ಬೆಂಗಳೂರು-ಕೊಯಮತ್ತೂರು ಉದಯ್ ಡಬಲ್ ಡೆಕ್ಕರ್ ಎಕ್ಸ್‌ಪ್ರೆಸ್ ರೈಲು ಸೇವೆಯಲ್ಲಿ ಮಹತ್ವದ ಬದಲಾವಣೆ-ಮಾಹಿತಿ ತಿಳಿಯಿರಿ

ಬೆಂಗಳೂರು, ಡಿಸೆಂಬರ್‌, 10: ರೈಲ್ವೆ ಮಂಡಳಿ ತನ್ನ ಆದೇಶದ ಸಿಸಿ-329/2023 ಮೂಲಕ, 22665/22666 ಕೆಎಸ್‌ಆರ್ ಬೆಂಗಳೂರು-ಕೊಯಮತ್ತೂರು ಉದಯ್ ಡಬಲ್ ಡೆಕ್ಕರ್ ಎಕ್ಸ್‌ಪ್ರೆಸ್ ವೇಳಾಪಟ್ಟಿಯಲ್ಲಿ ಮಹತ್ವದ ಬದಲಾವಣೆ ಮಾಡಲು ಮುಂದಾಗಿದೆ. ಹಾಗಾದರೆ ಸೇವೆಯ ದಿನಗಳ ಬದಲಾವಣೆ ವಿವರ ಹೀಗಿದೆ ಗಮನಿಸಿ.

ಸೇವೆಯ ದಿನಗಳಲ್ಲಿ ಬದಲಾವಣೆ

ಅನುಮೋದಿತ ಮಾರ್ಪಾಡು 22665/22666 KSR ಬೆಂಗಳೂರು-ಕೊಯಮತ್ತೂರು ಉದಯ್ ಡಬಲ್ ಡೆಕ್ಕರ್ ಎಕ್ಸ್‌ಪ್ರೆಸ್ ರೈಲಿನ ಸೇವೆಯ ವೇಳಾಪಟ್ಟಿಗೆ ಸಂಬಂಧಿಸಿದೆ. ಈ ಹಿಂದೆ ವಾರದಲ್ಲಿ ಆರು ದಿನಗಳು ಕಾರ್ಯನಿರ್ವಹಿಸುತ್ತಿದ್ದವು, ಬುಧವಾರ ಹೊರತುಪಡಿಸಿ, ಹೊಸ ವೇಳಾಪಟ್ಟಿಯು ಈಗ ಮಂಗಳವಾರ ಹೊರತುಪಡಿಸಿ ಕಾರ್ಯನಿಸುತ್ತದೆ ಎಂದು ತಿಳಿದುಬಂದಿದೆ.

ಈ ಬದಲಾವಣೆಯಿಂದ ಬೆಂಗಳೂರು ಮತ್ತು ಕೊಯಮತ್ತೂರು ನಡುವೆ ಪ್ರಯಾಣಿಸುವ ಪ್ರಯಾಣಿಕರಿಗೆ ಅನುಕೂಲವಾಗಲಿದೆ. ಅನುಮೋದನೆಯ ಜೊತೆಗೆ, ರೈಲ್ವೆ ಮಂಡಳಿಯು ಈ ಬದಲಾವಣೆಗಳನ್ನು ಆರಂಭಿಕ ಅನುಕೂಲಕ್ಕಾಗಿ ಜಾರಿಗೆ ತರಲು ವಲಯ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದೆ.

ಉದಯ್ ಎಕ್ಸ್‌ಪ್ರೆಸ್ ಭಾರತೀಯ ರೈಲ್ವೇ ಪರಿಚಯಿಸಿದ ವಿಶೇಷ ರೈಲು ಸೇವೆಯಾಗಿದೆ. "ಉದಯ್" ಎಂಬ ಪದವು "ಉತ್ಕೃಷ್ಟ್ ಡಬಲ್-ಡೆಕ್ಕರ್ ಹವಾನಿಯಂತ್ರಿತ ಯಾತ್ರಿ," ಅದರ ಡಬಲ್-ಡೆಕ್ಕರ್ ವಿನ್ಯಾಸ ಮತ್ತು ಹವಾನಿಯಂತ್ರಿತ ಸೌಲಭ್ಯಗಳನ್ನು ಕೂಡ ಇದು ಒಳಗೊಂಡಿದೆ.

