• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಕುವೈತ್ ಸಿರಿ ಸಂಭ್ರಮದಲ್ಲಿ ಪುನೀತ್ ರಾಜ್ ದಂಪತಿ

By ಮೋಹನದಾಸ್ ಕಾಮತ್, ಕುವೈತ್
|

ಕುವೈತ್, ನ. 19 : ಕುವೈತ್ ಕನ್ನಡ ಕೂಟದ ಮೂವತ್ತನೆಯ ವಾರ್ಷಿಕ ಸಮಾರಂಭ 'ಕರ್ನಾಟಕ ಸಿರಿ ಸಂಭ್ರಮ' ನ.7ರಂದು ರಿಗೈನ ರಮದಾ ಹೋಟೆಲ್‍ನ ಭವ್ಯ ಸಭಾಂಗಣದಲ್ಲಿ ವಿಜೃಂಭಣೆಯಿಂದ ಆಚರಿಸಲಾಯಿತು. ಮುಖ್ಯ ಅತಿಥಿಗಳಾಗಿ ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್ ದಂಪತಿಗಳು ಆಗಮಿಸಿದ್ದರಿಂದ ಸಮಾರಂಭಕ್ಕೆ ವಿಶೇಷ ಮೆರಗು ನೀಡಿತ್ತು.

ಡಾ| ಸುರೇಂದ್ರ ನಾಯಕ್ ಮತ್ತು ತಂಡದವರ ಪ್ರಾರ್ಥನಾ ಗಾಯನ, ಕೂಟದ ಅಧ್ಯಕ್ಷರಾದ ಡಾ|ದಿವಾಕರ್, ಉಪಾಧ್ಯಕ್ಷ ವಿಶ್ವೇಶ್ವರ ಕಾರ್ಕಳ, ಕಾರ್ಯದರ್ಶಿ ಅನಂತ ಮಂಗಲಗಿ, ಖಜಾಂಚಿ ರಾಜೇಶ್ ವಿಠ್ಠಲ್ ದಂಪತಿಗಳೊಡಗೂಡಿ ಜ್ಯೋತಿ ಬೆಳಗುವುದರ ಮೂಲಕ ಸಂಭ್ರಮದ ಮಹಾ ಸಮಾರಂಭಕ್ಕೆ ಚಾಲನೆ ದೊರೆಯಿತು.

ಸಾರ್ವಜನಿಕ ಸಂಪರ್ಕ ಸಮಿತಿ ಸಂಚಾಲಕಿ ಡಾ|ಸಂಗೀತ ಅಮೃತರಾಜ್ ರವರ ಸಮಿತಿಯವರು ರಂಗೋಲಿ, ದೀಪ, ನವಿಲಿನ ಸ್ವಾಗತ ಮಂಟಪದೊಂದಿಗೆ ಸಿಂಗರಿಸಿ, ಸ್ವಾಗತಿಸಿ ಕನ್ನಡ ಹಬ್ಬದ ವಾತಾವರಣ ಮೂಡಿಸಿದರು.

ಸಾಂಸ್ಕೃತಿಕ ಸಮಿತಿ ಸಂಚಾಲಕಿ ಸಂಧ್ಯಾ ಅರುಣ್‍ಕುಮಾರ್ ಮತ್ತು ಸಮಿತಿ ಸದಸ್ಯರು ಹಾಗೂ ವಿವಿಧ ನಿರ್ದೇಶಕರುಗಳು, ಕೂಟದ ಸದಸ್ಯರು ಮತ್ತು ಮಕ್ಕಳ ಭಾಗವಹಿಸುವಿಕೆಯಲ್ಲಿ ವೇದಿಕೆಯ ಮೇಲೆ ನಾಡುಸಿರಿ, ನುಡಿಸಿರಿ, ಜನಸಿರಿ, ಜನಪದಸಿರಿ, ಜೀವನಸಿರಿಯ ಮೂಲಕ 'ಸಿರಿ ಸಂಭ್ರಮ'ದ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಅಚ್ಚುಕಟ್ಟಾಗಿ ನೆಡೆಸಿಕೊಟ್ಟರು.

