ಮಾನ್ಸೂನ್‌ ಋತುವಿನಲ್ಲಿ ಪ್ರವಾಸ ಮಾಡಬಹುದಾದ ಕರ್ನಾಟಕದ 5 ಉತ್ತಮ ಪ್ರವಾಸಿ ತಾಣಗಳು

ಬೆಂಗಳೂರು, ಜುಲೈ 8: ಆಗ್ನೇಯ ಮಾನ್ಸೂನ್‌ ಮಾರುತಗಳು ನೈಸರ್ಗಿಕ ಸೌಂದರ್ಯವನ್ನು ಸವಿಯಲು ಬಯಸುವ ಪ್ರವಾಸಿ ರೋಮಾಂಚನದ ಅನುಭವವನ್ನು ನೀಡುತ್ತವೆ. ಮಳೆ, ಮೋಡ, ಮಳೆ ಬರುವ ಮುನ್ನ ಬೀಸುವ ಗಾಳಿ ಆಹ್ಲಾದಕರ ವಾತವರಣವನ್ನು ನಿರ್ಮಿಸುತ್ತವೆ. ಇದು ದಕ್ಷಿಣ ರಾಜ್ಯವಾದ ಕರ್ನಾಟಕದಲ್ಲಿ ಇನ್ನು ಒಂದು ಕೈ ಹೆಚ್ಚು ಎನ್ನಬಹುದು.

ಕರ್ನಾಟಕದ ವಿಸ್ತಾರವಾದ ನೈಸರ್ಗಿಕ ಕಾಡನ್ನು ಹೊಂದಿರುವ ರಾಜ್ಯ. ಇಲ್ಲಿ ಮಾನ್ಸೂನ್‌ ಋತುವಿನಲ್ಲಿ ಬೀಳುವ ಮಳೆ ಮೆಲೋಡಿ ಸಂಗೀತಕ್ಕೆ ಟೀ ಅನ್ನು ಸ್ವಾಧಿಸುವ ಹಿತಕರ ಅನುಭವ ನೀಡುತ್ತದೆ. ಉತ್ತಮ ವಾತಾವರಣ ಹೊಂದಿರುವ ಕರ್ನಾಟಕ ಈ ಮಾನ್ಸೂನ್‌ ಅವಧಿಯಲ್ಲಿ ಪ್ರವಾಸಿಗರು ಭೇಟಿ ನೀಡಬಹುದಾದ 5 ಸ್ಥಳಗಳು ಇಲ್ಲಿವೆ.

1. ಆಗುಂಬೆ: ಜಲಪಾತಗಳ ತಾಣ

ಆಗುಂಬೆಯು ತನ್ನ ರಮಣೀಯ ನೈಸರ್ಗಿಕ ಸೌಂದರ್ಯ ಮತ್ತು ಜೀವವೈವಿಧ್ಯಕ್ಕೆ ಹೆಸರುವಾಸಿಯಾಗಿದೆ. ಇದನ್ನು ದಕ್ಷಿಣ ಭಾರತದ ಚಿರಾಪುಂಜಿ ಎಂದು ಆಗಾಗ್ಗೆ ಉಲ್ಲೇಖಿಸಲಾಗುತ್ತದೆ. ಇದು ಬೆಂಗಳೂರಿನಿಂದ 380 ಮೈಲುಗಳಷ್ಟು ದೂರದಲ್ಲಿದೆ. ಸೋಮೇಶ್ವರ ಘಾಟ್ ಪ್ರಸ್ಥಭೂಮಿಯ ಮೇಲೆ ಇದು ಕಂಡು ಬರುತ್ತದೆ. ಇದು ಕರ್ನಾಟಕದ ಶಿವಮೊಗ್ಗ ಜಿಲ್ಲೆಯಲ್ಲಿದ್ದು, ವಾರ್ಷಿಕವಾಗಿ ಸರಾಸರಿ 7,640 ಮಿಮೀ ಮಳೆಯಾಗುವುದರಿಂದ ಇದನ್ನು ಹಾಗೆ ಕರೆಯಲಾಗುತ್ತದೆ. ಇದು ಭಾರತದಲ್ಲಿ ಎರಡನೇ ಅತಿ ಹೆಚ್ಚು ಮಳೆ ಪಡೆಯುವ ಸ್ಥಳವಾಗಿದೆ.

2. ಹಂಪಿ: ದಿ ಲಾಸ್ಟ್ ಸಿಟಿ ಆಫ್ ಮಾನ್ಸೂನ್ಸ್

ಯುನೆಸ್ಕೋ ವಿಶ್ವ ಪರಂಪರೆಯ ತಾಣವಾದ ಹಂಪಿಯನ್ನು ಅವಶೇಷಗಳ ನಗರ ಎಂದು ಕರೆಯಲಾಗುತ್ತದೆ. ಇತಿಹಾಸವನ್ನು ಆನಂದಿಸುವ ಪ್ರವಾಸಿಗರು ಕರ್ನಾಟಕದ ಆಳವಾದ ಕಣಿವೆಗಳು ಮತ್ತು ಬೆಟ್ಟಗಳಲ್ಲಿ ಅಡಗಿರುವ ಈ ಸ್ಥಳಕ್ಕೆ ಭೇಟಿ ನೀಡುವುದನ್ನು ಇಷ್ಟಪಡುತ್ತಾರೆ. 500 ಐತಿಹಾಸಿಕ ರಚನೆಗಳು, ಬೆರಗುಗೊಳಿಸುವ ದೇವಾಲಯಗಳು, ರೋಮಾಂಚಕ ಬೀದಿ ಮಾರುಕಟ್ಟೆಗಳು, ಬುರುಜುಗಳು, ಖಜಾನೆ ಕಟ್ಟಡ ಮತ್ತು ಆಕರ್ಷಕ ವಿಜಯನಗರ ಸಾಮ್ರಾಜ್ಯದ ಅವಶೇಷಗಳು ಇದನ್ನು ಸುತ್ತುವರೆದಿವೆ.

