• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

Finance Horoscope 2022: ಹೊಸ ವರ್ಷ ನಿಮ್ಮ ಹಣಕಾಸು ಸ್ಥಿತಿ ಹೇಗಿರಲಿದೆ?

|
Google Oneindia Kannada News

2022 ರ ಹೊಸ ವರುಷ ಬರುವ ಮುನ್ನವೇ ಹೊಸ ವರ್ಷದಲ್ಲಿ ಯಾವ ರಾಶಿಚಕ್ರ ಚಿಹ್ನೆಯವರ ಭವಿಷ್ಯ ಹೇಗೆ ಇರಲಿದೆ ಎಂಬುವುದನ್ನು ನೀವು ಈಗಲೇ ತಿಳಿದುಕೊಳ್ಳಿ. ಹಣಕಾಸು ಜಾತಕ 2022 ರಲ್ಲಿ ಎಲ್ಲಾ ರಾಶಿ ಚಿಹ್ನೆಗಳ ಹಣಕಾಸು ಹಾಗೂ ಹಣ ಭವಿಷ್ಯ ಹೇಗೆ ಇರುತ್ತದೆ ಎಂಬುವುದನ್ನು ನಾವು ಇಲ್ಲಿ ವಿವರಿಸಿದ್ದೇವೆ. 2022 ರಲ್ಲಿ ಯಾವ ರಾಶಿಯವರು ಹೇಗೆ, ಎಲ್ಲಿ ಹೂಡಿಕೆ ಮಾಡಬೇಕು, ಖರ್ಚುಗಳನ್ನು ಹೇಗೆ ಮಾಡಬೇಕು ಅಥವಾ ಅಧಿಕ ಖರ್ಚು ಆಗುವುದನ್ನು ಹೇಗೆ ತಪ್ಪಿಸಬೇಕು ಎಂಬುವುದರ ಬಗ್ಗೆ ನಾವು ಈಗಲೇ ಅರಿವು ಹೊಂದಿರಬೇಕು. ಅದಕ್ಕಾಗಿ ಈ ಭವಿಷ್ಯವನ್ನು ಓದಿ..

ಅನುಕೂಲಕರ ಮತ್ತು ಪ್ರತಿಕೂಲವಾದ ಅವಧಿಗಳ ಬಗ್ಗೆ ನೀವು ಈಗಲೇ ತಿಳಿದಿರಬೇಕು. ಇದರಿಂದಾಗಿ ನೀವು ಆರ್ಥಿಕ ನಿರ್ಧಾರವನ್ನು ಕೈಗೊಳ್ಳುವುದು ಸಹಕಾರಿ ಆಗಲಿದೆ. ಈ ಭವಿಷ್ಯವನ್ನು ಓದುವ ಮೂಲಕ ನೀವು ಯಾವ ಸಂದರ್ಭದಲ್ಲಿ ಎಲ್ಲಿ ಹೂಡಿಕೆ ಮಾಡುವುದು ಸೂಕ್ತ ಎಂಬುವುದನ್ನು ತಿಳಿಯಲು ಸಾಧ್ಯವಾಗುತ್ತದೆ. ಈ ಹಣಕಾಸು ಭವಿಷ್ಯದಲ್ಲಿ ಗ್ರಹಗಳ ಸಂಚಾರದಿಂದಾಗಿ ನಿಮಗೆ ಉಂಟಾಗುವ ಅನುಕೂಲ ಹಾಗೂ ಅನನುಕೂಲವನ್ನು ನಾವು ಇಲ್ಲಿ ವಿವರಿಸಿದ್ದೇವೆ. ನಿಮ್ಮ ರಾಶಿಚಕ್ರದ ಚಿಹ್ನೆಗೆ ಅನುಗುಣವಾಗಿ ಯಾವ ಪ್ರದೇಶ ಅಥವಾ ಸೆಕ್ಯುರಿಟೀಸ್ ಮತ್ತು ಹೂಡಿಕೆಗಳ ಮಾರುಕಟ್ಟೆಯು ಮಂಗಳಕರ ಫಲಿತಾಂಶಗಳನ್ನು ತರುತ್ತದೆ ಹಾಗೂ ನಿಮಗೆ ಲಾಭವನ್ನು ಉಂಟು ಮಾಡುತ್ತದೆ ಎಂಬುವುದನ್ನು ನೀವು ಈ Finance Horoscope 2022 ಮೂಲಕ ತಿಳಿಯಬಹುದು.

Varsha Bhavishya 2022: ವಾರ್ಷಿಕ ರಾಶಿ ಭವಿಷ್ಯ 2022: ಯಾವ್ಯಾವ ರಾಶಿಗೆ ಅದೃಷ್ಟ, ಯಾವ್ಯಾವ ರಾಶಿಗೆ ಅಶುಭ?Varsha Bhavishya 2022: ವಾರ್ಷಿಕ ರಾಶಿ ಭವಿಷ್ಯ 2022: ಯಾವ್ಯಾವ ರಾಶಿಗೆ ಅದೃಷ್ಟ, ಯಾವ್ಯಾವ ರಾಶಿಗೆ ಅಶುಭ?

2022 ರ ಆರಂಭದಲ್ಲಿ, ಕಾರ್ಯಗಳು, ಕರ್ಮಗಳು ಮತ್ತು ಕಠಿಣ ಪರಿಶ್ರಮದ ಗ್ರಹವು ಮಕರ ರಾಶಿಯಲ್ಲಿ ಸಾಗುತ್ತದೆ. ಆದರೆ ಅನುಗ್ರಹ, ಆಶೀರ್ವಾದದ ಗುರು ಗ್ರಹವು ಕುಂಭ ರಾಶಿಯ ಮೇಲೆ ಸಾಗುತ್ತದೆ. ಇದರಿಂದಾಗಿ ಕುಂಭ ರಾಶಿ ಹಾಗೂ ಮಕರ ರಾಶಿಯ ಜನರ ಜೀವನದಲ್ಲಿ ಬದಲಾವಣೆ ಉಂಟಾಗಲಿದೆ. . ಏಪ್ರಿಲ್ ತಿಂಗಳಲ್ಲಿ ಈ ಎರಡೂ ಗ್ರಹಗಳ ಸಂಕ್ರಮಣ ನಡೆಯಲಿದೆ. ರಾಹು ಮತ್ತು ಕೇತುಗಳು ಏಪ್ರಿಲ್‌ನಲ್ಲಿ ತಮ್ಮ ಸಂಚಾರವನ್ನು ಮಾಡುತ್ತವೆ. ಇದಲ್ಲದೆ, ಶುಕ್ರ, ಮಂಗಳ, ಬುಧ, ಸೂರ್ಯ ಮತ್ತು ಚಂದ್ರನಂತಹ ಇತರ ಗ್ರಹಗಳು ಸಂಚಾರ ಮಾಡಲಿದ್ದು ಇದು ಹಲವು ಗ್ರಹಗಳ ಮೇಲೆ ಪರಿಣಾಮ ಉಂಟು ಮಾಡಲಿದೆ. ಹಾಗಾದರೆ ಯಾವ ಗ್ರಹಗಳು ನಿಮ್ಮ ಆರ್ಥಿಕ ಸ್ಥಿತಿಯನ್ನು ಹೆಚ್ಚಿಸುತ್ತವೆ ಮತ್ತು ಯಾವ ಗ್ರಹಗಳು ನಷ್ಟವನ್ನು ತರುತ್ತವೆ ಎಂಬುವುದನ್ನು ಹಾಗೂ ನೀವು ಯಾವುದರಲ್ಲಿ ಹೂಡಿಕೆ ಮಾಡಿದರೆ ಉತ್ತಮ ಎಂದು ತಿಳಿಯಲು ಮುಂದೆ ಓದಿ...

ಮೇಷ ರಾಶಿಯ ಹಣಕಾಸು ಭವಿಷ್ಯ 2022

ಮೇಷ ರಾಶಿಯ ಹಣಕಾಸು ಭವಿಷ್ಯ 2022

ಹಣಕಾಸು ಜಾತಕ 2022 ರ ಪ್ರಕಾರ, ಮೇಷ ರಾಶಿಯವರು ಆರ್ಥಿಕ ಪರಿಸ್ಥಿತಿ ಉತ್ತಮವಾಗಿರಲಿದೆ. ಆದರೆ ಈ ಸಂದರ್ಭದಲ್ಲೇ ವೆಚ್ಚವೂ ಕೂಡಾ ಅಧಿಕವಾಗಲಿದೆ. ಈ ವರ್ಷದ ಆರಂಭದಲ್ಲಿ ನಿಮ್ಮ ಒಂಬತ್ತನೇ ಮತ್ತು ಹನ್ನೆರಡನೇ ಮನೆಯ ಅಧಿಪತಿ ಗುರು ನಿಮ್ಮ ಲಾಭ ಹಾಗೂ ಆದಾಯದ ಮನೆಯ ಮೂಲಕ ಸಾಗುತ್ತಾನೆ. ಈ ಅವಧಿಯಲ್ಲೊ ನಿಮಗೆ ಹಲವಾರು ಮೂಲಗಳಿಂದ ಲಾಭ ಆಗಲಿದೆ. ಅದಲ್ಲದೇ ಈಗಾಗಲೇ ನೀವು ಮಾಡಿರುವ ಹೂಡಿಕೆಗಳಿಗೆ ಮುಂದಿನ ವರ್ಷ ಲಾಭ ದೊರೆಯಲಿದೆ. ವಂಶಪಾರಂಪರ್ಯವಾಗಿ ನಿಮಗೆ ವಿತ್ತೀಯ ಲಾಭ ಉಂಟಾಗುವ ಸಾಧ್ಯತೆಗಳು ಇದೆ. ಪ್ರವಾಸೋದ್ಯಮದಲ್ಲಿ ತೊಡಗಿರುವವರು, ಎಂಎನ್‌ಸಿ ಕಂಪನಿಗಳಲ್ಲಿ ವ್ಯವಹಾರ ಮಾಡುವವರಿಗೆ ಮುಂದಿನ ವರ್ಷ ಉತ್ತಮ ಕಾಲವಾಗಿದೆ. ಫೆಬ್ರವರಿ ಮತ್ತು ಮಾರ್ಚ್ ನಡುವಿನ ಅವಧಿಯು ಪಾಲುದಾರಿಕೆಯಲ್ಲಿ ಕೆಲಸ ಮಾಡುವವರಿಗೆ ಮಂಗಳಕರವಾಗಿದೆ. ನೀವು ನಿಮ್ಮ ಸಹವರ್ತಿಗಳ ಸಹಾಯದಿಂದ ಉತ್ತಮ ಲಾಭವನ್ನು ಪಡೆಯುತ್ತೀರಿ. ಆದರೂ ಸಂಪತ್ತಿನ ಮನೆಯಲ್ಲಿ ರಾಹು ಸಂಚಾರದ ಪ್ರಭಾವದಿಂದಾಗಿ ಕೆಲವು ಅನಿರೀಕ್ಷಿತ ಖರ್ಚು ಉಂಟಾಗಲಿದೆ. ಈ ರಾಹು ಸಂಚಾರದ ಅವಧಿಯಲ್ಲಿ ಅಂದರೆ ಏಪ್ರಿಲ್ 2022 ರವರೆಗೆ ಮಾರುಕಟ್ಟೆಯಲ್ಲಿ ಯಾವುದೇ ಹೂಡಿಕೆಯನ್ನು ನೀವು ಮಾಡದಿರುವುದು ಉತ್ತಮ. ರಾಹು ಸಂಚಾರದ ವೇಳೆ ಹೂಡಿಕೆ ಮಾಡಿದರೆ ನಷ್ಟ ಉಂಟಾಗುವ ಸಾಧ್ಯತೆ ಇದೆ. ಏಪ್ರಿಲ್ ಅಂತ್ಯದಲ್ಲಿ, ಹನ್ನೊಂದನೇ ಮನೆಯ ಅಧಿಪತಿ ಶನಿಯು ಲಾಭದ ಮನೆಯಿಂದ ಸಾಗುತ್ತಾನೆ. ಈ ಸಂದರ್ಭವು ಉದ್ಯೋಗಿಗಳಿಗೆ ಉತ್ತಮ ಸಮಯ ಆಗಿದೆ. ಕಠಿಣ ಪರಿಶ್ರಮವು ಹೆಚ್ಚಿನ ಹಣವನ್ನು ಗಳಿಸಲು ಸಹಕಾರಿ ಆಗಲಿದೆ. ಇದರಿಂದಾಗಿ ಹಣಕಾಸು ಪರಿಸ್ಥಿತಿಯು ಸುಧಾರಿಸುತ್ತದೆ. ಜುಲೈವರೆಗೆ ಕೃಷಿ ಭೂಮಿ ಅಥವಾ ಆಸ್ತಿಯಲ್ಲಿ ಹೂಡಿಕೆ ಮಾಡಿವುದು ಅನುಕೂಲಕರ. ಆದರೆ ಈ ಅವಧಿಯಲ್ಲಿ ಕೇತು ನಿಮ್ಮ ಒಂಬತ್ತನೇ ಮನೆಯಿಂದ ಸಂಚಾರ ಮಾಡುವುದರಿಂದ ನಿಮ್ಮ ಅದೃಷ್ಟಕ್ಕೆ ಅಡ್ಡಿಯಾಗಬಹುದು. ಆದ್ದರಿಂದ ನಿಮ್ಮ ಕಠಿಣ ಪರಿಶ್ರಮದಿಂದ ಮಾತ್ರ ನೀವು ಉತ್ತಮ ಹಣವನ್ನು ಗಳಿಸಲು ಅವಕಾಶ ನೀಡಲಿದೆ. ನೀವು ಅದೃಷ್ಟವನ್ನು ಅವಲಂಭಿಸಿದರೆ ಅದರಿಂದ ನಿಮಗೆ ಲಾಭವಾಗದು.

