ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಮೇಷ ರಾಶಿಗೆ ಗುರುಬಲದ ನಿರೀಕ್ಷೆ ಅಷ್ಟೇನೂ ಬೇಡ

By ನಾಗನೂರಮಠ ಎಸ್ಎಸ್
|
Google Oneindia Kannada News

ಈ ರಾಶಿಯವರಿಗೆ ಗುರುವು 6ನೇ ಸ್ಥಾನದಲ್ಲಿ ಇಂದಿನಿಂದ ಸಂಚರಿಸಲಾರಂಭಿಸುತ್ತಾನೆ. ಗುರುವು 6ನೇ ಸ್ಥಾನದಲ್ಲಿ ಅಂತ ಏನೂ ಶುಭಫಲ ನೀಡುವುದಿಲ್ಲ. ಶುಭಫಲದ ನಿರೀಕ್ಷೆಯನ್ನೂ ಕೂಡ ಮಾಡಬಾರದು. ಏಕೆಂದರೆ ಈ ಸಮಯದಲ್ಲಿ ಮೊದಲೇ ಅಷ್ಟಮಶನಿ ಕಾಟದಲ್ಲಿರುವುದರಿಂದ ಆರೋಗ್ಯಕ್ಕೆ ದೈವವೇ "ಚೆಕ್" ಕೊಟ್ಟಂತೆ ಆಗಿರುತ್ತದೆ.

ಹೀಗಾಗಿ ಇದ್ದಬದ್ದ ಹಣವನ್ನು ಉಳಿಸಿಕೊಂಡು ಹೋಗುವ ಪ್ರಯತ್ನ ಮಾಡಬೇಕು. ಏಕೆಂದರೆ 6ನೇ ಸ್ಥಾನವು ಶತ್ರುವಿನ ಸ್ಥಾನವೆಂದೇ ಕರೆಯಲಾಗುತ್ತದೆ. ಹೀಗಾಗಿ ಶತ್ರುಗಳನ್ನು ಹೆಚ್ಚಿಸಿಕೊಳ್ಳದಿರುವುದೇ ಲೇಸು ಈ ರಾಶಿಯವರು ವರ್ಷಪೂರ್ತಿ.

ನೀವು ನೋಡಿರಬಹುದು 200 ರು. ಪೇಂಟ್ ಮನೆಗೆ ಹಚ್ಚಲು ಪೇಂಟರ್ ಗಳು 500 ರು. ತಗೊಳ್ಳುತ್ತಾರೆ. ಹೀಗಾಗಿ ಪೇಂಟ್ ಹಚ್ಚಬೇಕೇ ಬೇಡವೇ ಎಂಬ ಯೋಚನೆ ಬರುತ್ತದೆ. ಇದೇ ರೀತಿ ಈ ರಾಶಿಯವರ ಜೀವನದಲ್ಲಿ ಮುಖ್ಯವಾಗಿಲ್ಲದ ಕೆಲವು ಖರ್ಚು ವೆಚ್ಚಗಳು ಬರಬಹುದು. ಆದ್ದರಿಂದ ಎಲ್ಲ ರೀತಿಯಿಂದಲೂ ಹಣವನ್ನು ಸಿದ್ಧ ಮಾಡಿಕೊಂಡಿಟ್ಟಿರಬೇಕು. ಅನವಶ್ಯಕ ಸಾಲ ಮಾಡದಿರುವುದು ತುಂಬಾ ಮುಖ್ಯ. ಆಮೇಲೆ ಇದ್ದಬದ್ದ ಆಸ್ತಿ ಮಾರಿಯಾದರೂ ಸಾಲ ತೀರಿಸಲು ಹೆಣಗಾಡಬೇಕಾಗುತ್ತದೆ. [ಗುರುಫಲ : ವೃಷಭ, ಸಿಂಹ, ಮೀನ, ವೃಶ್ಚಿಕ ರಾಶಿಗೆ ಸೂಪರ್]

Gurubala for Aries zodiac sign, don't expect much

ಮುಂದಿನ ಸೆಪ್ಟೆಂಬರ್ ವರೆಗೂ ಖರ್ಚುಗಳನ್ನು ಎಷ್ಟು ಆಗುತ್ತದೆಯೋ ಅಷ್ಟು ಕಮ್ಮಿ ಮಾಡಿಕೊಳ್ಳಬೇಕು. ತಿಂಗಳಿಗಿಂತ ನಿತ್ಯ ಎಷ್ಟು ಹಣ ಉಳಿಸಬಹುದೋ ಅಷ್ಟು ಉಳಿಸಲು ಪ್ರಾರಂಭಿಸಬೇಕು. ದೇಹಾರೋಗ್ಯಕ್ಕೆ ಸಂಬಂಧಪಟ್ಟಂತೆ ವೈದ್ಯಕೀಯ ಸೌಲಭ್ಯವಿರುವ ಆರೋಗ್ಯ ವಿಮೆ ಮಾಡಿಸಿಕೊಳ್ಳಬೇಕು ಬೇಗ ಬೇಗ. [ಭರಣಿ ನಕ್ಷತ್ರ ವಿಶೇಷ : ಬೆಂಕಿಯೊಂದಿಗೆ ಸರಸ!]

ಮಾನಸಿಕವಾಗಿ ಸ್ವಲ್ಪ ಗೊಂದಲಗಳು ಬರುವುದರಿಂದ ನಿತ್ಯ 8 ಗಂಟೆ ನಿದ್ದೆ, 1 ಗಂಟೆ ಧ್ಯಾನ ಮತ್ತು ಯೋಗ ಮಾಡಲೇಬೇಕು. ಧ್ಯಾನದಿಂದ ಮನಸ್ಸಿನ ಮೇಲೆ ಹಿಡಿತ ಸಾಧಿಸಿಕೊಳ್ಳಬಹುದು. ಬಂದ ಸಂಕಷ್ಟಗಳನ್ನು ಧೈರ್ಯದಿಂದ ಎದುರಿಸಬಹುದು. ಒಟ್ಟಿನಲ್ಲಿ ಮೇಷ ರಾಶಿಯವರು ಗುರುಫಲವನ್ನು ಅಷ್ಟೇನೂ ನಿರೀಕ್ಷೆ ಮಾಡುವುದೇನು ಬೇಡ. ಆದರೆ ಗುರುರಾಯರ ದರ್ಶನಾಶೀರ್ವಾದ ಪಡೆಯುತ್ತ ಬಂದರೆ ಕೊಂಚ ಶುಭಫಲ ನಿರೀಕ್ಷಿಸಬಹುದು. [ಮೇಷ ರಾಶಿಗೆ ದುರ್ಮುಖನಾಮ ಸಂವತ್ಸರದ ಫಲಾಫಲ]

English summary
Gurubala for Aries zodiac signs based on transit of Jupiter plant from Leo to Virgo in 2016. Planet Jupiter has entered Virgo on August 11, 2016. Our astrologer explains how it affects and helps Aries people.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X