ಈ ರೈಲುಗಳು ಹೆಚ್ಚಿನ ಸಂಖ್ಯೆಯ ಪ್ರಯಾಣಿಕರಿಗೆ ಅವಕಾಶ ಕಲ್ಪಿಸಲು ಮತ್ತು ಪ್ರಯಾಣದ ಸಮಯದಲ್ಲಿ ಪ್ರಯಾಣಿಕರಿಗೆ ಬೇಕಾದ ಸೌಕರ್ಯವನ್ನು ನೀಡಲು ವಿನ್ಯಾಸಗೊಳಿಸಲಾಗಿದೆ. ಪ್ರತಿ ಕೋಚ್‌ನಲ್ಲಿ ಉತ್ತಮ ಶೌಚಾಲಯಗಳು ಮತ್ತು ಸುಧಾರಿತ ಆಸನ ವ್ಯವಸ್ಥೆಗಳು ಸೇರಿದಂತೆ ಆಧುನಿಕ ಸೌಕರ್ಯಗಳನ್ನು ಅಳವಡಿಸಲಾಗಿದೆ.

ಭಾರತೀಯ ರೈಲ್ವೆಯ ಕೊಯಮತ್ತೂರು-ಬೆಂಗಳೂರು ಡಬಲ್ ಡೆಕ್ಕರ್ ರೈಲಿಗೆ ಜೂನ್ 10ರಂದು ಕೇಂದ್ರ ರೈಲ್ವೇ ರಾಜ್ಯ ಸಚಿವ ರಾಜೇನ್ ಗೊಹೈನ್ ಅವರು ಚಾಲನೆ ನೀಡಲಿದ್ದಾರೆ. ಕೊಯಮತ್ತೂರು ರೈಲ್ವೇ ನಿಲ್ದಾಣದಲ್ಲಿ ಪ್ಲಾಟ್‌ಫಾರ್ಮ್ 3 ಮತ್ತು 4ಗಾಗಿ ಪ್ರಯಾಣಿಕರ ಲಿಫ್ಟ್‌ನ ಪ್ರಾರಂಭದೊಂದಿಗೆ ಫ್ಲ್ಯಾಗ್ ಆಫ್ ಕೂಡ ಮಾಡಲಾಗುತ್ತದೆ. ಈ ರೈಲಿಗೆ ಉದಯ್ ಎಕ್ಸ್‌ಪ್ರೆಸ್ ಎಂದು ಹೆಸರಿಡಲಾಗಿದೆ.

2016ರ ರೈಲ್ವೆ ಬಜೆಟ್‌ನಲ್ಲಿ ಈ ರೈಲನ್ನು ಪರಿಚಯಿಸಲಾಗಿದ್ದು, ಇದೀಗ ಕರ್ನಾಟಕ ಮತ್ತು ತಮಿಳುನಾಡು ನಡುವೆ ಸಂಚಾರ ಆರಂಭಿಸಲು ಸಿದ್ಧವಾಗಿದೆ. ಮೊದಲ ಬಾರಿಗೆ ರೈಲು ಬೆಂಗಳೂರಿನಿಂದ ಹೊರಡಲಿದೆ. ರೈಲು ಬೆಂಗಳೂರಿನಿಂದ ಮಧ್ಯಾಹ್ನ 2:15 ಗಂಟೆಗೆ ಹೊರಡಲಿದ್ದು, ಅದೇ ದಿನ ರಾತ್ರಿ 9:00ಕ್ಕೆ ಕೊಯಮತ್ತೂರು ತಲುಪುತ್ತದೆ. ಇದನ್ನು ತಲುಪಲು ಒಟ್ಟು 6 ಗಂಟೆ 45 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ.

ಕೊಯಮತ್ತೂರಿನಿಂದ ರೈಲು ಬೆಳಗ್ಗೆ 5:40ಕ್ಕೆ ಹೊರಟು, ಮಧ್ಯಾಹ್ನ 12:40ಕ್ಕೆ ಬೆಂಗಳೂರು ತಲುಪುತ್ತದೆ. ಪ್ರಯಾಣವನ್ನು ಪೂರ್ಣಗೊಳಿಸಲು ಒಟ್ಟು 7 ಗಂಟೆಗಳನ್ನು ತೆಗೆದುಕೊಳ್ಳುತ್ತದೆ. ಐಷಾರಾಮಿ ರೈಲುಗಳ ಸುಂಕವನ್ನು ಶೇಕಡಾ 50ರಷ್ಟು ಕಡಿತಗೊಳಿಸಲು ಭಾರತೀಯ ರೈಲ್ವೇಯು ಉದಯ್ ಎಕ್ಸ್‌ಪ್ರೆಸ್ ಸಂಪೂರ್ಣ ಹವಾನಿಯಂತ್ರಿತ ಚೇರ್ ಕಾರ್ ಆಗಿದ್ದು, ರೈಲಿನೊಳಗೆ ಆಹಾರ ಮಾರಾಟ ಯಂತ್ರವನ್ನು ಹೊಂದಿರುವ ಭಾರತೀಯ ರೈಲ್ವೆಯ ಮೊದಲ ರೈಲು ಇದಾಗಿದೆ.