ವರ್ಷದ ದ್ವಿತೀಯಾರ್ಧದಲ್ಲಿ ಕೆಲವು ಐಷಾರಾಮಿ ವಸ್ತುಗಳಿಗೆ ಖರ್ಚು ಉಂಟಾಗಬಹುದು. ಆದರೂ ನಿಮ್ಮ ಗಳಿಕೆಯು ಈ ರೀತಿ ಐಷಾರಾಮಿ ವಸ್ತುಗಳನ್ನು ಖರೀದಿ ಮಾಡಲು ಸಹಕಾರಿ ಆಗಲಿದೆ. ನೀವು ಕೆಲವು ದಾನ ಕಾರ್ಯಗಳಿಗೆ ಖರ್ಚು ಮಾಡುತ್ತೀರಿ. ಈ ವರ್ಷ ಹೆಚ್ಚಿನ ಖರ್ಚು ಕೂಡಾ ಆಗಲಿದೆ. ನಿಮ್ಮ ಆದಾಯವು ಉತ್ತಮವಾಗಿರಲಿದೆ. ನೀವು ಗಳಿಸಿದ ಆದಾಯವು ಸ್ಥಿರ ಆಸ್ತಿಗಳ ಮೇಲೆ ಹೂಡಿಕೆ ಆಗಿ ಹೋಗಲಿದೆ. ನಿಮ್ಮಲ್ಲಿ ಅಧಿಕ ಉಳಿತಾಯ ಆಗಲಾರದು.

ವೃಷಭ ರಾಶಿ ಹಣಕಾಸು ಭವಿಷ್ಯ 2022

ವೃಷಭ ರಾಶಿ ಹಣಕಾಸು ಭವಿಷ್ಯ 2022

ಹಣಕಾಸಿನ ಮುನ್ಸೂಚನೆಗಳು 2022 ರ ಪ್ರಕಾರ, ಈ ವರ್ಷದ ಮೊದಲ ತ್ರೈಮಾಸಿಕವು ವೃಷಭ ರಾಶಿಯವರಿಗೆ ಉತ್ತಮವಾಗಿರಲಿದೆ. ವರ್ಷದ ಆರಂಭದಲ್ಲಿ, ಶುಕ್ರ ಮತ್ತು ಸೂರ್ಯನು ನಿಮ್ಮ ಎಂಟನೇ ಮನೆಯಿಂದ ಸಾಗುತ್ತದೆ. ಇದರಿಂದಾಗಿ ನಿಮ್ಮ ಪೂರ್ವಜರ ವಂಶಾವಳಿಯಿಂದ ಅಥವಾ ಬೇರೆ ಮೂಲಗಳಿಂದ ಹಠಾತ್ ಲಾಭ ಉಂಟಾಗಬಹುದು. ಉದಯೋನ್ಮುಖ ರಾಶಿಯ ಅಧಿಪತಿ ಶುಕ್ರನು ಮಾರ್ಚ್ 2022 ರಲ್ಲಿ ಅದೃಷ್ಟದ ಮನೆಯಲ್ಲಿರುತ್ತಾನೆ. ಇದರಿಂದಾಗಿ ಆಸ್ತಿಯಲ್ಲಿ ಲಾಭ ಉಂಟಾಗಬಹುದು. ಅಲ್ಲದೆ ಷೇರು ಮಾರುಕಟ್ಟೆಗಳಲ್ಲಿ ವ್ಯವಹರಿಸುವವರು ಈ ಅವಧಿಯಲ್ಲಿ ಅದೃಷ್ಟ ಉಂಟಾಗಲಿದೆ. ಈ ಸಂದರ್ಭದಲ್ಲಿ ನೀವು ಸ್ವತ್ತುಗಳು ಹಾಗೂ ವಿದೇಶಿ ಸೆಕ್ಯುರಿಟಿಗಳಲ್ಲಿ ಹೂಡಿಕೆ ಮಾಡಬಹುದು. ಇನ್ನು ಪ್ರವಾಸೋದ್ಯಮ ವೃತ್ತಿಯಲ್ಲಿ ಇರುವವರು ಉತ್ತಮ ಪ್ರೋತ್ಸಾಹ ಧನವನ್ನು ಪಡೆಯಲಿದ್ದೀರಿ. ಇದರಿಂದಾಗಿ ಆರ್ಥಿಕ ಸುಧಾರಣೆ ಉಂಟಾಗಲಿದೆ. ಇನ್ನು ಪಾಲುದಾರಿಕೆ ವ್ಯವಹಾರ ಮಾಡುವವವರು ತಮ್ಮ ಅಂದಾಜಿನ ಪ್ರಕಾರ ಏಪ್ರಿಲ್ 2022 ರವರೆಗೆ ತಮ್ಮ ಸಾಂಗತ್ಯದ ಮನೆಯಲ್ಲಿ ಕೇತು ಬಲವಾದ ಪ್ರಭಾವ ಬೀರುವ ಕಾರಣ ಲಾಭವನ್ನು ಗಳಿಸಲು ಸಾಧ್ಯವಾಗುವುದಿಲ್ಲ.

ಲಾಭ ಮತ್ತು ಲಾಭದ ಹನ್ನೊಂದನೇ ಮನೆಯ ಅಧಿಪತಿ ಏಪ್ರಿಲ್ ಮಧ್ಯದಲ್ಲಿ ತನ್ನ ಸ್ವಂತ ಮನೆಯಿಂದ ಸಾಗುತ್ತಾನೆ. ಆದಾಯದ ಮನೆಯಲ್ಲಿ ಗುರುವಿನ ಅನುಗ್ರಹವು ಆದಾಯದಲ್ಲಿ ಸ್ವಲ್ಪ ಹಠಾತ್ ಏರಿಕೆಯನ್ನು ತರುತ್ತದೆ. ಅಲ್ಲದೆ ಎಪ್ರಿಲ್‌ ತಿಂಗಳಿನಲ್ಲಿ ವೃತ್ತಿ ಮನೆಯಲ್ಲಿ ಶನಿಯ ಆಗಮನವಾಗಲಿದ್ದು, ಇದರಿಂದಾಗಿ ವೃತ್ತಿ ಜೀವನದಲ್ಲಿ ಶುಭವಾಗಲಿದೆ. ಉತ್ತಮ ಗಳಿಕೆಯ ನಿರೀಕ್ಷೆಯನ್ನು ಅಧಿಕ ಮಾಡಲಿದೆ. ಹಳೆಯ ಹಾಗೂ ಹೊಸ ಉದ್ಯಮಗಳಿಂದ ಗಳಿಕೆ ಸಾಧ್ಯತೆ ಇದೆ. ಈ ಹಿಂದೆ ಮಾಡಿದ್ದ ಹೂಡಿಕೆಗಳಿಂದ ಉತ್ತಮ ಲಾಭ ದೊರೆಯಲಿದೆ. ಕೆಲವು ಡೆಡ್‌ ಅಕೌಂಟ್‌ ಅಥವಾ ಸ್ಟಾಕ್‌ನಿಂದ ಹಣವನ್ನು ಹಿಂಪಡೆಯಲು ಅವಕಾಶ ದೊರೆಯಲಿದೆ. ಆಗಸ್ಟ್‌ನಿಂದ ಬರುವ ಸಮಯವು ಆಸ್ತಿ ಅಥವಾ ಕೃಷಿ ಭೂಮಿಯಿಂದ ಕೆಲವು ಉತ್ತಮ ಪ್ರಯೋಜನಗಳನ್ನು ತರುತ್ತದೆ. ಈ ಅವಧಿಯಲ್ಲಿ ಶನಿಯು ಅದೃಷ್ಟದ ಒಂಬತ್ತನೇ ಮನೆಯಿಂದ ಸಾಗುತ್ತಾನೆ. ಈ ಸಂದರ್ಭದಲ್ಲಿ ನೀವು ಸ್ಥಿರ ಆಸ್ತಿ ಖರೀದಿಗೆ ಅಧಿಕ ಖರ್ಚು ಮಾಡುವ ಸಾಧ್ಯತೆ ಇದೆ. ನಿಮ್ಮಅದೃಷ್ಟವು ನಿಮಗೆ ಅನುಕೂಲಕರವಾಗಲಿದೆ. ನೀವು ಯಾವುದೇ ವ್ಯವಹವಾರದಲ್ಲಿದ್ದರೂ ನಿಮಗೆ ಅದೃಷ್ಟ ಕೈ ಹಿಡಿದು ಉತ್ತಮ ಲಾಭ ದೊರೆಯಲಿದೆ. ಈ ವರ್ಷದ ಮೊದಲಾರ್ಧದಲ್ಲಿ ಲಿಕ್ವಿಡಿಟಿ ಫಂಡ್‌ ನಿಮಗೆ ಪ್ರಯೋಜನಕರ. ವರ್ಷದ ದ್ವಿತೀಯಾರ್ಧವು ಪ್ರಮುಖ ಹೂಡಿಕೆಗಳಲ್ಲಿ ಅನುಕೂಲಕರ ಫಲಿತಾಂಶಗಳನ್ನು ತರುತ್ತದೆ.

ಮಿಥುನ ರಾಶಿಯ ಹಣಕಾಸು ಭವಿಷ್ಯ 2022

ಮಿಥುನ ರಾಶಿಯ ಹಣಕಾಸು ಭವಿಷ್ಯ 2022

ಮಿಥುನ ರಾಶಿಯವರಿಗೆ ಹಣಕಾಸು ಜಾತಕ 2022 ರ ಪ್ರಕಾರ, ಹಣವನ್ನು ಗಳಿಸಲು ಉತ್ತಮ ಅವಕಾಶಗಳನ್ನು ತರುತ್ತದೆ. ಇದರಿಂದಾಗಿ ನಿಮ್ಮ ಜೀವನದಲ್ಲಿ ಆರ್ಥಿಕ ಸ್ಥಿರತೆಯು ಉಂಟಾಗಲಿದೆ. ವರ್ಷದ ಆರಂಭದಲ್ಲಿ, ಸಂಪತ್ತಿನ ಎರಡನೇ ಮನೆ ಅಧಿಪತಿ, ಸೂರ್ಯನು ನಿಮ್ಮ ಏಳನೇ ಮನೆಯಿಂದ ಸಾಗುತ್ತಾನೆ. ಇದರಿಂದಾಗಿ ನೀವು ವ್ಯವಹಾರದಲ್ಲಿ ಕೆಲವು ದೊಡ್ಡ ಹೂಡಿಕೆಯನ್ನು ಮಾಡುವ ಸಾಧ್ಯತೆ ಇದೆ ಎಂಬ ಸೂಚನೆ ನೀಡುತ್ತದೆ. ನಿಮ್ಮ ಖರ್ಚು ನಂಬಲು ಸಾಧ್ಯವಾಗದಷ್ಟು ಅಧಿಕ ಆಗುತ್ತದೆ. ಆದರೂ ನೀವು ಮಾಡಿದ ಹೂಡಿಕೆಯಿಂದಾಗಿ ನಿಮಗೆ ಲಾಭವು ದೊರೆಯಲಿದೆ. ಲಾಭದ ಮನೆಯು ನಿಮ್ಮ ಲಾಭವನ್ನು ಅಧಿಕ ಮಾಡಲಿದೆ. ಈ ಲಾಭವು ದೀರ್ಘಾವಧಿಯಲ್ಲಿ ನಿಮ್ಮ ಆದಾಯವನ್ನು ಸುಧಾರಿಸುತ್ತದೆ. ನಿಮ್ಮ ಆರನೇ ಮನೆಯಿಂದ ಮಂಗಳವು ಸಾಗುವುದರಿಂದ ಈ ಅವಧಿಯಲ್ಲಿ ನೀವು ಮಾರುಕಟ್ಟೆಯಿಂದ ಸಾಲವನ್ನು ಪಡೆಯಬೇಕಾಗಬಹುದು. ಹತ್ತನೇ ಮನೆಯ ಅಧಿಪತಿ ಗುರು ವರ್ಷದ ಆರಂಭದಲ್ಲಿ ಒಂಬತ್ತನೇ ಮನೆಯಿಂದ ಸಾಗುತ್ತಾನೆ. ಈ ಸಂದರ್ಭದಲ್ಲಿ ನೀವು ವ್ಯವಹಾರವು ಲಾಭದಾಯಕವಾಗಲಿದೆ. ಅದೃಷ್ಟವು ನಿಮ್ಮ ಕೈ ಹಿಡಿಯಲಿದೆ. ವ್ಯವಹಾರ ಅಥವಾ ರಿಯಲ್ ಎಸ್ಟೇಟ್‌ಗೆ ಸಂಬಂಧಿಸಿದ ಯಾವುದೇ ದೊಡ್ಡ ಹೂಡಿಕೆಗಳನ್ನು ಮಾಡಲು ಇದು ಸೂಕ್ತ ಸಮಯವಾಗಿದೆ. ಪ್ರವಾಸೋದ್ಯಮ ಹಾಗೂ ಕಟ್ಟಡ ವಾಸ್ತುಶಿಲ್ಲದ ಕಾರ್ಯ ಮಾಡುವವರಿಗೆ ಈ ಅವಧಿಯಲ್ಲಿ ಲಾಭ ಉಂಟಾಗಲಿದೆ.

