KSRTC tour package; ಬೆಂಗಳೂರು-ಜೋಗ ಪ್ರಯಾಣ ದರ, ವೇಳಾಪಟ್ಟಿ

Updated: Tuesday, August 8, 2023, 10:20 [IST]

ಬೆಂಗಳೂರು, ಆಗಸ್ಟ್ 08; ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ (ಕೆಎಸ್ಆರ್‌ಟಿಸಿ) ಪ್ರವಾಸ ಹೋಗುವ ಜನರಿಗಾಗಿಯೇ ಬೆಂಗಳೂರು ನಗರದಿಂದ ಟೂರ್ ಪ್ಯಾಕೇಜ್ ಘೋಷಣೆ ಮಾಡಿದೆ. ಪ್ರವಾಸ ಹೋಗುವ ಯೋಜನೆಯಲ್ಲಿರುವವರು ಪ್ಯಾಕೇಜ್ ಸಮಯ ಮತ್ತು ದರದ ಬಗ್ಗೆ ಮಾಹಿತಿ ತಿಳಿಯಿರಿ.

ಕೆಎಸ್ಆರ್‌ಟಿಸಿ ಬೆಂಗಳೂರು-ಜೋಗ ಜಲಪಾತ ವಯಾ ಶಿವಮೊಗ್ಗ, ಸಾಗರ ಟೂರ್ ಪ್ಯಾಕೇಜ್ ಘೋಷಣೆ ಮಾಡಿದೆ. ನಾನ್ ಎಸಿ ಸ್ಲೀಪರ್‌ ಬಸ್‌ಗಳನ್ನು ಈ ಪ್ಯಾಕೇಜ್‌ಗೆ ಬಳಕೆ ಮಾಡಲಾಗುತ್ತದೆ ಎಂದು ಪ್ರಕಟಣೆ ಮೂಲಕ ಮಾಹಿತಿ ನೀಡಿದೆ.

ವಾರಾಂತ್ಯದಲ್ಲಿ (ಶುಕ್ರವಾರ & ಶನಿವಾರ) ಪ್ಯಾಕೇಜ್ ಟೂರ್ ಲಭ್ಯವಿರುತ್ತದೆ. 11/8/2023ರಿಂದ ಈ ಪ್ಯಾಕೇಜ್ ಟೂರ್ ಲಭ್ಯವಿರುತ್ತದೆ ಎಂದು ಮಾಹಿತಿ ನೀಡಲಾಗಿದೆ. ಪ್ಯಾಕೇಜ್ ವೇಳಾಪಟ್ಟಿ, ದರದ ಮಾಹಿತಿ ಕೆಳಗಿನಂತಿದೆ.

ವೇಳಾಪಟ್ಟಿ, ದರ; ಬೆಂಗಳೂರು-ಜೋಗ ಜಲಪಾತ ವಯಾ ಶಿವಮೊಗ್ಗ, ಸಾಗರ ಟೂರ್ ಪ್ಯಾಕೇಜ್‌ಗೆ ವಯಸ್ಕರಿಗೆ 2,500 ರೂ. ಮತ್ತು ಮಕ್ಕಳಿಗೆ (6 ರಿಂದ 12 ವರ್ಷ) 2,300 ರೂ. ದರವನ್ನು ನಿಗದಿ ಮಾಡಲಾಗಿದೆ.

ಬೆಂಗಳೂರು-ಸಾಗರ ಟೂರ್ ಪ್ಯಾಕೇಜ್ ಬಸ್ ಬೆಂಗಳೂರಿನಿಂದ ರಾತ್ರಿ 21.30ಕ್ಕೆ ಹೊರಡಲಿದೆ, 5 ಗಂಟೆಗೆ ಸಾಗರ ತಲುಪಲಿದೆ. 5 ರಿಂದ 7 ಗಂಟೆಯ ತನಕ ಹೋಟೆಲ್‌ನಲ್ಲಿ ವಿಶ್ರಾಂತಿ ಇರಲಿದೆ.

