• search

ಪುಟ್ಟ ಪಾದಗಳಿಗೆ ಹೆಜ್ಜೆ ಗೆಜ್ಜೆಯ ಒಲವು

By * ಭ್ರಮರಿ ಶಿವಪ್ರಕಾಶ್
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    Bhramari Shivaprakash with her son Sarang
    ಶ್ರೀ ಕೃಷ್ಣ ಜನ್ಮಾಷ್ಟಮಿಯ ಸಂದರ್ಭ. ನ್ಯೂ ಜೆರ್ಸಿಯ ಶ್ರೀ ಕೃಷ್ಣ ವೃಂದಾವನದಲ್ಲಿ ಹಬ್ಬದ ಗೌಜು ಗದ್ದಲ. ಒಂದೆಡೆ ಪುಟ್ಟ ಮಕ್ಕಳ ಕೃಷ್ಣ ವೇಷಗಳ ಥಳ ಪಳ, ಇನ್ನೊಂದೆಡೆ ಕೃಷ್ಣನ ಚಿತ್ರ ಬಿಡಿಸುವ ಸ್ಪರ್ಧೆ ಹೀಗೆ. . . ಸಾಂಸ್ಕೃತಿಕ ಕಾರ್ಯಕ್ರಮದ ಅಂಗವಾಗಿ ಗಾಯಕಿ ವಸಂತ ಶಶಿ ಅವರ ಸಂಗೀತ ನೃತ್ಯ ರಸಮಂಜರಿ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಬಣ್ಣದ ಕೋಣೆಯಲ್ಲಿ ನಾವೆಲ್ಲ ತಯಾರಾಗುತ್ತಿದ್ದೆವು.

    ನನ್ನ ಎರಡು ವರ್ಷ ಮೂರು ತಿಂಗಳು ಪ್ರಾಯದ ಮಗ ಪುಟ್ಟ ಸಾರಂಗನಿಗೆ ಮಧ್ಯಾಹ್ನದ ನಿದ್ರೆ ಸ್ವಲ್ಪ ತಡವಾಗಿಯೇ ಹತ್ತಿ ಸಂಜೆಯ ಆರು ಗಂಟೆಯ ಹೊತ್ತಿಗೆ ಅಪ್ಪನ ಮೃದು ದನಿ ಎಚ್ಚರಿಸಿತು. ಕನಸಿನಲ್ಲಿ ಸಮುದ್ರ ದಡದಲ್ಲಿ ಆಡುತ್ತಿದ್ದ ಮಗು, ಕೈಗಂಟಿದ ಮರಳಿನ ಕೊಳೆಯನ್ನು ಕಲ್ಪಿಸುತ್ತ ಕೈತೊಳೆಯಬೇಕೆಂದು ಬಚ್ಚಲಿನಡೆ ಹೆಜ್ಜೆ ಹಾಕತೊಡಗುತ್ತಿದ್ದಂತೆ ನೆನಪಾಯಿತು ಕೃಷ್ಣ ವೇಷ ತೊಡಸಲಿದ್ದಾಳೆ ಅಮ್ಮ, ತಾನೀಗ ಜಗದೋದ್ಧಾರನ ಹಾಡಿಗೆ ರಂಗದ ಮೇಲೆ ಹೋಗಬೇಕೆಂದು. ನಿದ್ದೆಯ ಮಂಪರಿನಲ್ಲೇ ಅಮ್ಮ ಕೊಟ್ಟ ಸೇಬಿನ ಹಣ್ಣನ್ನು ತಿನ್ನುತ್ತ ವೇಷ ಧರಿಸಿಕೊಂಡು ತಯಾರಾದ.