ಏಪ್ರಿಲ್ ಮಧ್ಯದಲ್ಲಿ ಗುರುವು ನಿಮ್ಮ ಹತ್ತನೇ ಮನೆಯಲ್ಲಿ ಸಾಗುತ್ತಾನೆ. ಇದರಿಂದಾಗಿ ಈಗಷ್ಟೇ ಉದ್ಯೋಗ ಆರಂಭ ಮಾಡುವವರಿಗೆ ಉತ್ತಮ ಅವಕಾಶ ದೊರೆಯಲಿದೆ. ಏಪ್ರಿಲ್ ನಂತರ ಹಣವನ್ನು ಗಳಿಸಲು ನಿಮಗೆ ಉತ್ತಮ ಅವಕಾಶಗಳು ಸಿಗುತ್ತವೆ. ವಿದೇಶಿ ಮಾರುಕಟ್ಟೆ ಜೊತೆಯಲ್ಲಿ ಸಂಪರ್ಕ ಹೊಂದಿರುವವರು ಈ ಅವಧಿಯಲ್ಲಿ ಉತ್ತಮ ಮೊತ್ತವನ್ನು ಗಳಿಸುತ್ತಾರೆ. ಏಪ್ರಿಲ್ ಅಂತ್ಯದ ವೇಳೆಗೆ ಒಂಬತ್ತನೇ ಮನೆಯಿಂದ ಎಂಟು ಮತ್ತು ಒಂಬತ್ತನೇ ಮನೆಯ ಅಧಿಪತಿ ಶನಿಯ ಸಂಚಾರವು ಆಸ್ತಿಯ ಡೀಲರ್‌ಗಳಿಗೆ ಉತ್ತಮ ಲಾಭವನ್ನು ಉಂಟು ಮಾಡಲಿದೆ. ಏಪ್ರಿಲ್ ತಿಂಗಳಲ್ಲಿ ನಿಮ್ಮ ಹನ್ನೊಂದನೇ ಮನೆಯಲ್ಲಿ ರಾಹುವಿನ ಸಂಚಾರವು ವಿವಿಧ ಮೂಲಗಳಿಂದ ಹಣದ ಬಗ್ಗೆ ತಿಳಿದು ಕೊಳ್ಳುವಲ್ಲಿ ಅನಿಶ್ಚಿತತೆಯನ್ನು ಉಂಟು ಮಾಡಲಿದೆ. ನೀವು ಈ ಹಿಂದೆ ಹಣವನ್ನು ಸಾಲವಾಗಿ ಪಡೆದಿದ್ದರೆ, ಅದನ್ನು ವಾಪಾಸ್‌ ನೀಡುವಲ್ಲಿ ತೊಂದರೆ ಉಂಟಾಗಬಹುದು. ಸ್ವಯಂ ಉದ್ಯೋಗಿಗಳು ಮತ್ತು ಪಾರ ಮಾಲೀಕರು ಈ ಅವಧಿಯಲ್ಲಿ ಕೆಲವು ರಹಸ್ಯ ಮೂಲಗಳಿಂದ ಗಳಿಸಬಹುದು. ಹನ್ನೊಂದನೇ ಮನೆಯ ಅಧಿಪತಿ ಮಂಗಳನು ತನ್ನ ಸ್ವಂತ ಮನೆಯಿಂದ ಜುಲೈ ಮತ್ತು ಆಗಸ್ಟ್‌ನಲ್ಲಿ ಸಂಚಾರ ಮಾಡುತ್ತಾನೆ. ಇದು ಉದ್ಯೋಗಿಗಳಿಗೆ ಮತ್ತು ಉದ್ಯಮಿಗಳಿಗೆ ಕೆಲವು ಉತ್ತಮ ಲಾಭವನ್ನು ಉಂಟು ಮಾಡುತ್ತದೆ. ನೀವು ಹಲವಾರು ಮೂಲಗಳಿಂದ ಸಹಾಯವನ್ನು ಪಡೆಯುವ ಅವಕಾಶಗಳು ಇದೆ. ವರ್ಷದ ಉತ್ತರಾರ್ಧದಲ್ಲಿ ಅದರಲ್ಲೂ ಕೊನೆಯ ತ್ರೈಮಾಸಿಕದಲ್ಲಿ ಯಾವುದೇ ಹೂಡಿಕೆ ಮಾಡುವಾಗ ಸ್ವಲ್ಪ ಎಚ್ಚರಿಕೆ ವಹಿಸಬೇಕಾಗುತ್ತದೆ.

ಕರ್ಕಾಟಕ ರಾಶಿ ಹಣಕಾಸು ಭವಿಷ್ಯ 2022

ಕರ್ಕಾಟಕ ರಾಶಿ ಹಣಕಾಸು ಭವಿಷ್ಯ 2022

ಹಣ ಮತ್ತು ಸಂಪತ್ತಿನ ಜಾತಕ 2022 ರ ಪ್ರಕಾರ ಕರ್ಕಾಟಕ ರಾಶಿಯವರಿಗೆ ವರ್ಷದ ಆರಂಭವು ಆದಾಯ ಮತ್ತು ಲಾಭಗಳ ಹನ್ನೊಂದನೇ ಮನೆಯಲ್ಲಿ ರಾಹು ಸಾಗುವ ಕಾರಣದಿಂದಾಗಿ ಹಣ ಸಂಪಾದಿಸುವಲ್ಲಿ ಕೆಲವು ಸವಾಲು ಉಂಟಾಗಲಿದೆ. ಹಠಾತ್ ಖರ್ಚುಗಳು ಮತ್ತು ಅನುತ್ಪಾದಕ ವಸ್ತುಗಳ ಮೇಲಿನ ಖರ್ಚುಗಳಿಂದಾಗಿ ಉಳಿತಾಯಕ್ಕೆ ತೊಂದರೆ ಉಂಟಾಗಲಿದೆ. ನಿಮ್ಮ ಎರಡನೇ ಮನೆಯ ಅಧಿಪತಿಯಾದ ಸೂರ್ಯ ಮತ್ತು ಹನ್ನೊಂದನೇ ಮನೆಯ ಅಧಿಪತಿ ಶುಕ್ರನು ಸಾಲಗಳ ಆರನೇ ಮನೆಯಿಂದ ಸಾಗುವುದರಿಂದ ನೀವು ಜನವರಿ ತಿಂಗಳಲ್ಲಿ ವರ್ಷದ ಆರಂಭದಲ್ಲಿ ಸಾಲವನ್ನು ಪಡೆಯಬೇಕಾದ ಸ್ಥಿತಿಯು ಉಂಟಾಗಲಿದೆ. ಈ ಸಂದರ್ಭದಲ್ಲಿ ಕೆಲವು ಅನಿರೀಕ್ಷಿತ ಖರ್ಚುಗಳು ಉಂಟಾಗಲಿದೆ. ಸಾಲ ಮರುಪಾವತಿಯ ಒತ್ತಡವೂ ಅಧಿಕವಾಗಲಿದೆ. ಈ ಸಂದರ್ಭದಲ್ಲಿ ನೀವು ಯಾವುದೇ ಹೂಡಿಕೆಯನ್ನು ಮಾಡಬೇಡಿ. ಷೇರು ಮಾರುಕಟ್ಟೆಯಿಂದ ದೂರವಿರಿ. ನಿಮ್ಮ ಆದಾಯ ಮತ್ತು ವೆಚ್ಚವನ್ನು ಸರಿದೂಗಿಸಲು ಪ್ರತಿ ದಿನದ ಬಜೆಟ್‌ ಅನ್ನು ಮಾಡಿಕೊಳ್ಳಿ. ಫೆಬ್ರವರಿ ಅಂತ್ಯದ ವೇಳೆಗೆ ಶುಕ್ರನು ನಿಮ್ಮ ಏಳನೇ ಮನೆಯಲ್ಲಿ ಸಾಗಿದಾಗ ಹಣಕಾಸಿನ ಪರಿಸ್ಥಿತಿ ಕೊಂಚ ಸುಧಾರಣೆ ಆಗಲಿದೆ.

ವರ್ಷದ ಮೊದಲ ತ್ರೈಮಾಸಿಕವು ಹನ್ನೊಂದನೇ ಮನೆಯ ಅಧಿಪತಿ ಶನಿಯು ಏಳನೇ ಮನೆಯಲ್ಲಿ ಸಾಗುವುದರಿಂದ ಕೆಲವು ಅನಿಶ್ಚಿತ ಪರಿಸ್ಥಿತಿ ಉಂಟಾಗಲಿದೆ. ಆದರೂ ಈ ಅವಧಿಯಲ್ಲಿ ಕೆಲವು ಡೆಡ್ ಸ್ಟಿಕ್, ಸೆಕ್ಯೂರಿಟಿಗಳು ಅಥವಾ ಖಾತೆಗಳಿಂದ ಹಣವನ್ನು ಗಳಿಸುವ ಸಾಧ್ಯತೆಯಿದೆ. ಏಪ್ರಿಲ್ ತಿಂಗಳಿನಲ್ಲಿ ಶನಿಯು ಎಂಟು ಮನೆಗಳಿಂದ ಸಾಗುತ್ತಾನೆ, ಇದು ಸ್ವಯಂ ಮತ್ತು ಕುಟುಂಬ ಸದಸ್ಯರಿಗೆ ವಿಶೇಷವಾಗಿ ನಿಮ್ಮ ಸಂಗಾತಿಗೆ ವೈದ್ಯಕೀಯ ವೆಚ್ಚವನ್ನು ಹೆಚ್ಚಿಸಬಹುದು. ಶನಿಯು ಏಳನೇ ಮನೆಯಲ್ಲಿ ಹಿಂತಿರುಗಿ ಬರುವ ಮೇ ತಿಂಗಳಿನಿಂದ ಜುಲೈ ತಿಂಗಳವರೆಗೆ ಅಂತಹ ವೈದ್ಯಕೀಯ ಖರ್ಚುಗಳ ಇನ್ನಷ್ಟು ಅಧಿಕ ಆಗಬಹುದು. ಉದ್ಯೋಗಿಗಳಿಗೆ ಆದಾಯದಲ್ಲಿ ಹೆಚ್ಚಳ ಆಗುವ ಅಥವಾ ವ್ಯವಹಾರದಿಂದ ಉತ್ತಮ ಲಾಭದಿಂದಾಗಿ ಮೇ ತಿಂಗಳಿನಲ್ಲಿ ಆದಾಯದಲ್ಲಿ ಸ್ವಲ್ಪ ವರ್ಧನೆ ಉಂಟಾಗಲಿದೆ. ಅಧಿಕ ಖರ್ಚುಗಳನ್ನು ಸರಿದೂಗಿಸಲು ಇದು ಉತ್ತಮ ಸಮಯವಾಗಿದೆ. ಈ ಅವಧಿಯಲ್ಲಿ ಎರಡನೇ ಮನೆಯ ಅಧಿಪತಿ ಸೂರ್ಯನು ಆದಾಯ ಮತ್ತು ಲಾಭಗಳ ಮನೆಯಿಂದ ಸಾಗುವ ಕಾರಣ ನಿಮಗೆ ಉತ್ತಮ ಸಮಯವಾಗಿದೆ. ಆಗಸ್ಟ್ ತಿಂಗಳ ಅವಧಿಯಲ್ಲಿ ಶುಕ್ರನು ಲಾಭದ ಮನೆಯಿಂದ ಸಾಗುವುದರಿಂದ ಲಾಭವು ಉಂಟಾಗಲಿದೆ. ಅಲ್ಪಾವಧಿಯ ಸೆಕ್ಯುರಿಟಿಗಳಲ್ಲಿ ಯಾವುದೇ ರೀತಿಯ ಹೂಡಿಕೆಯು ಪ್ರಯೋಜನಕಾರಿ ಫಲಿತಾಂಶಗಳನ್ನು ತರುತ್ತದೆ. ನೀವು ಸಾಲ ಪಡೆದ ಹಣವನ್ನು ಮರುಪಾವತಿ ಮಾಡಲು ಅಥವಾ ಸಾಲ ನೀಡಿದ್ದನ್ನು ಹಿಂದಕ್ಕೆ ಪಡೆಯಲು ಉತ್ತಮ ಸಮಯ ಆಗಿದೆ. ವರ್ಷದ ಮೊದಲ ತ್ರೈಮಾಸಿಕದಲ್ಲಿ ಸವಾಲುಗಳನ್ನು ಎದುರಿಸುತ್ತಿದ್ದರೂ, ವರ್ಷದ ಕೊನೆಯ ತ್ರೈಮಾಸಿಕದಲ್ಲಿ ಆದಾಯ ಮತ್ತು ವೆಚ್ಚದ ಸಮತೋಲನವು ಸಮನಾಗಿರುತ್ತದೆ.