3. ಮಡಿಕೇರಿ: ಮಾನ್ಸೂನ್‌ಗಳ ಮಸಾಲೆ ಉದ್ಯಾನ

ಕೂರ್ಗ್ ಕಾಫಿ-ಉತ್ಪಾದಿಸುವ ಪ್ರಸಿದ್ಧ ಗಿರಿಧಾಮವಾಗಿದ್ದು, ಇದು ಕರ್ನಾಟಕ ರಾಜ್ಯದ ಬೆದರಿಸುವ ಪರ್ವತಗಳ ಮಧ್ಯೆ ನೆಲೆಗೊಂಡಿದೆ. ಇದು ನಿಬ್ಬೆರಗುಗೊಳಿಸುವ ಹಸಿರು ಬೆಟ್ಟಗಳು ಮತ್ತು ಅವುಗಳ ಮೂಲಕ ನೇರವಾಗಿ ಹರಿಯುವ ತೊರೆಗಳಿಗೆ ಹೆಸರುವಾಸಿಯಾಗಿದೆ. ಇಲ್ಲಿನ ಜನರು ಮತ್ತು ಸಂಸ್ಕೃತಿಯ ಕಾರಣದಿಂದಾಗಿ ಇದು ಹೆಚ್ಚಾಗಿ ಇಷ್ಟಪಡುವ ವಿಹಾರ ತಾಣವಾಗಿದೆ. ವಿಶೇಷವಾಗಿ ತಮ್ಮ ಸೌಹಾರ್ದಯುತ ಆತಿಥ್ಯಕ್ಕೆ ಹೆಸರುವಾಸಿಯಾದ ಕೊಡವರು, ಸಮರ ಕಲೆಗಳಲ್ಲಿ ಪರಿಣತಿ ಹೊಂದಿರುವ ಸ್ಥಳೀಯ ಬುಡಕಟ್ಟು ಜನಾಂಗದವರು ಇಲ್ಲಿನ ವಿಶೇಷ.

4. ದಾಂಡೇಲಿ ವನ್ಯಜೀವಿ ಅಭಯಾರಣ್ಯ: ಮಾನ್ಸೂನ್ ಸಫಾರಿ

ಉತ್ತರ ಕನ್ನಡವು 334.52 ಚದರ ಮೈಲಿ ದಾಂಡೇಲಿ ವನ್ಯಜೀವಿ ಅಭಯಾರಣ್ಯಕ್ಕೆ ನೆಲೆಯಾಗಿದೆ. ಪ್ರಕೃತಿ ರಸಿಕರು ಇದನ್ನು ಪರಿಪೂರ್ಣ ರಜೆಯ ತಾಣವೆಂದು ಭಾವಿಸುತ್ತಾರೆ. ವಾಯು, ರೈಲು ಮತ್ತು ರಸ್ತೆಯ ಸಂಪರ್ಕವಿರುವುದರಿಂದ ಇದು ಹೆಚ್ಚು ಜನಪ್ರಿಯ ಪ್ರವಾಸಿ ತಾಣವಾಗಿ ಮಾರ್ಪಟ್ಟಿದೆ. ಇದು ಧಾರವಾಡದಿಂದ 57 ಕಿಲೋಮೀಟರ್ ದೂರದಲ್ಲಿದೆ. ನೀವು ಈ ಅಭಯಾರಣ್ಯಕ್ಕೆ ಸುಲಭವಾಗಿ ಹೋಗಬಹುದಾದ ಸ್ಥಳವಾಗಿದೆ.

5. ನಂದಿ ಹಿಲ್ಸ್

ಇದು ಈಗ ಬೆಂಗಳೂರಿನ ಸ್ಥಳೀಯರಿಗೆ ವಾರಾಂತ್ಯದ ಪ್ರಸಿದ್ಧ ತಾಣವಾಗಿದೆ. ಪ್ರವಾಸಿಗರು ನಂದಿ ಬೆಟ್ಟಗಳ ಗಿರಿಧಾಮದ ಕಡೆಗೆ ಹೆಚ್ಚು ಪ್ರವಾಸ ಕೈಗೊಳ್ಳುತ್ತಾರೆ. ಟಿಪ್ಪು ಸುಲ್ತಾನ್ ಬಯಲು ಸೀಮೆಯ ಶಾಖ ಮತ್ತು ಯುದ್ಧದ ಶಬ್ದದಿಂದ ಅಲ್ಲಿ ಆಶ್ರಯ ಪಡೆದಿದ್ದನು ಎಂದು ಹೇಳಲಾಗುತ್ತದೆ. ಇಲ್ಲಿನ ಪ್ರಕೃತಿಗೆ ನಿಮಗೆ ಇಲ್ಲಿ ಇಳಯರಾಜ ಸಂಗೀತ ಕೇಳಿದರೂ ಆಶ್ಚರ್ಯವಿಲ್ಲ.

English summary

The south-east monsoon winds provide a thrilling experience for tourists who want to savor the natural beauty. Rain, cloud, and wind blowing before the rain create a pleasant atmosphere.