ಅದು ನಿಮ್ಮ ಯಶಸ್ಸಿಗೆ ಕಾರಣವಾಗುತ್ತದೆ. ನೀವು ಕ್ರೀಡಾಪಟುವಾಗಿದ್ದರೆ, ನಿಮ್ಮ ಪ್ರತಿಭೆ ಬೆಳೆಯುವ ಸಮಯ ಇದು. ಜನರು ನಿಮ್ಮನ್ನು ಗೌರವಿಸುತ್ತಾರೆ. ನೀವು ಉತ್ತಮ ಆರ್ಥಿಕ ಸ್ಥಿತಿಯಲ್ಲಿರುತ್ತೀರಿ. ಇದು ನಿಮಗೆ ಉತ್ತಮ ಯಶಸ್ಸನ್ನು ತರುತ್ತದೆ. ನಿಮ್ಮ ಉದ್ಯೋಗದಲ್ಲಿ ನಿಮ್ಮ ಸ್ಥಿತಿ ಸುಧಾರಿಸುತ್ತದೆ.
ಕುಂಭ: ರಾಹುವಿನ ಬಲದಿಂದ ಧೈರ್ಯ, ಶಕ್ತಿ ಪ್ರಾಪ್ತಿ
ರಾಹು ಈ ವರ್ಷದ ಆರಂಭದಲ್ಲಿ ನಿಮ್ಮ ಮೂರನೇ ಮನೆಗೆ ಪ್ರವೇಶಿಸುತ್ತಾನೆ. ವರ್ಷದ ಬಹುಪಾಲು ಅಲ್ಲಿಯೇ ಇರುತ್ತಾನೆ. ನಿಮಗೆ ಧೈರ್ಯ, ಶಕ್ತಿಯನ್ನು ನೀಡುತ್ತಾನೆ. ಅಪಾಯಗಳನ್ನು ತೆಗೆದುಕೊಳ್ಳುವ ಸಾಮರ್ಥ್ಯವನ್ನು ನೀಡುತ್ತಾನೆ. ನಿಮ್ಮ ವಿರೋಧಿಗಳ ಮೇಲೆ ದೃಢವಾದ ಹಿಡಿತ ಇತ್ಯಾದಿಗಳನ್ನು ನೀಡುತ್ತಾನೆ. ನೀವು ಮಾಡುವ ಯಾವುದೇ ಕೆಲಸದಲ್ಲಿ ಯಶಸ್ವಿಯಾಗುತ್ತೀರಿ. ರಾಹು ನಿಮಗೆ ದಾರಿ ಮಾಡಿಕೊಡುತ್ತಾನೆ. ನಿಮ್ಮ ಒಡಹುಟ್ಟಿದವರು ನಿಮಗೆ ಸಹಾಯಕವಾದ ಬೆಂಬಲವನ್ನು ನೀಡಬಹುದು.
ಹೆಚ್ಚು ಕಡಿಮೆ ದೂರದ ಪ್ರಯಾಣ ಇರುತ್ತದೆ. ಇದು ನಿಮ್ಮನ್ನು ಹೆಚ್ಚು ಕಾರ್ಯನಿರತವಾಗಿ ಮಾಡುತ್ತದೆ. ಕೆಲಸದಲ್ಲಿ ದೃಢವಾದ ಬೆಂಬಲಕ್ಕಾಗಿ ನಿಮ್ಮ ಸಹೋದ್ಯೋಗಿಗಳನ್ನು ನೀವು ಅವಲಂಬಿಸಲು ಸಾಧ್ಯವಾಗುತ್ತದೆ. ಏಪ್ರಿಲ್ ಅಂತ್ಯದಿಂದ ಆಗಸ್ಟ್ ಅಂತ್ಯದವರೆಗೆ ಕೆಲವು ಸಮಸ್ಯೆಗಳು ಉಂಟಾಗಬಹುದು. ನಿಮ್ಮ ಸ್ವಂತ ಸಹೋದ್ಯೋಗಿಗಳು ನಿಮ್ಮ ಮೇಲೆ ಪಿತೂರಿಗಳನ್ನು ಮಾಡಬಹುದು. ನೀವು ಕೆಲಸದಲ್ಲಿ ಸಮಸ್ಯೆಗಳನ್ನು ಅನುಭವಿಸಬಹುದು. ಪ್ರಯಾಣ ಮಾಡುವಾಗ, ನಿಮಗೆ ತೊಂದರೆಗಳು ಉಂಟಾಗುತ್ತವೆ. ಅದು ಚೆನ್ನಾಗಿ ಆಗುವುದಿಲ್ಲ.