7 ರಿಂದ 7.15 ಉಪಹಾರ. 7.15 ರಿಂದ 7.30 ಸಾಗರದಿಂದ ವರದಹಳ್ಳಿಗೆ ಪ್ರಯಾಣ. ವರದಹಳ್ಳಿ-ವರದಾಮೂಲ 8.30 ರಿಂದ 9 ಗಂಟೆ. ವರದಾಮೂಲ-ಇಕ್ಕೇರಿ 9.15 ರಿಂದ 9.30.

Package tours from Bengaluru to Jog Falls and Bengaluru to Somanathapura. pic.twitter.com/QxzlKWJGUJ
— KSRTC (@KSRTC_Journeys) August 7, 2023

ಇಕ್ಕೇರಿ-ಕೆಳದಿ 10.30 ರಿಂದ 11. ಕೆಳದಿ-ಸಾಗರ 12 ರಿಂದ 12.30. ಮಧ್ಯಾಹ್ನ 12.45 ರಿಂದ 13.15 ಊಟ. ಸಾಗರ-ಜೋಗ ಜಲಪಾತ 1.30 ರಿಂದ 2.15. ಜೋಗ ಜಲಪಾತ-ಸಾಗರ 6.15 ರಿಂದ 7 ಗಂಟೆ. 7 ರಿಂದ 8 ಶಾಪಿಂಗ್ ಟೈಂ. 8.30 ರಿಂದ 8.45 ರಾತ್ರಿ ಭೋಜನ. ಸಾಗರದಿಂದ ರಾತ್ರಿ 10 ಗಂಟೆಗೆ ಹೊರಟು ಬೆಳಗ್ಗೆ 5ಗಂಟೆಗೆ ಬೆಂಗಳೂರಿಗೆ ವಾಪಸ್.

ಈ ಪ್ಯಾಕೇಜ್ ಕುರಿತು ಹೆಚ್ಚಿನ ಮಾಹಿತಿಗಾಗಿ ಜನರು 7760990287 ಮತ್ತು 7760990988 ಸಂಖ್ಯೆಗೆ ಕರೆ ಮಾಡಬಹುದಾಗಿದೆ.

ದಾವಣಗೆರೆ, ಹುಬ್ಬಳ್ಳಿಯಿಂದಲೂ ಬಸ್; ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ ದಾವಣಗೆರೆ ವಿಭಾಗವು ಸಹ ದಾವಣಗೆರೆ ಹಾಗೂ ಹರಿಹರದಿಂದ ಶಿವಮೊಗ್ಗದ ಜೋಗ ಮತ್ತು ಶಿರಸಿಗೆ ಪ್ರತಿ ಭಾನುವಾರ ಟೂರ್ ಪ್ಯಾಕೇಜ್ ಘೋಷಣೆ ಮಾಡಿದೆ. ಜುಲೈ 16 ರಿಂದಲೇ ಈ ವಿಶೇಷ ಪ್ಯಾಕೇಜ್ ಟೂರ್ ಸಾರಿಗೆ ಬಸ್‌ಗಳು ಸಂಚಾರ ನಡೆಸುತ್ತಿವೆ.

ಹುಬ್ಬಳ್ಳಿಯ ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ, ಉತ್ತರ ಕರ್ನಾಟಕ ಭಾಗದ ಪ್ರವಾಸಿಗರ ಅನುಕೂಲಕ್ಕಾಗಿ ಹುಬ್ಬಳ್ಳಿ-ಜೋಗ ಜಲಪಾತ ನಡುವೆ ವಿಶೇಷ ಬಸ್ ಓಡಿಸುತ್ತಿದೆ. ಪ್ರತಿ ಭಾನುವಾರ ಮತ್ತು ಸಾರ್ವತ್ರಿಕ ರಜಾ ದಿನಗಳಂದು ಹುಬ್ಬಳ್ಳಿಯಿಂದ ಜೋಗಕ್ಕೆ ರಾಜಹಂಸ ಹಾಗೂ ಐರಾವತ ಮಲ್ಟಿ ಆಕ್ಸೆಲ್ ವೋಲ್ವೋ ಬಸ್ ಮೂಲಕ ಟೂರ್ ಸೌಲಭ್ಯ ಕಲ್ಪಿಸಲಾಗಿದೆ.