ನಾಯಿ ಬಾಲ ಡೊಂಕು

ನಾಯಿ ಬಾಲ ಡೊಂಕು

ಹಂ. ಕ. ರಾಮಪ್ರಿಯನ್‌, ಕ್ಲಾರ್ಕ್ಸ್‌ವಿಲ್‌, ಮೇರಿಲ್ಯಾಂಡ್‌ [email protected] ನಾಯಿಯ ಬಾಲಕ್ಕೆ ದೆಬ್ಬೆಯ ಕಟ್ಟುತ ನೆಟ್ಟಗೆ ಮಾಡುವ ಪರಿ ಮಂಕು ದೆಬ್ಬೆಯ ಬಿಚ್ಚಿರೆ ಮತ್ತಾಗುವುದದು ನಾಯಿಯ ಬಾಲವು ಬಲು ಡೊಂಕು ಸಿಗರೇಟ್‌ ಸೇದುವ ಚಟವನು ಬಿಡುವುದಕೆಷ್ಟೋಕಷ್ಟವ ಪಟ್ಟವರು ಮನವನು ತಡೆಯುವ ಶಕ್ತಿಯಿಲ್ಲದೆಯೆ ಮತ್ತದ ಸೇದಲು ತೊಡಗುವರು ಊಟತಿಂಡಿಗಳ ಕಡಿಮೆಮಾಡುತಲಿ ತೂಕವನಿಳಿಸಲು ಹೆಣಗುವರು ಬೆಣ್ಣೆಮಸಾಲೆಯ ದೋಸೆಯ ನೋಡಿದರಂದೇ ಪಥ್ಯವ ಮರೆಯುವರು ವೇದಿಕೆಯಲ್ಲಿಹ ಕಾರ್ಯಕ್ರಮವನು ನೋಡಲು ಕುಳಿತ ಸಭಾಸದರು ಊರಸುದ್ದಿಗಳನೊಬ್ಬರಿಗೊಬ್ಬರು ತಿಳಿಸುತ ಮಾತುಗಳಾಡುವರು ಕಾರ್ಯದರ್ಶಿಗಳು ‘ಸದ್ದನ್ನಡಗಿಸಿ’ ಎಂದು ವಿನಂತಿಯ ಮಾಡುವರು ಎರಡು ನಿಮಿಷಗಳು ಸುಮ್ಮನಿದ್ದು ಜನ ಮತ್ತೆ ಮಾತಿನಲಿ ಮುಳುಗುವರು ಕಳೆಗಳು ಬೆಳೆವುದ ನಿಲ್ಲಿಸಿ ಹುಲ್ಲಿಗೆ ಕಳೆನಾಶಕವನು ಹಾಕಿದೊಡೆ ಕೆಲವು ತಿಂಗಳುಗಳಾಗಲು ಕಳೆಗಳು ಮತ್ತೆ ಮತ್ತೆ ತಲೆಯೆತ್ತುವುವು Carಅನು ವೇಗದ ಮಿತಿಯನು ಮೀರುತಲೋಡಿಸಿ ticketಉ ಸಿಕ್ಕಿರಲು ಹಣವನು ತೆತ್ತುದ ಬೇಗನೆ ಮರೆಯುತ ಮತ್ತೆ ವೇಗಮಿತಿ ಮೀರುವರು Officeಅಲ್ಲಿಯ ಕಡತಗಳೆಲ್ಲವನೆಷ್ಟೇ ನೆಟ್ಟಗೆ ಮಾಡಿದರೂ ಒಂದೇ ದಿನದಲಿ ಕಾಗದಪರ್ವತ ಮೇಜಿನ ಮೇಗಡೆ ಬೆಳೆಯುವುದು Post your views

ಮುಖಪುಟ / ಎನ್‌ಆರ್‌ಐ