Arecanut Price: ₹55,000 ಸನಿಹದಲ್ಲಿ ಅಡಿಕೆ ಬೆಲೆ; ಕೊಬ್ಬರಿ ಬೆಲೆ ಹೇಗಿದೆ ತಿಳಿಯಿರಿ

ಕಳೆದ ಕೆಲವು ದಿನಗಳಿಂದ ಭರ್ಜರಿ ಏರಿಕೆ ಕಾಣುತ್ತಿರುವ ಅಡಿಕೆ ಬೆಲೆ ಬೆಳೆಗಾರರಲ್ಲಿ ಸಂತಸ ತಂದಿದೆ. ರಾಶಿ ಅಡಿಕೆ ಧಾರಣೆ ₹50,000 ದಾಟಲೂ ಕಷ್ಟಪಡುತ್ತಿತ್ತು, ಆದರೆ ಈಗ ಸತತ ಏರಿಕೆ ಕಾಣುತ್ತಿದ್ದು, ₹55,000 ಸನಿಹಕ್ಕೆ ಬಂದಿದೆ, ಇನ್ನು ಕೆಲವೇ ದಿನಗಳಲ್ಲಿ 55 ಸಾವಿರ ದಾಟುವ ಸಾಧ್ಯತೆ ಕೂಡ ಇದೆ.

ಶನಿವಾರ ಸೊರಬ ಮಾರುಕಟ್ಟೆಯಲ್ಲಿ ರಾಶಿ ಅಡಿಕೆ ಧಾರಣೆ ಕನಿಷ್ಠ ₹36,009 ಇದ್ದರೆ, ಗರಿಷ್ಠ ₹54,199 ಆಗಿತ್ತು. ಶಿವಮೊಗ್ಗ ಮಾರುಕಟ್ಟಯಲ್ಲಿ ಕೂಡ ಅಡಿಕೆ ಬೆಲೆ ₹54,000 ದಾಟಿದೆ.

ಚನ್ನಗಿರಿ ಮಾರುಕಟ್ಟೆಯಲ್ಲಿ ರಾಶಿ ಅಡಿಕೆ ಧಾರಣೆ ಕನಿಷ್ಠ ₹46,000 ಇದ್ದರೆ ಗರಿಷ್ಠ ₹53,639 ಆಗಿತ್ತು. ಸಾಗರ ಮಾರುಕಟ್ಟೆಯಲ್ಲಿ ಕನಿಷ್ಠ ₹42,399 ಇದ್ದರೆ ಗರಿಷ್ಠ ₹51,299 ಆಗಿತ್ತು.

ಕಳೆದ ವರ್ಷ ಬಹುತೇಕ ₹50,000 ಒಳಗಡೆಯೇ ಇದ್ದ ಅಡಿಕೆ ಬೆಲೆ ಈ ವರ್ಷದ ಆರಂಭದಲ್ಲೇ ಏರಿಕೆ ಕಾಣುತ್ತಿರುವುದು ಅಡಿಕೆ ಬೆಳೆಗಾರರಲ್ಲಿ ಸಂತಸ ತಂದಿದೆ. ಮುಂದಿನ ದಿನಗಳಲ್ಲಿ ಅಡಿಕೆ ಬೆಲೆ ಮತ್ತಷ್ಟು ಹೆಚ್ಚುವ ಸಾಧ್ಯತೆ ಇದೆ ಎಂದು ಮಾರುಕಟ್ಟೆ ಪಂಡಿತರು ನಿರೀಕ್ಷೆ ಮಾಡಿದ್ದಾರೆ.

ವಿವಿಧ ಮಾರುಕಟ್ಟೆಗಳಲ್ಲಿ ಅಡಿಕೆ ಬೆಲೆ (ಕ್ವಿಂಟಲ್‌ಗೆ)

ಕೊಬ್ಬರಿ ಬೆಲೆ ಹೇಗಿದೆ?

ಅಡಿಕೆ ಬೆಲೆ ಹೆಚ್ಚಳವಾಗುತ್ತಿದ್ದರೂ ಕೊಬ್ಬರಿ ಬೆಲೆ ಮಾತ್ರ ಇನ್ನೂ ಏರಿಕೆಯ ಹಾದಿ ಹಿಡಿದಿಲ್ಲ. ನಾಫೆಡ್‌ ಮೂಲಕ ಬೆಂಬಲ ಬೆಲೆಯಲ್ಲಿ ಕೊಬ್ಬರಿ ಖರೀದಿ ಮಾಡಿದ ಬಳಿಕವಾದರೂ ಕೊಬ್ಬರಿ ಹೆಚ್ಚುವ ನಿರೀಕ್ಷೆಯಲ್ಲಿ ತೆಂಗು ಬೆಳೆಗಾರರಿಗೆ ನಿರಾಸೆಯಾಗಿದೆ.

ಶನಿವಾರ ತಿಪಟೂರು ಮಾರುಕಟ್ಟೆಯಲ್ಲಿ ಕ್ವಿಂಟಾಲ್ ಅಡಿಕೆ ಧಾರಣೆ ಕನಿಷ್ಠ ₹8,300 ಇದ್ದರೆ ಗರಿಷ್ಠ ₹9,250 ಆಗಿತ್ತು. ಬೆಂಗಳೂರು ಮಾರುಕಟ್ಟೆಯಲ್ಲಿ ಕನಿಷ್ಠ ₹9,500 ಇದ್ದರೆ ಗರಿಷ್ಠ ₹11,500 ಇತ್ತು.

ವಿವಿಧ ಮಾರುಕಟ್ಟೆಗಳಲ್ಲಿ ಕೊಬ್ಬರಿ ಬೆಲೆ (ಕ್ವಿಂಟಲ್‌ಗೆ)

English summary

Arecanut prices have been soaring in Karnataka markets, nearing ₹55,000. here's the update on copra prices in the markets of karnataka.