ನಕ್ಕಷ್ಟೆ ಹೊತ್ತು ಸಾಕು ರಂಗುರಂಗಿನ ಬದುಕು..

ಲೈಫ್‌ ಈಸ್‌ ಶಾರ್ಟ್‌ ಮೇಕ್‌ ಇಟ್‌ ಸ್ವೀಟ್‌

• ಪ್ರಕಾಶ್‌ ರಾವ್‌ ಪಯಾರ್‌, ದುಬೈ

ಎಲ್ಲಿಂದಲೊ ತಂದು

ಬಲಕ್ಕೊಂದು ಬಿದಿರ

ಕೋಲು ಕೊಟ್ಟು

ತಿಂಗಳ ಹಿಂದೆ ನೆಟ್ಟ

ಬೇರು ಆಳಕ್ಕಿಳಿದು

ಬುಡ ಭದ್ರವಾಗಿರದ

ಅಳೇತ್ತರದ ಪುಟ್ಟ

ಲಿಂಬೆ ಗಿಡದ ರೆಂಬೆ ಮೇಲೆ

ಕುಳಿತ ಗಂಡು ಗುಬ್ಬಚ್ಚಿ

ಗಾಳಿಗೆ ವಾಲುತ್ತ

ಲೆಕ್ಕ ಹಾಕುತಿತ್ತು;

ಕೆಳಗೆ ಕಾಳು ಹೆಕ್ಕುತಿದ್ದ

ಹೆಣ್ಣು ಗುಬ್ಬಿ ತಲೆ ಎತ್ತಿ

ಮೇಲೆ ನೋಡುತಿತ್ತು;

ಅಗಸ ಒಂದಿಷ್ಟು ನೀಲಿ-ಬಿಳಿ

ಭೂಮಿ ಮತ್ತಷ್ಟು ಹಸಿರು-ಕೆಂಪು

ನೀರು ಹಸಿರು-ನೀಲಿ

ಹೊಂಚು ಹಾಕುವ ಬೆಕ್ಕು

ಜಿಗಿದು ನುಂಗುವ ಮುನ್ನ

ಬೊಗಸೆಯಲ್ಲಿ ಬಚ್ಚಿಟ್ಟು

ನಕ್ಕಷ್ಟೆ ಹೊತ್ತು ಸಾಕು

ರಂಗು ರಂಗಿನ ಬದುಕು