ಸಿಂಹ ರಾಶಿಯ ಹಣಕಾಸು ಭವಿಷ್ಯ 2022

ಸಿಂಹ ರಾಶಿಯ ಹಣಕಾಸು ಭವಿಷ್ಯ 2022

ಹಣ ಮತ್ತು ಸಂಪತ್ತಿನ ಜಾತಕ 2022 ರ ಪ್ರಕಾರ ಸಿಂಹ ರಾಶಿಯವರಿಗೆ ಹೊಸ ವರ್ಷದ ಆರಂಭವು ಸಾಲ ಪಡೆದ ಹಣವನ್ನು ಹಿಂದಕ್ಕೆ ನೀಡುವ ಅವಕಾಶವನ್ನು ಮಾಡಿಕೊಡುವ ಸಾಧ್ಯತೆ ಇದೆ. ಧನಯೋಗ ಕಾರಕ ಗ್ರಹ ಬುಧನು ನಿಮ್ಮ ಆರನೇ ಮನೆಯಿಂದ ಮನೆ ಅಧಿಪತಿಯೊಂದಿಗೆ ಸಾಗುವುದರಿಂದ ಈ ಅವಧಿಯಲ್ಲಿ ಯಾವುದೇ ರೀತಿಯ ಸಾಲವನ್ನು ಪಡೆಯಲು ನಿಮಗೆ ತೊಂದರೆ ಉಂಟಾಗದು. ಬುಧ ಮತ್ತು ಶನಿಯ ಈ ಸಂಯೋಗವು ಈ ಅವಧಿಯಲ್ಲಿ ನಿಷ್ಕ್ರಿಯ ಆದಾಯವನ್ನು ಉತ್ಪಾದಿಸುವಲ್ಲಿ ಉತ್ತಮವಾಗಿರುತ್ತದೆ. ನಾಲ್ಕನೇ ಮನೆಯ ಅಧಿಪತಿ ಮಂಗಳವು ಕೇತುವಿನ ಜೊತೆಯಲ್ಲಿ ಇರುವುದರಿಂದ ಜನವರಿ ತಿಂಗಳವರೆಗೆ ಆಸ್ತಿ ಅಥವಾ ಭೂಮಿಯಲ್ಲಿ ಯಾವುದೇ ರೀತಿಯ ಹೂಡಿಕೆಯನ್ನು ಮಾಡುವುದು ಉತ್ತಮವಲ್ಲ. ನೀವು ಸುಳ್ಳು ವ್ಯವಹಾರದ ಬಲೆಗೆ ಸಿಲುಕಬಹುದು ಮತ್ತು ನಿಮ್ಮ ಎಲ್ಲಾ ಹಣವನ್ನು ಕಳೆದುಕೊಳ್ಳಬಹುದು. ಉದ್ಯಮಿಗಳು ತಮ್ಮ ವೃತ್ತಿಯ ಮನೆಯಲ್ಲಿ ರಾಹುವಿನ ಸ್ಥಾನದಿಂದಾಗಿ ವರ್ಷದ ಮೊದಲ ತ್ರೈಮಾಸಿಕದಲ್ಲಿ ಕೆಲವು ನಷ್ಟಗಳನ್ನು ಎದುರಿಸಬಹುದು. ಈ ಅವಧಿಯಲ್ಲಿ ನೀವು ಯಾವುದೇ ಉತ್ತಮ ಲಾಭವನ್ನು ಪಡೆಯುವುದಿಲ್ಲ. ಆದ್ದರಿಂದ ಯಾವುದಕ್ಕೂ ಹೂಡಿಕೆ ಮಾಡಬೇಡಿ. ನಿಮಗೆ ಅನಿರೀಕ್ಷಿತ ಖರ್ಚುಗಳನ್ನು ಹೊಂದುತ್ತೀರಿ. ಇನ್ನು ಲಾಭಗಳ ಎಂಟನೇ ಮನೆಯಲ್ಲಿ ಗುರುವಿನ ಸಂಚಾರದ ಕಾರಣದಿಂದಾಗಿ ಪ್ರಾಪಟಿ ಡೀಲರ್‌ಗಳಿಗೆ ಏಪ್ರಿಲ್ ನಂತರದ ಅನುಕೂಲವಾಗಲಿದೆ. ಈ ಸಮಯವು ನಿಮ್ಮ ಪೂರ್ವಜರ ಆಸ್ತಿ ನಿಮಗೆ ಲಭಿಸುವ ಸಾಧ್ಯತೆ ಇದೆ. ಆಸ್ತಿಯಿಂದ ಲಾಭ ಅಥವಾ ಆಸ್ತಿಯ ವ್ಯವಹಾರ ಈ ಅವಧಿಯಲ್ಲಿ ಸ್ಪಷ್ಟವಾಗಿ ಕಂಡುಬರುತ್ತದೆ.

ನೀವು ಯಾವುದೇ ಖರೀದಿ ಅಥವಾ ಮಾರಾಟ ಮಾಡಬೇಕಾದರೆ ಈ ಸಮಯ ಉತ್ತಮವಾದುದು. ಈ ಸಂದರ್ಭದಲ್ಲಿ ನೀವು ಮಾಡಿದ ವ್ಯವಹಾರವು ಉತ್ತಮ ಲಾಭ ನೀಡಲಿದೆ. ಹಣಕಾಸಿನ ಅಭುವೃದ್ಧಿಗೆ ಕಾರಣವಾಗಲಿದೆ. ಜುಲೈ ತಿಂಗಳಿನಲ್ಲಿ ಉತ್ತಮ ಲಾಭ ಉಂಟಾಗಲಿದೆ. ಈ ಸಂದರ್ಭದಲ್ಲಿ ಉಳಿತಾಯವೂ ಕೂಡಾ ಆಗಲಿದೆ. ಬುಧವು ಸಂಪತ್ತಿನ ಎರಡನೇ ಮನೆಯಿಂದ ಸಾಗುತ್ತಿರುವಾಗ ಆಗಸ್ಟ್ ತಿಂಗಳಲ್ಲೂ ಲಾಭವಾಗುವ ಸಾಧ್ಯತೆ ಇದೆ. ಯಾವುದೇ ರೀತಿಯ ಪ್ರಮುಖ ಹೂಡಿಕೆಗಳನ್ನು ಮಾಡಲು ಈ ತಿಂಗಳುಗಳು ಒಳ್ಳೆಯದು. ವರ್ಷದ ಅಂತ್ಯವು ನಿಮಗೆ ಲಾಭದಾಯಕವಾಗಿರುತ್ತದೆ. ಹಣವನ್ನು ಹೂಡಿಕೆ ಮಾಡಲು ಅಥವಾ ಯಾವುದೇ ಯೋಜನೆಯನ್ನು ಪ್ರಾರಂಭ ಮಾಡಲು ಈ ಸಮಯವು ಉತ್ತಮವಾಗಿದೆ. ಈ ಸಮಯವು ಸಮೃದ್ಧಿಯನ್ನು ತರುತ್ತದೆ.

ಕನ್ಯಾರಾಶಿ ಹಣಕಾಸು ಭವಿಷ್ಯ 2022

ಕನ್ಯಾರಾಶಿ ಹಣಕಾಸು ಭವಿಷ್ಯ 2022

ಹಣಕಾಸು 2022 ರ ವಾರ್ಷಿಕ ಭವಿಷ್ಯವಾಣಿಗಳ ಪ್ರಕಾರ, ಕನ್ಯಾರಾಶಿಯವರು ಈ ವರ್ಷದಲ್ಲಿ ತಮ್ಮ ಹಣಕಾಸಿನ ವಿಚಾರದಲ್ಲಿ ಆನಂದದಿಂದ ಇರಬಹುದು. ವರ್ಷದ ಆರಂಭದಲ್ಲಿ, ಬುಧವು ಐದನೇ ಮನೆಯಿಂದ ವರ್ಗಾವಣೆಯಾಗುತ್ತಾನೆ. ಈ ಹಿನ್ನೆಲೆ ಸ್ವ ಉದ್ಯೋಗಿಗಳು ಅಥವಾ ತಮ್ಮದೇ ಆದ ಸಂಸ್ಥೆಯನ್ನು ಹೊಂದಿರುವವರಿಗೆ ಅದೃಷ್ಟದ ಸಮಯ ಬರಲಿದೆ. ನಿಮ್ಮ ಮಾತಿನ ಶೈಲಿ ಹಾಗೂ ಮಾರುಕಟ್ಟೆ ಮಾಡುವ ಚಾತುರ್ಯದಿಂದಾಗಿ ಉತ್ತಮ ಹಣವನ್ನು ಪಡೆಯಲು ಸಾಧ್ಯವಾಗುತ್ತದೆ. ಅಲ್ಲದೇ ಈ ಅವಧಿಯಲ್ಲಿ ತಮ್ಮ ಹವ್ಯಾಸಗಳು ಮತ್ತು ಆಸಕ್ತಿಗಳಿಂದಾಗಿ ವಿದ್ಯಾರ್ಥಿಗಳಿಗೆ ಆದಾಯ ಲಭಿಸಲಿದೆ. ಐದನೇ ಮನೆಯಲ್ಲಿ ಶನಿಯ ಸಂಚಾರವು ಸ್ವಲ್ಪ ಸವಾಲನ್ನು ತರಬಹುದು ಆದರೆ ಅಂತಿಮ ಫಲಿತಾಂಶವು ಲಾಭದಾಯಕವಾಗಿರುತ್ತದೆ. ಏಪ್ರಿಲ್ ನಂತರದ ಅವಧಿಯಲ್ಲಿ ಕೆಲವು ಹೊಸ ಅವಕಾಶಗಳು ಸೃಷ್ಟಿ ಆಗಲಿದೆ. ಗುರುವು ಏಳನೇ ಮನೆಯಲ್ಲಿ ಸಾಗುವುದರಿಂದಾಗಿ ಮತ್ತುಲಾಭದ ಮನೆಯನ್ನು ಸಾಗುವುದರಿಂದಾಗಿ ಆದಾಯವನ್ನು ಗಳಿಸುವ ಸಂಭಾವ್ಯ ಮೂಲಗಳನ್ನು ಹೆಚ್ಚಿಸಬಹುದು.