ನಂದಾ ಸುರೇಶ್‍ರವರ ನಿರ್ದೇಶನದಲ್ಲಿ ವೈಭವಯುತ 'ಜಂಬೂ ಸವಾರಿ' ನಡೆದು, ಮೈಸೂರು ದಸರಾವನ್ನು ನೆನಪಿಸಿತು. ನಂತರ ಸದಸ್ಯ ದಂಪತಿಗಳು ಸಂಗೀತ ಮಂಗಲಗಿಯವರ ನಿರ್ದೇಶನದಲ್ಲಿ 'ಸುಲಗ್ನ ಸಾವಧಾನ್'ನಲ್ಲಿ ಕರ್ನಾಟಕದ ವಿವಿಧ ಪ್ರದೇಶದ ವಧು-ವರರ ವೇಷ-ಭೂಷಣದಲ್ಲಿ ಕಂಗೊಳಿಸಿದರು.

ಮಕ್ಕಳಿಂದ ಪುನೀತ್ ರಾಜ್ ಕುಮಾರ್‍ ಅರ್ಪಣೆಯ ಅವರೇ ಹಾಡಿದ ಹಾಗೂ ಅವರ ಚಿತ್ರದಿಂದ ಆಯ್ದ ಹಾಡುಗಳ ನೃತ್ಯ 'ನಮ್ಮ ಅಪ್ಪು'ವಿನಲ್ಲಿ ಮಕ್ಕಳ ಜೊತೆ ಸ್ವತ: ಪುನೀತ್ ರವರು ಹಾಡಿ, ನರ್ತಿಸಿ ನೆರೆದಿದ್ದವರ ಮನರಂಜಿಸಿದರು.

ಪುನೀತ್ ದಂಪತಿಗಳಿಗೆ ಮೈಸೂರು ಪೇಟ ತೊಡಿಸಿ, ಶಾಲು ಹೊದಿಸಿ, ಸ್ಮರಣಿಕೆ ನೀಡಿ ಸನ್ಮಾನಿಸಲಾಯಿತು. ಸನ್ಮಾನ ಸ್ವೀಕರಿಸಿ, ಪುನೀತ್ ರವರು ಸಾಂಸ್ಕೃತಿಕ ಕಾರ್ಯಕ್ರಮಗಳು, ಕುವೈತ್ ಕನ್ನಡ ಕೂಟದ ಕಾರ್ಯ ಚಟುವಟಿಕೆಗಳ ಬಗ್ಗೆ ಮೆಚ್ಚುಗೆಯ ನುಡಿಗಳನ್ನಾಡಿದರು.

ಮರಳ ಮಲ್ಲಿಗೆ ಸಂಚಾಲಕ ಡಾ|ಆಜಾದ್ ರವರ ಸಮಿತಿಯವರು ಸುಂದರವಾದ 'ಸ್ಮರಣ ಸಂಚಿಕೆ'ಯನ್ನು ಬಿಡುಗಡೆಗೊಳಿಸಿದರು. ಕಾರ್ಯಕ್ರಮದ ಪ್ರಾಯೋಜಕರುಗಳಿಗೆ ಸ್ಮರಣಿಕೆ ನೀಡಲಾಯಿತು. ಕ್ರೀಡಾಸಮಿತಿ ಸಂಚಾಲಕ ಪ್ರಶಾಂತ್ ಶೆಟ್ಟಿಯವರ ನೇತೃತ್ವದಲ್ಲಿ ಊಟೋಪಚಾರದ ವ್ಯವಸ್ಥೆ ನಡೆಯಿತು. ಕಾರ್ಯದರ್ಶಿ ಅನಂತ್ ಮಂಗಲಗಿ ಧನ್ಯವಾದ ಸಮರ್ಪಣೆ ನಡೆಸಿದರು. ರಾಷ್ಟ್ರಗೀತೆಯೊಂದಿಗೆ ಸಮಾರಂಭವನ್ನು ಸಮಾಪನಗೊಳಿಸಲಾಯಿತು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Puneeth Rajkumar with his wife Ashwini graced the 30th anniversary of Kuwait Kannada Koota in Kuwait. Karnataka Siri Sambhrama was celebrated on 7th November. Puneeth sang and danced with children to the songs sung by him in his movies.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more