ಈ ರೈಲಿನೊಳಗೆ ಮಿನಿ ಪ್ಯಾಂಟ್ರಿಗಳಿವೆ. ರೈಲು ಒಟ್ಟು 14 ಕೋಚ್‌ಗಳನ್ನು ಹೊಂದಿದ್ದು, ಅದರ 4 ಬೋಗಿಗಳಲ್ಲಿ ಪ್ಯಾಂಟ್ರಿ ಮತ್ತು 8 ಪ್ಯಾಂಟ್ರಿ ಇಲ್ಲದೆ ಇವೆ. ರೈಲಿನ ಪ್ರಕಾಶಮಾನವಾದ ಕಿತ್ತಳೆ ಮತ್ತು ಹಳದಿ ಹೊರಭಾಗವು ಆಕರ್ಷಕ ನೋಟವನ್ನು ನೀಡುತ್ತದೆ. ಆದರೆ ಒಳಾಂಗಣವನ್ನು ಆಧುನಿಕ ಸೌಲಭ್ಯಗಳೊಂದಿಗೆ ನವೀಕರಿಸಲಾಗಿದೆ. ಈ ರೈಲು ಒಂದು ಬಾರಿಗೆ 82 ಪ್ರಯಾಣಿಕರಿಗೆ ಅವಕಾಶ ಕಲ್ಪಿಸುತ್ತದೆ.

ಕೊಯಮತ್ತೂರು-ಬೆಂಗಳೂರು ಡಬಲ್ ಡೆಕ್ಕರ್ ಉದಯ್ ಎಕ್ಸ್‌ಪ್ರೆಸ್ ವೈ-ಫೈ, ಮಾಡ್ಯುಲರ್ ಫಿಟ್ಟಿಂಗ್‌ಗಳೊಂದಿಗೆ ಶೌಚಾಲಯಗಳು, ಎಲ್‌ಇಡಿ ಲೈಟಿಂಗ್, ಸ್ನ್ಯಾಕ್ ಟೇಬಲ್‌ಗಳು, ಆರ್ಮ್-ರೆಸ್ಟ್, ರೋಲರ್ ಬ್ಲೈಂಡ್‌ಗಳು ಮತ್ತು ಲಗೇಜ್ ರ‍್ಯಾಂಕ್‌ಗಳು ಸೇರಿದಂತೆ ಇತರ ಸೌಲಭ್ಯಗಳನ್ನು ಒಳಗೊಂಡಿದೆ. ಇದರಲ್ಲಿ ಅಂತಿಮವಾಗಿ ಜೈವಿಕ ಶೌಚಾಲಯಗಳಾಗಿ ಅಪ್‌ಗ್ರೇಡ್ ಮಾಡಲಾಗುವುದು.

ಭಾರತೀಯ ರೈಲ್ವೇಯು ಇನ್ನೂ ಎರಡು ಉದಯ್ ಎಕ್ಸ್‌ಪ್ರೆಸ್ ರೈಲುಗಳನ್ನು ಪರಿಚಯಿಸಲು ಪ್ಲಾನ್‌ ಮಾಡಿಕೊಂಡಿದೆ. ಒಂದು ಬಾಂದ್ರಾ (ಮುಂಬೈ) ಮತ್ತು ಜಾಮ್‌ನಗರ (ಗುಜರಾತ್) ನಡುವೆ, ಇನ್ನೊಂದು ಆಂಧ್ರಪ್ರದೇಶದಲ್ಲಿ ವಿಶಾಖಪಟ್ಟಣಂ ಮತ್ತು ವಿಜಯವಾಡ ನಡುವೆ ಬಿಡಲು ನಿರ್ಧರಿಸಿದೆ. ಪ್ರಯಾಣಿಕರು ಪ್ರಥಮ ದರ್ಜೆಗೆ 400 ರೂಪಾಯಿ ಮತ್ತು ಎರಡನೇ ದರ್ಜೆಯ ಟಿಕೆಟ್‌ಗಳಿಗೆ 300 ರೂಪಾಯಿ ಪಾವತಿಸಬೇಕಾಗುತ್ತದೆ.

English summary

Bengaluru-Coimbatore Uday Double Decker Express train: Change in train service from Railway Board,