ಈ ಅವಧಿಯಲ್ಲಿ ಆರನೇ ಮನೆಯಲ್ಲಿ ಶನಿಯ ಸಂಚಾರದಿಂದಾಗಿ ಕೆಲವು ಪ್ರಮುಖ ಖರ್ಚುಗಳು ಉಂಟಾಗುತ್ತದೆ. ಅಲ್ಲಿಂದ ಶನಿಯು ಖರ್ಚಿನ ಮನೆಗೆ ತೆರಳುತ್ತದೆ. ಅಷ್ಠ ಮನೆಯಿಂದ ಸಂಪತ್ತಿನ ದ್ವಿತೀಯ ಗೃಹಾಧಿಪತಿ ಶುಕ್ರನ ಸಂಚಾರದಿಂದಾಗಿ ಆಸ್ತಿ ಅಥವಾ ಭೂಮಿಗೆ ಸಂಬಂಧಿಸಿದಂತೆ ಹಠಾತ್‌ ಲಾಭ ಉಂಟಾಗಲಿದೆ. ಈ ಅವಧಿಯಲ್ಲಿ ಸೆಕ್ಯೂರಿಟಿಸ್‌ ಹಾಗೂ ಷೇರು ಮಾರುಕಟ್ಟೆಯಲ್ಲಿ ಅಧಿಕ ಲಾಭವಾಗಬಹುದು. ಹನ್ನೆರಡನೇ ಮನೆಯ ಅಧಿಪತಿಯಾದ ಸೂರ್ಯನು ಹನ್ನೊಂದನೇ ಮನೆಯಲ್ಲಿ ಸಂಚಾರ ಮಾಡುವುದರಿಂದ ಜುಲೈ ತಿಂಗಳು ಕೆಲವು ಭಾರೀ ಖರ್ಚುಗಳು ಮಾಡಬೇಕಾಗಿ ಬರುತ್ತದೆ. ನೀವು ವ್ಯವಹಾರ ಮಾಡುವ ಕಾರಣದಿಂದಾಗಿ ನಿಮ್ಮ ಮಾಸಿಕ ಬಜೆಟ್‌ ಸಮತೋಲನ ಇರುತ್ತದೆ. ಕಳೆದ ಎರಡು ತಿಂಗಳುಗಳು ಮಂಗಳಕರ ಫಲಿತಾಂಶಗಳನ್ನು ತರುತ್ತವೆ. ವೃತ್ತಿ ಮತ್ತು ಸಂಪತ್ತಿನ ಮನೆಯಲ್ಲಿ ಬುಧದ ಪ್ರಭಾವ ಇರುವ ಕಾರಣ ವ್ಯಾಪಾರದಲ್ಲಿ ವರ್ಷದಲ್ಲಿ ಮಾಡಿದ ಎಲ್ಲಾ ಹೂಡಿಕೆಗಳು ಲಾಭವನ್ನು ಉಂಟು ಮಾಡಲಿದೆ.

ತುಲಾ ರಾಶಿ ಹಣಕಾಸು ಭವಿಷ್ಯ 2022

ತುಲಾ ರಾಶಿ ಹಣಕಾಸು ಭವಿಷ್ಯ 2022

2022 ರ ತುಲಾ ರಾಶಿಯ ಹಣಕಾಸು ಜಾತಕದ ಪ್ರಕಾರ, ಈ ವರ್ಷ ನಿಮಗೆ ವೃತ್ತಿ ಕ್ಷೇತ್ರದಲ್ಲಿ ಉತ್ತಮ ಲಾಭ ದೊರೆಯಬಹುದು. ಇದು ನಿಮ್ಮ ಹಣಕಾಸಿನ ಮೇಲೆ ಪರಿಣಾಮ ಬೀರುತ್ತದೆ. ನಿಮ್ಮ ಸಂಪತ್ತಿನ ಮನೆಯಲ್ಲಿ ಕೇತುವಿನ ಸ್ಥಾನದಿಂದಾಗಿ ವರ್ಷದ ಆರಂಭದಲ್ಲಿ ನಿಮ್ಮ ಹಣಕಾಸಿನಲ್ಲಿ ಅನಿಶ್ಚಿತತೆ ಉಂಟು ಮಾಡಲಿದೆ. ಇದಲ್ಲದೆ, ಕೇತುವಿನ ಈ ಸ್ಥಾನವು ಮಂಗಳನೊಂದಿಗೆ ಸಂಯೋಗವನ್ನು ಹೊಂದಿರುತ್ತದೆ, ಆದ್ದರಿಂದ ಎರಡನೇ ಮನೆಯ ಅಧಿಪತಿಯನ್ನು ಬಾಧಿಸುತ್ತದೆ. ನೀವು ಮೋಸದ ವ್ಯವಹಾರದಲ್ಲಿ ಸಿಕ್ಕಿಬೀಳುವ ಸಾಧ್ಯತೆಯಿರುವುದರಿಂದ ಜನವರಿ ತಿಂಗಳಲ್ಲಿ ಹೂಡಿಕೆಗಳು ಅಥವಾ ಆಸ್ತಿಗಳ ಖರೀದಿಗೆ ಸಂಬಂಧಿಸಿದಂತೆ ಯಾವುದೇ ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳಬೇಡಿ. ಮಂಗಳ ಗ್ರಹವು ಜನವರಿ ತಿಂಗಳಲ್ಲಿ ಮೂರನೇ ಮನೆಯಲ್ಲಿ ಸಾಗುತ್ತದೆ ಮತ್ತು ಅದೃಷ್ಟದ ಒಂಬತ್ತನೇ ಮನೆಯನ್ನು ಪ್ರವೇಶ ಮಾಡಲಿದೆ. ಈ ಸಂದರ್ಭದಲ್ಲಿ ನೀವು ಆಸ್ತಿಯ ಯಾವುದೇ ಖರೀದಿಗೆ ಯೋಜಿಸಿದರೆ ಈ ಅವಧಿಯು ಒಳ್ಳೆಯದು. ಈ ಸಂದರ್ಭದಲ್ಲಿ ಉತ್ತಮ ವ್ಯವಹಾರ ನಡೆಯಲಿದೆ. ಏಪ್ರಿಲ್ 2022 ರ ನಂತರ ಕೇತುವು ವೃಶ್ಚಿಕ ರಾಶಿಯಿಂದ ತುಲಾ ರಾಶಿಗೆ ಸಾಗುವುದರಿಂದ ಉಳಿತಾಯದ ಅನುಗ್ರಹವು ಉತ್ತಮವಾಗಿರುತ್ತದೆ. ಈ ಸಂದರ್ಭದಲ್ಲಿ ಹೂಡಿಕೆಗಳ ಬಗ್ಗೆ ಕೆಲವು ಗೊಂದಲಗಳನ್ನು ತಂದರೂ, ಈ ಅವಧಿಯು ಸೆಕ್ಯೂರಿಟಿಗಳು ಮತ್ತು ಫಂಡ್‌ಗಳಲ್ಲಿ ಹೂಡಿಕೆ ಮಾಡಲು ಉತ್ತಮವಾದುದು. ಅಲ್ಲದೆ, ಸ್ಟಾಕ್ ಮತ್ತು ಷೇರುಗಳಂತಹ ಊಹಾತ್ಮಕ ಮಾರುಕಟ್ಟೆಗಳಲ್ಲಿ ಕಾರ್ಯ ನಿರ್ವಹಿಸುವವರು ಏಪ್ರಿಲ್ 2022 ರ ನಂತರ ಉತ್ತಮ ಅವಧಿಯನ್ನು ಹೊಂದಲಿದ್ದಾರೆ.

ಏಪ್ರಿಲ್ ತಿಂಗಳಲ್ಲಿ ಮಂಗಳವು ನಿಮ್ಮ ಐದನೇ ಮನೆಯಿಂದ ಸಾಗುತ್ತದೆ ಮತ್ತು ಮೇ ಮಧ್ಯದವರೆಗೆ ಇಲ್ಲಿಯೇ ಇರುತ್ತದೆ. ಈ ಸಂಚಾರದ ಸಮಯದಲ್ಲಿ, ಇದು ಲಾಭದ ಹನ್ನೊಂದನೇ ಮನೆಯನ್ನು ತಲುಪಲಿದೆ. ಇದು ನಿಮ್ಮ ಆದಾಯದಲ್ಲಿ ಸ್ವಲ್ಪ ಹೆಚ್ಚಳವನ್ನು ತರುತ್ತದೆ. ಒಂದಕ್ಕಿಂತ ಹೆಚ್ಚು ಮೂಲಗಳಿಂದ ಗಳಿಸುವ ಸಾಧ್ಯತೆಗಳನ್ನು ಸಹ ತರಬಹುದು. ಆಗಸ್ಟ್ ತಿಂಗಳು ಹೆಚ್ಚು ಲಾಭ ಗಳಿಸುವ ಹಾಗೂ ಉತ್ತಮ ಮೊತ್ತದ ಹಣವನ್ನು ಪಡೆಯುವ ಸಾಧ್ಯತೆಗಳನ್ನು ಸಹ ತರುತ್ತದೆ. ಈ ಅವಧಿಯಲ್ಲಿ ಹನ್ನೆರಡನೆಯ ಮನೆಯ ಅಧಿಪತಿಯು ತನ್ನ ಸ್ವಂತ ಮನೆಯಿಂದ ಸಂಚಾರ ಮಾಡುತ್ತಾನೆ. ಈ ಅವಧಿಯಲ್ಲಿ ನೀವು ಒಂದಕ್ಕಿಂತ ಹೆಚ್ಚು ಆದಾಯದ ಮೂಲಗಳನ್ನು ಹೊಂದಿರುತ್ತೀರಿ. ಹಿಂದಿನ ಹೂಡಿಕೆಗಳು ಸಹ ಉತ್ತಮ ಲಾಭವನ್ನು ನೀಡುತ್ತವೆ. ಈ ಅವಧಿಯಲ್ಲಿ ನೀವು ಅಲ್ಪಾವಧಿಯ ಯೋಜನೆಗಳಲ್ಲಿ ಹೂಡಿಕೆ ಮಾಡಲು ನಿರ್ಧಾರ ಮಾಡಬಹುದು. ವರ್ಷದ ಮೊದಲ ತ್ರೈಮಾಸಿಕವನ್ನು ಹೊರತುಪಡಿಸಿ, ಉಳಿದ ತಿಂಗಳುಗಳು ಹಣಕಾಸಿನ ವಿಷಯದಲ್ಲಿ ನಿಮಗೆ ಅನುಕೂಲಕರವಾಗಿರುತ್ತದೆ.

ವೃಶ್ಚಿಕ ರಾಶಿ ಹಣಕಾಸು ಭವಿಷ್ಯ 2022

ವೃಶ್ಚಿಕ ರಾಶಿ ಹಣಕಾಸು ಭವಿಷ್ಯ 2022

ಹಣಕಾಸು ಭವಿಷ್ಯ 2022 ರ ಪ್ರಕಾರ, ಈ ವರ್ಷ ವೃಶ್ಚಿಕ ರಾಶಿಗೆ ಮಿಶ್ರ ಫಲಿತಾಂಶವು ಉಂಟಾಗಲಿದೆ. ವರ್ಷದ ಆರಂಭದಲ್ಲಿ ಕೆಲವು ಭಾರೀ ಖರ್ಚುಗಳು ಉಂಟಾಗಲಿದೆ. ಸಂಪತ್ತಿನ ಮನೆಯಲ್ಲಿ ಸೂರ್ಯನ ಉಪಸ್ಥಿತಿಯಿಂದಾಗಿ ನಿಮ್ಮ ವೃತ್ತಿಜೀವನದ ವಿಸ್ತರಣೆಗೆ ನೀವು ಖರ್ಚು ಮಾಡಬಹುದು. ಅಲ್ಲದೆ, ಸಂಪತ್ತಿನ ಮನೆಯಲ್ಲಿ ಹನ್ನೆರಡನೇ ಮನೆಯ ಅಧಿಪತಿ ಶುಕ್ರನ ಆಗಮನದಿಂದಾಗಿ ಐಷಾರಾಮಿ ಜೀವನಕ್ಕೆ ಕೆಲವು ಅಧಿಕ ವೆಚ್ಚವು ಮಾಡಬೇಕಾಗುತ್ತದೆ. ಫೆಬ್ರವರಿ ನಂತರ ಶುಕ್ರನು ಮಕರ ಸಂಕ್ರಾಂತಿಯಲ್ಲಿ ಸಾಗಿದಾಗ ವಿಷಯಗಳು ಸುಧಾರಿಸಲು ಪ್ರಾರಂಭಿಸುತ್ತವೆ. ಮಾರ್ಚ್ ಮತ್ತು ಏಪ್ರಿಲ್ ತಿಂಗಳುಗಳು ನೀವು ಆಸ್ತಿಯಲ್ಲಿ ಹೂಡಿಕೆ ಮಾಡಲು ಅಥವಾ ಯಾವುದೇ ವಾಹನವನ್ನು ಖರೀದಿಸಲು ಯೋಜಿಸಿದ್ದರೆ ಒಳ್ಳೆಯದು. ಏಕೆಂದರೆ ಈ ಸಂದರ್ಭದಲ್ಲಿ ಗುರುಗ್ರಹವು ಈ ಅವಧಿಯಲ್ಲಿ ನಿಮ್ಮ ಆಸ್ತಿಗಳ ಮನೆಯಿಂದ ಸಾಗುತ್ತದೆ. ಏಪ್ರಿಲ್ ತಿಂಗಳಲ್ಲಿ, ಗುರುವು ನಿಮ್ಮ ಐದನೇ ಮನೆಗೆ ಚಲಿಸುತ್ತಾನೆ ಮತ್ತು ನಿಮ್ಮ ಹನ್ನೊಂದನೇ ಮನೆಯ ಲಾಭವನ್ನು ನೋಡುತ್ತಾನೆ. ಈ ಅವಧಿಯು ವಿವಿಧ ಮೂಲಗಳಿಂದ ಆದಾಯ ಗಳಿಸಲು ಉತ್ತಮ ಅವಕಾಶಗಳನ್ನು ತರುತ್ತದೆ. ಅಲ್ಲದೆ, ಈ ಅವಧಿಯಲ್ಲಿ ನೀವು ಆರ್ಥಿಕ ಸಮೃದ್ಧಿಯನ್ನು ಹೊಂದಿರುತ್ತೀರಿ. ನಿಮ್ಮ ಹವ್ಯಾಸಗಳು ಮತ್ತು ಆಸಕ್ತಿಗಳಿಂದಲೂ ನೀವು ಗಳಿಸಬಹುದು.