    ಗಡಿಬಿಡಿಯಲ್ಲಿ ನನ್ನ ಕೈ ನಡುಗುತ್ತಿದ್ದರೂ ತಾನೇ ನೆನಪಿಸಿ ಕಣ್ಣಿನ ಕಾಡಿಗೆಯನ್ನು ಹಾಕಿಸಿಕೊಂಡೇ ಬಿಟ್ಟ. ಹಿನ್ನೆಲೆ ಸಂಗೀತ ಬಂದು ರಂಗವನ್ನು ಪ್ರವೇಶಿಸಿ ಮುಖದ ಮೇಲೆ ಬಿದ್ದ ಬೆಳಕು ಸಭಿಕರ ಉದ್ಗಾರಕ್ಕೆ ಒಮ್ಮೆ ಅವಾಕ್ಕಾದ ಮಗು ನಂತರ ಸುಧಾರಿಸಿಕೊಂಡು ಮುಗುಳ್ನಕ್ಕಿತು. ಮತ್ತೆ ಯಶೋಧೆಯೊಂದಿಗೆ ಆಟವಾಡುತ್ತ ತಿರುಗಿದ, ತಟ್ಟೆಯಲ್ಲಿಟ್ಟ ತಿಂಡಿ ತಿಂದ, ಅಮ್ಮ ಚಂದಮಾಮನನ್ನು ತೋರಿಸಿದ್ದನ್ನು ನೋಡಿದ, ಕಚಗುಳಿ ಮಾಡಿದಾಗ ಮನಸಾರೆ ನಕ್ಕ, ಕಣ್ಣಾ ಮುಚ್ಚಾಲೆಯಾಡುವಾಗ ಕೈಗೆ ಸಿಕ್ಕಿ, ಅಮ್ಮನ ಬೆನ್ನಿನ ಮೇಲೆ ಉಪ್ಪು ಮೂಟೆಯಾಗಿ ರಂಗದಿಂದ ನಿರ್ಗಮಿಸಿದ.

    ಸಿದ್ಧತೆ ನಡೆಸುತ್ತಿದ್ದಾಗ ನಾನು ಅಗಣಿತ ಮಹಿಮ, ಮಗುಗಳ ಮಾಣಿಕ್ಯ, ಪರಮಪುರುಷನಾದ ಪುರಂದರ ವಿಠ್ಠಲನನ್ನು ಸ್ತುತಿಸಿ ಅಭಿನಯಿಸುತ್ತಿರುವಾಗಲೆಲ್ಲ ಕೈಕಾಲಿಗೆ ಅಡ್ಡಕಟ್ಟಿ ತಡೆಯುತ್ತಿದ್ದ ಹುಡುಗ ರಂಗದ ಮೇಲೆ ಸುಭಗನಂತೆ ಇದ್ದುದನ್ನು ಕಂಡು ಅಮ್ಮನಾದ ನನಗೇ ಆಶ್ಚರ್ಯ. ನಾನು ಮುಂದಿನ ಪ್ರದರ್ಶನ ಅವಕಾಶಗಳಿಗೆ ಅಭ್ಯಾಸ ನಡೆಸುತ್ತಿದ್ದಂತೆ ಮತ್ತೆ ಮತ್ತೆ ಜಗದೋದ್ಧಾರನ ಅಭಿನಯಿಸುವ ಆಸಕ್ತಿ ತೋರಿಸಿ ಬಾಸ್ಟನ್ ಹಾಗೂ ಕನ್ನೆಕ್ಟಿಕಟ್ ಕನ್ನಡ ಕೂಟಗಳಲ್ಲಿ ನನ್ನೊಂದಿಗೆ ರಂಗದ ಮೇಲೆ ಬಂದು ಖುಷಿ ಪಟ್ಟದ್ದನ್ನು ನಿಮ್ಮೆಲ್ಲರೊಂದಿಗೆ ಹೀಗೆ ಹಂಚಿಕೊಳ್ಳುತ್ತಿದ್ದೇನೆ.

    ಒಂದು ಪ್ರದರ್ಶನದಲ್ಲಿ ಗಣಪನಿಗರ್ಪಿಸಿದ ಬಾಳೆ ಹಣ್ಣು ಬಾಲಕೃಷ್ಣನಿಗೆ ನೈವೇದ್ಯವಾಯಿತು ಇನ್ನೊಂದು ಪ್ರದರ್ಶನದಲ್ಲಿ ತಿನ್ನಲು ಏನೂ ಸಿಕ್ಕದೆ ಕಳ್ಳ ನೋಟ ಬೀರಿ ರಂಗದಿಂದ ಮರೆಯಾಗಲು ಪ್ರಯತ್ನಿಸಿದವನನ್ನು ಪುನಃ ತಿರುಗಿಸಿದ್ದು ಜಾಸ್ತಿಯಾಗಿ ತಲೆ ತಿರುಗಿ ಬಿದ್ದ ಸಹಜ ಸ್ಥಿತಿ ನನ್ನನ್ನೂ ಮತ್ತು ನೆರೆದ ಎಲ್ಲರನ್ನೂ ಅಚ್ಚರಿಗೊಳಿಸಿತ್ತು.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more