ನೀವು ರುಚಿಕರವಾದ ತಿನಿಸುಗಳನ್ನು ಆನಂದಿಸಬಹುದು. ನೀವು ಆರ್ಥಿಕವಾಗಿ ಹೆಚ್ಚು ಸಕ್ರಿಯರಾಗಿರುವುದರಿಂದ ಮತ್ತು ಹಣವನ್ನು ಗಳಿಸುವ ನಿಮ್ಮ ಬಯಕೆಯಲ್ಲಿ ಹಠಾತ್ ಹೆಚ್ಚಳವನ್ನು ಅನುಭವಿಸುವುದರಿಂದ ನಿಮ್ಮ ಹಣಕಾಸಿನ ಪರಿಸ್ಥಿತಿಯು ಸುಧಾರಿಸಲು ಪ್ರಾರಂಭಿಸುತ್ತದೆ. ನಿಮ್ಮ ಕುಟುಂಬ ಜೀವನದಲ್ಲಿ ಕೆಲವು ಸಮಸ್ಯೆಗಳು ಮತ್ತು ಘರ್ಷಣೆಗಳು ಇರಬಹುದು. ನೀವು ಅವರೊಂದಿಗೆ ತಾಳ್ಮೆಯಿಂದಿದ್ದರೆ, ನೀವು ಅಂತಿಮವಾಗಿ ಎಲ್ಲವನ್ನೂ ಜಯಿಸುತ್ತೀರಿ.
ಮೀನ: ಅವಿವಾಹಿತರಿಗೆ ಕಂಕಣ ಭಾಗ್ಯ
ನಿಮ್ಮ ಕುಟುಂಬದಿಂದ ನೀವು ಹೆಚ್ಚು ದೂರವಿರಬೇಕಾದ ಸಂದರ್ಭ ಬರಬಹುದು. ನೀವು ಹೆಚ್ಚು ಸಂಪತ್ತನ್ನು ಪಡೆಯುತ್ತೀರಿ. ಇಲ್ಲಿ ಸ್ಥಾನದಲ್ಲಿರುವ ರಾಹು ನಿಮಗೆ ಎರಡರಲ್ಲಿ ಒಂದನ್ನು ಮಾತ್ರ ನೀಡಲು ಸಾಧ್ಯವಾಗುತ್ತದೆ. ವ್ಯವಹಾರದಲ್ಲಿ ಎಚ್ಚರಿಕೆಯಿಂದ ಸೌಹಾರ್ದಯುತ ಒಪ್ಪಂದಕ್ಕೆ ಬರಲು ಪ್ರಯತ್ನಿಸಬೇಕು. ಇಲ್ಲದಿದ್ದರೆ ನಿಮ್ಮ ಕುಟುಂಬದಿಂದ ದೂರವಿರಲು ಪ್ರಾರಂಭಿಸುತ್ತೀರಿ. ಕೆಲಸದ ಒತ್ತಡ ಹೆಚ್ಚಾಗುತ್ತದೆ.
ನೀವು ಆರೋಗ್ಯಕ್ಕೆ ಸಂಬಂಧಿಸಿದ ಸಮಸ್ಯೆಗಳ ಬಗ್ಗೆ ತಿಳಿದಿರಬೇಕು. ಏಕೆಂದರೆ ಅಸಮತೋಲಿತ ಆಹಾರ ಪದ್ಧತಿ ನಿಮ್ಮ ಆರೋಗ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ. ದೃಷ್ಟಿಹೀನತೆಯಿಂದಾಗಿ ಕನ್ನಡಕಗಳ ಅಗತ್ಯವೂ ಉದ್ಭವಿಸಬಹುದು. ಕುಟುಂಬದ ನೆಮ್ಮದಿಗೆ ಭಂಗ ತರುವ ಕೌಟುಂಬಿಕ ಸಮಸ್ಯೆಗಳು ಏಪ್ರಿಲ್ ಅಂತ್ಯದಿಂದ ಆಗಸ್ಟ್ ಅಂತ್ಯದವರೆಗೆ ಉಂಟಾಗಬಹುದು. ಈ ಪರಿಸ್ಥಿತಿಯನ್ನು ತಡೆಗಟ್ಟಲು ನೀವು ನಿಮ್ಮ ಪ್ರಯತ್ನ ಮಾಡಬೇಕು. ಕುಟುಂಬದಲ್ಲಿ ನಿಮ್ಮ ಸ್ಥಾನವು ಉತ್ತಮವಾಗಿರುತ್ತದೆ.
ಅಕ್ಟೋಬರ್ 30 ರಂದು ರಾಹು ನಿಮ್ಮ ಎರಡನೇ ಮನೆಯಿಂದ ಮೀನ ರಾಶಿಗೆ ಚಲಿಸುತ್ತದೆ. ನೀವು ಭಾವನಾತ್ಮಕತೆಯಿಂದ ಮುಕ್ತರಾಗುತ್ತೀರಿ. ನಿಮ್ಮ ಪ್ರಾಯೋಗಿಕತೆಯನ್ನು ಅಭಿವೃದ್ಧಿಪಡಿಸುವಿರಿ. ನೀವು ನಿಮ್ಮ ಸ್ವಂತ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಪ್ರಾರಂಭಿಸುತ್ತೀರಿ.
Click it and Unblock the Notifications
Sign in with Google