ಮೇ ತಿಂಗಳಲ್ಲಿ, ಮಂಗಳವು ಗುರುವಿನ ಜೊತೆಯಲ್ಲಿರುತ್ತಾನೆ ಮತ್ತು ನಿಮ್ಮ ಲಾಭದ ಮನೆಯನ್ನು ನೋಡುತ್ತಾನೆ. ಇದು ಮಂಗಳಕರ ಫಲಿತಾಂಶಗಳನ್ನು ತರುತ್ತದೆ. ಈ ಅವಧಿಯಲ್ಲಿ ಯಾವುದೇ ರೀತಿಯ ಹೂಡಿಕೆಯನ್ನು ಮಾಡಬಹುದು. ಈ ಅವಧಿಯಲ್ಲಿ ಮಾಡಿದ ಆದಾಯವು ಉತ್ತಮ ಲಾಭವನ್ನು ಉಂಟು ಮಾಡಲಿದೆ. ಅಲ್ಲದೆ, ಹೊಸದನ್ನು ಪ್ರಾರಂಭಿಸಲು ಬಯಸುವವರು ಮೇ ಮಧ್ಯದೊಳಗೆ ಯೋಜಿಸಬೇಕು. ಏಕೆಂದರೆ ಈ ಸಂದರ್ಭದಲ್ಲಿ ನೀವು ಸುಲಭವಾದ ಯಶಸ್ಸನ್ನು ಪಡೆಯುತ್ತೀರಿ. ಅದು ಆರ್ಥಿಕ ಸಮೃದ್ಧಿಯನ್ನು ತರುತ್ತದೆ. ಲಾಭಗಳ ಹನ್ನೊಂದನೇ ಮನೆಯ ಅಧಿಪತಿಯಾದ ಬುಧ ಆಗಸ್ಟ್ ತಿಂಗಳಲ್ಲಿ ತನ್ನ ಸ್ವಂತ ಮನೆಯಿಂದ ಸಾಗುತ್ತಾನೆ. ವ್ಯಾಪಾರ ಅಥವಾ ಪ್ರೋತ್ಸಾಹ ಆಧಾರಿತ ಉದ್ಯೋಗದಲ್ಲಿರುವವರಿಗೆ ಇದು ಅನುಕೂಲಕರ ಅವಧಿಯಾಗಿದೆ. ಈ ಅವಧಿಯು ಕೆಲವು ಹಠಾತ್ ಲಾಭಗಳನ್ನು ತರುತ್ತದೆ. ಈ ಅವಧಿಯಲ್ಲಿ ಆದಾಯದ ಮನೆಯ ಅಧಿಪತಿಯು ನಷ್ಟದ ಮನೆಯಿಂದ ವರ್ಗಾವಣೆಯಾಗುವುದರಿಂದ ನೀವು ಅಕ್ಟೋಬರ್ ತಿಂಗಳಲ್ಲಿ ಯಾವುದೇ ಹೂಡಿಕೆಗಳನ್ನು ಮಾಡುವುದನ್ನು ತಪ್ಪಿಸಬೇಕು. ಇದಲ್ಲದೆ, ಈ ಅವಧಿಯಲ್ಲಿ ನಿಮ್ಮ ವೆಚ್ಚದಲ್ಲಿ ಭಾರೀ ಏರಿಕೆ ಕಂಡು ಬರುತ್ತದೆ.

ಧನು ರಾಶಿ ಹಣಕಾಸು ಭವಿಷ್ಯ 2022

ಧನು ರಾಶಿ ಹಣಕಾಸು ಭವಿಷ್ಯ 2022

ಧನು ರಾಶಿಯವರಿಗೆ 2022 ರ ಆರ್ಥಿಕ ಮುನ್ನೋಟಗಳ ಪ್ರಕಾರ 2022 ರ ಆರ್ಥಿಕ ಸಮೃದ್ಧಿ ಮತ್ತು ಅನುಗ್ರಹವನ್ನು ತರಬಹುದು. ವರ್ಷದ ಆರಂಭದಲ್ಲಿ, ಸಂಪತ್ತಿನ ಮನೆ ಅಧಿಪತಿ ಶನಿಯು ತನ್ನ ಸ್ವಂತ ಮನೆಯಲ್ಲಿ ನೆಲೆಸುತ್ತಾನೆ. ಇದು ಈ ರಾಶಿಯವರಿಗೆ ಹಣವನ್ನು ಉಳಿಸುವ ವಿಷಯದಲ್ಲಿ ಉತ್ತಮ ಭವಿಷ್ಯವನ್ನು ತಂದೊದಗಿಸಲಿದೆ. ಈ ಅವಧಿಯು ಪೂರ್ವಜರ ಆಸ್ತಿ ಅಥವಾ ನಗದು ಅಥವಾ ವಸ್ತುವಿನ ರೂಪದಲ್ಲಿ ಅಮೂಲ್ಯವಾದ ಉಡುಗೊರೆಗಳಿಂದ ಲಾಭದ ಕಾರಣದಿಂದಾಗಿ ಹಣಕಾಸಿನಲ್ಲಿ ಸ್ವಲ್ಪ ಉನ್ನತಿಯನ್ನು ತರಬಹುದು. ವೃತ್ತಿನಿರತ ಮನೆ ಅಧಿಪತಿ ಬುಧ ಕೂಡ ವರ್ಷದ ಆರಂಭದಲ್ಲಿ ಉಳಿತಾಯದ ಮನೆಗೆ ತೆರಳುತ್ತಾನೆ ಇದರಿಂದಾಗಿ ವ್ಯವಹಾರದಿಂದ ಶುಭ ಫಲಿತಾಂಶಗಳನ್ನು ತರುತ್ತದೆ. ಕುಟುಂಬದ ವ್ಯವಹಾರದಲ್ಲಿ ತೊಡಗಿರುವವರು ಅನುಕೂಲಕರ ಅವಧಿಯನ್ನು ಹೊಂದಿರುತ್ತಾರೆ. ನೀವು ಉತ್ತಮ ಲಾಭವನ್ನು ಗಳಿಸುವಿರಿ. ಮಾರ್ಚ್ ತಿಂಗಳಲ್ಲಿ, ವೈದಿಕ ಜ್ಯೋತಿಷ್ಯದ ಆಧಾರದ ಮೇಲೆ ಹಣಕಾಸು ಜಾತಕ 2022 ರ ಪ್ರಕಾರ ನಿಮ್ಮ ಆದಾಯದ ಮನೆ ಅಧಿಪತಿ ಶುಕ್ರನು ಸಂಪತ್ತಿನ ಮನೆಯಿಂದ ಸಾಗುತ್ತಾನೆ. ಇದು ನೀವು ಷೇರು ಮಾರುಕಟ್ಟೆ ಅಥವಾ ಇಂತಹ ಹೂಡಿಕೆ ಮೂಲದಿಂದ ಕೆಲವು ಅನಿರೀಕ್ಷಿತ ಲಾಭಗಳನ್ನು ಅಥವಾ ಆದಾಯವನ್ನು ಗಳಿಸಲು ಸಹಕಾರಿ ಆಗಲಿದೆ.

ಶುಕ್ರನ ಈ ಸಂಕ್ರಮಣ ಅವಧಿಯಲ್ಲಿ ಷೇರುದಾರರು ಅನುಕೂಲಕರ ಸಮಯವನ್ನು ಹೊಂದಿರುತ್ತಾರೆ. ಈ ಅವಧಿಯು ಯಾವುದೇ ರೀತಿಯ ಅಲ್ಪಾವಧಿಯ ಹೂಡಿಕೆಗಳನ್ನು ಮಾಡಿದರೂ ಕೂಡಾ ಅದು ಫಲಪ್ರದವಾಗಲಿದೆ. ಏಕೆಂದರೆ ಇದು ಉತ್ತಮ ಆದಾಯವನ್ನು ತರುತ್ತದೆ. ತಮ್ಮ ಹವ್ಯಾಸಗಳು ಮತ್ತು ಆಸಕ್ತಿಗಳಿಂದ ಹಣವನ್ನು ಗಳಿಸುವವರು ಸಹ ಶುಭ ಅವಧಿಯನ್ನು ಹೊಂದಿರುತ್ತಾರೆ. ನೀವು ಉತ್ತಮ ಹಣವನ್ನು ಗಳಿಸಲು ಸಾಧ್ಯವಾಗುತ್ತದೆ, ಇದು ನಿಮ್ಮ ಉಳಿತಾಯವನ್ನು ಸುಧಾರಿಸುತ್ತದೆ. ನಿಮ್ಮ ಮೂರನೇ ಮನೆಯಿಂದ ಶನಿಯ ಸಂಚಾರದಿಂದಾಗಿ ಏಪ್ರಿಲ್ ನಿಂದ ಜುಲೈ ವರೆಗಿನ ಅವಧಿಯು ಸ್ವಲ್ಪಮಟ್ಟಿಗೆ ಕಷ್ಟಕರವಾಗಿ ಇರುತ್ತದೆ. ನೀವು ಹೆಚ್ಚು ಪ್ರಯತ್ನವನ್ನು ಮಾಡಬೇಕಾಗುತ್ತದೆ. ಈ ಅವಧಿಯಲ್ಲಿ ನಿಮ್ಮ ಹಣವು ಯಾರದಾದರೂ ಬಳಿಯೇ ಉಳಿಯಬಹುದು. ಆದ್ದರಿಂದ ಸಾಲ ನೀಡುವಾಗ ಅಥವಾ ಹಣಕಾಸಿಗೆ ಸಂಬಂಧಿಸಿದ ಯಾವುದೇ ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳುವಾಗ ಹೆಚ್ಚು ಜಾಗರೂಕರಾಗಿರಿ. ಈ ಅವಧಿಯಲ್ಲಿ ನಿಮ್ಮ ಭೂಮಿ ಮತ್ತು ಆಸ್ತಿಯ ಮನೆಯಿಂದ ಗುರುವು ಸಾಗುವುದರಿಂದ ಜುಲೈ ನಂತರ ಮನೆಯನ್ನು ಖರೀದಿಸುವ ಉಜ್ವಲ ನಿರೀಕ್ಷೆಗಳಿವೆ. ವರ್ಷಾಂತ್ಯವು ಉತ್ತಮ ವಿತ್ತೀಯ ಲಾಭವನ್ನು ತರುತ್ತದೆ. ವಿಶೇಷವಾಗಿ ಅಕ್ಟೋಬರ್ ತಿಂಗಳಿನಲ್ಲಿ ಶುಕ್ರನು ನಿಮ್ಮ ಆದಾಯ ಮತ್ತು ಲಾಭಗಳ ಮನೆಯಿಂದ ಸಾಗಿದರೆ, ಇದು ಹಣಕಾಸಿನಲ್ಲಿ ಸಮೃದ್ಧಿಯನ್ನು ತರುತ್ತದೆ. ಈ ವರ್ಷ ನಿಮ್ಮ ಸಂಪನ್ಮೂಲಗಳನ್ನು ವಿಸ್ತರಿಸಲು ಮತ್ತು ನಿಮ್ಮ ಹಣಕಾಸು ಸುಧಾರಿಸಲು ಹಲವಾರು ಅವಕಾಶಗಳನ್ನು ಬರಲಿದೆ.

ಮಕರ ರಾಶಿ ಹಣಕಾಸು ಭವಿಷ್ಯ 2022

ಮಕರ ರಾಶಿ ಹಣಕಾಸು ಭವಿಷ್ಯ 2022

ಹಣಕಾಸು ಜಾತಕ 2022 ರ ಪ್ರಕಾರ, 2022 ರಲ್ಲಿ ಮಕರ ರಾಶಿಚಕ್ರದ ಅಧಿಪತಿ ಶನಿಯು ಪ್ರಾರಂಭದಲ್ಲಿ ತನ್ನದೇ ಆದ ಚಿಹ್ನೆಯಲ್ಲಿ ಇರುತ್ತಾನೆ. ಅದು ನಿಮ್ಮ ಹಣಕಾಸಿನಲ್ಲಿ ಸ್ಥಿರತೆಯನ್ನು ತರುತ್ತದೆ. ಹನ್ನೆರಡನೇ ಮನೆಯ ಅಧಿಪತಿ ಗುರುವು ನಿಮ್ಮ ಸಂಪತ್ತಿನ ಮನೆಯಿಂದ ವರ್ಗಾವಣೆಯಾಗುವುದರಿಂದ ವರ್ಷದ ಮೊದಲ ತ್ರೈಮಾಸಿಕವು ಬಹಳಷ್ಟು ಖರ್ಚುಗಳನ್ನು ತರುತ್ತದೆ. ಈ ಅವಧಿಯಲ್ಲಿ ಐಷಾರಾಮಿ ವಸ್ತುಗಳು ಮತ್ತು ಅನುತ್ಪಾದಕ ಸರಕುಗಳನ್ನು ಖರೀದಿಸಲು ನಿಮ್ಮ ಹೆಚ್ಚಿನ ಉಳಿತಾಯವನ್ನು ನೀವು ಖರ್ಚು ಮಾಡಬಹುದು. ಆದಾಗ್ಯೂ, ವಿದೇಶಿ ವ್ಯಾಪಾರದಲ್ಲಿರುವವರು, ವೈದ್ಯರು ಅಥವಾ ದಾದಿಯರಾಗಿ ಅಭ್ಯಾಸ ಮಾಡುವವರಿಗೆ ತುಲನಾತ್ಮಕವಾಗಿ ಉತ್ತಮ ಅವಧಿ ಇದಾಗಿದೆ. ಗುರುಗ್ರಹವು ಏಪ್ರಿಲ್ ಮಧ್ಯದ ವೇಳೆಗೆ ನಿಮ್ಮ ಮೂರನೇ ಮನೆಯಲ್ಲಿ ಸಾಗುತ್ತದೆ, ಈ ಸಂದರ್ಭದಲ್ಲಿ ನಿಮ್ಮ ಖರ್ಚುಗಳು ಕಡಿಮೆ ಆಗಲಿದೆ. ಏಪ್ರಿಲ್ ಅಂತ್ಯದ ವೇಳೆಗೆ, ಶನಿಯು ನಿಮ್ಮ ಸಂಪತ್ತಿನ ಮನೆಯಿಂದ ವರ್ಗಾವಣೆಯಾಗುತ್ತಾನೆ. ಇದು ಸಂಪತ್ತಿನ ವಿಷಯದಲ್ಲಿ ಉತ್ತಮ ಭವಿಷ್ಯವನ್ನು ತರುತ್ತದೆ. ಈ ಅವಧಿಯಲ್ಲಿ ನೀವು ಡೆಡ್‌ ಪ್ರಾಪಟಿಯಿಂದ ಲಾಭ ಪಡೆಯಲು ಸಾಧ್ಯವಾಗುತ್ತದೆ. ಅಲ್ಲದೆ, ಈ ಅವಧಿಯಲ್ಲಿ ನೀವು ನೀಡಿರುವ ಸಾಲವನ್ನು ಮರುಪಡೆಯಲು ಸಾಧ್ಯವಾಗಲಿದೆ. ಈ ಸಮಯದಲ್ಲಿ ಅನಿರೀಕ್ಷಿತ ಮೂಲಗಳಿಂದ ಗಳಿಕೆಯ ಸಾಧ್ಯತೆಗಳಿವೆ. ಏಪ್ರಿಲ್ ತಿಂಗಳಿನಲ್ಲಿ ವೃಶ್ಚಿಕ ರಾಶಿಯಿಂದ ತುಲಾ ರಾಶಿಗೆ ಕೇತುವಿನ ಸಂಚಾರವು ನಿಮ್ಮ ಗಳಿಕೆಯಲ್ಲಿ ಕೆಲವು ರೀತಿಯ ಸ್ಥಿರತೆಯನ್ನು ತರಲಿದೆ. ಅಲ್ಲದೆ, ಏಪ್ರಿಲ್ 2022 ರ ನಂತರ ನಿಮ್ಮ ಉದ್ಯೋಗ ಅಥವಾ ಆದಾಯದ ಅಭದ್ರತೆಗಳಿಂದ ನೀವು ಮುಕ್ತರಾಗುತ್ತೀರಿ.

ಏಪ್ರಿಲ್‌ನಿಂದ ನಿಮ್ಮ ಹಣಕಾಸಿನ ಮನೆಯ ಮೇಲೆ ಗುರುವಿನ ಸಂಚಾರ ನಿಮ್ಮ ಗಳಿಕೆಗೆ ಅನುಗ್ರಹವನ್ನು ತರುತ್ತದೆ. ನಿಮ್ಮ ಕಠಿಣ ಪರಿಶ್ರಮದಿಂದ ಉತ್ತಮ ಆದಾಯ ಗಳಿಸಲು ಸಾಧ್ಯವಾಗುತ್ತದೆ. ಈ ಅವಧಿಯಲ್ಲಿ ವ್ಯಾಪಾರ ವೃತ್ತಿಪರರು ಉತ್ತಮ ನಿಧಿಗಳು ಅಥವಾ ಹೂಡಿಕೆಗಳನ್ನು ಪಡೆಯಬಹುದು. ವಿಶೇಷವಾಗಿ ಸೃಜನಶೀಲ ಅಥವಾ ವಿನ್ಯಾಸ ಉದ್ಯಮದಲ್ಲಿ ಕೆಲಸ ಮಾಡುವವರಿಗೆ ಜೂನ್ ತಿಂಗಳು ಮಂಗಳಕರವಾಗಿರುತ್ತದೆ. ಈ ಅವಧಿಯಲ್ಲಿ ಶುಕ್ರನು ತನ್ನ ಸ್ವಂತ ಮನೆಯಿಂದ ಸಾಗುತ್ತಾನೆ. ಸಂಪತ್ತಿನ ಮನೆಯತ್ತ ಸಾಗುತ್ತಾನೆ, ತಮ್ಮ ಹವ್ಯಾಸಗಳನ್ನು ವೃತ್ತಿಯನ್ನಾಗಿ ಪರಿವರ್ತಿಸಲು ಬಯಸುವ ಸ್ಥಳೀಯರಿಗೆ ಈ ಸಮಯವು ಅನುಕೂಲಕರವಾಗಿರುತ್ತದೆ. ಏಕೆಂದರೆ ಈ ಸಂದರ್ಭದಲ್ಲಿ ಉತ್ತಮ ಆದಾಯವನ್ನು ಗಳಿಸಲು ಸಾಧ್ಯವಾಗುತ್ತದೆ. ನವೆಂಬರ್ ತಿಂಗಳಿನಲ್ಲಿ ಮಂಗಳವು ನಿಮ್ಮ ಐದನೇ ಮನೆಯಿಂದ ಸಾಗುತ್ತದೆ. ನಿಮ್ಮ ಲಾಭದ ಮನೆಯ ಮೇಲೆ ಪ್ರಭಾವ ಬೀರುತ್ತದೆ, ಇದು ಒಂದಕ್ಕಿಂತ ಹೆಚ್ಚು ಸಂಪನ್ಮೂಲಗಳಿಂದ ನೀವು ಆದಾಯವನ್ನು ಗಳಿಸಲು ಸಹಕಾರಿ ಆಗಲಿದೆ. ಮೊದಲ ತ್ರೈಮಾಸಿಕವನ್ನು ಹೊರತುಪಡಿಸಿ, ಇಡೀ ವರ್ಷವು ಹಣಕಾಸಿನ ವಿಷಯದಲ್ಲಿ ನಿಮಗೆ ಅನುಕೂಲಕರ ಆಗಲಿದೆ.

ಕುಂಭ ರಾಶಿ ಹಣಕಾಸು ಭವಿಷ್ಯ 2022

ಕುಂಭ ರಾಶಿ ಹಣಕಾಸು ಭವಿಷ್ಯ 2022

ವಾರ್ಷಿಕ ಆರ್ಥಿಕ ಜಾತಕ 2022 ರ ಪ್ರಕಾರ, ಕುಂಭ ರಾಶಿಯವರಿಗೆ ಈ ಹೊಸ ವರ್ಷದ ಆರಂಭವು ದೊಡ್ಡ ಖರ್ಚುಗಳು ಉಂಟಾಗಲಿದೆ. ಏರುತ್ತಿರುವ ರಾಶಿಯ ಅಧಿಪತಿ ಶನಿಯು ಏಪ್ರಿಲ್ ವರೆಗೆ ನಷ್ಟ ಮತ್ತು ಖರ್ಚಿನ ಹನ್ನೆರಡನೇ ಮನೆಯಲ್ಲಿರುತ್ತಾನೆ. ಈ ಅವಧಿಯಲ್ಲಿ ನಿಮಗೆ ನಷ್ಟ ಉಂಟಾಗಲಿದೆ. ಆರ್ಥಿಕ ಸಂಕಷ್ಟ ಉಂಟಾಗಲಿದೆ. ಆಸ್ಪತ್ರೆಯ ಬಿಲ್‌ಗಳು ಅಥವಾ ನ್ಯಾಯಾಲಯದ ಪ್ರಕರಣಗಳ ಮೇಲೆ ಹೆಚ್ಚಿನ ವೆಚ್ಚವಾಗಬಹುದು. ಅಲ್ಲದೆ, ವ್ಯಾಪಾರ ಮಾಲೀಕರು ನಷ್ಟವನ್ನು ಎದುರಿಸಬಹುದು, ಇದರಿಂದಾಗಿ ಅವರು ತಮ್ಮ ಜೇಬಿನಿಂದ ಈ ನಷ್ಟವನ್ನು ಭರಿಸಬೇಕಾಗುತ್ತದೆ. ವರ್ಷದ ಆರಂಭದಲ್ಲಿ ಉದಯ ರಾಶಿಯಲ್ಲಿ ಗುರುವಿನ ಸಾಗಣೆಯು ಸ್ವಲ್ಪ ಭರವಸೆಯ ಕಿರಣವಾಗಿದೆ. ಏಕೆಂದರೆ ಇದು ವರ್ಷದ ಮೊದಲ ತ್ರೈಮಾಸಿಕದಲ್ಲಿ ನಿಮಗೆ ಆದಾಯವನ್ನು ಗಳಿಸುವ ಅವಕಾಶಗಳನ್ನು ನೀಡುತ್ತದೆ. ಏಪ್ರಿಲ್ ಮಧ್ಯದಲ್ಲಿ ಸಂಪತ್ತಿನ ಮನೆಯಲ್ಲಿ ಗುರುವಿನ ಸಂಚಾರವು ಉತ್ತಮವಾದ ಕಾಲವನ್ನು ನಿಮಗೆ ತರಲಿದೆ. ಆಸ್ತಿಯಿಂದ ಲಾಭ ಗಳಿಸುವ ಸಂಭವನೀಯತೆಗಳಿವೆ. ತಮ್ಮ ಸ್ವಂತ ವ್ಯವಹಾರದಲ್ಲಿರುವವರು ಈ ಅವಧಿಯಲ್ಲಿ ಪ್ರಮುಖ ಲಾಭವನ್ನು ಗಳಿಸುತ್ತಾರೆ. ಏಪ್ರಿಲ್ ಅಂತ್ಯದಲ್ಲಿ ಶನಿ ಸಂಕ್ರಮಣವೂ ಸಹ ಉತ್ತಮ ಪರಿಹಾರವನ್ನು ನೀಡುತ್ತದೆ. ಜುಲೈ ತಿಂಗಳಲ್ಲಿ ಆದಾಯ ಮತ್ತು ಲಾಭಗಳ ಹನ್ನೊಂದನೇ ಮನೆಯ ಅಧಿಪತಿಯ ಹಿಮ್ಮೆಟ್ಟುವಿಕೆಯು ಹಣಕಾಸಿನಲ್ಲಿ ಸ್ವಲ್ಪ ಅಸ್ಥಿರತೆಯನ್ನು ತರುತ್ತದೆ. ಈ ಅವಧಿಯಲ್ಲಿ ನೀವು ಯಾವುದೇ ರೀತಿಯ ಹೂಡಿಕೆಯನ್ನು ಮಾಡುವುದನ್ನು ತಪ್ಪಿಸಬೇಕು. ಏಕೆಂದರೆ ನೀವು ಈ ಸಂದರ್ಭದಲ್ಲಿ ಹೂಡಿಕೆಯಲ್ಲಿ ಎಡವುತ್ತೀರಿ.

ಈ ಅವಧಿಯಲ್ಲಿ ನಿಮ್ಮ ಆದಾಯವು ಬೇರೆಯವರ ಕೈಯಲ್ಲಿ ಸಿಲುಕಬಹುದು. ಆ ಅವಧಿಯಲ್ಲಿ ಗುರುವು ನೇರವಾಗಿರುವುದರಿಂದ ನವೆಂಬರ್‌ವರೆಗೆ ಎಲ್ಲಾ ಸ್ಥಿತಿಯು ಸುಗಮ ಮತ್ತು ನಿಯಮಿತವಾಗಿರಲು ನೀವು ಕಾಯಬೇಕಾಗುತ್ತದೆ. ಜುಲೈನಿಂದ ಅಕ್ಟೋಬರ್ ವರೆಗಿನ ಅವಧಿಯು ನಿಧಾನವಾಗಿರುತ್ತದೆ. ಈ ಅವಧಿಯಲ್ಲಿ ಆಸ್ತಿಯ ಮೇಲೆ ಹಣವನ್ನು ಹೂಡಿಕೆ ಮಾಡದಂತೆ ಅಥವಾ ದೀರ್ಘಾವಧಿಯ ಹೂಡಿಕೆಗಳನ್ನು ಮಾಡಬೇಡಿ. ಶುಕ್ರನು ವರ್ಷದ ಅಂತ್ಯದ ವೇಳೆಗೆ ಸಂಪತ್ತಿನ ಮನೆಯಿಂದ ಸಾಗುತ್ತಾನೆ, ಇದು ಹಣಕಾಸಿನಲ್ಲಿ ಸಮೃದ್ಧಿಯನ್ನು ತರುತ್ತದೆ. ನಿಮ್ಮ ಆದಾಯವನ್ನು ಹೆಚ್ಚಿಸುವ ಉತ್ತಮ ಪ್ರೋತ್ಸಾಹವನ್ನು ನೀವು ಪಡೆಯಬಹುದು. ಸ್ವಂತ ವ್ಯವಹಾರದಲ್ಲಿರುವವರು ಈ ಅವಧಿಯಲ್ಲಿ ಉತ್ತಮ ಲಾಭವನ್ನು ಗಳಿಸುತ್ತಾರೆ. ಈ ವರ್ಷವು ನಿಮ್ಮ ಹಣಕಾಸಿನಲ್ಲಿ ಏರಿಳಿತಗಳು ಸಂಭವಿಸಲಿದೆ. ಯಾವುದೇ ರೀತಿಯ ಆಸ್ತಿಯ ಖರೀದಿ ಸೂಕ್ತವಲ್ಲ. ನೀವು ಮೋಸಕ್ಕೆ ಒಳಗಾಗುವ ಸಾಧ್ಯತೆ ಇದೆ.

ಮೀನ ರಾಶಿಯ ಹಣಕಾಸು ಭವಿಷ್ಯ 2022

ಮೀನ ರಾಶಿಯ ಹಣಕಾಸು ಭವಿಷ್ಯ 2022

ಮೀನ ರಾಶಿಯವರಿಗೆ 2022 ರ ಹಣಕಾಸು ಜಾತಕದ ಪ್ರಕಾರ, ಹೊಸ ವರ್ಷವು ಹಣಕಾಸಿನ ವಿಷಯದಲ್ಲಿ ಉತ್ತಮವಾಗಿರುತ್ತದೆ. ಖರ್ಚಿನ ಮನೆಯಲ್ಲಿ ಉದಯಿಸುತ್ತಿರುವ ರಾಶಿಯ ಅಧಿಪತಿಯ ಸಂಚಾರದಿಂದಾಗಿ ನಿಮ್ಮ ವರ್ಷದ ಮೊದಲ ತ್ರೈಮಾಸಿಕವು ಆರ್ಥಿಕ ಪ್ರಗತಿ ನಿಧಾನವಾಗಲಿದೆ. ನಿಮ್ಮ ಪ್ರಯಾಣದ ಯೋಜನೆಗಳಿಗೆ ಅಥವಾ ನಿಮ್ಮ ಕುಟುಂಬಕ್ಕಾಗಿ ಐಷಾರಾಮಿ ವಸ್ತುಗಳನ್ನು ಖರೀದಿಸಲು ನೀವು ಖರ್ಚು ಮಾಡಬಹುದು. ಈ ಅವಧಿಯಲ್ಲಿ ನೀವು ಆಸ್ತಿಯಲ್ಲಿ ಹೂಡಿಕೆ ಮಾಡಬಹುದು. ವಿದೇಶಿ ಮಾರುಕಟ್ಟೆಯೊಂದಿಗೆ ಕೆಲಸ ಮಾಡುವವರು ಈ ಅವಧಿಯಲ್ಲಿ ಉತ್ತಮ ಹಣವನ್ನು ಗಳಿಸುತ್ತಾರೆ. ಹನ್ನೊಂದನೇ ಮನೆಯ ಅಧಿಪತಿ ಶನಿಯು ತನ್ನ ಸ್ವಂತ ಮನೆಯಲ್ಲಿರುತ್ತಾನೆ ಅದು ನಿಮ್ಮ ಹಣಕಾಸಿನಲ್ಲಿ ಸ್ಥಿರತೆಯನ್ನು ತರುತ್ತದೆ. ನಿಮ್ಮ ನಿಯಮಿತ ಆದಾಯದಲ್ಲಿ ಬಡ್ತಿ ಮತ್ತು ವರ್ಧನೆ ಪಡೆಯುವ ಸಾಧ್ಯತೆ ಅಧಿಕವಾಗಿದೆ. ಏಪ್ರಿಲ್ ಮಧ್ಯದಲ್ಲಿ ರಾಹುವಿನ ಸಂಚಾರವು ಹಣದ ಜಾತಕ 2022 ರ ಭವಿಷ್ಯವಾಣಿಯಂತೆ ಹಠಾತ್ ನಷ್ಟ ಅಥವಾ ಪ್ರಮುಖ ವೆಚ್ಚವನ್ನು ತರಬಹುದು. ಈ ಅವಧಿಯಲ್ಲಿ ಶನಿಯು ನಷ್ಟದ ಮನೆಯಿಂದ ಕೂಡ ಸಾಗುವುದರಿಂದ ಏಪ್ರಿಲ್‌ನಿಂದ ಜುಲೈವರೆಗೆ ನೀವು ಜಾಗರೂಕರಾಗಿರಬೇಕು.

ಊಹಾತ್ಮಕ ಮಾರುಕಟ್ಟೆ ಅಂದರೆ ಷೇರು ಮೊದಲಾದವುಗಳಲ್ಲಿ ಹಣವನ್ನು ಹೂಡಿಕೆ ಮಾಡಬೇಡಿ. ನೀವು ಹೂಡಿಕೆ ಮಾಡಿದರೆ ದೊಡ್ಡ ಆರ್ಥಿಕ ನಷ್ಟಕ್ಕೆ ಒಳಗಾಗಬಹುದು. ಭೂ ಖರೀದಿಯಲ್ಲಿ ಹಣ ಹೂಡಿಕೆ ಕೂಡಾ ಮಾಡಬಾರದು. ನೀವು ಮೋಸಗೊಳಿಸುವ ವ್ಯವಹಾರಗಳಿಗೆ ಸಿಲುಕಿ ಮೋಸಗೊಳ್ಳಬಹುದು. ನಿಮ್ಮ ಬಜೆಟ್ ಅನ್ನು ನೀವು ಮೊದಲೇ ಲೆಕ್ಕ ಹಾಕಿಕೊಂಡರೆ ಮತ್ತು ನಿಮ್ಮ ಖರ್ಚುಗಳನ್ನು ಕಡಿಮೆ ಮಾಡಲು ಪ್ರಯತ್ನಿಸಿದರೆ ಈ ಅವಧಿಯು ಉತ್ತಮವಾಗಲಿದೆ. ಇಲ್ಲದಿದ್ದರೆ ನೀವು ಒತ್ತಡಕ್ಕೆ ಒಳಗಾಗುತ್ತೀರಿ. ಸಂಪತ್ತಿನ ಮನೆಯ ಅಧಿಪತಿಯಾದ ಮಂಗಳನು ​​ಆಗಸ್ಟ್ ಆರಂಭದಲ್ಲಿ ತನ್ನ ಸ್ವಂತ ಮನೆಯಲ್ಲಿ ನೆಲೆಗೊಳ್ಳುತ್ತಾನೆ, ಇದು ನಿಮ್ಮ ಹಣಕಾಸು ಲಾಭವನ್ನು ಸುಧಾರಿಸುತ್ತದೆ. ಈ ಅವಧಿಯಲ್ಲಿ ಸ್ವಲ್ಪ ಜಗಳಗಳ ನಂತರ ನೀವು ಪೂರ್ವಜರ ಆಸ್ತಿಯಿಂದ ಸಂಪತ್ತನ್ನು ಗಳಿಸಬಹುದು. ಈ ಅವಧಿಯಲ್ಲಿ ಲೆಕ್ಕಕ್ಕೆ ಸಿಗದ ಮೂಲಗಳಿಂದ ಹಣ ಪಡೆಯುವ ಸಾಧ್ಯತೆಗಳೂ ಇವೆ. ನಿಮ್ಮ ಪೋಷಕರಿಂದ, ವಿಶೇಷವಾಗಿ ನಿಮ್ಮ ತಂದೆಯಿಂದ ನೀವು ಹಣಕಾಸಿನ ಸಹಾಯ ಮತ್ತು ಬೆಂಬಲವನ್ನು ಪಡೆಯುತ್ತೀರಿ. ಉತ್ತಮ ಪ್ರಯೋಜನಗಳನ್ನು ಗಳಿಸುವಲ್ಲಿ ನಿಮ್ಮ ಅದೃಷ್ಟವು ನಿಮ್ಮನ್ನು ಬೆಂಬಲಿಸುತ್ತದೆ. ಆದಾಯದ ಮನೆಯ ಅಧಿಪತಿಯು ವರ್ಷಾಂತ್ಯದಲ್ಲಿ ತನ್ನದೇ ಆದ ಚಿಹ್ನೆಯಲ್ಲಿರುತ್ತಾನೆ. ಇದು ಅನಿಯಮಿತ ಖರ್ಚುಗಳ ಹೊರತಾಗಿಯೂ ನಿಮ್ಮ ಆದಾಯದ ಹರಿವನ್ನು ನಿಯಮಿತವಾಗಿ ಮಾಡುತ್ತದೆ. ಈ ವರ್ಷ ನಿಮಗೆ ಉತ್ತಮ ಗಳಿಕೆಯ ಅವಕಾಶಗಳನ್ನು ತರುತ್ತದೆ. ಆದರೆ ನೀವು ಎಲ್ಲಿ ಹೂಡಿಕೆ ಮಾಡುತ್ತೀರಿ ಅಥವಾ ಹಣವನ್ನು ಖರ್ಚು ಮಾಡುತ್ತೀರಿ ಎಂಬುದರ ಬಗ್ಗೆ ನೀವು ಅತೀ ಜಾಗರೂಕರಾಗಿರಬೇಕು.

Recommended Video

      ಹೊಸ ವರ್ಷಕ್ಕೆ ಟೀಂ‌ ಇಂಡಿಯಾ ಆಟಗಾರರ ಮೋಜು ಮಸ್ತಿ ಫುಲ್ ವೈರಲ್ | Oneindia Kannada
      English summary
      Money and Finance Horoscope 2022 in kannada: Arthika Rashi Bhavishya 2022: Let us know which zodiac signs will get money and financial benefits in 2022. Read on.
      ತಾಜಾ ಸುದ್ದಿ ತಕ್ಷಣ ಪಡೆಯಿರಿ
      Enable
      x
      Notification Settings X
      Time Settings
      Done
      Clear Notification X
      Do you want to clear all the notifications from your inbox?
      Settings X